#NSS家庭 [guest] 哥哥，我知道你應該唔會見到呢篇文，不過呢啲係13年嚟我對你嘅諗法 我同你差11年，你又係嫲嫲屋企住，雖然我哋有唔同阿媽，阿爸從來都冇偏心，不過我成日覺得係我搶走左爹哋，令到你由11歲就同阿爸少咗感情，記得我兩三歲嘅時候，你會係weekend嚟屋企同阿爸打機再過夜，係我五歲嘅時候，你第一次同我玩，我哋同阿爸喺我部iPad到玩大富翁，唔知點解我記得咁清楚，我玩玩下坐監，你問阿爸邊個坐監，阿爸話你阿妹坐監。 6歲個陣，我哋嘅表妹出世，佢同你差17年，一樣都係11月11日生日，所以屋企就安排咗你同表妹一齊慶祝生日，上兩個星期五，我哋又一齊成家人食飯，見到你同而家6歲幾嘅表妹一齊玩，唔知點解覺得有少少唔開心，我係到諗，我哋兩個都係細嘅，點解你會同佢玩而冇同我玩？我哋兩個一樣都係女仔，係唔係因為我冇佢咁大膽？定係因為你兩個同月同日生日？我哋每年傾嘅計屈指可數，基本上都係「哥哥」、「byebye 哥哥」呢兩句，記得有一次我係雪櫃攞雪糕食、唔小心擋住咗條走廊、你又咁岩行過，講咗句「師兄，使唔使擋住條路啊？」，我即刻用假笑扮乜都冇發生、慢慢行過去另外一邊，上年新年團年飯嗰陣、你第二次同我玩，表妹帶咗副uno，我哋就一齊玩，大部份都係你贏。 你由細到大都同大伯大伯娘、姑媽姑丈好鬼死咁熟，又同佢哋去旅行，又去shopping，又camping ，但係我從來都未試過，記得姑媽買嗰條裙同埋外套俾我、加埋成千幾，呢個係我成世最貴嘅衫，嗰件外套着咗好耐，着到唔啱着都仲着緊，大伯送過我哋每個人一部iPad，你就iPad Pro,我就iPad Mini，雖然佢幾年後都送仲部iPad Pro俾我，不過iPad後面刻咗佢個名，唔知點解我覺得有少少重男輕女，但係對我哋表妹又係另外一個故事 表妹寫咗封生日卡比大伯，個個人都話好靚、我都送咗張卡比佢，咁啱嗰陣我唔舒服冇親自俾佢，姑媽姑丈同表妹high tea,以我除咗返嫲嫲屋企基本上唔會出街同佢食飯 明明我哋個表妹係阿爸表妹個女，而我係大伯大伯娘、姑媽姑丈嘅細佬個女，點解差咁遠嘅？我完全冇憎過表妹，只係覺得自已係阿爸屋企個邊冇咩點有人錫。 sorry for 199 純發洩：） thx admin ʕ •ᴥ•ʔ
#NSS愛情 [SSC] 想同大家分享一個$500愛情故事✨ 小妹今年中一，有一個讀LSC嘅前男朋友，或者呢啲就係puppy love 冇可能永久但係我真係好愛佢⋯⋯ 每次望住佢笑，我都會跟住佢笑⋯佢對我來講已經係生命嘅一部份⋯⋯希望我寫完呢篇野就可以放低，唔知你又睇唔睇到呢？ 我同佢係三年級識嘅，嗰陣時同佢完全冇任何交集，講過嘅嘢一定只有10句以內，一啲都唔熟，就好似係關係普通嘅同學。 去到五年級升六年級嘅暑假，有一次打機，佢有份一齊，後來打咗幾轉就開始熟咗少少，最後仲交換咗電話號碼。熟咗之後，我哋都keep住有一齊打下機，我好記得嗰陣時係約咗係每日嘅8:30，後尾我記得你講過你足球有練習，唔可以日日都打，可能我嗰陣時同你只係普通朋友，我冇乜特別感覺。後來我哋真係越嚟越熟，我成日逼你叫我做姐姐，然之後你係我細佬⋯去到大約一月嘅時候，我遊戲嗰張號俾人盜用咗，嗰陣時我哋就開始少咗好多交集。 去到二月中，我記得你係因為你跌壞咗你部電話，之後問我借$500 ，我當你係friend，所以借咗俾你，去到三月，呢段契約愛情就開始la⋯ 3月21號，我好記得我係因為分咗手冇幾耐，唔忿氣之後我同你講，同我拍拖一個月，我唔使你還錢，後來你都應承咗，之後我諗諗吓，不如改做三個月，你初頭的確係唔肯㗎，但係你最後話你呢排冇乜嘢玩所以願意。