—類投稿

#NSS個人 [Guest] 小妹今年DSE應屆考生 疫情嚴重加上就嚟要考DSE心情有啲沉重所以要同啲friend傾吓計 所以大部份同friend都係IG度交流 但係近排發現自己有一個好嚴重嘅問題 就係當我見到某一個friend之前係有出過story 但係之後再去睇返嘅時候發現成個Story唔見咗 IG上面show佢係「冇動態」狀況 跟住我就會擔心係咪我自己做咗啲咩所以俾佢hide 咗story 另一個情況就係譬如某個人加咗我做close friend 但係近排都見唔到佢有發佈 close friend嘅動態,我又會開始喺度係咪佢踢走咗我出去close friend list度,我係咪又做錯咗啲乜嘢 久而久之呢個就會成為我好難集中去溫書嘅一個心魔，因為一諗起俾人hide story 個心就好難集中到。 唔知大家有冇好似同我一樣嘅問題， 定係只係得我一個有😭 真係好想知道大家有冇呢個問題🥲 求admins

#NSS學業 [KTS] 內文： 話說小弟今年f5 咁而家都開始操past paper啦 但做完之後好難幫自己改 仲要老師係唔會幫我哋學生改 就以通識同埋中文卷三為例 做完啲past paper就咁睇Marking 好難幫自己比到一個分數 （自己有可能會鬆手啲改卷） 我驚咁做pp嘅話會導致自我感覺良好 搞到出嚟考DSE最後成績未如理想 想問吓咁多位 你哋做完past paper嗰陣遇到呢種情況會點處理？ 麻煩Admin po ig thx🙏🏻

#NSS愛情 [HKONC] 小弟今年F3，喺F2開始功課超多，quiz同test日日都有，真係好大壓力。不過，啲壓力我都係擺喺心入面，因為我知道就算我講出嚟，都唔會有人明白我。 我就係咁樣渡過左一個好唔開心嘅F2，直到升上F3，我識到一個人之後，我完全唔同咗。 佢係隔離班嘅一個女仔，某日小息嘅時候喺樓梯見到佢拎住好多嘢，跟住佢唔小心跌晒啲嘢落地下，咁我就幫佢拎返上嚟，然後佢同我講咗一句「唔該」就走咗。毫無疑問我係一條毒L，平時都唔敢出聲，第一次有女仔多謝我，嗰一刻我就知道自己完完全全鐘意咗佢。 時隔一個星期後，我偶然搵到佢ig，然後大膽問咗一句「你係唔係… 嗰日嗰個女仔？」，之後佢覆咗我，嗰日我就係咁樣同佢傾咗半個鐘，我發現佢份人真係超好，明明只係第一次傾，佢都好似完全明白我咁，我對佢嘅好感又進一步上升。 就係咁樣，第二日我都主動喺ig搵佢傾，然後就係咁樣持續左一個半月，彼此嘅認識都越嚟越深，我甚至覺得佢係唯一一個真正明白我嘅人，傾嘅內容都開始變得曖昧，我都唔知佢鐘唔鐘意我，但係以我咁嘅毒L個性都係收得皮。 跟住我發現原來有好多人都鐘意咗佢，我亦開始想放棄，但係佢仍然主動搵我，所以我都未完全放棄，直到一次… 嗰陣時係2月，疫情爆發嘅時候，我都不幸中咗肺炎，正當我以為佢會關心我嘅時候，冇。佢一句關心說話都冇，我當然hurt爆，喺我發燒燒到41度嘅時候，我仍然拎住部電話，一心希望佢發一個message。 好啦，我都已經康復咗，佢一個message都冇send俾我，之前知道有好多人都鐘意佢嘅時候，我已經喺放棄嘅邊緣，經過埋呢件事，我已經真正放棄咗。 諗深一層，其實我好傻，佢又點會鐘意我，一條毒L根本唔識同人相處，就算佢都鐘意我，我都俾唔到幸福佢。咁不如我真正放棄，希望佢可以搵一個更加好、更加愛佢嘅人。 真正放棄咗之後，我由2月到而家一句嘢都冇同佢傾過，正當我以為自己真係放低咗嘅時候，其實我未。偶爾會再諗返以前同佢傾嘅時光，夜晚瞓覺諗佢諗到喊，發夢都見到佢。 其實我已經忘記初心，我只係想搵一個明白我嘅人，而唔係女朋友，但係我一同佢傾嘅時候又會覺得我同佢好似有可能，咁不如直接唔好傾？ 我真係好矛盾，唔知你哋有啲咩建議？ 毒L一個，sorry for 1999，admin 辛苦晒

[Guest] Hello 小妹係一個中三學生 中五會去UK/澳洲/加拿大留學 我想讀mass media management/marketing /film(UK) 唔知中學揀咩科會容易啲升到mass media management/marketing/film 呢 另外 我亦想去澳洲讀medic/nursing 最後如果真係決定去澳洲 係咪讀返phy Chem bio 就易d入medic/nursing 呢 Sorry for 1999 希望admin幫手出post Thx

#NSS愛情 [guest] 如果有人識你幾日就話對你一見鍾情，但你系日久生情嘅type，雖然你對對方嘅條件都頗滿意但你未有feel，又驚拒絕之後無機會發展，會唔會應承試下先?

