—類投稿

#NSS愛情 [GUEST] 我今年F1,小一老豆老母已經離婚然後我跟咗老豆,細佬跟咗老母,由於我老豆成日唔理我,我覺得呢個世界上冇乜人愛我,小三嗰陣對我好好嘅嫲嫲走咗,之後我試過諗唔開,試過自殺 由於我唔係好識得同人相處,準確嚟講應該係唔太理人哋嘅感受,講嘢太直接所以我小學幾乎冇frd,去到小五我鐘意咗一個人,本來想同佢表白,但係咁啱撞正疫情,於是等之後終於可以返學,我話驚再停課所以問咗全班攞電話號碼,其實我想要嘅只有佢嘅電話號碼,但係暑假期間我一直好猶豫,我好驚俾人拒絕,喺大約11月嘅時候我終於同佢表白,點知佢竟然話個腦消化唔到,遲啲再答我 冇幾耐之後,佢同咗佢啲frd講呢件事,然後佢啲frd DM我話其實佢有啲憎我,我睇到之後就同自己講一定係假嘅,佢講笑嘅咁樣,於是我就決定再同佢表白,結果都係一樣,之後佢生日於是我去咗無印買咗$186文具俾佢,然後佢多謝都冇聲,於是我就開始有啲信佢啲frd講嘅嘢,所以我諗住放棄,但係一直都放唔低 直到畢業嗰日,老師俾我哋喺學校度攞電話出嚟用,然後佢俾幾個人睇咗佢幼稚園嘅相,其中一張係佢同一個人kiss,當時我都在場,佢仲要曬命自己有幾條仔,喺嗰陣我都已經死咗半條心,但係考完中學分班試之後,佢竟然冇啦啦喺班Group度鬧我,我忍唔住屌咗佢幾句,之後我就俾人踢咗,有啲喺個group入面嘅人同我講,其實佢只係當我工具人(係唔係咁叫？)之後我喊咗幾個禮拜,嗰陣我只要見到有人放閃,個心就會好似有枝針插住咁樣,之後上到中學嗰陣,我發現自己變得有啲驚異性,可能係因為唔想再去鐘意任何人 Sorry for 1999 其實我寫完之後睇返呢篇嘢,我都唔知自己噏乜

#NSS個人 [Guest] 小女係一個對朋友好有佔有慾嘅人 當我見到佢同人哋傾電話或者出街玩 就會唔開心好耐 有時見到佢online而冇覆我 甚至會覺得佢同佢另外一個frd傾緊 一見到佢同其他人出街但係冇叫埋我 又會超級唔開心 我都明我冇權干涉佢 我亦都好討厭自己成日會咁諗 但係我控制唔到自己會咁諗 所以想問下有冇可以解決嘅方法或者同我身同感受嘅人🥲 sor for 1999

#NSS社會 [GUEST] 小小問題，啲人成日都叫大家勇敢面對自己嘅性取向，要做自己，尊重自己嘅取向同埋為此而驕傲，但係當有人對lgbt有些少意見嘅時候，佢哋就即刻喺度話唔好歧視佢哋，要尊重唔同人嘅性取向。其實如果佢哋真係去做自己，唔理他人目光嘅話，就算人哋歧唔歧視都好，佢哋都唔會理，繼續去做自己，接受自己嘅性取向。做自己同埋要大家唔好歧視其實係自相矛盾嘅嘢，咁究竟係要大家做自己，定係要所有人唔好歧視？究竟想點？ 呢一個問題亦都可以套用喺唔同地方，例如肥胖，叫人唔使特登去減肥，唔使理他人嘅目光，做自己就最好，另一方面就叫人唔好歧視肥胖，咁即係想點？希望有人可以幫我解答到。 Sor for 1999

#NSS個人 [GUEST] 小妹今年F3, 屬於一個唔大唔細嘅年紀。見到身邊都有好多朋友已經出咗pool 。 我想知係點樣覺得自已係鐘意異性定同性，因為我依家就係處於一個又好似對異性同 同性有興趣嘅情況。 （唔係鐘意） 我有時會去ig 睇下女 （ 絕對係正常嘢唔係鹹嘢！> ⤙ < ) 又有時見到靚仔又覺得幾正 ， 有人可能覺得我係bi ? 如果真係我唔太接受到， 我支持同尊重其他人嘅任何性傾向 但硬係如果發生係我身上好似接受唔到咁 º^º 所以亦想問下我算係咩性傾向？thx admin❤️