拍拖開頭，我同你講做返一啲小學雞愛情應該做嘅嘢，無論你願唔願意都好我都逼你做。 3月25號我哋第一次嗌交，我同佢講你唔使對我咁好，你唔需要每日朝早同我講早晨，每日夜晚同我講早唞，後尾你話咁咪唔講囉。去到3月26號，你生日我同你講sorry成篇長文，之後你話你唔嬲我，其實我諗諗吓都係嘅，我哋又唔係真係拍拖，可能只係我諗多咗⋯ 去到四月幾，我鍾意咗一個好耐好耐嘅男仔佢同我講佢只係當我係金魚，我即刻放負，後來第二日你去咗氹我，後尾講講吓，你又講咗另外一個故事，出奇地又嗌交，然後你又氹番我，可能就係嗰一刻，我鍾意咗你。 四月尾，我同你講不如分開啦做返朋友，我驚我真係會鍾意咗你，你唔肯，其實我幾開心㗎，因為我覺得取消我係你心入面有一個地位，有時我真係好掛住你，但係我又唔知我可以用咩身份嚟搵你。 去到5月18 ，星期二嚟㗎，終於坦白左，你問咗我一個問題，究竟我對你嘅諗法係點樣，我有猶豫過究竟我應唔應該同你講我鍾意咗你，最後我做咗一個明智嘅決定，我講咗我鍾意你，當我以為我會俾你拒絕，你同我講你都有少少鍾意咗我，你知唔知我真係開心到癲咗⋯⋯我最開心嘅日子終於嚟啦，我哋愛情並唔轟轟烈烈，而係平平淡淡。 去到六月初，有一排成日同我借錢，我開始有少少懷疑緊你係咪鍾意我，因為我鍾意你，我愛你所以我信任何你講嘅嘢，只要係你講嘅我都信⋯我並唔係一個溫柔，體貼嘅女仔，又鍾意呷醋然又任性，我唔鍾意你同女仔有交集，我又敏感喎，我以為你一直只係呃我，你鍾意嘅唔係我，而係一個喺第二個地方嘅女仔。後來你又氹番掂我，我就開始放肆，成日用分手呃你⋯⋯ 七月幾，就嚟畢業有一個男仔出現（W)，佢坐我前面嘅右手面，佢成日都撩我玩，專登搬張枱去我後面，我哋成日都俾人影低相，甚至班已經有好多緋聞係關於我哋，直到有一日，你開始覺得有問題，我同你坦白左，佢非禮我，我以為你會好嬲，係咁鬧我亂咁玩，點知你依然可以好溫柔咁同我講，唔使驚，去告佢啦，我真係覺得自己好錯，明明有咗你，我仲要亂咁玩，我同自己講我一定唔可以再亂咁玩，可惜玩就係我嘅本性，無論我幾想戒咗佢，我都係成日玩，仲要越玩越過分⋯⋯後來畢咗業呢件事終於平息左，當然中間仲有好多故事啦⋯⋯ 八月啦，初頭經歷咗冷淡期，有一排我對你冇乜感覺，之後我仲要話我想玩幾日，後來我發現冇咗你我根本生活唔到落去，甚至依家都係，講咗話要永遠一齊，可惜最後都比我破壞咗，今日你同我講咗一個故仔，你同我講你仲好掛住佢，我呷醋，我覺得你依家都仲鍾意佢，我唔知點解我可以咁低能，明知你而家唔鍾意佢，我都開始亂咁作林，最後我癲咗，同你講分手，你挽留我，我又唔肯，你同意左之後，我驚咗，當我挽留返你，你唔願意啦，嗰一下我終於知道我永遠會失去你⋯⋯後面仲有一段故事我唔想講啦 可能你都唔記得咗中間好多嘅細節，我哋認識嘅經過，朋友嘅開始，愛情嘅開始，嗌交嘅開始嗌交嘅結束，我知道無論我點講，你都唔會要返我㗎la，我只係想寫返出嚟發洩吓，希望可以快啲放低你，雖然我知道係冇咩可能性，但係我真係好想講，我好愛你我依然好鍾意你，你要我嘅時候，我一定會出現喺你身邊，可惜我需要你嘅時候，你亦都唔會再出現喺我身邊⋯⋯我絕對唔會講我寫緊啲篇野嘅時候，我留緊鼻血，哈哈，我發夢你唔要我，出嚟殺咗我，我驚醒咗之後發現自己流緊鼻血，正當我想搵你嘅時候，我已經唔記得咗你已經唔再屬於我啦⋯⋯ 呢個男仔，讀書又叻運動神經又好，又霸道，又可愛，又白癡，又得意，成熟得來又少少任性，矮矮地，幾好攬，又香又軟又嗲，把聲音又狼又奶，鍾意好識體諒人，又溫柔又體貼⋯⋯我都唔明點解你優點可以咁多，卻遇上一個我缺點咁多嘅女仔⋯⋯ 希望你可以搵到一個乖乖哋嘅女仔，比我靚，比我叻，唔似我咁任性，唔似我咁鍾意呷醋， 多謝你呢102日嘅陪伴，時間唔長唔短，我唔會祝你地幸福，我祝你快樂，分手快樂， 俾我講多一次啦