#NSS學校 [Ha] 有件事好想講出嚟，糜爛嘅生活都唔知幾時先會結束，覺得識佢一次就衰Double 事緣我小學有一年入精英班識咗一個同學，因為排隊企喺前後位置，開始熟絡，佢個人精神有問題，成日侮辱我，同佢開玩笑，佢就好認真咁樣10倍報復俾我，幾個朋友聚埋一齊傾傾吓計，當著五六個朋友面前一巴星落我度，有啲朋友仲偷笑，我當場呆咗，但係我並冇比任何反應，不過記憶就深深烙印喺腦海裏面，好彩我仲有同其他朋友傾偈，玩，一年之後各自升班，互不相干，自己都心知肚明千祈唔好再同佢做朋友 後尾因為佢嘅性格所以佢嗰班嗰啲同學都唔鍾意佢，佢冇朋友，咁我嗰班朋友裏面有一個又同佢識得，（係識得姐），佢就同我哋玩，咁我以為佢有改過，點知原來因為我哋個關係疏遠咗，所以佢有所收斂 後尾升上中學同佢同班，禁見小學friend過，就繼續做friend，點知佢不斷向我散發負能量，每日搞到我好唔開心成日都黑面，我諗住同佢做friend開解佢，我要成日問佢佢係咪嬲，佢癲起上嚟倒晒我個筆袋啲嘢出嚟，又成日同我講佢好厭惡男仔，叫我唔使咁好人，我小測成績好過佢，佢佢表現得好唔滿意，自己個小測低分左，拉我入廁所喊，group presentation 想我比我份稿佢睇去校正，但係自己嗰份又唔會俾我睇，我死都唔俾佢，佢就係正式present嗰陣喺我隔離不斷施加壓力，我有一次WhatsApp同佢講我忍咗佢好多嘢，點知佢又同我講返佢都忍咗我好多嘢，我好錯愕，心諗應該係互相包容嘅問題，我忍佢時佢又忍吓我，不過佢好多陋習，係好自私嘅壞習慣，又計縮骨數，偷偷摸摸，從來唔會大大方方，佢會要我犧牲我去成全佢，仲要佢主動要求我去放棄我嘅嘢，虧佢問得出口，又問我借quiz ans 俾佢等佢跟答案做高分啲，後尾佢教好多小動作終於攞到好成績，又博取度老師好感，靠踩我上位，我好似塊綠葉係佢身邊襯托佢咁，啲人以為我係Les，其實係因為學校嗰啲小圈子我融唔入去，我同佢做一年friend，諗住下年同佢唔同班，點知年年同班，加上同佢做friend一年，每日返學八個鐘都比佢情緒勒索搞到我好壓抑我嘅情緒，全部又係新同學一啲都唔熟悉我，佢成日都代我發言，搞到啲人覺得我係佢嘅附屬品，唔同我講嘢，有乜嘢都淨係問佢，我哋地位好懸殊，我慢慢俾佢將我同世界隔離，佢要我啲成績差過佢，要我做下把位，但係明明係我喺佢冇朋友嘅時候同佢做朋友拉佢一把，佢每日壓迫我，令到我變得容易焦慮緊張，成日眨眼，驚同其他人講嘢 最大嘅問題係佢心地唔好，成日都陰謀論，講到屋企家庭事好似宮斗劇，佢好似對我好好咁，但係其實事事以自己為先，首先犧牲朋友令自己好咗先，然後同朋友講話望朋友好，完全係自私精嘅行為，我諗住算啦始終有一日同佢唔同班，其實我對住佢我覺得好尷尬，我俾佢徹底改變左，我變得好敏感，本身成績唔錯，都有啲真心朋友，依家搞到成個世界灰色，一個朋友都冇 佢而家成績好好，但係佢並唔值得我尊重，即使老師好鍾意佢，都只係因為佢哋鍾意嘅係佢嘅一層面紗，偽裝出嚟嘅，同學都對佢阿諛奉承，殊不知佢心入邊有好多OS，成日口不對心，我做個佢朋友嘅時候就領教得多，啲人同佢講完之後佢就即刻背地裏同我講返衰嘢 