#NSS個人 [GT] 求admin po ig thx 🙇🏻♀️🙇🏻♀️ 首先交代下背景，小妹今年F2，小學同中學係同一間，所以d fd全部都識曬咁濟，我有兩個best fd，喺小五同班識，但係佢地兩個本身小二就識，咁玩下玩下就frd咗，黎到F2都好frd (當一個A一個B) 我同A同班，但係B喺隔離班 。 依家小息多數都係B搵我地，但係B成日都淨係搵A好似唔想理我咁，咁我只係可以跟住佢地行，個時我好似變左跟屁蟲咁…… 我地放學後成日都會食飯，但係我地三個人所以有一個突咗出黎，第一次我自己一個人坐，咁我以為下次一齊坐啦無所謂，點知第二次我都係自己坐，咁本來我都有d無奈，但係B係度po ig story話食飯咁，但只係影A唔想影我. 其實之前我都有問過佢地係咪唔想同我玩，但係佢地話唔係，係我疑心病重。之後佢都有問過我去唔去玩咁，咁我阿爸阿媽唔比佢地就直接唔理我，好似冇諗過要預我咁，只係問下…. 我想問下大家如果有d咁嘅朋友其實應該點做🙇🏻♀️ sorry for 1999 🙇🏻♀️
#NSS愛情 [SMCESPS] 我們在中一就開始認識了。 初中那年就被他那大方且暢談的性格所吸引着，碰巧地，我們話題都相近，又在課室坐在一起，因此很快便成為了朋友。有時在課堂時，會以很嗲的聲線求我答他的問題，令我些小困惑但又帶我幾分樂趣，可惜我要求他再説一次時，他卻裝模似樣地無視了我，裝在教科書上思考著題目。 有一次，我開玩笑地跟他說:「喂，你這樣很容易被男人上啊！你是想當受嗎？」「才不會呢！我一定會當一個攻！」他那時裝著鬼臉，信誓旦旦地回應了我，那副模樣至今歷歷在目。那時不知為何，總覺得他十分可愛。 轉眼間，我們踏上了高中，我亦開始慢慢察覺到我對他的心意。有時，會傳來一些「緋聞」，有人問他「你是跟他在一起了嗎？」他沒有點頭，亦沒有搖頭，而我只是笑着回道：「哈哈，不要想太多，你這個幻想症候群的腐女！」可我看着他那無動於衷的模樣，我心中加了多分憂慮。 儘管他是一個不會歧視同性戀的人，亦很痴我身，但是我沒有那股勇氣去告訴我的真意，唯有把那份心意默默地留守在心中，只因為怕失去一個我最珍重的人。 近年，政治局勢的影響，雙親都毅然打算移民，儘管如此，他們亦把主導權放在我的手中，讓我打算。可是思索許久，我卻不能決定自己的去留，心中一直忐忑不安。然而一與他聊天，心中那份不安便蕩然無存，反而更舒暢了起來，彷彿要移民這個想法打從心底地消失了。開學數天，我已經一次一次地克制自己與他相處，怕的是會影響自己決定，怕會令自己心軟。 逼於現實之下，我能做的是繼續陪伴他，選擇一個沒有未來的未來，還是選擇背叛自己，到外地重新開始？ 文筆差，請見諒 求各位指點迷津，或屌醒我
#NSS個人 [GUEST] 麻煩admin 快小小po ig！！！🙏🙏🙏 是咁的 小弟今年f4。8.20個日唔小心撞到隻右腳，咁撞到當然就係淤左la。個幾日都冇點理佢。但係過幾日之後右邊大臂開始痛，係側邊痛。我以為係自己坐姿唔好所以就擦左d藥油。後尾就消左淤。 8.27個日開始唔對路，隻右腳開始麻木＋間歇性痛。我又疑心重上網check，結果係check到骨癌（惡性腫瘤，治癒率較低）。d症狀基本上都對岩塞。（膝頭下面有塊野突左出來，但奇怪嘅係我左腳都有，不過冇咁突）我就勁擔心，日日訓唔好，越諗症狀就越重，基本上已經默認。但係因為就黎開學所以就打算再觀測幾日。 然後到左9.1，時不時就痛幾下。我心諗再係咁真心唔得，然後就同我媽講帶我去睇醫生。我媽話我大題小做，然後鬧左我好耐，話我疑神疑鬼。話我係睇手機睇翻來，細路仔點會有事之類嘅說話。因為佢本身係物理治療度做姑娘。然後我老豆就係推拿師，佢地兩個就幫我整左幾下腳。整完隻腳變到又腫又痛，隻腳有幾個位又淤左，行路都痛。 其實小弟已經求左佢地好耐，希望佢地帶我去睇下醫生照個x光都好。（利申係有買保險）佢地一直係度鬧我，話我唔懂事，又話我再係咁遲早死快d。但隻腳一直痛我真係頂唔順。 宜家已經開學。我都唔知可以點算，我曾經打算瞞住佢地去卓健睇，但門診費要500幾，我真係冇咁多現金。去公立醫院肯定要等勁耐。宜家真係好無助。 想問下各位有咩辦法！！我真係好想知道有咩方法解決！好多謝大家睇到呢度。麻煩大家比d建議！🙏🙏🙏🙏