—類投稿

#NSS個人 [Guest] 是咁的,最近小妹有d人生疑難想問下大家🤦🏻‍♀️希望大家比d意見我參考下🙇‍♀️交代返,小妹今年f4,係Band1A-B嘅學校讀,揀咗Chem Bio IcT三科,讀書唔算太叻,Ard 35-40名到.本身有項運動又細玩到大,我都好鍾意好enjoy,有團火去盡力去練,都有參加下d比賽咁。 但我最近收到港隊嘅offer,我可以話20%興奮80%擔心,我覺得自己根本唔deserve呢個offer。我自己知自己事,其實香港有好多運動員都勁過我,體能好過我,但我係連比賽都仲未有信心去贏嘅時候,純粹係因為港隊個教練有教我,所以推薦咗我上去。但其他有能力嘅人只係差個機遇,我就好似搶走咗其他人嘅機會,覺得自己唔deserve呢個機遇。 再者,港隊訓練辛苦應該嗰個都知,星期1-5一放學就要去練,夜晚7-8先完。我唔怕捱,但係我知我入咗港隊就要放棄學業,而我又唔想咁。Chem Bio都係要好畀心機溫+要背好多嘢,根本係唔會溫得切書。同埋我自己係Aim DSE 5 以上,想讀medical related嘅科。所以基本上入咗隊就放棄咗我嘅理想工作。 現實d講,唔係最top嘅運動員嘅話,根本係搵唔到食,但如果我選擇繼續讀書可能會保險d。不過我又唔想放棄呢個難能可貴嘅機會,始終我真係好鍾意呢樣運動,我想做到最好最好。希望大家比d意見我去參考下,等我去諗下我應該點樣去揀好。Thankssss🙏🤍

#NSS學校 [GUEST] 小妺今年中四，鍾意咗個班主任，但係一個cycle得一堂係佢教，好少機會見到，我要點先可以引起佢嘅注意？admin post pls THX

#NSS個人 [GUEST] 其實點樣算r frd？咩行為就係r緊frd? 我畀以前嘅朋友話過r frd，而家佢已經同我絕交，我好希望可以令佢知道我真係冇心去r人.. 為咗方便睇叫佢做A 我想知係咪唔可以同朋友嘅朋友變熟? 以前因為同班我認識咗A嘅朋友，我好開心識到佢嘅朋友同一齊玩，但係A有同我講佢覺得過我r 佢嘅frd。 我都想知點樣令人唔覺得我r frd? 我以前有對A嘅一個我識咗冇耐嘅朋友用比較熟嘅語氣去講嘢，因為我以為佢同我已經算係朋友，亦因為嗰陣有一啲事佢比較清楚，所以我會主動去搵佢問佢嘢，我冇諗過喺A眼中我r緊frd，我之後亦都意識到自己當時嘅行為好自來熟。我知道咗之後已經冇咁做，亦冇同佢哋嘅朋友接觸，但係我仲係好驚有人覺得我r人r frd..

#NSS愛情 [Guest] Post ig plssss 表白≠冇遺憾 但想問吓，如果一個鍾意咗好耐好耐嘅人，佢準備移民，應唔應該表白？

#NSS其他 [[GUEST]] 請問大家係點樣對付呢啲咁嘅人？ – 小妹我有班由細玩到大嘅frd 佢地個個都好外向 好sporty 成績都好好 唯獨我好內向 唔鐘意做運動 成績麻麻哋 – 每次出去聚會我都想同佢地傾計 但係我哋根本冇共同話題!! 佢地傾嘅話題大約係 運動 睇書(英文… 我基本上同frd 傾嘅話題係 動漫 追星 藝術 摄影 打機等等 根本就冇共同話題

#NSS個人 [GUEST] admin po ig thanks 小妹原本Form5 但係因為抑鬱 Form4開始斷斷續續冇返學 我唔知道我之後可以點算 想讀大學但係連學都返唔到 希望大家可以比啲意見我