最大問題係佢偽裝得非常之好，全世界好似冇一個人認同我咁樣，因為佢從來都冇俾佢嗰一面比任何人睇，我相信只有小人因為踩朋友上位而得志，而我向任何人求救嘅時候，啲人都事不關己己不勞心，而家我本身嘅朋友亦都因為我嘅改變慢慢同我疏遠，因為佢哋自己都有朋友，可能我已經過時，如果你係我嘅朋友，而你又睇到呢篇文，我希望同你講句對唔住，我唔係有心向你抱怨，而家我覺得世界冇人認同我，好孤立無援，佢就好似溫水煮蛙咁，而我就好似嗰隻青蛙一樣死咗都冇人知，冇人問，或者啲人亦都唔會好奇 可能因為我敏感嘅原因啦，我覺得冇一個人尊重我，我甚至諗緊我到底應該報復定係算數，我每日都受情緒反覆而煎熬，啲老師都好鍾意佢，覺得我帶壞佢，喺學校有冇朋友，個個人都話我蠢，其實我裝傻扮懵，只係為咗生活好過啲啫，每當我一返到學校，成個世界好似黑白顛倒咁，啲人覺得我好卑微睇唔起我，唔願同我做朋友，其實我睇得出㗎，我冇諗到我從來冇傷害人，依家竟然會落得咁嘅下場 我知我依家好廢，見到識嘅人都避而遠之，因為我唔想比佢哋見到我而家咁嘅樣，我希望人哋對我嘅印象都係以前嘅我，可能有啲人會覺得我絕咗交而報復同埋沒黑佢，但係我會發憤圖強，去證明，希望可以成功啦 純粹想講出嚟，發洩吓

#NSS個人 [GUEST] 膽粗粗過來投稿抒發我對未來嘅迷茫，可能有書面語，希望大家屌細力D。 唔知大家會唔會有時會覺得人生沒意義、又或者明明有一堆frd可以吹水，但都係覺得好孤獨、好疲累？事實上，就我嘅見解，孤獨同虛無可謂是現代人面對的一大精神困境。以上我將會講述現代主義如何令匿點問題出現，以及要解決匿點問題我地將要跨過嘅難關，以闡明問題之大。 「現代主義通常包含著集體主義跟個人主義的意識形態，講求集體跟個人功利性與共同體。」from Wikipedia。講起現代主義，大家最常聽嘅應該係弗洛依德嘅自我理論（先不論該理論本身嘅錯對）理論揭示左每個人靈魂的豐富，因而促使現代主義的藝術走向對個人體驗的重視。對個人體驗的重視迫使封建社會和宗教建立嘅群體性逐漸消失（嚴格意義上早在文藝復興嘅人本主義興起時問題就已經有所遁影但西方社會當時乃未全然「文藝復興」）在重視個人體驗的同時，科學實在論的興起也令功利主義有所發展，迫使人類放棄浪漫主義同啟蒙時期訴諸於精神世界的方法，最終產品就係「孤單」。即失去或對任何群體（例如社會、學校甚至家庭）的歸屬感也十分薄弱，將「自我」的概念與「羣體」的概念對立。 其二就係「虛無」，即 虛無主義，簡單來說就是相信人生毫無意義的一種思想。承接上文，科學實在論的興起也令功利主義有所發展，功利主義本身對物資世界的效益的重視促使人類社會看重「物質」。「物質」不能給予我們精神世界上對人生意義的解答，導致我地係多巴胺耗盡後，往往只能感到「虛無」。 搞咗咁耐我諗大家都發現㗎啦最大個問題係出自於功利主義，又或者話科學實在論帶來嘅功利主義。