—類投稿

#NSS家庭 [[GUEST]] 小弟有社恐 是咁的，小弟自細都比較內向，自停課開始就冇乜出街，講少咗嘢，加上屋企關係唔太好，所以都好少同屋企人講好少嘢。 最近出返街，參加活動，發現自己行路都少少怪，唔識同人講嘢基本，企定定手都唔知擺邊，嚇走好多人。 呢排屋企人溫返我講嘢，但係我自己份人又冇乜耐心，加上覺得自己都f3可以獨立少少，所以成日都hea覆+用反問句，自然畀佢哋鬧爆，好辛苦。 想問下各位點樣可以改善社恐嘅問題，同埋同屋企人相處應該咩態度，係咪應該獨立少少？

#NSS個人 [Guest] 我鍾意某一個大陸明星 從來唔會喺ig追星 即係我真係覺得嗰個人好靚仔有才華etc 但係我本人唔討厭港星+韓星 自己都幾鍾意Mirror 我成日都好驚人哋會因為我鍾意大陸明星而討厭我 所以成日因為我鍾意嗰個明星而羞愧 其實做香港人係咪一定要追港星或者韓星？🥲

#NSS個人 [九龍某間學校] 背景：本人女 14.9歲 事情就係咁嘅 我地學校一向都規定開學第一堂體育堂就會量度身高同埋體重（屋企人都知道） 然而我得157cm差唔多 我翻度屋企嘅時候我阿媽就問我幾高， 我當然緊係講話我158啦(大家唔好學我講大話呀） 我阿媽就話點解你咁矮，因為我父母都幾高下🤔 其實我都接受佢嘅批評，因為我自己都覺得自己幾矮吓嘅，加埋平時比人話慣😅 總結：我自己真係好擔憂遲d160都冇，我13歲黎m，加上我平時又懶又唔做運動，我而家有冇得高到160，同埋我而家可以點樣再生高d？ 希望大家俾少少意見我🙇🏻‍♀️🙇🏻‍♀️🙇🏻‍♀️ 第一次投稿 sor for 1999🙏🙏🙏 我愛admins🥰希望admins可以po IG

#NSS愛情 [Guest] 話說小弟個老友 (下稱D) 前排俾個八* (下稱8) 飛 咁我同D而家都讀緊中二，8讀緊中一 (留班)，舊年開學冇耐就同D熟咗，因為我哋坐得好近又啱傾，佢喺十月頭同我講佢鍾意8，咁都睇得出嘅，十月中，有個女同學問我知唔知8鍾意D, 佢話見我平時守得袐密，又同D frd, 就同我講，我一直都冇講過出嚟，點知考完統測嗰日 (十一月頭), 有個女同學 (唔係之前嗰個) 喺班grp話佢覺得D同8都鍾意對方，喺一班同學嘅「盤問」下，佢哋認咗鍾意對方，不過由於雙方家長都係中三先俾拍拖，佢兩個從來都冇試過單獨出街，不過有時都會4 5個同學放學一齊去食飯，佢哋兩個嘅行為根本同隔離枱啲情侶冇分別 好講完背景，講返D被飛嘅事，大概一月開始，8明顯對D好冷漠，D想同佢講嘢佢都唔理佢，咁我原本以為一般情侶都係過咗一排就唔會咁sweet, 不過越嚟越唔對路，原來佢鍾意咗我另一個老友T, D發現咗之後，8仲好串咁話佢係鍾意T, 佢覺得T好靚仔，成績又好，嗰陣好多人都聽到，好彩D唔喺課室，咁嗰日放學之後T whatsapp我，話8太懶，成日唔交功課，考試又次次唔溫書，佢唔鍾意 咁件事已經過咗幾個月，我同D T一齊入咗精英班，8留班，雖然D平時都咁勤力，不過佢前排成日問我點追返8，我一直勸佢唔好再理佢，不過佢唔係點聽，而T平時喺學校見到8都當佢透明 (中一二同層成日見到)，咁我都唔想插手太多，不過實在唔想見到老友俾個八*玩，佢人品實在太差，連朋友都唔值得做，我想問下大家，如果你係我，你會點處理而家呢個情況？

#NSS學業 [GUEST] 最近就作咗第一篇writing，普通功課嗰種。 因為新學期，就想做好佢。搵咗好多資料，參考咗好多句式，用咗好多唔同嘅字，作咗好耐。 但係派到返黎，得B-，真心好失望。 見到我隔離嗰個作得少過我，都有B+。 又可能真係我作得差所以先咁，覺得有啲白費心機，覺得可能一開始hea做都同依個分差唔多。 好想做好writing依part，但是好似一開始就受到挫折。 唔該Admin 多謝大家 Sorry for 1999

