#NSS社會 [GUEST] 呢篇文可能真係會有少少偏激，但我真係忍咗年半兩年，歡迎討論。 （sorry 1999, 當初寫嗰陣係早上四點，所以文筆會好差） 兩年，整整兩年，距離自由己經足足兩年。 有人話嗰段時期係破壞，係毀滅。 但我卻睇到一位又一位烈士 用前途，用自由，用生命為代價 為我哋上咗一課 唔係佢哋，香港人點會知咩係自由，咩係民主，咩係公民責任，又點會反思我哋仲有啲咩？ 對廣東話，對正體字，對香港話，對身份認同嘅重視喺嗰個短暫而神聖嘅時刻，達到二百年來嘅最高峰。 團結，友愛，正義等等嘅精神喺嗰個時刻第一次真正降臨到這土地。 兩年，過去了。 香港，又變成點呢？ 學校講嘅，又變返做支語 喺功課上寫嘅簡體字，又開始多返 普信男，高富帥，白富美又一次返到黎 佢哋話： 「仲有邊個記得啫，講完兩句咪又係睇抖音開微信網戀，見到啲人寫錯字咪加口串兩句~~ 算啦，THIS IS HONG KONG！」
#NSS學校 [Guest] 求admin post🙏🏻😫 我學校由九月中開始就要游水，但係我真係好驚游水。第一就係因為疫情，我自己本身有少少潔癖，其實我學校個泳池都算大但係好似60個人就真係唔太可能啱啱好1.5米距離，其實就算有1.5米我都係驚，雖然咁樣諗好嘔心，但係游水就基本上係浸緊係人哋啲口水同尿到。其實我細個有學過游水，游得普普通通但係學校個泳池係1.6米深（即係需要170先至可以企喺度）。咁我而家f2，上一次喺學校游水係六年班，但係呢幾年我覺得自己都大個咗好多可以話係小朋友同少年嘅分別。我要錢真係會同個老師講我感冒之後喺佢面前咳兩下就算，佢都明知我玩嘢。但係宜家我真係唔係好做得出🥲 我真係唔想游水啊， Sorry for 1999
#NSS個人 [Guest] 拜託Admin出post！唔該晒~ 是咁的，小妹今年f.3，咁自己溫習就都會寫notes嘅，我個人唔知點解對啲notes好有執着，我一定要將份notes抄到靚靚囝囝咁（功課又唔係㗎喎😂），會勁認真寫，可能有少少完美主義，我通常第一張寫得樣衰會抄第二張第三張等等，平均muji 150張紙可能只係寫到20/30頁嘅notes(我都知好浪費同唔環保但我真係忍受唔到樣衰嘅notes)，咁與此同時我會真係好重視啲notes，好似當仔咁🌚。 咁話說今日我個friend想借我啲notes嚟睇，咁我梗係冇問題啦，就俾咗佢，然後佢話我啲notes抄得幾靚，想問我嚟影印，（因為佢平時都成日問我抄功課嗰啲可能慣咗la)，但其實我內心真係唔係好想，因為我用個幾鐘嚟抄份notes做乜你可以乜都唔使付出咁影印（仲要懶得抄去影印）咁我嗰陣時就話我可以借大部份俾你，但某啲唔得，佢都應承咗嘅。 咁問題嚟la小息嘅時候，我哋本身約咗小息一齊上去影印，點知佢講咗句「我想落去打波，唔該你幫我去影印啦，印完釘好擺入我櫃桶就OK啦，唔該晒你」就走咗。我成個人呆咗，認真有啲嬲，我唔係老馮要借份notes俾你，你仲要我一個人幫你影印，訂好擺入櫃桶？？？咁我就冇理到佢，點知返到上嚟，佢見到我冇幫佢影印，勁嬲我，然後我同佢講返，佢又鬧我小氣☺️，我想問呢件事我有冇問題，如果大家係我，大家會點做🥲。 唔該晒大家，仲有唔該晒Admin~
#NSS愛情 [SMCESPS] 看見有師弟亦在這抉擇中掙扎，有感而發，想在這分享一下我個人的經歷。 「我不會忘記你，謝謝你」 在離境大堂的她，對我説了這最後一句話。 她是一個簡單得來而帶點絕情的傻大姐。 在中學新來乍到的我，在禮堂中戰戰競競地尋找尋於自己的班列，不知道她是否察覺到我當初的神情，她主動走過來與我聊天並為我抒解了稍許緊張的氣氛，而她當天的模樣就像那時起刻印在我的心內——直到我撰寫此文的此刻，也沒法忘記。 平時在學校的時刻，我一直在害羞不敢找她聊天，但她每一次小息卻不斷找我聊天，雖然我説什麼她也會笑得很開心，但我現在回想起來，雖然有點愚痴，但唯獨那刻是我在校時最美好的時光。 在往後數年，我們都形影不離，去廁所的時候都一起去、測考前夕一起溫習、不同班的時候會站在班房門前等待著對方……就這樣，我們互相慢慢地察覺到對方的情感，在去外國交流的那落著濛濛細雨的夜晚裏，我們纏綿了在一起，身體不知為何貪婪地渴求在對方，直到朝暉到來。 也許天真的有眼，我們這種禁忌且曖昧的關係被她的父親發現了，儘管她受到父親的阻擾及痛斥，她仍然笑着找我聊天，看著她手腕上的紅印，我那時沒有説話，只是閉着充滿淚水的眼睛，深擁及輕撫著她不再強壯的身體。 之後那一天，她毫無音訊地消失了，不論WhatsApp 及面書，也找不到她，問了老師只說她在請事假。再過了數天，班主任向我遞來了一封來自她的親筆信，只見信中充滿著淚印，乏力的字跡裏更顯出她的無奈。她在信中跟我說：「想了很久還是決定要寫給你，對不起，爸爸已經決定了要我回去英國，我們可以在見最後一面嗎？……」 ***** 「我喜歡你！我也不會忘記你！」 我在機場內聲嘶力竭地大喊。 她聽到後，腳步遲疑了，但並沒有回頭，然後向着她被選擇的道路上前進了。 「現在的她，活得幸福嗎？活得快樂嗎？也許已經在那裏嫁給人了，抑或正在陪伴著她的孩子呢？」儘管每次我這樣想，心裏不由得刺痛了起來，但我並不想忘記，不想忘記曾經我與她一起的痕跡。儘管錐心的痛楚使我不能自拔，但沉醉於這虛構的畫面中或許是我唯一能對她的回應，為了報答她教會了我「愛」這份心情，教會了我什麼才是真正的光芒。 師弟，現今前路的確茫茫，但人生中能陪伴著你的人不多，因此更加要把握自己僅存的時間，與你喜歡的人共處。若果你怕失去的話，就把這份心意藏在深處，以最好的一面，最快樂的回憶，為這個故事畫上句號，也不失為過，但最重要的是，無悔。