而就現代嘅情況，我地無法貿貿然摒棄科學此工具，所以我而家嘅問題係，現代社會如何對抗功利主義，個人的孤單與虛無絕非一個人嘅事，當隨功利主義的蓬勃發展，佢延伸到每個人嘅內心，佢會上升成一個共同認識，一個制度性事實，一個社會價值觀，一個社會結構都賴之於建立的觀念。係匿種情況下，甚至話「社會」此一概念都唔知會唔會存在。就此，我對人類社會的未來感到迷茫，衷心期待大家作為有重建力量的新一代可以一齊集思益廣，一齊討論解決方案。或者直接屌醒我同我講我嘅諗法十分可笑。 （上文為左被更多人睇得明又受自己能力有限沒法子講得更精準，我知應該會有點有研究開嘅人開始屌篇野唔夠清晰。所以有點咩問題可以cm講我睇下覆唔覆到你）

#NSS個人 [GUEST] 小妹今年14最近睇到好多關於大家羨慕有錢人嘅post，喺呢度我想向大家，珍惜自己擁有嘅嘢知足常樂啦, 有錢唔等於冇煩惱。 小妹住九龍塘別墅，雖然唔算得上係可以屋企有游泳池，每日有司機接送嘅富三代，但只要係我想要嘅，由淘寶到Chanel 其實都買得起。 雖然話我絕對有能力喺返學嘅時候所有嘢都用名牌，但我個人覺得，返學除咗學習之外，好大嘅一個目的就係結交朋友，而且因為小學嘅時候，我親眼睇住一個成日都鍾意曬命嘅富三代，因為種種黑人憎嘅曬命行為，完全冇朋友。但我份人好重視友情，我驚我變成佢咁， 所以我喺學校非常貼地，基本上冇人知道我係一個有錢人。雖然平時我同屋企人唔係去馬會 （賽馬會會所）就係去九龍塘會，但如果要我講心嗰句，我更加享受同朋友一齊去旺角篤魚蛋，一齊逼地鐵去西九行街，我感恩我喺屋企擁有嘅一切，同時亦都非常珍惜同朋友個腳踏實地嘅生活。 以上就係我嘅經歷，最後我想喺度講一句：無論貧窮富貴，你都冇資格以家境判斷他人，清貧嘅生活可以過得好精彩；富貴嘅生活可以過得好痛苦，有有錢人唔可以睇唔起窮人；窮人亦都唔可以歧視有錢人，無論佢家境如何，活得高調定係低調，都只係佢做人嘅一種選擇， 你可以唔鍾意佢嘅選擇，但請你要尊重。 呢個社會本身係唔公平㗎，但只要你我都返一絲尊重，世界會變得更美好，感恩並珍惜你擁有嘅一睇，便是最好的生活。

#NSS愛情 [吾系太想透露，不過有三個S] 人往往系就黎失去個陣，先明白自己既心，可能寫得吾系太好，望見諒。 我今年讀F3，同呢個女仔系2021年暑假嘅時候先認識對方，我知道佢應該唔想我暴露佢嘅名，或者係根本唔想我將呢件事講出嚟，所以呢度就叫佢y啦，因為佢嘅姓系y字。佢系一個偏理性嘅獅子座，我系一個偏感性嘅水瓶座。佢想要自由，我想要佢。 我好鍾意叫佢全名，因為我覺得佢嘅名真係好好聽，有種溫柔嘅感覺。佢同我講，話呢個名係算過嘅。我哋系參加咗一個暑假英文辯論隊嘅訓練。其實我哋三年以來都冇同過班，今年係第一年。起初我覺得佢睇落好高冷，甚至有少少自閉。但係響全級嚟講，我覺得佢都幾靚女，因為好白，同埋佢嘅衫上面有一陣檀香味，我對佢嘅印象都唔錯，覺得佢係一個各方面都好唔錯嘅人，佢對朋友好好，好有義氣，而且家庭氛圍都唔錯，佢係一個大家庭，可能受到原生家庭嘅影響啦，我比較嚮往大家族一齊生活，互相扶持嘅感覺。