#NSS學校 [某屯門區中學] 小弟今年form 5, 由form 2開始對間學校冇乜好感，但係今年一開學就攪到我(相信其他同學都係)好嬲。 臨開學嗰陣學校出通告話正門同埋有蓋操場裝修，要封到去10月，我一直用正門嚟進出校園，而呢樣嘢令到全部人要用後門，就係因為咁，每朝早好多人都要排成幾分鐘先入到校園，成條隊長到阻住其他學校嘅人番學。 入到去要出示體溫表，之後上樓梯嗰陣又要過一部大型體溫量度機先，而喺第一個禮拜，嗰部機唔知點解sense唔到我體溫，部機隔離企咗一個好似係學校嘅IT，嗰條友係咁叫我上上落落條樓梯，sense咗幾次先sense到，玩咗我成五分鐘好心佢set番個平時啲餐廳用嘅嗰啲嘟手嘅量度機(正門兩樣野都有)，好彩哩個禮拜開埋新翼嘅樓梯(新翼同主大樓互通)，嗰邊淨係用嘟手嗰種。 到咗放學，樓梯就會化身做繁忙時間嘅屯門公路，六級人塞晒喺一條樓梯，好彩有小部份好似我咁醒嘅高form識得行新翼嗰條樓梯，唔係嘅話我真係會發癲，但係「好景不常」，開學後一個禮拜，唔知乜水棟咗塊板喺條樓梯最後一段，上面寫住「此樓梯暫時封閉」，條友真係當我哋班高form流個喎，以為我哋唔識移開小小塊板嚟過。 唉，我真係希望正門快啲裝修完，然後咁「大型」嘅裝修唔好再喺我畢業前出現。
#NSS個人 [港島某一間女校] 大家好🙋🏻♀️小妹今年中三。咁我平時返學嘅時候間唔中都會撞到一個男仔搭lift，佢住低我九層，一個星期至少一次會同lift ，每次到佢嗰層個心都會跳得好快😳，次次係佢入lift前都執好自己個樣。其實係5年前大家已經知道對方嘅存在，我地一齊係會所學過乒乓波，但完全冇同佢講過野。近排開學，第一個禮拜已經同lift咗三次，但佢冇望過我，好似想避開眼神接觸，idk，我亦都好怕醜，連望都唔敢望。次次同lift都好尷尬，super awkward silence，係同佢先會咁。（補充番，佢有個細佬依同佢一齊返學，所以而家搭lift起碼三個人都冇咁尷尬）其實我差唔多每日朝頭早好自然地度好時間，期望可以同佢一個lift。我都唔明點解我要咁做，佢其實唔算靚仔，大我一年，讀傳統男名校，一睇就知非常dry，但久而久之我好似對佢有好感(?) 我感覺到佢都好似對我有少少感覺，我唔知點算好😩 加上小妹由幼稚園已經讀女校，好少接觸男仔，完全唔識點同男仔相處，一見到男仔，特別係靚仔就好快心動。想問大家有咩方法可以令自己唔好咁被動，同埋都好想識吓依個男仔，但好驚，都唔知點算好😵💫即係你都知呢d嘢好尷尬㗎啦。依個問題只會不停纏住我，因為嚟緊成個學年都會遇到佢，除非停課。所以希望admin pls po ig thank you☺️ (sor for 1999)