—類投稿

#NSS家庭 [guest] 大家好，小妹f2，有個人一直煩擾咗我好耐。 嗰個人就係我爸爸，佢成日有咩都要批評，買咩都要鬧，但係啲嘢又唔係買俾佢 / 唔會牽涉到佢。 例如我阿媽買咗啲小手工同我一齊整，佢又話浪費時間又剩，最主要都係佢好憎呢啲嘢。我明白人人喜好唔同，但係日日買咩都要驚俾佢鬧，搞到我壓力好大，再加上我哋又冇叫佢一齊整，我唔明我哋買咩玩咩關佢咩事，咁樣就搞到我咩都唔敢買，都幾sad。之後屋企出咩事就賴我哋，其實都係幾個月買一次呢啲所謂嘅無聊嘢，影響唔大。 同埋我嘅任何興趣 佢都唔會尊重，例如追星，佢一見到就會模仿，但係係惡意嗰種，我笑佢就覺得自己好幽默，我唔笑 或者 表明自己唔鍾意佢模仿 就話我咁小事就嬲佢、話我小氣，一嚟我冇嬲，二嚟佢咁樣惡意模仿我真係笑唔出。 模仿都小事，佢有時會直接話邊個好樣衰，我明白公眾人物係會受到呢啲批評，但係喺我面前講真係啱咩。同樣地，我唔認同 或者 冇表情 就話我小氣話我又嬲，我覺得自己鍾意嘅偶像俾人咁樣批評好難唔嬲，我唔知點做，我又笑唔出 或者 附和唔到佢。 同埋我爸爸 同我媽媽鬧交就會發洩落我度，我會無啦啦俾人鬧，鬧嘅內容就係話我 平時嘅行為（花時間追星 / 成日on居居唔醒目）同埋我嘅外貌（我個樣睇落好蠢一定係成日俾人霸凌 / 我個髮型似女鬼

[Guest] Hi我今年F2，今年8月會去UK，去到讀Year9，我有D擔心去到讀書會跟唔上，我宜家讀緊Band1英中，成績中下，全級8x左右，英文就差D，全級11x，平時喺屋企同工人姐姐溝通係講英文，都勉強溝通到，我有個成績同我差唔多既Friend去咗英國，佢話喺學校完全聽唔明老師講嘢。我考得最好既科係Math，8x分左右，本身對Science都好有興趣，大個想做醫生，但係我又唔聰明，加上去到UK又有言語不通既問題，有冇過來人可以分享下去到UK讀書係點？英國做醫生又難唔難？ Sorry for 1999

#NSS文化 [GUEST] 話說今日係耶穌受難節，咁教會就會有受苦節崇拜，但係入邊啲程序就同平時個d崇拜差唔多la。下邊講嘅嘢就係有關一d返教會嘅經歷。 咁我交代一下自己背景先la，小弟今年15，屋企d人都係信耶教，而我自己就由中一開始已經想離開，但屋企人好着迷於耶教。我呢一兩年已經開始係咁搵方法去間接同佢哋講我唔信。例如就係每逢星期日崇拜嘅時候都會同佢哋講好眼瞓之類嘅嘢。但當然係冇用，屋企人會用沒收手機理由或者會鬧人嘅方法去逼我。咁可能會有人問我點解唔直接同佢哋講，咁係因為如果同佢哋講嘅話一定鬧到我飛起，而且教會啲人會不停傳呢啲嘢。而我唔想搞到咁大單嘢。 而令我唔想再返church 嘅另一個原因就係入邊啲人。小弟由細就返開嗰間教會，以前以為入邊啲人好好，會關心人等等。但當我大個左之後，發現入邊啲人真係唔係想像中咁好，一樣會照舊俾人講閑話。記得大概上年嘅時候，我就拍拖la，但係嗰個女仔就唔係信耶教。 佢哋知道拍拖嘅原因就係睇我同女朋友出街嘅動態la。同我同年紀果一班人知道咗之後，就開始喺背後係咁講，連啲大人都知道….🥲傳傳下連我老母都知。呢樣嘢我都算，但最L過份就係有條友走過來同我講話我失見證同埋違背聖經。我心諗：wtf?講真其實我拍拖關佢哋鬼事，最離譜就係講到我女朋友好似係哀人咁。自從呢件事之後我就開始想離開呢間教會🙃 講返去我屋企人嗰邊la，我一直feel到佢哋好想我立志去信，而且將呢一樣嘢睇得好重🙃 而且我都有同佢哋講過我對耶教半信半疑，但係如果我同佢哋講我唔信一定鬧到我on。如果係信二代嘅人都應該明白我感受，通常屋企人都會係咁逼返教會等等，我真係好想講咁樣做真係好唔尊重我。原本呢個世界有宗教自由，但有耶L屋企人存在就真係冇乜可能有自由。而且佢哋真係好鍾意係咁傳教，不論人地唔想聽。唔係講笑真係連我都覺得煩同尷尬。最搞笑就係成日將唔信教就落地獄呢啲觀點恐嚇人。如果你問耶L （第一個人係冇犯法而且做咗好多善事嘅人但唔信耶蘇，第二個人就係犯法殺左人但係信耶蘇）啲耶L會同你講第二個人可以上天堂🥱 當大家睇到呢度以為已經差唔多啦，但最近又比我發現到一啲好神奇嘅事。話說就係教會有個傳道人要去外國宣教la。但係嗰個傳道人老豆老母年紀都好大，都唔係好照顧到自己，個傳道人真係話走就走，完全冇理自己阿爸阿媽，而且睇得出佢阿爸阿媽唔想佢走去外國。我真係好想問聖經十誡唔係有一條係講孝敬父母咩？ 點解可以真係為咗去傳教可以唔理自己最親嘅人？我知道呢件事嘅原因係我阿媽嘅公司距離嗰個傳教人老豆老母屋企好近，所以成日去買物資比佢哋等等。搞到成日好夜先返。我阿媽仲要好人到唁收錢。我真係完全唔理解點解要一個教會嘅人去幫手照顧，身為傳道人搞成咁樣除咗自私完全諗唔到有其他嘢可以形容。同埋講一樣嘢俾大家知，就係外國傳教人嘅生活費有一部份都係教會奉獻入面比🥱。 最後，我想帶出嘅嘢就係church 真係唔係大家想像中咁好，只不過係另一個生活上嘅第二個是非之地。入邊真係好多令人匪夷所思嘅野，連孝順依樣嘢都冇真係唔好講話自己信教。 小弟第一次投稿，所以都可能有啲亂，希望大家都唔好介意🥲，多謝大家聽我呻，亦都想大家俾啲意見我點樣可以喺唔鬧交嘅情況下可以同屋企人好好溝通唔信教嘅嘢，亦都可以大家可以討論下喺教會嘅經歷。

