—類投稿

#NSS個人 [Guest] 小弟今年F3, 可能因為今年揀科，而且我讀Band 1，在加上成日病，好驚追唔到進度，令到我壓力好大，想問我各位有啲咩減壓方法？Thanks (Admin Pls Po IG)

#NSS個人 [Guest] 小弟今年F3, 可能因為今年揀科，而且我讀Band 1，在加上成日病，好驚追唔到進度，令到我壓力好大，想問我各位有啲咩減壓方法？Thanks (Admin Pls Po IG)

#NSS個人 [GUEST] 應唔應該繼續醫？藥費好貴 小妹係一位患有躁鬱症同焦慮症既留學生，因為疫情驚返唔到黎香港，就帶左好多藥（夠7個月）過黎。啲藥係換過好多次之後，先搵到最適合既藥，而藥費好貴，都成3萬幾… 但最近我發覺我啲藥好似唔係好work，我成日都病發，但啲藥先食左唔夠一半仲咁貴；如果要加藥，我依家食緊既可能就唔可以食。而我都好難拎藥（因為藥係唔可以寄唯有自己飛個陣拎） 其實因為精神病藥真係好貴，每次睇完醫生，屋企人比錢時都好內疚，覺得好對唔住。我好感激屋企人帶我睇醫生，但醫左咁耐我真係好灰，其實係咪真係有用？ 我已經浪費左好多錢係試藥到，我好驚如果又要換藥所有野又從新黎過，再嘥多啲錢…究竟我應唔應該同佢地講？我係咪唔應該再醫 求admin po ig thanks

#NSS個人 [GUEST] 我究竟係咪有抑鬱 前兩三年(p.5)嗰陣，入唔返精英班(唔係因為我care成績所以先想入精英班，而係我啲frd全部都係入面)跟住就開始想自殺。呢個情況斷斷續續直到而家(我f.2) 咁我當然都好懷疑自己有抑鬱，所以都有上網做嗰啲所謂嘅test，但係我都pass左，應該就係冇抑鬱。因為其實我除咗想死之外，都冇失眠嗰啲….. 但係’正常人’唔係應該唔會有想死嘅念頭咩

#NSS學業 [Guest] 小弟讀f3 雖然唔知點解不過而家已經好擔心DSE 由開學第一日起 返到屋企 就即刻攞起本書 每一科都做曬備課 做好晒老師會喺堂上面叫我哋做嘅所有嘢 唔知點解成日都好驚學業 但成績中上大概15/170 成績算好不過真係好驚 驚大個成績太差讀唔到自己想讀嘅medic 搞到每日心情淨係得返個驚字 有冇人同我一樣 可唔可以同我share溫書嘅experience thankyou

#NSS愛情 [GUEST] umm…是咁的介紹返我背景先。 我由小到大都有幾個比我大嘅男性朋友(其中一位其實係同年，簡稱 a)同埋比我細嘅同性朋友。我地幾個嘅父母都係互相認識，都幾friend 。所以大時大節都會有gathering.(不過唔知點解呢幾年變咗淨係一年見一次可能大家都好忙🤷🏻‍♀️) 重點黎啦我發現自己呢一兩年開始對”a”有d興趣 ， 希望可以同佢可以變熟d。但係其實我地一直都冇交換電話，ig ac嗰d。 其實我一直都想同佢交換ig ac ,大家互fol, 但係唔知點樣講出口， 始中我係女仔 ，太主動會唔會唔係咁好？ 如果真係我開口先，又可以點樣自然d攞到佢ig ac。 sor for 1999 Thx Admin!🙏🏻🙏🏻🙏🏻

#NSS學校 [Guest] Admin Please post IG 我係某傳統女校嘅學生 而家某部分嘅09可唔可以自重一下 真心,唔好成日聽到你哋偶像關鍵詞係都尖叫同大嗌好冇？ 我明白可能你見到你idol出席一d event/ comeback會好high 但可唔可以唔好係學校/著住校服係條街到尖叫影響晒啲校風又嘈住晒😀 係條街到著校服大大聲爆粗同舉中指 但要po上story 知自己咪好囉 洗唔洗話比全世界聽🤗 _ 我嚟得投稿預咗比人鬧我😘 Sor for 1999. 最後一句對某部分嘅09講： Shame on