#NSS其他 [guest] 以下純發洩 是咁的小妹我而家f3開學冇幾日我個frd就畀啲**整喊咗(8月25開),件事就唔詳細講總之大概就係班兩個男仔把口唔知做乜無啦啦由傾偈到暗串我個frd再到串埋我frd啲屋企人,雖然我當時在場但班人開學太high嘈得滯聽唔清,內容大概就係咁,嗰陣我見我frd有啲哭腔嘅時候就叫佢哋唔好再講,但佢哋就話咩“啲女仔又喊” “我哋又冇講乜” 頂講sorry啦仲講咩喊唔喊啫,把口又臭,跟住我就笑住話“兩位不如去食屎啦,啲屎仲香個你兩條仆街嗰口呀☺️” 之後第日就畀班男仔喺暗地裏傳又講我把口好毒叫人遠離我之類嗰啲,成班小學雞🥴我都唔知講咩好,我冇爆粗都算好脾氣啦呀嘛.. 我想問係佢哋問題定我語氣真係重咗 如果係我去道歉 sorry for 1999 admin po ig thx
#NSS個人 [OLR] ****長文慎入**** 話說，我今年升中四。有一個男仔(同年但細過我)我由小學已經識佢， 我哋兩家人(父母)都好熟，所以自細成日約出嚟一齊玩(同埋父母一齊)。但問題就嚟啦，可能因為我的兩個越黎越大， 個男仔唔知係咪持住我哋熟，開始對我摸手摸腳。 幾個月前，佢地成家黎咗我屋企玩。 因為佢哋大人要打麻雀，所以就淨返我同佢無野做。 跟住我發現我行到邊度，佢都會跟住我。 有幾次我踎低左身，有小小走光，跟住佢竟然跟住我踎低，仲不斷望住我個心口位， 我睇到之後即刻企返起身望住佢， 但佢好似完全唔覺得有問題咁。 之後仲誇張，我諗住去沖涼， 就自己行咗入間房準備攞衫。 佢雖然聽緊耳機同打緊機，但佢竟然跟住我入房( 正常客人去人地屋企，都唔會就咁入人地間房啦)， 之後我開衣櫃，佢竟然企係我後面睇到實一實，睇到曬我啲內衣同其他野。 我睇到咁即刻拿拿聲攞曬啲衫入廁所，入廁所閂門嗰一刻見到佢跟到我黎廁所門口。 我唔知佢係咪因為冇父母喺隔離佢就咁樣，但係我成個人覺得勁唔自然同埋好似不斷有人監視住我咁。 但係我唔敢同我父母講，因為個男仔係佢哋眼中係個乖仔，所以就算我講佢哋都唔會信:(((( 我記得有幾次出街都係咁樣，佢不斷企係我隔離，就算我同我媽咪一齊行緊佢都會企喺我後面， 我feel到佢隻眼係不斷咁望住我😐 跟住有陣時我想著外套，佢會無啦啦衝過嚟幫我著上去。雖然我已經即刻避開佢，但係真係好辛苦，好似做每一樣嘢佢都要插手咁。 仲有，有陣時我行路差少少棘親或者準備上扶手電梯，佢都會企喺我後面，然後用兩隻手搭住我個膊頭，仲嗌我個名叫我小心。 我真係唔知佢係鍾意我，定係佢開始鍾意對女仔摸手摸腳，
#NSS學業 [Guest ] 小妹阿媽成日話我讀書差 純發洩 小妹阿媽成日話我讀書差，但係我唔覺得。 講返背景先，小妺今年升form2，band1b 學生，上年派位派衰左，派左band2b-c 嘅中學，咁我就去叩門啦，入返一間band1c嘅中學，嗰陣阿媽已經叫我考好啲再轉間好啲嘅。一升上中一，間中學即刻變咗band2，阿媽梗係崩潰啦，佢忍受唔到我讀band2中學，叫我一定要考全級第一。 咁我就梗係考唔到第一啦，雖然間中學band2 ，但係有啲學生係band1a，咁就考左1X/12X，跟住阿媽鬧我鬧到而家。有啲親戚問我考成點，阿媽就答 梗係唔好啦 科科都啱啱好合格。嗰下我問號哂，成個form1 所有考試測驗小測默書入面得一次肥左（2nd term exam 嘅其中一科fail左 術科 爭1分合格）跟住2nd term exam 2科5字頭、4科8字頭、其他6-7字頭、主科最差嗰科中史都有全級40/12X，我完全唔明點樣差，阿媽講 7字頭都係啱啱合格，你攞8字頭嗰啲都冇85，邊度好？ 跟住我再次問號 啲friends叫我去同社工傾吓發洩下，但係我冇搵，所以喺度發洩下