#NSS其他 [Guest] 耶L可唔可以唔好成日招黑，人哋唔信就唔信，唔好成日沖出嚟7，仲話咩神造人係事實，dllm咩，係事實就做咗教科書啦，而唔係神話啦，呢個世界有神創論、進化論、外星創造論etc,冇一樣有任何直接證據其中一個理論係事實，我個人信外星創造論，有好多唔同原因，想知就自己上網搵，但耶L成日沖出嚟7真係好煩，所以，你哋收皮啦 本來只針對耶L,本人對神創論毫無惡意 Sorry for 1999

#NSS家庭 [啊媽真係好恐怖] 啊媽真係好恐怖 小妹今年 f1，喺一個虎媽貓爸嘅家庭長大，有時真係唔知點樣面對啊媽。 啊媽自以為是，係人都鬧，我啊爸永遠唔會話返佢轉頭。我同妹妹都係唔會出聲，只係比佢鬧完之後，道歉，然後找啊爸求助。 啊媽要求算高，小學嘅時候一定每次考試都四科九字頭。宜家上咗中學，都要求科科70分以上。自認由細到大中文都唔係好好，通常都係緊緊合格。中學上學期中史機本上冇一次合格，問啊媽又話自己唔識，只好自己溫習，溫完仲係唔合格，之後又比啊媽鬧。 音樂方面都係咁，鋼琴已經有七級，雖然唔係最top，但都算係咁上下。最近啊媽要我考長笛五級，但係都成年無吹過，仲要宜家無老師教，佢都仲係唔比我say no. 運動方面都係，我自認其實運動天份都幾好，其中一個田徑項目嘅 U14 組別應該有全港頭10。不過啊媽仲係唔滿意，成日話我肥，大腿粗。其實我之前一星期操五日，做得多運動就會有肌肉，唔係咩？ 我成日都唔夠膽出聲，有時會冤枉我，話我態度唔好，眼神唔好，語氣唔好…… 想問我可以點做？🥺

#NSS家庭 [GUEST] 大家好。 咁簡單介紹下，我係f2既女學生。喺一個”正常”又幸福既家庭環境下長大. 可能因為青春期既緣故，多咗留意爹地媽咪既舉動?! 佢哋食飯既時候互相模對方。無錯係摸。佢哋摸大俾，🐻 ,🍆. 唔係誇張，佢哋每餐飯都係咁樣（屋企)。食完飯又喺梳化都😚同摸，每次都睇到我好尷尬。 (因為阿媽叫我喺廳到陪佢睇電視。) 阿媽就成日好主動hug and kiss我爸… 我成日都覺得唔好意思。 我曾經問過我媽係咪近排先係咁樣。但係佢既回應係:「其實一直都係咁樣，只係你青春期不停留意我哋…」 我媽成日同我講話:「唔好咁樣望住我哋啦!你其他同學爹哋媽咪都係咁架，你返學校問下你啲朋友啦！」當然，我無問過其他同學，費事人哋覺得我變態. 依件事無咩解決方案。純碎係想分享個人既親身經歷?? 希望大家唔好質疑我既經歷，因為依啲真係我每晚一直睇緊既野。Wish me best of luck.（to escape?）idk. 多謝大家閱讀。

