—類投稿

#NSS家庭 [Guest] 小妹今年F4,有個讀F2啲細佬。事緣係佢最近識咗個朋友，咁個朋友就食煙嘅，俗稱A。自從佢個A朋友今年留班之後，就成日同佢一齊，仲會教壞佢。咁佢另外有個朋友喺網上認識嘅，俗稱B，今日就喺IG寫真心話，我本身冇fol阿B，但係就唔小心碌IG見到佢出Story，就撳咗入去睇！ 見到佢寫真心話嘅時候提及過我細佬曾經同佢講過話佢好想食煙，其實，我自己都想佢同啲正正常常嘅人做朋友(至少唔好係嗰啲MK得來又柒，本身MK唔緊要(喺嗰個年紀係會鍾意扮)，佢啲friend個個都覺得食煙好撚有型，嗰啲人我先認為係最大嘅問題，佢哋仲會po IG po自己食煙)但係又唔知點同佢開口講好，唔想佢覺得我似阿媽feel 嗰種性格，所以通常都係好婉轉講。但係唔知佢係聽唔明定係唔想聽，好似若無其事咁。 我唔知道呢一件事，應唔應該話俾屋企人聽，話俾佢聽又驚傷害我哋兩個之間嘅感情，依家佢IG block 左我Story，因為佢怕我知道佢想食煙，之後話俾屋企人知，但係佢又蠢咗唔記得叫佢個朋友block我，我就唔想佢繼續壞落去，亦都唔想傷害我哋兩個之間嘅感情，我可以點做🙏🏻🙏🏻 sorry for199🥴🙇🏻‍♀️ 麻煩admin幫我po相IG，thx🙏🏻🙇🏻‍♀️

#NSS其他 [GUEST] 小妹想問下大家有冇比人性騷擾/侵犯過，可能你地會覺得呢啲嘢好少見啦就算有都唔會發生喺我身上、我又唔靚女又肥又矮邊會比人睇上之類，但我想提醒下大家係唔可以唔重視呢樣野。罪犯睇上你其實好可能係因為你唔顯眼啦，例如矮，或者係你望落去好細膽之類，唔一定係要靚女又瘦身材又好先會睇上你。 個人就經歷過兩次比人性騷擾/侵犯嘅事，但唔想分享，不過兩次都係坐交通工具發生，大家坐交通工具嘅時候就可以注意下周圍男仔(唔係性別歧視只係大部分都係男仔會做呢啲嘢)，注意就唔係話望樣之類，而係注意佢地距離你近唔近，如果企得好埋就要注意一下，就算係阿伯阿叔大學生中學生都要留意。如果你係咩背囊咁可以將個背囊擺去前面，如果係斜背包最好都移去前面啦。同埋盡量唔好靠牆/角落位，企車中間有咩事都容易走動。咁如果佢企得好埋你又走唔到就要諗定點樣走，可以當然就直接行走，但如果你咁唔好彩企角落位/挨牆就可以扮落車講唔該謝謝之類離開現場。保護自己就算唔肯定都走左先。咁如果真係走唔到點算，首先你要諗好如果佢真係非禮你/做不雅動作你要講咩，個人第一次係驚訝到變態非禮等等嘅字喺腦度消失完全諗唔到，如果真係諗唔到你就要大大聲講你做咩啊之類，令到其他人留意到你，咁佢就應該唔會再做。如果你係想要報警處理之類，你就唔理用咩直接記得事發地點(咩站)時間 罪犯咩樣身高身形咩衫咩褲等等，就算佢走鬼左都可以cctv搵翻。 上面講嘅其實應該都係Common sense，但有時候真係會唔記得，咁就梗係希望大家唔會遇到但係遇到都要知點應對，如果見到呢啲嘢發生都要講/影相證明blablabla大家應該知點做。 sorry for 1999同埋喺度9up

#NSS個人 [GUEST] 救命想知點同人傾 尷到想喊 點開話題

#NSS個人 [GUEST] 有件事比較困惑我 小妹今年做班長啦 咁我份人係比較鍾意笑同多嘢講 所以有陣時可能比較嘈咗少少 跟住有幾個同學就同我講話身為班長唔好再笑 又叫我唔好同人傾偈 但係我諗下我自己又冇唔盡責任 老師叫做嘅嘢全部都有做 上堂都係專心冇乜傾計 只係可能小息同朋友癲咗少少 真心唔明點解佢哋因為我係班長就呢樣唔畀我嗰樣唔畀我做 有一個仲話如果我再傾計就同老師講 真心完全唔明佢哋做咩咁樣😿😿😿 sorry for 1999 thx admin🙏

