#NSS個人 [CIE] 我應該俾咩意見我朋友好？ 話說我朋友係一間舞蹈學校學左10年以上，前日去佢同我講唔知好唔好再繼續學落去。 佢同我講主要有兩個原因： 第一，佢間學校每年暑假都會有一場表演，我朋友同佢啲同學冇參加，有參加表演ge同學就會同我ge朋友同埋佢d同學一齊上。( 我朋友同佢同學本身嗰個係考試班，專for佢地用妮練考試動作。)佢個miss就擺曬d時間係d會參加表演嘅同學度,對佢同埋佢啲同學可以做到完全不聞不問，最多係最後同佢哋係感椅mark翻d動作。 佢有一個同學有同過學校反應依個問題，但係學校由7月中到依家都無覆過佢同學。 最後佢地同reception講話唔想再上miss個堂，因為佢地覺得哂時間。 Reception 揾咗校長同佢地傾，校長話佢地好眼淺，一啲遠見都冇，要佢地一齊跳表演係為咗佢地好，仲話有啲動作同佢地本身嘅grade有關。之後突然話我朋友係咁多個人入面年紀最大，其他連中學都未畢業，佢應該要俾佢地更加成熟，更加諗到我嘅用意。 我朋友聽完之後就覺得個心好唔舒服， 佢唔明點解校長要咁樣同佢講。 第二，佢覺得佢本身條件唔好(例如柔軟度同體能)，唔學只係時間ge問題。 佢就因為依件事就問我意見，但係我真係唔知點同佢講，叫佢唔學又好似太直接。我應該要點做？
#NSS學校 [guest] 係咁嘅，小妹今年13，喺學校有3個特別friend嘅同學，不過呢排發生咗啲嘢，想向大家請教下，事緣係咁嘅 K(由P1識到而家,住我屋企附近），B(識咗10年嘅，由幼稚園識到而家），R (P1識，不嬲都唔係特別熟）同我一齊落樓下小賣部買嘢食，之後傾起前幾日我哋健康檢查磅重磅重磅在幾多kg，係我哋四個當中，我算係最重 5x kg, 我亦都知K,B佢哋嘅體重，所以我哋就一齊問下R, 佢就喺度話我好重，之後我就話返佢係唔係6x kg（當時講吓笑）講完之後佢就開始鬧我，我買完嘢食，準備行返去位坐低嗰陣，我叫佢退後少少，佢就開始鬧我，又爆粗口又鬼死咁大聲，影響埋隔離嗰啲F1，鬧我做咩叫佢退埋少少，我真係完全唔知係咩事，無端端做咩鬧我，返上房嗰陣 B同我講頭先R 鬧我佢覺得好尷尬，仲喺度話點解R 無端端發脾氣，去到第二個小息，K,B 同我講話 R上一個小息痴咗線，又話可能嚟M心情唔好嬲，又話佢今日心情唔好，因為咁樣我哋之後嗰兩個小息都同佢保持距離，仲開始諗住踢佢出去我哋個whatsapp grp，再加上之前佢無端端暑假嗰陣朝頭早七點幾不停send一啲小學雞game link俾我哋，仲要嘈醒咗 B同我，咁我哋都算啦，開咗學之後都冇事。 放咗學之後，我哋趁佢冇電話跟身嗰陣，商量應唔應該踢佢出去，我真係忍唔住踢咗佢出去，過咗冇幾耐佢就開始鬧我，又話今朝我hurt咗佢，又話我哋平時喺學校打+鬧（全部都係講吓笑，打都唔係好大力），頂左我哋好耐，嗰陣我心諗，點解你又唔講？咁佢都hurt咗我啦, 話我冇腦因為我留班，iq鬼死咁低，又話我數學呢樣渣嗰樣渣，仲話我留班係我抵死。之後又無端端鬧我係 coward, bitch，認真鬧我呢啲我又唔會話傷心or好嬲，佢仲要話我今朝叫佢退過少少嗰陣推咗佢少少，咁我不如話埋上年 佢隻腳爭啲仆死我？但係全程都係我錯？我究竟有冇做錯我自己完全唔清楚🥲
#NSS學業 [Guest?] 想問下覺得去外國讀書去英國定係加拿大好 我今年form 3英文ok唔差，全級頭幾個嗰啲。咁屋企人就想我去外國讀書。咁有個問題。啊媽Prefer 我去英國佢話英國讀書好啲。咁唔係我唔想去，但我部份屋企人喺加拿大，咁佢哋又想我去加拿大，咁由細到大都係話要去加拿大讀書（不過最後唔知咩原因冇實行到）.到而家係要揀去邊度啦，都唔知點揀好。英國確實係讀書好啲，但係加拿大都唔會差得去邊，同埋都係有屋企人喺嗰邊（都係比較親近嘅屋企人，過咗去好耐好掛住）（如果去英國係寄宿，即係住喺學校嗰啲） 所以想問吓大家會點揀 If 文筆唔流暢pls don’t 屌
#NSS學業 [荃灣區嘅Band 3中學] 而家F4，都已經上咗兩三個禮拜堂 我真係好後悔讀垃圾旅遊與款待 當初唔係我想讀 我當初係揀chem 點知學校將我哋啲位俾咗插班生先 我哋原本大約嗰個人數 俾咗三四個出邊 原本我啱啱好最尾嗰幾個入㗎 就係因為啲插班生搞到冇得讀 派咗一科我根本唔想讀嘅科 個結果好唔理想 跟住梗係即刻去上訴啦 但係個上訴機制係廢啊 佢純粹就同你講你個成績唔夠插班生勁 所以你都係讀呢科啦 我睇唔起你讀理科 我心諗阿Sir 你又未教過我 你又唔係chem 嘅老師 你亦都唔係好老師 你收9皮la