#NSS愛情 [Guest] 訴苦長文，Sorry for 1999先。 今年中五，拍拖半年，有少少感受想同大家share下。唔好以為日日睇落日日馨馨我我咁，單身既同學唔好羡慕得咁早，其實冇人知道我係背後付出幾多。當然，對鍾意既人好係我自願，但係時間耐左，所謂自願，就變左責任。 拍左拖半年，疫情同樣冇停過，所以平時就會用ig call，一call就係成日，我要就翻距時間，無時無刻ready。最慘係call到淩晨甚至天光，一嘈交就唔洗瞓。平時大約5-6點瞓之前要講下d氹距既野，每日講一個故仔先抖得，其實真係好辛苦，我每日作息係咁，雖然我以前都有熬夜，但係頂多到3點我就霖低。宜家氹完，上床熄燈，已經6到7點，天都光曬，雀仔叫住咁陪我瞓，通常瞓到12點就要起身，刷個牙食d野，就要morning call。我知道ig call呢樣野已經嚴重影響我生活，作息唔定時，冇時間溫書做野，一日call成十幾鐘，私人時間全部貢獻女朋友真係好辛苦。仲要有個啊媽前後夾擊，日日鬧我點解唔做野日日call，大佬，我唔專心聼距講野之後我就收得皮，又唔可以一心二用，加埋我腦裝屎，記性差，我唯有每日瞓覺氹女做功課溫書咁run，慘過翻學。 有次我自己去圖書館自修室做野，電話tune左做靜音，距揾我唔到，call我十幾次，功課途中攰左，拎起電話先睇到，隔左三個鐘，我揾翻距，已讀不回，我知我又收皮了。做好曬d野翻到屋企，已經預料到距會嬲會爆。最後通宵氹翻。 可能我記性唔好，所以有d野經常唔記得，或者頭先講完轉頭又唔記得，我女朋友記性好好，可能係咁距唔太理解到我點解咁甩漏。我知我個腦咩料，所以我用緊本筆記記低緊要野，例如距平時鍾意食咩，距話過想要咩，我做過d咩激嬲距，上一次幾時黎m，總之事無大小我都寫落去，我真係好驚距會問我之前d野，之前衰過幾次，一爆就覆水難收。可能企係距果邊諗，連呢d小事都唔記得算好過分，所以我次次都係吞左距，氹翻就算。 講起爆，我發覺女朋友呢種生物真係好容易爆，就連黎m對距好d都可以爆（問我點解平時唔對距咁好），距黎m，紅糖水係必備，再加暖宮貼同熱既珍珠奶茶送上距門口，講野會溫柔d，避免踩到地雷，點知我個人本身就企係個大地雷上面，最後boom一下，好似係廣島咁。咁樣都可以爆，算，你黎m躁底屬於正常，又生啃左距。 我女朋友既性格係唔會覺得自己有錯，有次我好認真咁同距講距自己有咩問題，當然距嬲左，第二日距正常翻，當我好感動咁以為距終於明我平時相處因小事俾距屌，自己做左講左d咩過分野，平時咁鬼死夜瞓陪距既時候，距話，今次原諒你，氹翻我啦，以後唔準你咁話我。我好明顯feel到距語氣根本唔覺得自己有錯，淨係覺得我無理取鬧，原諒我好似好大方性格好好咁，果下我真係火滾，我直接cut左距由得距。我都唔知我記性差係好事定壞事，第二日就恢復正常，當冇事發生，距始終係我鍾意果個，即使距唔遷就我，我就距就得。 早排距爸爸因為cancer走左，喊得好勁，係距爸爸走左前果兩日我通宵陪距氹距，距係醫院我隨時oncall，距翻到屋企我陪距聼距講野，其實我第一次身邊有人屋企人走左，唔知點氹好，上網揾過話聼距講，陪住距就夠，我跟住做，點知俾距話唔識氹距，叕叒又嬲左。果段時間好想分手，但係我好驚hurt到距，雙重打擊，所以冇左件事。 中學拍拖，俾我感覺好似湊女湊公主咁，要聼晒距話。我真係攰啦，宜家我真係得愛推動緊我去繼續湊住距，我應該點算好？攰到想分，但係又好鍾意距。呢d我唔敢同frd講，之前試過同個最close既frd吐過苦水，距睇唔過眼瞞住我走去揾我條女。最後距又又又嬲左。 最後想問下各位ig fb經驗老道既情聖，系咪拍拖都係咁？ 多謝睇到黎呢度既你地，各位陌生人。 想試禁果既年輕男女，煩請三思，唔好禍害人家。中學做朋友就好，我地冇超能力，冇得時光倒流一句話。 女朋友們，同男友相處可以大事化小小事化了就最好，成日吵交真心好攰，你地只需要知道男友系咪真心對你好中意你就得，我相信真心鍾意你既人會用盡各種方法對你好。 admin pls po ig

