—類投稿

#NSS個人 [GUEST] 咁小弟就係gay嘅，咁我一直都好想搵一個人坦白同埋傾吓一啲關於同性戀嘅心事，而我就有兩個最好嘅朋友，一個男(利申非男友），一個女（利申非女友），我同佢哋兩個之間除咗呢樣野之外都冇乜秘密架啦，所以我想問吓各位我應該向邊個坦白先會冇咁尷尬呢？thx

#NSS學業 [GUEST] 2022 dser心聲 😢 唔知大家係唔係咁 最近壓力就嚟爆煲 開始喺度就算我考完dse入到大學或者入唔到咁又點？ 其實大家都知入到大學唔係天堂 唔係唔使讀書 一樣要讀 到時又要繼續捱 可能比而家更加辛苦 諗到咁樣已經唔想再溫 之前嗰排仲好有動力 每日溫8 9個鐘書 而家開始每日都淨係溫3 4個鐘 每次做卷個分好差 就會好氣餒 温極都唔識 溫極都仲係錯 同身邊嘅人差距越來越遠 人哋aim

#NSS家庭 [Guest] 我F3 阿媽朝早六點幾返工，夜晚十點幾返到屋企，係我都差唔多瞓嘅時間。 阿爸一年見一次（婚姻問題啦 ． 主要想講，我同父母相處嘅時間好少，基本上同阿媽一個月講兩句嘢，同阿爸更加冇。阿媽早過我起身，返嚟我又瞓咗，即係住同一間屋幾乎冇見過。 · 屋企人為咗賺錢好辛苦，日日得我係屋企好空虛🥺

#NSS學業 [GUEST] Hi我要揀科喇！想讀Phy Chem Bio但係數學唔係太好，IS就全班第一。請問如果數學能力唔係太好，仲讀唔讀到Phy Chem Bio？ 唔該晒admin 唔該晒咁多位

#NSS家庭 [Guest] 唔知呢啲係正常定係管得太嚴… 屋企人成日以我太細個（F1）同埋擔心我嘅理由禁止我踏出家門（除咗返學） 放學必須準時到屋企，遲1秒都唔得… 我交咩朋友，佢哋都要管住晒😡搞到我小學三年都冇朋友，小息淨係孤零零一個坐喺長凳度望住其他人玩🥲後來有咩朋友都唔會同佢哋講🙂 可能係因為缺少同同齡人嘅溝通，搞到我有啲社交恐懼症，因為唔識溝通，所以唔敢接近啲人😭社交恐懼症真係帶咗好多困擾俾我，例如喺說話考試嘅時候，我一粒字都唔敢講，答問題嘅時候，我識答我我都係唔會講出嚟…老師俾支咪我嘅時候，我會驚到震，同埋呼吸困難👀係答問題嘅時候，覺得全部人都會望住我…然後屋企人又會怪我太內向，佢哋咩都唔知㗎啦，淨係覺得我內向，佢知唔知咩叫社交恐懼症啊😡再咁樣落去嘅話，我可能會有自閉症㗎啦🙂

#NSS個人 [GUEST] 見到 #NSS220514O 同埋有時 @nss_heart 嘅post 都想講下自己 小妹今年F2，基本上由入去呢一班頭幾日，已經知道自己係班入面好難識朋友。 (╯﹏╰）頭一個禮拜已經覺得班同學性格好低能，仲要幾乎個個都係咁，成班小學雞咁。係班入面，我可以全日近乎一句都唔講。班主任又低能，隨時陪D同學一齊癲，仲要到返轉覺得我有問題。我係學校朋友數量都寥寥無幾，咁樣我隨時真係冇朋友。 一開頭真係覺得好難受，去到後尾都慢慢習慣接受咗。但係小妹今年入到精英班，上年因為有不斷補習做到全級頭十，而學校中三四五六都會係同一班同學。我都有D擔心如果下年再入精英班，如果都係嗰班同學，我中學生涯就會好悶。我都無興趣將自己變做小學雞融入佢地。 雖然我明白真心朋友只能睇運氣，無真心朋友亦無問題，但對我來講真係比較辛苦。想問大家有冇啲咩辦法可以早啲搵到知己？ 最後都想為同我相同處境嘅大家打打氣，孤單一個無朋友嘅感覺，我明係好辛苦。但係都只能相信總有一日會遇到，大家加油。 Sor for 1999

#NSS愛情 [Guest] 鍾意咗一個男仔四個月，因為怕醜一直都冇打算表白，啱啱得知佢仲有大概兩年半就要移民，應該點算好

#NSS家庭 [[Guest]我有个好燥嘅阿嫲] 小妹今年13，由细到大，因為家庭問題所以我父母係我3嵗嘅時候就离左婚，我嫲嫲就做左我嘅監護人,佢都算系唔半个啊妈。 咁多年黎，我嘅日常生活都係由佢帮我做，從來都唔俾我做任何家務，但問題係佢成日都话我唔識帮佢做d野，我曾經都有试過问佢俾我帮佢洗碗，但佢只会话我做野一定冇好野发生。 我想做d咩佢都一定会否认我，闹我，就有一次我只系想影张相，佢就话我一定系想send裸照俾其他人，只要我做嘅野佢唔鐘意，佢都会同我闹交，甚至系离家出走。有一次，佢就因为我冇开屋企嘅风扇而离家出走。只系区区一个风扇！！ 而每次闹完交，永远最后道歉嘅人系我，每次道歉之后，佢就会话我嘅成绩，话我点解唔好好读书。其实呢一切系唔系我嘅任性而发生呢d野。 圖Link: https://www.xiaohongshu.com/discovery/item/6259178a00000000010251d3?share_from_user_hidden=true&xhsshare=CopyLink&appuid=5f1e97b600000000010020f2&apptime=1650005909

#NSS學業 [Guest] 其實我一直有個問題諗唔通，就係其實溫書嘅定義係乜，我依家放F3就嚟要科，但其實我一直都唔係好知要點樣溫書，我平時數學就瘋狂做題目攞經驗，中文淨係背題目背課文，其他科學地理嗰啲就係理解左再背生字，但其實我一直唔知呢種溫書方法係咪啱，如果係嘅話係咪即係溫書就代表背書，考試係咪考記憶力，只要背晒啲嘢就可以拎到高分？ 🙏🏻🙏🏻希望admin揀中我

#NSS個人 [Guest] 小妹今年DSE應屆考生 疫情嚴重加上就嚟要考DSE心情有啲沉重所以要同啲friend傾吓計 所以大部份同friend都係IG度交流 但係近排發現自己有一個好嚴重嘅問題 就係當我見到某一個friend之前係有出過story 但係之後再去睇返嘅時候發現成個Story唔見咗 IG上面show佢係「冇動態」狀況 跟住我就會擔心係咪我自己做咗啲咩所以俾佢hide 咗story 另一個情況就係譬如某個人加咗我做close friend 但係近排都見唔到佢有發佈 close friend嘅動態,我又會開始喺度係咪佢踢走咗我出去close friend list度,我係咪又做錯咗啲乜嘢 久而久之呢個就會成為我好難集中去溫書嘅一個心魔，因為一諗起俾人hide story 個心就好難集中到。 唔知大家有冇好似同我一樣嘅問題， 定係只係得我一個有😭 真係好想知道大家有冇呢個問題🥲 求admins