—類投稿

#NSS個人 [香港島某中學] 究竟係愛定係純粹想做朋友？ 小妺小學同中學都係女校，所以係甚少可以認識到男仔，由細到大都一直覺得自己係直，直到上年係班上面遇到一個同學…… 由一開學嘅時候，其實佢唔係太討我好，一直都覺得佢唔順眼。但係直到學期尾，調位調左去坐佢左邊隔離，慢慢先真正了解同認識佢，慢慢就對佢有好感，亦都好想同佢做朋友。有一次，我聽到佢笑，見到佢個樣，傻傻地得來，又有啲可愛，我自己都唔覺意咁嘴角向上揚左。亦都越嚟越想接近佢，有時佢會唔覺意掂到我或者捉住我隻手講嘢，甚至同我有眼神接觸。我心跳會好快，內心係開心，但身體係僵硬嘅。 之後每日返學見到佢，都會好尷尬，見到佢同其他人講嘢嘅時候，心裏面又會呷醋。好想展開對話，但係見到佢嘅時候腦會一片空白。 返到屋企，沉思咗好耐，亦都上網查咗好耐，究竟點樣分係愛定係想做朋友。自問，佢真係唔多吸引，但係莫名地就成日會諗起佢，亦都會成日想搵佢講嘢。 自己唔介意自己係bi，介意嘅係誤會咗自己對佢嘅感覺，件事其實過咗好耐，一直都好想知道究竟係真係愛定係純粹想做朋友，我亦都一直同自己講，我只係想同佢做朋友。 直到前幾日，突然之間諗返起上年同佢嘅所有事（eg. 傾偈，玩，笑），無啦啦喺度喊，真係唔知點解會喊，有可能係掛住佢掛。 小妹好攰，唔想再糾纏係呢啲事度，但係無論自己做乜嘢都好，腦海都會飄出佢個樣同埋佢把聲。 所以小妹好希望得到一個答案，究竟係愛定係純粹想做朋友？ 希望得到一個答案之後，小妹可以接受同真正咁放低件事，唔想呢件事再繼續影響我嘅生活。 希望各位高人可以指點迷津，解釋一下呢兩種只有一線之差嘅感覺，係點樣分辨。感謝大家！ Sor for 1999

#NSS個人 [Guest] 如果自己唔想掂大陸野，(見到人哋講普通話會好反感)但係香港Apps冇得睇，咁我係咪應該要玩抖音或者小紅書嗰啲，（出街見到人哋睇抖音會覺得好無奈）

#NSS愛情 [GUEST] 長話短說啦，咁小弟我有啲鏡意我個朋友，基本上佢係我最close嘅女性朋友，我哋兩個之間一直都好friend。之前我哋兩個都各自有男女朋友，所以都冇對佢有朋友以上嘅好感。但係前排我哋兩個都入番池🌚 然後又傾計比之前又傾多咗，好似覺得自己有啲鐘意佢😮‍💨我覺得佢對我都有啲好感（雖然唔知係咪錯覺）所以表白嘅話佢應該會答應。但係掙扎點就係我驚我哋如果分手，咁我哋多年嘅友誼冇咗真係好可惜。。。我好驚如果分手嘅話會失去佢。有時真係覺得自己好細膽😂 麻煩各位可唔可以番啲意見我？或者用力屌醒我都好😂 我應該表白定係繼續做朋友？ 希望admin可以揀到我呢個post，辛苦晒各位admin🙇🏽‍♂️ sorry for 1999

#NSS愛情 [GUEST] 大家對中一話者中二就拍拖有咩諗法

#NSS社會 [GUEST] 其實大家覺得Famj同Mk有咩分別？ 我覺得超有分別, MK嗰啲關係真係超亂

#NSS愛情 [Guest] 真係唔知點算好… 話說我有個識咗3個幾月嘅男朋友 一開始暑假個陣時都成日傾計 但係就冇乜點約出嚟 冇野做嘅時候都會打電話同佢傾下 之後去到8月尾嗰陣 我同佢照常傾計 但係佢就開始已讀 搵左佢幾次都係咁 到最後我都冇乜再搵佢 始終我都以為佢忙(因為佢夜晚又要補習 而我又升上Form 5 所以我想問下有冇建議可以改善一下我地而家嘅關係😔 Thanks Admin🙏

#NSS個人 [[GUEST]] 我真係唔想由八個人變做六個人,但係做和事佬真係好煩🤯 長文慎入 三個主要朋友下稱A,B,C – 我f2,係f1嘅時候識咗一班frd其實我哋八個人一路以嚟感情都好好,但係自從升咗去唔同嘅班就變咗。開咗學咁耐有幾個都唔去其他班搵我哋。 – 事源就因為朋友A淨係想同朋友B出街但係朋友C成日都跟住佢哋,搞到朋友 A呷醋。有一日我哋放學A同B自己去咗食飯冇同其他人講 咁C其實一早就知係A唔想佢癡埋去一齊。 – C覺得既然A唔想佢癡埋去不如就講出嚟唔好直接走咗去又唔講聲所以就嬲咗。但係A又成日顧及人哋感受唔好意思直接講出嚟,咁我作為佢哋嘅朋友咪幫手做下和事佬咯,但係佢地雙方都認為自己係啱嗰個 完全冇將我講嘅嘢聽入耳 – 其實我有諗過直接喺個group度叫佢哋不如大家講聲對唔住退一步就算,但係我已經expect到因為C已經退咗group所以剩低嗰啲只會話明明係C嘅錯點解要我哋道歉。 – 我真係唔想我哋嘅友誼就因為件咁小嘅事而散開,我願意做和事佬 但係我覺得如果我已經expect講完嘅後果我就唔會想講出嚟。 – 我真心想佢哋和好,呢件事係我個腦度令到我好煩好傷心。有冇咩方法幫我…..？ 求admin post ig plss

#NSS個人 [沙田某校] 小妹啱啱F.1，學業上都適應到，d師兄師姐都好好人，但係我覺得有少少無形嘅壓力，同呀媽傾過，呀媽話如果考試測驗冇90分就會收電話，因為我小學都係咁，而我每次都只係80幾分，被人打過無數次（不過三四年就冇打我）不過之後都同佢講80幾已經好勁，佢聽完都話冇問題，但係我自己唔係幾想留班，想問下大家，壓力係咪嚟自我自己？ 同埋本身屋企經濟上都唔好，由細到大經濟都唔穩定，再加上我係大家姐，好多時都要做好多嘢，所以我會唔會好多壓力嚟自嚟到 p.s.sor for 1999，第一次投稿，唔係幾識表達

#NSS學業 [Guest] 純發洩 完全無心向學，每日為咗讀書而讀書，但係又想讀到中六，而家先F2，成績差到嘔，功課全部抄，又唔溫書，好悲哀，完全冇興趣，我呢啲只可以做地底泥，洗碗工，地盤，sales，上年仲要差啲留班，一世住公屋，俾人睇唔起，我都想嘗試努力去讀，懶，同埋甘願俾人睇死，讀書完全唔知為乜，搵份好工、讀大學？人最後都要死。

#NSS個人 [guest] 小妹今年中五，我覺得自己有焦慮症，想睇醫生，但係我唔知應該去邊到睇…. 因為呢個問題困擾咗我好耐，而我又唔打算同屋企人或者朋友講，所以陣係可以用自己啲零用錢睇醫生，唔可以睇太貴嘅醫生… 同埋，焦慮症應該睇咩科，去邊到睇… Sor for 1919