#NSS愛情 [GUEST] Hello~阻大家小小時間，幫小弟解決一個小問題ε-(´∀｀; ) 我同男朋友一齊咗差唔多四個月，佢一開始溝我同拍拖初期都好主動，又秒讀又秒回(*≧ω≦) 但係而家成日都耐覆我同唔主動搵我(´；ω；｀) 有時我會諗「可能只係佢忙啫(´･ω･`)」嘅諗法，之後我今日膽粗粗問佢，佢大慨係話「熱戀期過咗」qwq 我完全唔知可以點做吖，我只係一個A0仔(;´༎ຶД༎ຶ`) 我男朋友佢已經拍過幾次拖，唔知係咩因為呢個原因，所以佢會咁肯定( ? _ ? ) 想問嘅係點樣捱過所謂嘅「冷淡期」，因為只要捱過咗，我相信呢段感情可以維持一段長時間(*¯︶¯*) 如果我有講錯嘢唔該唔好插咁大力(´･_･`) 唔該admin po IG，辛苦哂(´▽｀)
#NSS學校 [［為咗stem而用不擇手段嘅學校］] 話說小弟讀緊一間中學係谷stem谷到有少少名氣嘅學校 但係呢間學校根本就有問題⋯⋯ 例如比賽嘅作品都係ctrl c+v再改少少嘢🙄 然後夾硬cut咗個家政室，得返一間房嘅空間，起雞肋⋯⋯學校都已經有三間電腦空，仲唔夠🙄 仲要cut咗中三嘅家政堂變咗做stem堂 唉😮💨 之前話改裝一樓嘅電腦室🤡 靚就靚，但洗咗好多錢囉⋯⋯（雖然係洗政府錢），但係你個禮堂個紅幕穿咗到只係囉紅牛皮膠痴一痴，會唔會過份咗？ 仲要唔係爛少少，同埋之前仲要收唔到個幕⋯⋯又係視而不見 （以上例子只係冰山一角） 依家有個老師走咗，對間學校好重要嘅人，冇咗佢，間學校會同補習社冇乜分別。 唉，佢走咗，stem班賤人一定超開心，因為少咗個人阻住佢哋搞stem⋯⋯ 最後，間學校嚴格嚟講係收得皮。 想要青春，呢間學校唔會俾到咩其望你 想學stem，呢間學校更加唔會俾到咩其望你，佢哋只會不停谷你去比賽同埋不停用你嘅個人時間去copy and paste 人哋贏啲比賽精粹。 sor for 1999
#NSS愛情 [guest] 希望admin可以揀中我 話說小弟鍾意咗個女仔， 佢細我一年，我同佢呢小學就已經開始識 , 不過我同佢就唔係好熟，佢同我唔同中學，見面嘅話都係因為我哋平時返church。但係直至到最近，對佢有feel，成日唔覺意咁留意佢關注佢。( 補充:小弟而家係AE歲 ) 佢邊彈琴邊唱歌真係好charm，佢運動又好叻， 仲要係名校生。佢性格又好溫柔，完全係我杯茶， 咁呢幾日我諗住同佢慢慢發展，好似好朋友咁了解佢多啲先，唔好一嚟就勁溝佢咁。 不過佢前嗰幾日同我講佢讀埋今個學年就要移民，我完全唔知點算好，好想追佢，但係我都唔知應唔應該開始呢一段嘅關係，我唔想畀自己留下遺憾。我卻步，因為假如我追到佢，最後嘅結果係咪都係分手，身邊都有朋友long D， 結果大多數都係分手收場。不過，其實我都要認清現實先，因為我都未必追到佢。 到最後，所以我想問下，我究竟去唔去馬好？ 因為我怕開始一段時間線錯嘅戀情，到最後更加傷感。定係我而家努力去追佢，假如真係畀我追到， 我努力讀埋呢三年嘅書，佢都係下年先走啫，即係兩年long D， 海外升學有冇得諗？不過其實我講講下都覺得好自己講嘅嘢好荒謬， 但係機會係留畀有準備嘅人。所以我真係好迷
#NSS個人 [GUEST] 唔好意思 今次我係第一次post講嘢可能會一嚿嚿 係咁先交代返自己今年係升f3 咁leh前一兩個月就驗完眼 咁自己嘅度數係就上咗到600 仲有200散光 都發覺到自己呢排打機打得已經好多 都知道呢個就係打機打得多嘅後果 同埋自己都唔想再升上去 但係自己就搵唔到一個節制嘅方法 每次睇返自己每日平均對住個電話12個鐘頭就覺得我隻眼個度數會繼續升上去 再講今年要揀科 自己大概係40% 再加上係Band1嘅 就覺得尾50%啲人一定會突然間升上黎 唔可以再喺學業以外嘅嘢花咁多時間 但係打機嗰邊就識咗好多志同道合嘅朋友都係圈裏面小有名氣 係呢方面都唔想放棄 咁喺度就想請教下大家有啲乜嘢方法可以令到自己變得更加有自律同識得節制 要diu嘅話唔該細力啲 多謝各位睇到呢度
#NSS社會 [GUEST] 回應 #nss210822f 我同意連登係好恐怖，但網絡世界就係咁㗎啦。既然連現實都唔係全部人都係聖賢君子，咁點解你仲會奢想連登會係善男信女？ 1.歧視同性戀 首先要知道全世界都唔係全部人都接受同性戀，況且其實連登仔係針對緊mirror嘅政治取向，大部份人都係討論緊香港人應唔應該繼續支持佢哋（因為佢哋都有幫金拱門、唔同嘅中資賣廣告）呢度就唔深究啦。 2. 歧視K-Pop迷 唔係好知你邊度睇到連登仔講追星嘅人係戇鳩，但你睇吓娛樂台，好多人都係有追K-Pop。 3.歧視韓國 覺得韓國啲嘢食好難食，就等於歧視韓國？個個人口味都唔同..同樣唔知你邊度睇到有人話鍾意食韓國嘢嘅人好似戇鳩，睇吓飲食台，好多人都講韓國啲公仔麵啊或者其他嘢食都係好好食。 4.污穢嘅思想 其實如果係一pair情侶去staycation，淨係去酒店瞓一晚嘅可能性都好低，同埋做愛邊個話一定要係夜晚？多數嚟M都唔會去酒店呀，喺屋企調養吓身體唔係仲好？（利申：女朋友嚟M都好易燥，次次都係上佢屋企陪佢）最後同標題一樣，既然連登係一個匿名嘅討論區，你覺得啲人上網仲會唔會講禮義廉恥？ 總結 : 連登只係一個網上討論區，永遠記住一句話：上連登勿認真，題外話，連登其實已經唔係dark web㗎啦，外國/大陸嘅dark web仲恐怖。討論區只係社會嘅縮影，既然你都覺得連登好恐怖，現實咪更加恐怖，你永遠唔知係你隔離嗰個諗緊啲咩。小心，保重。