#NSS個人 [GUEST:3] 話說小妹今年f3 之前暑假打機 識左個大我1年嘅朋友 佢成日都online 一齊玩傾偈(仲會flirt對方) set左對方做閨蜜 有一次佢invite我同佢啲fd一齊玩 我哋一齊開mic 當佢開mic我先知原來佢係男仔 本身佢冇寫自己係男定女 我嗰刻呆咗 打左陣聽到佢啲fd問：「你琴日講嗰個女仔就係佢啊 其實佢都幾得意吖」 佢話：「你諗都唔好諗 人哋中三喳」 打完嗰局之後 我哋交換左ig 佢有時會reply下我啲story一齊傾下偈 開左學之後 我少左打機 琴日我ig三點post左個白底黑色story 佢秒讀即刻 ig
#NSS學校 [GUEST] 帶返個頭盔先：以下內容冇針對任何人/圈子 小弟今年升f4，我有班同班左三年嘅friend。話說我哋成班friend今年都升到去同一班，因為我同班friend之間都唔會話介意啲咩，所以平時都有少少身體接觸，但係唔會好過分，都好似正常friend咁。 件事就係我哋嗰班有一班腐女，佢哋就勁鍾意見到一班男仔就話佢哋好襯之類。咁我哋開學就有個分組活動啦，我同班friend就同左佢哋一組，之後佢哋就無啦啦撩我傾偈，佢哋問我，我嗰兩個friend係咪gay，因為有少少肢體接觸（其實都係類似搭膊頭嘅嘢），咁我就話應該唔係啦，但係佢哋就繼續追問：「吓但係佢哋兩個睇落去好似情侶wor。」之後仲好興奮咁同我介紹有關於BL腐女嘅嘢，但係其實我完全冇興趣，但係基於禮貌我都係笑下。 之後我諗住應該冇乜嘢，點知佢哋直接係我個friend面前問佢哋係咪gay，可能我個friend對呢方面嘅話題比較敏感，就用少少唔耐煩嘅語氣話佢鍾意女人㗎，都睇得出佢唔想繼續講落去，然後嗰班女仔仲要繼續講話我個friend好似受（？），然後另一個friend似攻（應該係咁樣，冇特別研究），無啦啦就組咗一對CP，唔知係咪因為講得太大聲，之後嗰幾日我個friend又係咁比其他女仔問佢係咪有男朋友，問到都有啲煩。仲有可能因為我冇表現到特別排斥，所以開學呢幾日班女仔係日日問我「你真係唔覺得佢哋兩個好有情侶嘅感覺咩？」 講真我唔太明囉，其實我個friend都講明咗啦，真係有必要繼續糾纏落去咩？可能你哋會覺得我多管閑事小題大做，但係其實呢個情況已經遇過好多次，今次真係忍唔到😅其實就同男女俾人誤會係情侶差唔多，我都知而家社會開放咗好多，如果我身邊嘅人係同性戀我都會支持，雖然我唔太明白班女仔嘅心情，但係個個都有個人喜好，我唔會阻止佢哋ff，但係唔代表其他人鍾意俾人咁話，唔代表人哋有義務俾人咁樣煩。 總結：雖然我都知唔係個個都係咁，但係我覺得有啲嘢有陣時腐女們真係要收斂下。 btw呢個分組活動我仲要對住班女仔幾日，點算？
#NSS學校 [GUEST] 食水使唔使食咁深? 早幾日上上下堂，全班人就黎訓著嘅時候，一位全校唯一嘅某科老師突然衝左入黎問野 (順便問一問咁多位會唔會覺得呢件事好冇禮貌?), 然後佢話:「知道有D同學買唔到嗰科嘅書，亦知道全香港得我地用緊呢本書，出面書局買唔到噶，得我地嘅代理商有，而家就比多次機會買唔到嘅同學，要訂就出聲，**個價打左95折，收你$28.5，如果你再唔買，以後上堂就冇得加分 (上堂有個課堂分，0分起跳，好似係20分滿分，每一堂都會加一分底分，每堂冇書好似就唔會加到分)」聽到黎呢度，有人真係舉手同佢買，我都有心動，因為我自己暫時都買唔到，不過諗住自己出面喺代理商已經訂左，冇理由又買多本嘅，所以我拒絕左佢，跟住佢就好似威脅我咁如果再唔買就唔會加分(啊係，佢大陸落黎嘅，所以管治方式係會有少少問題)，然後就好似連句唔好意思就衝返出門口。 返到屋企我check下張訂單，雖然顯示未送抵，但係我睇下個價，$28.0 -_- (92折) , 並且問過兩日之後可以拎書，所以個老師使唔使咁，打左折頭都係貴過我自己出去買，最好笑嘅係佢實牙實齒咁話咁樣喺學校買一定係最抵，見仁見智啦。反正我覺得好似學校食水食幾深下，你可能話5毫子姐，但係明明間野喺我屋企附近行都行得到，做咩仲要益學校? 謝admin po