#NSS愛情 [GUEST] 我今年F2，有一個由細識到大嘅男性frd。由5/6 歲開始兩個阿媽就會講‘ 佢哋大個一定拍拖’呢d說話。其實我一路對佢都有d好感，but 我唔夠膽表白，我怕frd都無得做。但係佢移咗民，仲要短期內都唔返HK，我好confuse，我應該表白嗎？

#NSS愛情 [GUest] 頂你個肺😐純友誼喎 話說小弟F3有個女朋友✌🏻咁佢呢就有個感情好好嘅異性朋友（下稱M）😊好到點呢,停課嗰排佢日日同M call仲要傾到好晏😐我頂佢個肺,究竟常我咩。 Ok fine 咁都算 佢仲要成日同M出街😊M又幫佢綁鞋帶,仲要po story羞唔羞恥。咁我啲frd有follow佢ig,啲frd就問我,嗰個邊個嚟點解會幫你條女幫鞋帶。仲話佢哋似情侶😐咁之後我問返佢,點解會俾M幫佢綁鞋帶。佢仲若無其事咁話“有咩問題😅唔方便咪佢幫我綁囉”。仲要加多句唔使呷醋喎!我哋Frd嚟架啫。 仲有一次!呢次又係好仆街 咁M生日,我條女咪出story囉🥸 內容大概係 生日快樂吖👧🏻❤️🎂 要開開心心……. （省略下文,放重點） 要繼續陪我啊Bb🐷💜 總之就係用埋各種顏色嘅心心 我就係港人問號哂 嗰晚佢哋又call到凌晨 你老味!我又唔係話唔俾你有異性朋友😅至少你俾啲分寸好喎🥲乜撚嘢異性close frd喎!仲話純友誼喎😅 想問各位大神我可以點解令佢知道佢過份咗 佢都有fol呢個page😂 Sor

#NSS個人 [香港島某中學] 究竟係愛定係純粹想做朋友？ 小妺小學同中學都係女校，所以係甚少可以認識到男仔，由細到大都一直覺得自己係直，直到上年係班上面遇到一個同學…… 由一開學嘅時候，其實佢唔係太討我好，一直都覺得佢唔順眼。但係直到學期尾，調位調左去坐佢左邊隔離，慢慢先真正了解同認識佢，慢慢就對佢有好感，亦都好想同佢做朋友。有一次，我聽到佢笑，見到佢個樣，傻傻地得來，又有啲可愛，我自己都唔覺意咁嘴角向上揚左。亦都越嚟越想接近佢，有時佢會唔覺意掂到我或者捉住我隻手講嘢，甚至同我有眼神接觸。我心跳會好快，內心係開心，但身體係僵硬嘅。 之後每日返學見到佢，都會好尷尬，見到佢同其他人講嘢嘅時候，心裏面又會呷醋。好想展開對話，但係見到佢嘅時候腦會一片空白。 返到屋企，沉思咗好耐，亦都上網查咗好耐，究竟點樣分係愛定係想做朋友。自問，佢真係唔多吸引，但係莫名地就成日會諗起佢，亦都會成日想搵佢講嘢。 自己唔介意自己係bi，介意嘅係誤會咗自己對佢嘅感覺，件事其實過咗好耐，一直都好想知道究竟係真係愛定係純粹想做朋友，我亦都一直同自己講，我只係想同佢做朋友。 直到前幾日，突然之間諗返起上年同佢嘅所有事（eg. 傾偈，玩，笑），無啦啦喺度喊，真係唔知點解會喊，有可能係掛住佢掛。 小妹好攰，唔想再糾纏係呢啲事度，但係無論自己做乜嘢都好，腦海都會飄出佢個樣同埋佢把聲。 所以小妹好希望得到一個答案，究竟係愛定係純粹想做朋友？ 希望得到一個答案之後，小妹可以接受同真正咁放低件事，唔想呢件事再繼續影響我嘅生活。 希望各位高人可以指點迷津，解釋一下呢兩種只有一線之差嘅感覺，係點樣分辨。感謝大家！ Sor for 1999