#NSS愛情 [chc] 希望可以揀到呢篇啦🙌🏻 我同我男朋友成日鬧交，但我地又好愛對方，想改善現況但又唔知點做好 我同我男朋友差兩年（我中三佢中五）我地係上年十二月一齊嘅，但我地完全唔熟（識咗15日），一月有分開過但最後都係復合咗，復合之後一開頭係完全冇鬧交，但又唔似普通熱戀期D情侶一樣 睇電影行街食飯，就好似網戀？就算出嚟到好怕羞唔敢拖手/開話題，我地係由今年三月先開始熟，熟咗之後就即刻進入熱戀期（超級熟）日日同佢出街拍拖，到咗今年五六月開始我地開始差唔多日日鬧交，全部都係D小事，但又成日小事化大，鬧咗好多次大交（鬧到要分手果種）但最尾都冇分，果陣時都已經好愛對方，之前試過係佢考試果陣鬧交，搞到佢考試成績唔好要補考，我果陣真係好後悔，好對唔住佢，覺得自己影響到佢，我都有同佢提過分開，因為我覺得自己成日影響到佢又令佢心情唔好，我驚影響埋佢嘅前途，但佢係都唔分手，話分咗手更加影響佢，但之後我地都有繼續鬧交，最近更加係日日兩三次，我同佢都唔想咁樣繼續落去，想改變現況，但又唔知點開始改變好 sor for 1999🙌🏻

#NSS愛情 [GUEST] 是咁的，小妹今年15歲，同男朋友異地戀，但係最近我感覺到自己好似有D接受唔到佢，定係新鮮感冇咗？我自己都唔知。 / 我初初都仲接受到佢on9/成日做多餘嘅嘢，慢慢地我就接受唔到啦。 / 我有諗過分手，但係我又唔想有罪惡感，而且唔知點講好。 / 我知我好自私，但我真係唔知點算好，求各位比下意見我。 Sorry for 1999

#NSS個人 [Guest] 求admin po plz🙏🏻🙏🏻 我真係好絕望，想求大家救下我。 以下我講嘅嘢係真嘅，而且我真係好苦惱好絕望，希望大家會真係認真留言。 呢件事係我上年暑假發生嘅，突然間有一日左手隻中指突然間唔知做乜，即係握成拳頭嘅時候會有啲唔順，不過都係呃到拳頭嘅，隨着時間慢慢咁過，到開學嘅時候都係有啲唔順咁握到拳頭，不過隻手指就會開始痛，而且我也拍手指嘅習慣，因為手指開始痛就都冇再拍。然後我一直都以為唔拍就會冇事，所以就冇理到。 結果竟然唔係我預期咁，我隻手指越嚟越痛，到最後連拳頭都握唔到，我阿媽一開始以為我玩嘢所以都冇理到我，但過咗四個月我仲嗌緊手指痛，佢先迫於無奈咁帶我睇中醫，當時我以為我手指終於可以唔再痛，結果敷左一個月藥，都冇任何好轉，我阿媽就係咁同我講「唔好咁心急啦，啲藥效唔會咁快發揮㗎」 當時我就諗住再等吓啦，結果等多一個月都係冇任何好轉，隻手指真係越嚟越痛。最後我阿媽帶咗我去睇家庭醫生，醫生就問我有冇撞到隻手指，我係一個超級宅女，真係可以成日攤係張床唔郁嗰隻，然後佢又問我係咪瞓覺嘅時候撞親，但係我兩邊長都係放咗公仔，所以冇可能咁容易撞到，最後醫生就話我可能係篤魚蛋，最後比一個矯正器我帶，嗰舊嘢我帶咗差唔多四個月，都係冇好轉。 喺帶矯正器嘅呢四個月入面，我都有同咗阿爸講，阿爸就帶咗我去睇私家醫院，又係同家庭醫生問一模一樣嘅嘢，照過X光又發現冇問題，醫生就叫我做多啲手指伸展活動，早一兩個禮拜就會好返㗎啦，點知呢，我到而家過咗一年我都仲未好返。 我嗰下真係驚又急到喊，我真係好崩潰，我驚我以後隻中指就屈唔翻，要痛成世。同身邊啲朋友屋企人講，佢哋都話咩「你係咪舉得中指舉得太多」 「舉中指有報應㗎」 「都叫咗你唔好打咁多機㗎啦」 等等，其實我本來都諗住隨着時間過，有一日可能奇蹟咁好返呢，但到而家都仲未好返我真係好崩潰，我究竟可以點算好，咩方法都試過，上網查又搵唔到有人同我同一個情況嘅，我究竟可以點，有冇人可以幫下我？ Sorry for 1999 Thx Admin

#NSS家庭 [[guest]] 我阿媽成日都覺得我好唔鍾意中國，又話我淨係識貶低中國，完全唔識稱讚同欣賞中國，但係我要佢舉例證明我唔鍾意中國嘅時候，佢一個例子都俾唔到，所以完全唔知佢呢個諗法由何而來，我要點先可以改變到佢嘅思想或者點樣先可以改變佢對我嘅睇法。sor for 1999