#NSS愛情 [GUEST] hello小妹今年f5，emmm第一次投稿多多指教😂 係咁嘅，近排我發現自己好似鍾意咗個同班女同學。 講返少少背景先，話說我之前有同男仔拍過幾次拖，但係每次都係冇幾個月就分手，原因不外乎都係認為對方唔夠了解自己/唔適合嗰類。咁我同個女同學其實已經同班咗3年，都算係frd但係又唔算deep frd，我平時都會lin下佢塊面，摸吓佢個頭，有時我地又會拖住對方嘅手臂行路，最近仲會互相講下啲老土情話，呢種互動由我識佢到而家都繼續緊。 我同上一個ex分手都係上個星期嘅事黎，我每次分手都會同佢傾，今次都唔例外。但係唔知點解，我最近突然之間覺得佢好可愛，我好鍾意。佢係嗰啲矮矮地嘅女仔，我平時勁鍾意攬住佢，但係佢應該都覺得係friend之間嘅互動。 最近我成日有一種想摸佢嘅衝動（當然只係摸下塊面/頭/耳仔嗰啲），有陣時上堂我仲會不停望住佢，我覺得我自己好似有少少變態😂 佢之前同我講過佢曾經鍾意過男仔，但係嗰個男仔之前已經移民，然後我問佢會唔會鍾意女仔，佢就話佢係bi，嗰下我唔知點解好開心，我仲好慶幸佢之前鍾意嗰個男仔移咗民，心諗如果唔係可能佢哋而家已經喺埋一齊。 我唔知呢種係咪鍾意，因為我同ex分手都唔係好耐之前嘅事，會唔會係因為佢安慰我，我覺得好warm先至會有呢種錯覺？或者我只係想填補我分咗手之後嘅空虛？加上我覺得分咗手冇耐又同佢表白好似好渣好花心。 我應該點樣做呢？如果呢種真係愛，我有應該點樣同佢表達呢？如果佢對我冇興趣，我同佢表白之後可能連friend都冇得做🥲 多謝睇到呢度嘅各位 sor for 1999🙏

#NSS愛情 [Guest] 我鍾意咗個男同學，但佢好似唔打算拍拖 小妹今年form3，見到身邊嘅同學都開始拍拖，搞到我都有啲想出pool 我由form1第一日見到個男仔，已經鍾意咗佢 因為我哋喺班房坐得比較近，佢會問吓我嘢，我又借啲意問吓佢咁 初頭嗰陣會有啲尷尬，但之後因為我哋嘅共同朋友越嚟越friend，有時會成班人（我哋兩個都有份）出去玩，我哋都慢慢熟咗，傾多咗計 佢最近有主動同我講吓嘢，傾吓學業嘅嘢咁 我有啲想表白，因為我知道唔只我一個鍾意佢，每次見到佢同其他女仔傾計，我都會呷醋，當咗佢係我男朋友咁 但係我之前無意中聽到佢同啲friend講，佢想專注學業，遲啲先拍拖 點算好…我應唔應該大膽啲同佢講我真係好鍾意佢？ sorry for 1999 ,thank you admin po ig please!!

#NSS學業 [已經中六仍然渾渾噩噩乜都唔識] 開學都過咗兩個禮拜，每一科嘅老師喺度瘋狂講緊進度 ，教書教得極之快，講嘅新嘢完全聽唔明 中四中五上堂嗰陣時又淨係識日日訓覺，完全冇聽過書，搞到依家乜都唔識，對各科嘅理解仲衰過d啱啱升中四嘅學生 大量舊知識完全唔識加新嘢聽唔明，宜家極之迷茫 個心又未准備好定低讀書，想追又唔知可以由邊度開始，嚟dse剩返幾個月，真係唔知點算好

#NSS家庭 [GUEST] 小女有一日就心情有啲唔好（因為俾阿爸阿媽同埋依家一齊住嘅姑媽冷嘲熱諷我嘅成績，仲有點比唔上其他堂兄弟姐妹），自己入房自閉下喊下。咁屋企人突然話要出街食飯，唯有死死氣腫住對眼都跟出去。 出到去食嘢啦，阿爸就影咗我、阿哥食緊飯嘅相，send咗落阿爺阿嬤、阿公阿婆嗰啲家庭大group啦。咁我都無特登睇阿爸send咩相，但見到舅父突然話我個樣好好笑，就知有啲唔對路。一睇到佢哋啲對話，即刻好唔開心好想即刻消失。我有即刻當面同阿爸阿媽講我唔鍾意咁樣，但佢哋就答「講笑啫～唔好咁小氣啦。」 想問下係我小氣定佢哋真係唔太正常

#NSS學校 [///] 希望可以抽中我🙏 大家好呀,講一講返啲資料先 小妹我前幾日上英文堂嗰時係咁自言自語重複一句：好想拍拖,好想拍拖…….（-~-） 跟住我前面個男同學喺度偷笑我 之後我拍一拍我前面個男同學個膊頭 同佢講：同學見你生得咁靚仔,不如我哋拍拖呀! 個男同學同我講：好呀反正我冇所謂 我：認真?!其實我亂咁講咋喎 男同學：求其啦反正我冇所謂 嗰一刻呆咗喺度,心諗緊發生咩事 因為本人學校逢係主科都要調班房 所以到咗第二日英文堂 個男仔拎佢部caltor 係上面撳咗條式 5201313+1 佢畀咗我之後我睇咗一兩眼 之後我手殘剷咗條式 之後我問佢：你想用呢個方法溝邊一條女女 佢同我講： 播caltor我畀邊個咪想溝邊個囉 完 想問下點補救,依家見到佢覺得尷尬