所以我可以話對佢係一見鍾情，因為佢各方面都好符合我嘅標準。開頭我同佢冇乜嘢交集，但係我好想同佢做朋友，所以我會想主動靠近佢身邊，融入佢嘅朋友圈子。一次考試之後，老師幫我哋調位。佢調咗坐我身後邊，因為我近視，所以本身坐最尾一排，都掉咗上嚟第三排，我哋嗰行靠近門口嗰邊。我嗰陣時知道同佢一齊坐，真係超級驚喜，覺得哇！咁好彩嘅？！我唔係發夢啊嘛！跟住透過呢種近水樓臺先得月嘅機會，我慢慢拉近咗同佢嘅距離，做咗朋友。因為我係一個比較外向的人，所以我會主動去搵佢傾計。我覺得係佢面前，我嘅話題源源不絕，好想同對方分享，亦都好想對方同我分享自己。 跟住我哋去咗一次密室逃脫，本身我冇惗住去嘎，不過見到佢去，我就想跟住佢。佢入咗去之後，其實都幾驚，因為我哋系幾個人一齊玩，所以我唔敢表現得太明顯，冇太黐住佢，但係我有默默留意佢架。當我轉過身，佢攬住咗我隻手，我好驚喜，根住回抱翻佢，話吾使驚，我響度。我真係冇估到，佢外表咁堅強嘅一個人，竟然會被嚇到喊，但係喊個樣都好靚嘎，我睇到有種心痛嘅感覺。後尾佢出咗去，我想陪住佢一齊嘎，但係佢唔肯，叫我入返去先，而另外一個女仔呢就陪住佢，我睇到之後其實好失落嘎，不過我都只可以翻轉頭。 隔咗幾日之後，我約咗佢出嚟。我哋本身係惗住去打羽毛球嘅，但係嗰日風太大啦，打唔到。跟住後尾就去咗海旁，我哋去咗鯉魚門嗰邊。後尾行返出嚟，我就話不如我哋去下將軍澳海邊行下？佢應承咗我。後尾去到將軍澳個度，我係有啲路癡，唔記得咗點樣行條路，根住就send左條message問下我阿媽，好彩係最後我哋都順利去到嗰度。佢隻腳有啲攰，我哋就坐咗響嗰度好耐。佢同我講，佢有可能會轉學，我聽到之後其實好詫異，我覺得，如果我再唔表明自己嘅心意，就再都冇機會啦。但係我又唔敢講，我就只可以由側面表達自己嘅心意「如果你可以聰明啲就好啦」「點解你反射弧咁長嘎」之類。就係行到港鐵嗰度，佢問我係咪鍾意佢，用英文問嘅。我唔敢答佢，行遠咗少少，跟住佢又問，係朋友定係唔係朋友嗰隻鐘意？我冇答佢，到通紅綠燈嗰度先同佢講，唔係朋友嗰隻，跟住一見到綠燈就成支箭咁樣沖走咗，當我哋搭地鐵嗰陣，緊張到成個人唔知點算，好後悔我做乜咁樣講咗出嚟，如果佢唔鍾意我嘅話咁咪弊囉。佢後尾響手機同我講自己好慢熱，要追佢嘅話可能要幾年，問我值得咩。我話好值得，無論你係咪鍾意我都好，我都一樣咁鍾意你。跟住佢食完晚飯就同我講，其實我惗過嘎啦，不如我哋都係做朋友算啦。我聽到嗰陣時真係好震驚，點解明明有機會，但係到咗幾個鐘头之後又突然之間轉咗態度。佢一直同我講對唔住，如果我唔想理佢嘅話可以刪咗佢，但係我做唔到，就同佢講。就算你依家咁樣講都好，我依然好鍾意你，由而家起，我俾你三次拒絕我嘅機會，三次之後，我就唔會再去糾纏你。佢無覆我，差吾多到12點個陣，佢send左條信息俾我，話自己其實對我都有感覺，對我同對其他人吾同，可以同我試下。