—類投稿

#NSS學校 [GUEST] 希望adnim可以po啦🙌🏻 我今年from3 今個學年我轉咗校 一開頭我係信心滿滿咁認為可以很快適應到新學校嘅環境 點知完全同我諗嘅完全唔同 一返到學校 我發現我果班嘅同學全部都有識嘅人 差唔多全部人都可以傾得埋 佢地講果啲關於暑期功課啊 老師啊 之前喺學校發生過嘅嘢啊 我完全聽唔明 完全唔知佢哋講緊啲乜嘢 想融入佢哋都融入唔到 佢哋個個都有自己嘅frd喺學校 宜家開咗學差唔多兩個禮拜 我一個可以傾計嘅人都冇 我完全識唔到frd 而且呢間學校同我之前嗰間有啲差別 我宜家果間學校啲默書排得好密 而且好多 我之前果間學校係差唔多完全冇默書嘅 而且呢間學校啲功課都比較多

#NSS個人 [Guest] 小妹讀近女校 覺得自己好似鐘意咗一個女同學 我同佢唔係識咗好耐(大概1年幾)，唔算太frd嗰種，近排升f3之後每次見到佢都好想㩜住佢同拖佢隻手，同佢對望既時候會心跳加速+面紅 我唔知自己係唔係鍾意佢，佢又好似好乖嗰種學生，所以一直唔敢開口講，驚嚇親佢，但係又擔心自己有一日忍唔住拖咗上去，我應該點做 Sor for 1999 圖Link: https://ibb.co/M8FWgZm

#NSS學業 [GUEST] 我今年中四 之前選科就入到健社同埋生物 我將來諗住做職業治療師 咁我想請問下應該去澳洲定係英國留學會比較好 有邊間學校可以推介 同埋幾時去會比較好 求指教 第一次投稿 Sor for 1999

#NSS愛情 [GUEST] 我鍾意咗我個學校阿sir 阿sir31歲 我已經好長時間冇鍾意過人 btw我係高form 唔係犯中二病🤣🤣 次次見到佢都會好開心 見到佢同其他女學生講野都會呷醋 總之我依家真係好鍾意佢 但係佢有女朋友🥺 所以我地之間係冇可能 唉 好傷心 但身邊frd冇人有過呢種愛而不得(我知呢個成語誇張左小小又on9左小小 不過請讓我mk嚇) 依家日日聽悲傷情歌😢 上堂嗰時我哋有時對望 好想就咁一直望落去 都好想溝佢 但係人哋有女🥲 同埋我淨係一個中學生 總之我就係想表達嚇呢種自己鍾意嘅人就係眼前 但有乜都唔做得嘅感覺 唉

#NSS學校 [GUEST] 小妹今年F2,學校有個friend間稱A,唔知佢發咩神經,好似我得罪咗佢全家咁。小妹我 做Prefect嘅,有一次返到學校我已經好攰唔想再行咁多層樓梯,想麻煩一下佢幫我拎下書包上去班房。我個書包係同冇裝過野一樣嘅重量(擺locker)見到佢黑晒面咁講:唔要啊我好驚啊! 都唔知佢驚乜 我成日都幫佢做野使唔使咁，其實都有啲嬲不過人哋都唔一定要幫我拎。咁我咪諗住直接去當值，之後都係決定擺返個書包上去先，就行咗另外一條樓梯(A嗰條多人) 上到課室A又喺度狡辯:不嬲想幫你拎嘅不過你走咗囉!(A份人好鍾意推晒啲嘢落人哋度)我聽到之後真係唔想同佢講嘢囉。 之後A就同晒同我哋friend嗰兩個人講簡稱B,C。A就誇大成件事同B,C講，想令到B,C唔鍾意我，小妹同C係小學同學，同B都傾得埋，可能就係因為咁佢嘅妒忌心就出咗嚟。之後B就過嚟同我講話A話我因為唔幫佢拎書包而嬲佢。嗰陣我當緊值但係我心裏面已經無限句粗口想爆出嚟。到今日佢都係Prefect嚟嘅佢當值，佢就叫B陪佢，咁我想還返本書比人，叫佢等我幾分鐘佢就西口西面咁講我要當值啊唔要啊～但係其實如果唔係B佢落去當值，佢都會等。到放學，A帶住B行到勁快咁走咗冇等我同C。之後A同C放學去食嘢冇叫埋我，因為我話我放學要返屋企先約左人，但係之後因為未夠鐘我都可以去食嘢，A就西口西面咁唔歡迎我，但係C就歡迎嘅。食嘢嗰陣A個樣好似我同C Bully佢咁。跟住我都唔係好鍾意同A出街，成日喺度作故仔曬命，仲要係作到好假(小學雞手法)例如有一次我行Muji 見到有襪我講句好靚啫A就識少少扮代表囉，我有着過啊佢超好着囉～我聽到呢啲嘢已經習以為常，就諗住屌佢幾句，我就求其作啲嘢出黎問吓佢，我就話咁你點洗㗎？咁跟住A就答我洗衣機，跟住我就話下你又話你着嗰啲襪唔可以洗衣機洗個喎。就係我呢句話就令到A口啞啞，好難唔信A喺度作故仔，之後佢就話係我阿媽着啊～咩事笑死我我話你著而家又話你阿媽着你想點啊？ 小妹想問吓仲應唔應該同佢做朋友 佢會似住B,C信A 就會開始講我壞話之後就會同B，C排斥我 F1嗰陣佢已經同另外一條友排斥過我 但係而家佢冇friend先黐埋嚟我嗰度。 唔想歷史重演。 唔講咁多如果有人想知嘅話會出下續 Sorry for 1999🤦🏻‍♀️

