#NSS學業 [Guest] 小弟今年F2, 係一個deadline fighter, 阿媽同老師成日都話，臨交先做嘅功課，唔會做得好，不過我其實係相反，次次早一日作嘅文都5x，臨交嗰日作嘅就7x，當然太遲先做就真係會炒車 其實我係由小五開始做咗deadline fighter, 嗰年阿媽出返嚟做嘢，放學之後屋企得一個大我8年嘅阿哥，佢不嬲都唔會理我啲學業，咁冇咗阿媽捉住我做功課，我嘅意志又極之薄弱，就將啲功課拖吓拖吓，拖同食完飯先做，小學功課雖然多，不過我讀普通學校，所以其實幾簡單，我個幾鐘就做得晒 上到b1A中學，功課比小學少咗好多，一日得兩三樣，不過至少要兩個鐘先做得晒，雖然我係一個deadline fighter, 不過係deadline前一日我會set timetable, 開頭嗰陣都講咗，我啲功課一直都做得唔錯 去到暑假，我每日都喺度hea, 基本上都係食屙瞓睇手機睇電視同打波，原本諗住最後兩個禮拜開始做功課，點知自己意志真係太薄弱，結果到開學都淨係做完5份功課 (total 22), 咁我學校係到有嗰科嘅堂先至要交嗰科嘅功課，好彩嘅話有啲科嘅老師仲會比多一個cycle，3/9先day 1, 所以其實要準時交功課都仲趕得切，咁我而家暫時冇欠交任何功課，老實講而家趕功課真係好辛苦，放學返到屋企都兩點幾，食埋飯稍為抖一陣都三點，三點開始做做到攰就抖15分鐘，之後再繼續做，食完飯再做，做到凌晨一兩點先瞓，其實我日做夜做嘅都只係呢幾日，今日已經交晒最麻煩嗰幾樣功課，之後幾日每日做一兩個鐘都得，應該可以多番少少娛樂時間 我其實都係今次暑假太hea, 先至搞到自己咁辛苦，之後因為一直都要返學，所以hea極有限，平時嘅deadline fight都係下午同夜晚，好少凌晨做，咁我想問吓大家，以我嘅情況，應該繼續有限度咁deadline fight,
#NSS社會 [有冇人覺得玩抄神啲人好弱智😅] 本人P6升F1,小六到中一之間一個暑假就發覺啲同學變晒小粉紅,又抖音又原神,唔知係咪新學校比人汙染😅 講返原神,唔論政治方面.本來個遊戲concept,機制,操控方式,畫風都抄zeida抄到入形入格,更何況zeida唔係佢唯一抄襲嘅遊戲😅然而我提醒佢哋,佢哋居然鬧返我轉頭話我玩反華日本game,block9埋我😅 如果要講政治,原神一早比人爆咗俾大陸監控住,而且咁多好game係要玩啲劣質抄襲game?玩下minecraft依啲原創嘢唔好? 如果我嘅小學同學見到,我希望你地可以用下你地嘅腦思考是非對錯😅
#NSS學校 [Ccpass] 希望admin可以揀呢篇，因為個政策對我地黎講真係好荒謬，亦希望各位睇到可以幫手推 本人就讀旺角區一間band 2 中學，因為疫情關係暑假有幾日補課追進度，學校有表明無故缺席會喺開學之後有跟進，結果到9月1號已經通知唔少同學要留堂，暑假補課一日有兩堂，缺席一堂就留返一日，星期一至五下晝3點到5點留堂，甚至星期六嘅留堂班由朝早9點到下晝1點，有同學以為補交當日因病缺席嘅醫生紙就可以豁免，結果只係幫你避免記缺點，都係要留堂。仲有唔少人話留堂班坐滿人，當中有一半人都係因為打疫苗嘅原因而冇返，一邊又谷針，同時又因為你打針返唔到補課而留你堂。仲有，留堂班只係叫你坐喺度等幾個鐘自己做功課，浪費時間，旁邊仲有7,8個老師望住你，好似坐監放風咁。 更過分嘅係，開學之後如果你平日返學無論咩原因而缺席，你喺返黎之後要留返一次堂，間接逼學生就算病都要返黎，為咗所謂嘅成績就唔理學生嘅健康？
#NSS愛情 [GUEST] 前幾日見到有位女同學分享覺得自己男朋友同阿哥越嚟越close，關係睇落好奇怪。比起事主嘅男朋友同阿哥，我反而覺得呢條secret下面嘅cm相對嚟講更加怪 「成全佢哋」「唔好做人第三者」「自己退出啦」 我本人都係bisexual，身邊都有三四個LGBT嘅朋友，平時都有睇開有關呢方面嘅小說同漫畫等👀但係希望大家係支持LGBT嘅同時，可以先樹立返正確嘅價值觀同判斷是非黑白嘅能力，而唔係一見到BL/GL就無條件盲目支持。 ※假設女事主嘅男朋友同佢阿哥真係有嘢，無論佢男朋友嘅出軌對象係咩性別，都無疑係對現任嘅不忠。 ⚠️LGBT唔係呢種人做錯事嘅免死金牌。 直面自己嘅性取向/搵到真愛固然係好事，但出軌係無可厚非嘅事實，可以選擇同女仔講清講楚然後分手再去搵佢嘅真愛，而唔係耍太極、含糊其辭令女仔亂諗嘢。佢先係受害者，唔係以被出軌去承全其他人愛情嘅工具人。 LGBT同異性戀一樣平等，值得尊重，同時都應該平等看待出軌，綠帽，第三者呢啲為人詬病嘅問題，而唔係自動加個濾鏡上去美化一切相關嘅人同事物，忽略原則性問題。 希望所有人都可以搵到屬於自己嘅幸福💫