我睇到個陣，開心到成個人從張床度彈左起身！！！我真系冇諗到佢會應承我！！超Surprise！ 我好敏感，情緒化。但佢一直都好包容我，呵護我，就算佢心情幾吾好，都吾會向我發脾氣。其實我真系好心痛佢，覺得佢表面好似好堅強，但內心好脆弱。佢同我系兩種完全吾同既性格，我熱情，佢高冷。我感性，佢理性。我170，佢164左右，我好鐘意攬住佢，見到佢個陣，我會成個人都開心曬，因為我真系好鐘意佢。但我系一個心口不一既人，我好鐘意佢架，但正因為我遇事想當刻解決，佢想權衡利弊之後先作出選擇。所以我覺得佢好理性，甚至有D，捉唔住佢嘅感覺。於是捉唔住，我就綁得佢越實，我嘅占有欲，同控制欲，其實都係因為冇安全感而延伸出嚟嘅。我曾經有過幾份感情。但係最後都係俾對方背叛，所以我係一個極度敏感多疑嘅人。我成日覺得佢唔鍾意我，所以我用其他的方法來試探佢，例如話專登同佢講會同佢分開，其實我根本冇咁惗過，我已經將佢納入咗我未來生命嘅規劃，我想同佢結婚。仲有我會同ex聯絡，我知道自己咁做好自私，只系為咗想令佢呷醋，但係我見到佢真係嬲咗嗰陣，我就即刻刪咗嗰個人。雖然我的目的達到左，原來佢都唔係唔緊張我，但係我完全冇察覺，我呢種做法傷害咗佢。我對於親近嘅人，先會表露自己嘅情緒，如果係唔熟悉嘅人，我唔會暴露自己嘅小情緒，亦都會好客氣，但係可能係咁俾佢覺得，我好似已經吾鐘意佢，因為我會對佢發脾氣。我完全冇意識到，危機即將降臨。 響不經不覺間，我哋之間嘅裂縫越來越大，啱開始佢可能仲忍受到，但係到咗依家，我感覺到佢逐漸抽離緊自己嘅感情。今個禮拜一，即系4月11號，佢同我講，自己壓力好大，俾佢一個禮拜冷靜下，喺期間，佢唔會睇，亦都唔會覆我嘅信息。我以為佢只係講下，我發咗好多信息，亦都去左揾佢，但係佢send左條信息俾我，話睇到我最近係咁發消息俾佢同打電話，佢話其實有同我講過發一段訊息或者唔發訊息俾佢，而唔係中途一直係咁搵佢，話佢依家嚟緊M同埋好攰，需要休息，唔只係健康上，仲有心理上。佢話知道我過咗嚟LT搵佢，叫我唔好再嚟搵佢，亦唔會同我見面，叫我返屋企，唔好再嘗試嚟搵佢。佢又話，其實佢覺得我都應該利用呢段時間休息一下 ，而唔係一直喺度搵佢。如果我繼續係咁嘅話，佢話會即刻block咗我同break up，而唔係一個星期之後。我睇到嗰陣時真係好受傷，係呢段時間裏邊，我嘅思緒一直響好同唔好之間拉扯，我有通過其他方面去打探佢嘅消息，佢知道咗，同我朋友講叫我唔好再嘗試打探佢嘅消息，話叫我好好休息一下。今日到咗15號，我已經可以明顯感覺到，佢準備放低我啦。但係我仍然唔死心，如果一個禮拜之後，佢同我講，話自己對我仲有感情，我可以好似飛蛾撲火咁，繼續堅持落去。但係我知道，希望好渺茫。而且佢身邊嘅人都叫我有定心理準備，話佢好似已經有咗一個決定。但暫時唔知決定係咩。其實我已經估到，佢今次應該，真系吾要我啦。 其實我真係好後悔，如果我可以早啲察覺到佢嘅諗法，我一定唔會咁任性，帶俾佢咁大壓力。我知道佢可能捱唔住啦，響感情仲有生活之間，我應該係被捨棄嘅嗰一個。