#NSS個人 [Guest] 覺得人生冇意義了，小妹中二，單親家庭，之前 我老竇出面又有幾個二奶，仲生埋仔，搬咗三次屋，全部我老母俾錢（因為佢有積蓄同埋好慳）就算老豆做手術定係點，全部都係我阿媽俾錢 ，而且我老竇喺我四年級之前，無返過工，所以基本係我老母養佢，學業方面因為小學一年級差D留班，傾咗好耐先可以升，升班條件就係我要補習，所以咁樣補足6年，洗左幾廿萬，但係我都係唔合格，覺得曬咗好多錢，（利申住公屋），自己無心讀書，同阿媽講叫佢唔好俾我補習佢又要逼我保到中一，小學同學已經差唔多全部冇聯絡，暫時成個中學讀書生涯都好唔開心，上堂跟唔到，仲要差啲留班，補考先升到，俾人bully，［省略1000字］好辛苦，即係做咩都係錯，10月到而家都係咁樣，老師係可以完全察覺唔到，自己又唔想搞大件事，因為係原班升，頂多插幾個人入嚟，男仔女仔都俾人bully，隨波逐流，同老師講肯定又比人話低B乜嘢，或者講咗之後都會冇friend，每日返學壓力都好大，好羨慕人哋搵到啲知心friend。身邊啲人都好假。小圈子，班長控制同學，一個小息可以俾人傳幾個八掛。我都唔知我做錯咗啲乜嘢，樣衰成績差？拖累人？ 我讀書唔掂其他嘢都唔得，完全冇興趣，細個想學琴同埋跆拳道，但係驚半途而廢，我其他嘢都完全唔叻，字樣衰成績差成日都做埋啲On9 野，冇其他天份，視藝PE拎E，畫畫樣衰，跳繩又唔識，sit-up 又一下都做唔到，單車又唔識，PE項目永遠都拖累人哋，好絕望，打機都廢。 根本我就唔應該生存係呢個世界，呼吸都係曬緊地球空氣，就算成功讀完中學，我呢啲都係比親戚睇死，同埋俾人笑。跳樓又好驚自己後悔，冇死到殘左，打到e到已經喊到停唔到。 Sorry 1999 不過都好多謝你睇到呢度 。
#NSS個人 [GUEST] 而家D後生仔咁無手尾？ 星期五中午帶細妹去某商場上面既公園，去到有幾個講普通話既女仔（睇樣大概12-14歲？）坐曬係有瓦遮頭嗰啲亭下面，一路食嗰啲懶人火鍋，一路開勁大聲音樂阻住咗後面條路，其他小朋友都挽唔到 等咗一陣我地就返咗屋企。 重點係第二日 我哋再去返個公園 見到佢哋琴日坐個位隔離一大堆垃圾 袋又有食完嘅嘢食又有乜都有 好清楚係琴日佢哋食完冇執手尾 仲要上晝有落過雨 成個衛生超差 真係唔該可唔可以有啲手尾 本身就唔應該喺嗰度食嘢仲要唔執唔通要清潔工人幫你地執手尾？ 真係好嬲 事後幫佢哋執返咗 唔該俾啲公德心😓 圖Link: https://ibb.co/DbjW12R
#NSS愛情 [GUEST] 小妹今年F.4。我有一個friend（簡稱A），係小同兼中同，小四嗰陣A曾經同我表白，我拒絕咗，冇幾耐A就轉咗校。因為好細個所以冇擺喺心上，如果唔係佢同我喺中學重遇，我都唔會記返起呢件事。我以為A同我一樣對呢件事冇乜印象，應該唔會鐘意我，所以冇特登避開A，仲同A幾friend（會一齊去主題公園、去自修室温書嗰種）。但係A原來仲鐘意緊我，A係8/29號同我講（用whatsapp）佢而家仲鍾意我，希望可以同我一齊，畀時間我考慮。我唔知應唔應承A好，因為其實我唔算話真係鐘意A，但係聽到A嗰一連串真心告白，有少少淪陷（？（可能因為我我由細到大都未試過俾人噉告白）。過咗幾日，有一個friend（簡稱B）都同我表白，都係小同兼中同。B係一個對我嚟講幾重要嘅人。話說我小五嘅時候俾人排擠（極有可能關A事，因為叫人排擠我嗰個人十分鍾意A，有一次仲同我講都唔明點解A會鍾意我），淨係得B同一個朋友（但佢哋同其他人都ok friend）願意同我一齊玩。有一次有幾個八婆叫我抽簽去決定我可唔可以同佢哋一組（但其實兩支都寫［不要］），我費事遲啲又整返低我一個人，就諗住試下抽下。喺呢個時候B出手阻止咗班八婆，仲叫班兄弟退出班八婆個組如果佢吔唔俾我加入，同埋B經常都會喺一啲要兩個人組隊嘅情況下同我一齊，雖然我冇同B講但係我內心非常多謝B，對B有好感。升中填表嗰陣時，我問B填咗邊間，B話係XXX，我好驚訝點解B會填band2a嘅學校，B嘅水平明明係band1a~b，B話因為佢個女朋友讀書成績差啲想陪佢一齊，我喺嗰陣時先知道原來B有女朋友，就放棄咗對B告白嘅念頭，並漸漸同B保持距離。B同佢個女朋友喺下學期分咗手，我笑B話你而家後悔都冇用，升中表都已經交咗。毫無意外，B入咗嗰間band2a嘅學校，我因為運氣差，入咗一間band1c嘅中學（原本expect band1b）。B同我講佢會努力啲，轉入我讀緊嗰間去陪我，我笑住同B講噉你加油喇。經過咗中學三年，我以為B可能喺嗰度已經識咗好多人，應該唔會轉校，嗰啲都係講下笑。點知B係9/1同我講會有驚喜（冇錯我哋仲有聯絡），我同B講笑:唔通你轉咗過嚟讀。B答我:叻女。我即刻嚇親，心諗應該唔會嘅，佢應該係整蠱我。點知B真係嚟咗，我同B同一班，A就喺隔離班。B放學後同我講佢唔知幾時開始鍾意咗我，話正式開始追求我，我嚇呆咗。點解成件事可以噉狗血？其實而家嘅我對A有少少心動，但又唔係鐘意，對B冇乜感覺。大家可唔可以話俾我聽應該點做？應承邊個好？定兩個都唔應承？ Sor for 1999
#NSS個人 [GUEST] 今年form3，自己本身內向，又唔識講啲有趣嘢，一直以來都好難識朋友，今年個班得一個比較熟嘅人（唔知佢當唔當我係frd）但佢喺班入面有其他好熟嘅朋友，平時小息佢都會去搵其他班嘅frd玩，完全唔知點先可以融入佢哋同佢哋熟到。。。班上除咗佢冇熟嘅人，個個都有自己好frd嘅圈子，雖然我有其他frd喺隔離班，但喺自己班上點都想識啲frd😢 我都唔係討厭獨處嘅，但自己一個真係好無聊，點先可以識多啲朋友/融入人哋？佢哋成日去搵其他班嘅frd我點先可以同佢哋熟到QAQ？點先可以改變自己個人咁無聊嘅性格？試過好努力搵話題，但好驚人哋覺得我講嘢奇怪… 依件事困擾咗我好耐…希望大家比啲意見我 sorry for1999