#NSS個人 [school] 本人依家form3，我本身都幾鍾意傾計，只要係熟咗就有好多話題傾，不過由上年升咗form2之後起自己班識唔到真心朋友，之前嘅朋友都同我唔同班，所以已經冇咩點同佢哋傾計，漸漸地佢哋已經搵咗其他人代替我。而依家我識嗰啲人唔係hea我就係攞我著數，去揾人哋傾計人哋又嫌我煩，而家每一日都覺得好寂寞，總之就係唔開心，希望有人可以分享下做邊緣人嘅樂趣。

#NSS學校 [N/A] 我鍾意咗個女仔，但係我發現我有個friend個album入面有個女仔嘅好多相,我應唔應該講比個女仔聽呢？

#NSS個人 [Guest] 大家好🙋🏻‍♀️我今年中六，我每日返學都會搭巴士，巴士入面有個男仔我一直都好留意佢，其實我每日都勁想佢坐我隔離！但係佢通常都唔會坐我隔離。我感覺上佢係細過我，我都對佢幾有好感，其實我想去主動同佢講嘢，但係又好怕羞，我都唔知點算好呀！萬一我同佢講嘢之後佢就唔再搭呢一程巴士咁點😵‍💫哎呀好糾結啊！！大家可唔可以俾啲意見我呀😵‍💫🙏🏻

#NSS學校 [Gust] 小女今年F3,但有一個問題困擾咗我好耐,就係我無法融入自己班 其實呢個問題從小6嘅時候就好擔心,但都冇宜家咁嚴重。果然,升到F1嘅時候真係發生咁情況。我係讀女校嘅,所以有大部分同學都係有追星嘅,而我就對追星冇乜興趣,但對睇動漫有啲少少興趣,但有只有幾人同我有一樣嘅興趣,所以我大多時候都只可以同呢幾多人傾偈或者一齊玩 有冇人可以話俾我知我可以點先可以快啲融入自己班?

#NSS家庭 [cwc] 我好懷疑自己係咪應該係呢個世界上會出現。 長文慎入 由細到大我阿爸阿媽都唔信我，有一次我小學生四年級嘅時候，有個男仔問我抄功課，我唔肯畀佢，佢就屈我同老師講我偷咗佢啲錢，話我偷咗佢70蚊，之後小學老師搵我阿爸阿媽講返成件事比佢哋聽。我已經看到佢哋解釋過無數次，我真係冇偷過嘢，佢哋都係唔信我，把我人仔細細喺度偷嘢，我記得嗰一晚我阿爸阿媽唔俾我返屋企，我係屋企門口都瞓著咗。之後嗰一排學校有咩嘢需要簽名，我阿爸阿媽吾肯同我簽，搞到我欠通告都欠咗個小過。我阿爸不嬲都唔鍾意我姨媽，有一次我阿爸諗住搞個家庭聚會，佢請曬我公公婆婆舅父舅母嗰啲，我都冇請我姨媽，之後我阿媽問點解，我阿爸就迫我講大話話因為佢唔得閒，但係我阿媽唔信佢又問我講個事實出嚟，到時候我講咗畀我阿媽聽，我阿爸睇唔過眼，直接攞條毛巾箍住我條頸，係真係呼吸唔到嗰種。到今日我已經f4，學校就特別多嗰啲要寫作文，要喺網上邊寫，要寫大概1000字，噉對於我嚟講都需要啲時間，呢次今日放學之後我一直都係喺電腦面前打字。之後我阿媽無啦啦過嚟問我我做咩喺度打機，成績咁差，仲喺度打機，我已經同佢講過話我喺度做緊功課。邊有可能有咁多網上功課啊仆街，日日淨係呃我。鬧完之後又開始講番之前啲野，之後掉爛曬屋企嗰啲陶瓷碟，抌咗喺我部手提電腦度，我部手提電腦電腦成個mon爛咗，部電腦入邊有啲我做咗好耐嘅grp project， 作文等。佢仲話，其實我已經忍咗你好耐，你唔好逼我即刻跳樓俾你睇。呢篇文我真係喊住打出嚟。 sor for 1999

#NSS個人 [guest] (我用電腦鍵盤打速成很麻煩,又不會打倉頡,用注音見諒一下) 升上中學四年級後發現時間的確少了 以前回到家都不管功課 直接打電動的 第二天回到學校再做 現在功課倍增 為了做想做的事 回到家都要做好(終於要做到學生的本分了) 但也不是說會沒時間拉 只是要從平常的時間多抽一點來做學校東西 幸好現在只上半天 不然沒時間做自己事 好了 各位看完小妹我的廢文了 要嘴小妹我自便 圖Link: https://ibb.co/qWK66Zk