我好唔甘心嘎，但我真係冇辦法啦。以前我覺得，我可以離開佢之後，好快搵到第二個，因為我係風向星座，我從來唔會為任何人去停留。但係當我意識到將要失去佢嗰陣，我先至睇清楚自己嘅心。原來係不經不覺之間，佢已經滲入咗我嘅生命，顛覆咗我的習慣，就好似毒藥咁，我想戒，已經戒唔到啦。我呢段時間真系好痛苦，成晚都無瞓過，我食左安眠藥都瞓吾著，成個腦都系佢，心跳得好快，今日朝早，已經到左一分鐘144下，再上食吾落嘢，食一粒小籠包就已經響度乾嘔。我覺得，再咁落去，我可能真系會入院，甚至猝死。 我琴晚仲響度惗，如果佢唔離開我嘅話，我可以為咗佢改曬我所有嘅壞習慣，改曬我所有嘅性格，衹要佢鍾意，仲肯留響我身邊就可以。如果佢想分手，我系應該挽留，定放手。其實都喊左好耐，隻眼又乾又痛。我曾經諗過吾應承佢，但我驚佢同我徹底反面。我吾想連朋友都做吾到，我好想陪響佢身邊。佢真系同我分手既話，我會想約佢見一面，如果佢吾肯既話，我都只可以專重佢。我依家知道，感情冇得強求。就算我幾鐘意佢，有D人吾系你嘅，你點樣努力，佢都吾會翻轉頭。我哋實在遇到太多困難，雖然我地都系女仔，但我真系全心全意愛你。或者可能係響錯嘅時間，遇到啱嘅人啦。 如果你睇到呢段剖白，我希望你可以同我好好講清楚，表達清楚內心嘅諗法，無論你仲鐘吾鐘意我。你可吾可以吾好冷落我，吾好同我冷戰，其實我嘅心，真系好痛。如果y嘅朋友睇到，我都希望你哋可以轉發俾佢睇下，更加希望你哋可以幫下我，挽留佢。可能呢一世我同佢注定有緣無分，明明我拼盡全力靠近佢，但最終我哋既距離越來越遠。如果你睇到嘅話，可吾可以吾好放棄我，我真系好愛你。我知道你做左決定之後，就再都吾會翻轉頭。就算最後你決定分手，我都希望我哋可以做朋友。我曾經系一個好決絕嘅人，就算我幾鐘意果個人，如果佢同我講分手，我可以從此消失響佢既生命裡面，但對你，我真系做吾到。就算你吾再鐘意我，我都希望可以陪響你身邊，做你既後盾。當你委屈，或者遇到挫折個陣，記得回頭望一望我，我會永遠陪響你身邊。 你叫我休息下，我都好想放鬆，但我嘅心已經唔響我呢度，所以我真係好糾結。我自認為吾系一個長情嘅人，但我依家先發現，我所有嘅深情，全部俾曬你。我系一個好驕傲嘅人，但如果要失去你，我可以拋低我所有嘅自專，收埋我所有嘅獠牙。y，我愛你。對吾住，咁遲先認識到自己嘅感情。可能你已經吾再想要我嘅愛，但我愿意等你。你亦都可能已經吾想再接受我嘅愛，吾緊要，我都吾想睇到你咁辛苦。就算你吾再愛我，都無關係，希望你可以遇到一個你真正鐘意嘅人，亦都希望果個人，吾會傷害到你。希望你好多年之後諗翻起，可以記得曾經有一個人，好愛好愛你。

#NSS學業 [Guest] 今年F1 英文&科學（英文教）&中史 成績都唔太好 有冇人有啲快捷啲嘅溫書方法 仲有一兩個禮拜就開始考試 雖然我知道臨急抱佛腳有啲唔啱… 我英文嘅問題就係「XX式」唔知係咩時候可以用 科學嘅問題：我唔理解啲人類繁殖結構，英文教係真係睇唔明 中國歷史嘅問題：我背唔到啊救命