#NSS個人 [Guest] Hello~ 我想問下有冇人同我一樣聽到魔術貼撕開嘅聲音嘅時候會喉嚨痕 因為我由幼稚園開始已經係咁樣，搭校巴嘅時候幼稚園嘅同學好鍾意撕開自己對鞋嘅魔術貼 ，嗰陣時淨係會喉嚨痕。一直到小學都係咁，但中學差唔多開始嘅時候發現自己聽到會喉嚨痕加好似唞唔到氣咁。 同左屋企人講但係佢哋覺得我奇怪 想問吓有冇人同我一樣？

#NSS家庭 [我都唔知] 是咁的小妹嘅家庭十分不和睦，然後今日我老 豆同啊哥就發生咗小小爭執，然後他就同我啊媽講想帶理佢般走，咁佢都有問我想唔想走，其實我之前都有同佢講，不過可能當我係玩下嘢，點知佢就同我講啊哥話我無用，唔識自己照顧自己，淨係識問人要飯，其實自從我上咗band3中學，之後就一直係咁，但係我又無能力去搵錢，我都好努力去經營ig shop去搵錢，買自己想要嘅野，但係你成日問啊媽攞錢，又無交租， 搞到佢咁大壓力，雖然我講到佢係咁樣好似唔係幾好， 我都好想快啲返工賺錢㗎， 但係年齡唔夠， 而家佢淨係話帶啊媽走， 我唔想佢哋抌低我，我都想顯得我自己成熟啲。 sorry可能我寫得好亂加上無重點， 純粹發洩一下？感謝大家睇到而家

#NSS個人 [guest] 我想問下平時睇多啲英文文章，將啲唔識嘅英文生字記落薄。得閒就睇下咁，英文會唔會進步？ 同埋想問下大家英文點進步🙏🏻

#NSS學校 [GUEST] 小妹今年F.3，原班直升但就多咗幾個大陸嚟嘅插班生.. 咁本身都冇乜問題，但其中一個插班生就坐喺我最frd嘅朋友前面，雖然我坐喺佢好遠距離(隔咗2行)，但佢上堂有咩唔識嘅問題都會問我同我朋友，一開始都幾鍾意佢，覺得冇乜問題。 但就唔知係咪因為我同我朋友2個人成日幫助佢，佢就成日痴住我哋2個，例如：小息，放學同去其他課室分位坐都跟住我哋2個，有時候佢會企咗係我哋2個中間分開咗我同我朋友… 我本身真係唔鍾意3人友誼(因為之前經歷過)宜家真係唔知點算，日日都跟住我哋2個🥲我有諗過同我朋友講，但又驚佢話我… 唔知你哋有冇試過咁樣情況🥲

#NSS個人 [GUEST] 小弟覺得自己係個垃圾，畀人話戇鳩，又玻璃心，又爛口，又唔識點搞人際關係，好似做過朋友嘅人，最後都有分去傷害自己，由細個開始，好似永遠無真心嘅朋友，做到朋友嘅人，最後都只會排斥又或者背叛自己，即使有朋友，亦都好介意佢哋嘅批評，為咗唔令自己介意，我只可以串返佢哋，老實講，我真係好唔識處理呢啲問題，亦都因為幾次畀人傷害，我已經唔係好想再接觸唔識嘅人，永遠自己都係最差嘅人，學業成績 運動同音樂嘅細胞，呢啲嘢自己都輸蝕畀人，每次談及目標同夢想，我都好難答到人哋，又或者用講笑嘅方式敷衍佢，自己好似淨係寄生喺網絡，只係希望獲得一啲認同或者快樂，最後嘅結果只係令自己自尊受損，打個機反都會畀人踩，有時睇到IG啲人好開心，自己都會偷偷地喊。其實我真係好希望有一個支持自己弱小心靈嘅人，但係經過兩次感情上嘅傷之後，我對愛情接近失望，我畀自己好鍾意嘅女仔深深咁傷害咗，而我個ex曾經帶我走出傷痛，但係喺我最需要佢嘅時候，佢離開咗我，對我嚟講呢幾件事已經好難承受到，可能我真係非常玻璃心啦。 Sor for 1999 Admin plz po IG 辛苦了 唔該大家屌細力啲