#NSS愛情 [GUEST] 喺呢度簡單介紹下：本人(男)係0拍拖經驗 個女仔係有3次 但係都係唔長久 佢係想要可以長久嘅bf 同一個由今年6月先開始識嘅女仔frd一齊左 佢成個暑假都有同我訴苦、傾心事、分享下日常生活 咁因為佢成日都同我傾心事同埋啱傾啱眼緣嘅關係 我成為左一個最了解佢嘅人（我係男仔！）佢好多心事都只係同左我講，連佢best frd都冇同講過 我以為佢對我有feel la而我又其實鐘意左佢好耐（佢又真係好cute好靚女 唔但只外表，連內心都一樣咁q）咁我就越嚟越關心佢 成日搵話題（佢係一個只會對有興趣嘅人先會覆mes） 開左學之後，某一日放左學 我陪佢一齊返屋企 去到佢樓下 我就提議不如去交友app度玩下啲狗公 佢就話ok 咁我哋搵左一個地方坐低玩la match左個人，傾左一個鐘多啲 佢就話 其實你哋咁夾又咁似一對情侶 不如你哋一齊la。咁我哋就真係一齊左la
#NSS愛情 [Guest] 我哋喺網上認識，都喺網上結束。一直偷偷地關注你，但係又唔敢聯絡你，已經斷聯咗差唔多一年，分手之後都冇乜再接觸過對方（雖然見到都應該會幾尷尬）。安全感對我而言真係好重要，分手嗰時我雖然唔知你點諗，但係當我聽到你話我同你想像中唔同嘅時候，其實真係有啲hurt，我覺得你有後悔過，但係可能礙於面子，我哋雙方都唔肯低頭，我都唔想再做多一次主動嘅一方，如果你見到呢個post，我希望你會知道，我真係為呢段感情好努力咁付出過，啱啱見到一個同我哋嘅情況好似嘅動態，我先鼓起勇氣嚟投稿，見到你都有關注嗰個page，其實心入面都希望嗰個動態係你投稿
#NSS家庭 [GUEST] 即係其實屋企都唔算窮 點解要咁對我？ 交代返背景先，阿爸阿媽都有份正職，收入都算正常，住私樓，自己都覺得係算中產。除咗同阿爸阿媽住之外，仲有公公婆婆，加埋屋企係有5個人住。 由小學五年級開始阿媽就有比零用錢我，每日1蚊，返學先有，到五年級下學期開始，就一個星期10蚊，一直維持到六年級畢業。自己都覺得無乜問題，因為多數岀街都係同阿媽一齊，唔洗自己比。放學都要補習，所以有時買下野食，文具咁都仲有剩，未到唔夠錢洗。 但係去到中一嗰陣，朋友開始越嚟越多，有時同朋友岀街玩下，去食下飯，就發現原來我零用錢係得咁少，之後就去咗同阿媽講，佢話只要我考得好，就可以加我零用錢，咁我就真係比心機讀書，點知又真係考得幾好，佢就加我零用錢加到10一日，返學先有，即係一個月就有200蚊。我即刻覺得自己發咗達，終於有錢可以同朋友岀去玩下。 咁啱去到疫情，學校停課，無得返學，零用錢自然都停咗，一開始都係留喺屋企無岀街，但係發現喺屋企真係好悶，就開始想約下啲朋友，問阿媽攞少少錢岀街，佢話要我拖地掃地洗碗煮飯先可以比我，ok咁我做。去到之後開始可以返返學，我啲零用錢就開始由返學先有，去到我一定要拖地掃地洗碗煮飯先有，其實要我做呢啲野都無乜問題，問題係我同公公婆婆一齊住，我拖地嗰陣佢地就周圍行嚟行去，ok唔緊要，我再拖多次，但係我啱啱拖到個地好乾淨，佢地唔洗一個鐘就同我整到成個地下污糟返曬（因為公公係賭馬嘅，鐘意做筆記寫清楚曬，就會搞到成地紙。同埋有時唔知係咪佢腳痕，就會拎張凳坐喺洗手間，根住盆水就擺喺廁所板度，喺洗手間洗腳，洗完腳又搞到成地水，根住着住對濕嘅拖鞋岀嚟），次次都係咁，有時食完野又唔洗碗，食野又食到成枱成地都係，慢慢開始就覺得日日要咁樣拖地掃地洗碗煮飯樣樣做曬好攰，唔想做。 到中二開始可以返返實體課，真係好開心，阿媽又突然間肯比返零用錢我，仲加到$500一個月，不過比錢嘅時候永遠都係唔肯即刻比（即係9月嘅零用錢10月中先會比），搞到我成日都唔夠錢食飯，一直維持到今年嘅5月，今年嘅5月我真係過得好好，因為我有病入咗醫院，住咗10日左右，本身都好驚自己會唔會係中武肺，因為又發燒又岀疹咁，到報告岀咗見到自己無事，成個人即刻放鬆曬，本身都好想快啲岀院，但係發現原來住醫院都可以識到朋友，仲可以一日3餐有飽飯食（之前因為無錢所以無食飯，一日3餐變一日1餐，就係夜晚同阿媽食嗰餐），就開始唔想走，臨出院嘅時候仲沖凍水涼迫自己發燒，最後失敗咗。 岀咗院之後，我一直都好想入返去，個個都問我係咪病到傻咗痴咗線，但係根本就無人明我。唔知係咪阿媽覺得我唔夠錢食飯所以病咗入院，岀院之後佢即刻比咗200蚊我，我好開心，但係唔捨得用，因為好驚用曬又無錢食飯，所以會等到自己真係好肚餓先會買個平平地嘅飯食。 到咗暑假無得返學，我又要拖地掃地洗碗煮飯，但係真係好攰，唔想做，就直接問阿媽攞錢，打電話比佢叫佢比錢我食飯，佢問，點解我要比你，即刻O咗嘴無講野，佢就cut我線，最後加加埋埋打咗3-4次電話比佢先肯比50蚊我，都習慣咗要打好多次電話先有50蚊，但真係唔想次次都係咁，所以今日我去咗拖地，拖完之後就去咗揾佢，佢話，阿媽都唔識叫聲，點解要比你，ok咁我好聲好氣叫阿媽再講多次，佢話，好呀，比10蚊，我即刻O咗嘴，心諗，無野呀，10蚊？食咩？食麵包？真係即刻嬲咗。我叫佢比500蚊再加埋今個月嘅琴錢我，佢話500蚊我比你，學琴錢你自己比。嘩，我真係呆_咗，我自己比？我就係銀包1蚊都無先至要問你攞，佢就問，點解會1蚊都無？心諗，吓？你已經無比錢我幾個月，仲要問我點解？ 其實點解就係比少少錢我都難咁。最後我走咗去問我阿爸，佢話，痴線，點解我要比你，呢啲不嬲都係你阿媽比，唔好問我。我真係問號咗？？？就係你老婆唔肯比我，我先要問你，佢比咗我，我問你托_？ 我到而家都仲係無錢食飯，阿媽到而家都係唔肯比錢我，我已經拖咗地掃咗地洗咗碗。我應該要點做？點樣氹佢先肯比錢我？我只係想可以食下飯。 唔好問我點解唔岀去揾野做，因為我仲未夠歲，差半年，半年後我真係M記都肯做。 多謝睇到嚟呢到嘅大家，sor for 1999，唔該曬admin。