#NSS個人 [GUEST] 一直都被胳肋底出汗多困擾 小妺17 如題所講 胳肋底好多汗 無論係冬天同夏天都係一樣 仲要係好臭 勁到普通止汗劑到頂唔順 前幾日搵到支日本嘢 好掂 解決咗我嘅臭 但係！！ 我嘅大汗依然都係解決唔到 真心勁尷尬 就嚟要返學 唔知點算好 又熱又尷尬 一直好困擾我 又冇可能帶兩件校服換😩 因為搬完都係濕晒 上網睇做手術又好似會復發 求救！ Sorry for

#NSS學校 [KTSCSS] 長文注意⚠️⚠️⚠️ 真係講都冇人信 到咗而家呢個時候 人哋各科已經開始到deadline甚至追功課 然後你份功課到而家都仲未派畀我哋 係咪已經無視咗我哋中四嘅同學？ 上次因為你冇派功課而搞到全班冇曬分 然後全班唔合格 全班成績表嗰科紅咗 跟住仲要調返轉頭鬧我哋 話 做乜唔催你派功課 搞到而家冇平時分去拉高 係我哋自己攞嚟 我當時心諗： 吓？ 派功課係老師嘅責任 定係 學生嘅責任？ 你自己冇派功課之餘 仲要調返轉頭鬧我哋 話我哋冇催你派功課？ 自己冇好好負責任之餘

#NSS個人 [GUEST] 究竟係咪我做錯啲咩，點解冇人肯同我做朋友？ 大家好！小妹今年F2，有一位best frd係小學識嘅，佢好外向，同好多人都傾到偈，雖然中學唔同，但都有keep住聯絡(每日都有傾偈)，亦都當彼此係best frd。 但自從F1下學期開始，我發現佢好似識咗幾個好朋友，佢仲成日喺ig post佢哋啲野，咁我當然會呷醋，但都冇太明顯咁表露出嚟。 但我睇返自己…升咗中學兩年，來來去去都係得一兩個傾到偈，仲要都唔係好熟嗰種。自問都唔算內向，有主動搵過人講嘢，但最尾都尷尬收場。每次小息嘅時候個個身邊都有好多朋友，而我就坐喺張凳到唔知做乜，個個都覺得小息好快過，但我真係覺得好慢好慢好慢。 每次有人講「中學時期嘅朋友將會係你一輩子嘅朋友」呢句話嘅時候，我都好反感。第一，我好驚我到中六嘅時候都未識到一位知心好友。第二，我都好驚best frd唔再當我係best frd，因為唔同校嘅原因相處時間少咗好多，而且中學嘅青春回憶都唔係我陪佢渡過，但我得佢一個朋友，我真係唔想失去。 可能有人會話朋友不需多，真心就夠，但試問邊個唔想多啲朋友姐？我真係好羨慕有一堆朋友嘅人，真係好羨慕…究竟點先識到朋友(´:д:`) 不過樂觀啲講，我知道而家都淨係F2，所以我相信我剩低嗰四年能夠認識到知心好友，喺中學留低一個美好回憶٩(ˊᗜˋ*)و 多謝你睇到呢到(*Ü*)同埋小妹講野可能有啲幼稚(?多謝體諒！！ Sorry for 1999

#NSS愛情 [MT] 我好後悔，同左個男仔表白 係甘嘅，我今年中三，同左個男仔一齊半年，之前曖昧左半年，係我表白先，佢原本拒絕左，過左一個月後，佢竟然問我做唔做佢女朋友，我梗係認承啦。 但係我想講嘅重點係，其實佢係我 best frd 個 ex ，佢地一齊嘅時候我已經鍾意左個男仔，佢地未分手時，有一次我問個男仔同我 best frd 關係點，佢話好似冇咩 feel 甘，我當時真係好開心，仲 send 左我同個男仔嘅對話比佢睇，正常女仔甘樣睇完一定會同個男仔分手。結果真係，我開心到跳起，佢地分左手後一個月，我即刻出擊，之後瞹昧左大半年。 我而家仲同緊個男仔一齊，但突然我覺得我自己好衰，點解果時要將 d 對話 send 比我 best frd 睇，如果唔係可能佢地唔會分手，因為我知佢地其實冇鬧過交，只係過左熱戀期。