#NSS家庭 [Hkcwcc] 求po ig thankssss🙈 係咁的 小妹係個比較注重私人同比較內向嘅人哩嘅 我好唔鐘意人地睇我部電話同擅自搞我啲嘢 咁一開始我有電話嗰陣我阿爸阿媽話要我畀我電話嘅密碼佢地啦 起初我都唔係好肯 但我最後都畀咗🥴 咁話說我間小學係唔畀學生帶電話返去嘅 咁我日日返學期間都係會擺部電話喺書檯上面咁啦 有一日機緣巧合下畀我發現我阿媽check過我部電話 我好嬲 但我好細膽 唔敢阻止佢 我唯一做嘅嘢就係將個密碼改咗去 而近排我阿媽就開始喺度擅自搞我啲嘢…又巢我個袋又巢個櫃筒咁🤦🏻♀️ 咁依家我都高中啦 個膽都開始大返少少😂就同我阿媽講咗好多次我嘅感受同諗法希望佢改善吓 但好似完全冇用…我知可能係我太敏感但真係好困擾我 我個袋吖櫃筒吖係冇嘢唔見得光但我就係好反感佢咁樣做…我依家係佢喺屋企嘅情況下 連出房門去個廁所都驚佢喺哩段時間入我房巢我嘢咁 我應該可以點做…
#NSS個人 [GUEST] 分咗手三個月 我仲係好頹 是咁的，小妹有個拍左拖半年都冇嘅ex，佢係我初戀，但係五月就分咗手。分咗之後佢過咗一個星期就有第二個，而我仲係日日食唔安瞓唔落，唔單止冇胃口，情緒都好唔穩定，成日無端端喊，有時又傷心到極點都喊唔出。我所有原本有興趣嘅嘢都冇晒興趣，做乜都冇精神。分嗰時臨近考試，但係我連温書都冇心機，到最後考衰左。 維持咗咁嘅生活三個月，我真係就嚟痴線，有時仲諗過死咗佢好過。我好努力去放低佢，唔諗佢，但係我真係做唔到。我已經頹咗成個暑假，我唔想開咗學都係咁。 再加上我自己冇乜真心frd，屋企人又唔知我拍過拖，想揾個人傾都難。我咁樣屈住屈住真係就嚟崩潰，有冇人可以俾下建議俾我睇開啲🙇🏻♀️
#NSS其他 [GUEST] 小妺識咗個朋友。一開始識佢嘅時候佢勁好人，但識耐咗之後，D衰嘢就出哂嚟。成日都係到發脾氣，EQ勁底，你自己發脾氣咪發包佢lor, 好心D就唔好影響到我la。佢呀爸呀媽提醒佢一句，佢就同你黑面，跟住明明都係佢錯架la, 重要人地認同佢講嗰D Y理，唔認同嘅話又嬲架la。態度勁唔好，超冇禮貌，成日都對我呼呼喝喝e.g. 「過嚟！」「幫手la！」「攞住la!」完全當自己係大小姐咁，成日洗人做嘢。又要覺得自己好聰明，只要人吔唔係用佢個方法去解決件事，佢就話人蠢，好心la, 成日都唔知自己錯咩比人鬧，蠢嗰個係自己又唔知。同埋成日都係到講道理，但係自己永遠都做唔到。重要覺得自己好靚，成日都問我咁好冇睇，咁好冇睇。真心，叫佢收皮la, 佢係咪都係咁架la, 個心唔靚，個樣都唔會靚架。我試過好好聲氣咁同佢講有D嘢真係要改下，跟住佢又嬲。同埋佢係一個極之唔負責任嘅人lor, 自己有咩事比人鬧，whatever la, 佢第一時間都會賴落我到，重要加多句「最衰都係你！」但明明係自己問題。跟住又勁多事，人哋做咩都要管住哂，連我食樣嘢都管住晒，話咩，呢D好肥好難食架！我都話我鐘意食落。 都唔明世界上會有D咁嘅人！ (Sorry for 1999) Thanks Admin🙏🙏🙏