#NSS個人 [點解總係聽到人哋話屋企係避風塘?] 第一次投稿，文筆差請見諒🙇🏻‍♀️ 好細個開始我就已經明白我哋屋企人唔係一個好嘅聆聽對象，係我印像中當我講出一啲唔開心嘅事就只會喺度笑，令到我唔再夠膽同佢哋傾訴， 成長當中我遇到好衰嘅老師，受到同學嘅排擠，我唔敢講出嚟，遇到唔開心嘅嘢都唔可以喺佢哋面前喊，因為佢哋唔鍾意； 見到親戚或我父母嘅朋友嗰陣一定要順應父母嘅意思，如果唔係佢哋會表現出厭惡 到我大個咗個心開始逐漸放低嗰陣，認為同齡人應該會理解我嗰陣，發現其實身邊同齡嘅朋友同學係理解唔到我嘅感受，講某件事出嚟嗰陣，佢唔會明白點解當時我要咁樣做？點解我會有咁嘅心情？ 可能係佢唔會遇到呢啲咁嘅嘢，可能係我太奇怪 所以我因此慢慢嘅壓抑落去，我認為我只要做到一個只會笑嘅木偶就得，做到我好似好正常咁樣，我就唔會畀佢哋覺得我麻煩，亦都唔會畀佢哋討厭 但總有一日支撐住木偶嘅線總會斷，就係我中二嘅嗰年，我做出咗一個以往都冇做過嘅嘢，我係我父母面前喊，希望可以睇心理醫生，但換嚟嘅都係佢哋相同嘅話語 [你睇下人哋屋企嘅都唔會好似你咁, 點解你就咁樣？] [ 喺度無端端喊，都唔知你發咩神經] [你有壓力都係自己攞嚟，係你抵死] 所以我嘗試自殘，但當嗰把刀掂到手嘅一刻，我明白其實我唔想起身體上留傷痕，我就用一支磨到好尖嘅鉛筆，係我嘅手臂反反覆覆咁樣寫上幾隻字(我想死)， 雖然手臂已經變到紅腫但只要唔會留下疤痕， 咁樣都可以接受吧？我嘗試令佢哋睇到我手上嘅字，我希望佢哋可以睇到我嘅訴求，但係冇，佢哋冇睇到， 我放棄了 大概 一年多前，我成日頭暈，想嘔， 頭痛，之後因為我去得診所太多次，轉介我去醫院，希望做番個檢查， 發現係有啲問題，雖然醫生就話唔會嚴重到影響生命安全， 但我父母卻因此俾壓力我， 成日認為係我玩得多手機引致，但係明明就唔關事

#NSS社會 [GUEST] 想知大家對mk仔/妹有咩睇法？ 即係成日ig tag埋到唔識嘅人（類似網友咁？？） 周圍認契：阿哥家姐細佬細妹etc之類 Ig名/bio改哂做：收心養性etc Po相：冇樣、p圖p到bg曲哂、一個post tag幾十個人etc

#NSS其他 [guest] 琴日有個friend打俾我，話咩自己有抑鬱，因為覺得人生冇嘢如意。我同佢都幾熟下，佢屋企好融洽，學業都冇問題，又唔少朋友，成日都要懶係唔開心咁，搞到我想當場cut佢線。點解依家啲人咁鬼死鍾意扮抑鬱？如果你真係經歷過啲超慘嘅嘢（留陰影）咁抑鬱合情合理啦，不過而家有啲人少幾百蚊零用、成績差少少、分咗手、同班friend炒咗就亂咁話自己抑鬱真係冇必要囉 不如望吓出面個世界啦，出面幾多人冇飯食、冇地方住呀？其實你地個啲所謂嘅唔開心嘢都係人生必經階段，根本同抑鬱係兩碼事，咪咁港孩啦。啲famj成日開口埋口話界手，為乜？ 抑鬱症唔係笑話嚟㗎，唔可以亂講㗎。大家唔該珍惜下你地有嘅嘢啦，唔好遇到少少唔如意就喺度眩。 Sorry for 1999

#NSS個人 [guest] 我有一個煩惱。 小妹今年16歲，大概係半年前嘅夜晚我嘅x部突然好痕，覺得好多x阻住晒，跟住去左廁所攞刮毛都刮，自此之後就好似上左隱咁，每當啲x生返出嚟嘅時候就忍唔住去剃左佢，有時會搞到過敏好痕，我亦都知道咁樣只係治標不治本，但係我總係忍唔住去剃，好希望廣大網友可以比d意見我，點樣戒左去，thx🙏🏻，唔該Admin post Ig。 . Sor for 1999

#NSS個人 [GUEST] 真人真事 我係一個中三嘅女仔，以前間唔中都會自X下，三四日一次左右 上年開始性欲開始大咗幾倍，一日都要起碼五六次或者以上，就算有人喺屋企，都會喺房自X，甚至喺阿媽阿爸面前偷偷地睇A片，扮去廁所實際係自X，更加誇張到托啲成咗年嘅frd幫我買玩具，每次自X嗰陣就一定會有玩具喺左近，就算冇玩具都可以自己諗到啲情節自X，仲要X埋水，搞到每次一完咗就要搵被遮住濕咗嘅位。 我覺得我自己好羞家，女仔之家做呢啲嘢(可能因為我屋企比較保守啲)，唔知大家會唔會有咩方法可以解決呢個問題？ 麻煩admin幫我睇下會唔會有啲敏感字眼冇X到🙏