—類投稿

#NSS個人 [GUEST] 有friend要移民，送啲咩farewell禮物好？

#NSS其他 [Guest] 有咩交友app推薦? 小妹今年f4身邊啲朋友出晒pool，我A1，希望可以識多啲男仔，所以想問吓香港有咩交友app推薦？thx🙏🏻

#NSS學業 [GUEST ] 希望admin po ig 🙇🏻‍♀️ 小妺今年中五，一直以黎都好想去外國留學，好想大學去到另一個地方，體驗當地文化，住大學宿舍，交到世界各地嘅朋友。 我屋企算係中層，之前佢哋有上網了解過留學費用並表示佢地接受到，但唔知點解佢哋對我出國呢件事又好似唔太支持。 首先講我媽，之前我有小小表示過我大學想去留學佢都話ok，但最近，隨住我離讀大學嘅年紀越嚟越近，只要我一提到出國佢就發脾氣，話我會唔識照顧自己，我嘅性格唔適合留學等等，覺得我年紀輕輕就想離開屋企人… 而我爸就相對較支持，話我對未來有計劃係好事，仲叫我上網留意下心水嘅大學，但呢排佢又改口話到時睇我入到香港邊間大學先算。 最近佢就話如果我入唔到三大就比我出國，而就我目前成績黎講，我班主任講話我入到三大機會好大。講真聽到呢句話時，我心中諗到嘅第一件事竟然係dse 特登考衰啲，我自己都被自己嘅諗法嚇親，之後立即打消呢個諗頭。 其實如果屋企人係有咩原因唔想比我留學，我都會完全接受，但而家衰就衰係佢哋一時時改變佢哋嘅態度，搞到我都唔知點算好，我又唔敢當面同佢地傾。 我真係好想去留學，最近身邊都有好多朋友陸續出咗國，我真係好羨慕佢地，羨慕佢哋可以喺外國讀中學，然後入返當地一間好嘅大學，而我就要留喺香港讀dse，連未來讀邊間都唔知。 自問我呢幾年都好努力讀書，目的就係想去外國讀一間好嘅大學，可惜而家成績卻要變成留喺香港讀😞

#NSS學校 [Guest ] sorry篇文可能有啲長🙏🏻 小妹今年F4，同一個男仔由F1開始曖昧直至前幾個月。我有個閨蜜(不過已經絕咗交)本身同個男仔都friend嘅，前幾個月，我同個女仔發生咗啲事，導致我哋關係疏遠(其實我唔想)因為我知個男仔同佢都friend，所以就希望佢可以做吓和事幫我哋，但係我估唔到原來個女仔係唔鍾意，仲搞到關係惡化，之後我唔知咩原因，個男仔都逐漸疏遠咗我(嗰種感覺令到我好憎佢都唔知點形容)，但係同個女仔friend又好似越嚟越friend(其實我係有d懷疑個女仔喺我背後講我壞話，因為佢可能嬲我之前同個男仔講叫佢幫我哋和好) 咁我見到我哋關係咁差，我就試吓搵佢閨蜜，睇吓佢可唔可以幫我同返我朋友講和，但係個女仔friend之後就WhatsApp我問我做乜搵佢閨蜜? 其實件事都過左幾個月，但係唔知點解有時仲會諗起以前發生咗無論係開心或者唔開心嘅事，雖然呢一刻佢做咗好多我唔鍾意嘅嘢(個男仔)，但係我哋兩個有好多好開心嘅回憶，所以我唔會想剷除我哋嘅WhatsApp記錄，亦都想同個女仔關係越嚟越好，雖然我哋只係得一兩個共同話題，但係同佢相處好開心，我明其實只要我哋開句聲(佢哋份人係唔差)，件事至少唔使好似而家咁。今日見到佢同個女仔，另外仲有女仔個閨蜜，仲有一兩個人一齊出去玩，其實我係有啲唔開心，但係嗰種唔開心又唔知點樣表達出嚟😪我本身係一個好被動嘅人，所以都有啲難識朋友，呢一樣嘢好肯定可以講出嚟嘅就係我係上個學年冇咗兩個最friend嘅朋友，我都唔知今年點算，我仲要同個男仔一班，好似之前家長日咁，我上年個班主任又係咁喺我面前提個男仔，但係我係完全唔想應我班主任，都算啦佢仲要睇多一次，我完全唔想見到佢，唔想聽到佢把聲，另外我仲有一個朋友(另外一個女仔朋友)同我都friend，我之前仲未放暑假嘅時候去佢個位度搵佢傾偈，雖然我哋冇乜共同話題，但係就係做到朋友😂😉，佢問我其實你嚟我個位度做乜嘢，好似好唔情願咁。 另外有一個而家同我最friend嘅朋友，佢唔係同我一班，所以我好驚係我而家讀嗰班冇friend，仲有一個禮拜度就開學，我唔想返學，更加唔想見到嗰個男仔，各位我可以點做🥺🙏🏻 Sorry for1999999🤧 麻煩Admin幫我po上ig,thx🙏🏻🙇🏻‍♀️

#NSS家庭 [GUEST] 近期發現好多人受家暴困擾 我作為一個過來人講吓點樣應對啦 我宜家就中五，男 之前阿爸心情唔好就成日都會打我 一開始係打手板，掌摑塊面，用衣架打手腳 我都接受到因為起碼唔會有生命危險 後來有一次（小六）阿爸捉住我個頭不斷敲落個牆到and踢我心口搞到我吸氣都痛（縱有拿住把刀fing來fing去），我心諗再咁落去我就來冇命，所以第二日就喺學校同咗老師講，學校社工都帶我call白車去睇醫生。而當時，我阿爸知道咗之後係咁call我，話我咁樣會搞到佢坐監我細佬妹就冇得讀書，佢要求我避開我老師 跑返屋企，in return 佢應承唔會再打我。咁當時我心軟（因為阿爸心情好果陣都對我幾好）又傻就信咗，真係由威爾士跑返屋企。當晚，我阿爸一放工返到屋企，就違反承諾打到我頭破血流，又收我電話（因為咁啱係last day冇得返學我就搵唔到人救我) 之後由2016到2020佢間中都有打我。 直到大概一年前（中三），我阿爸俾人炒咗，搵我出氣，不斷拿我啲書來打我個頭，咁佢打吓打吓我終於頂唔順就一拳打落佢個頭到，然後拿櫈打佢，跟住我就匿埋喺房鎖門。我報警，十幾分鐘後，有警察來，見到我有受傷就送我去醫院，咁後來個警察跟吓跟吓唔跟，我就住喺醫院好似冇咗見事咁，再加上武漢肺炎唔俾探病所以我就過咗一個禮拜既安寧日子。從此之後，我阿爸可能驚我會報警or還手or搵阿妹報復而冇再打我。 （以上故事嚴重地省略咗，但係大致係咁） 我想講既係 1. 佢打你果刻，佢就唔係你親人，千其唔好心軟 2. 唔好因為孝順而唔去報警 3. 你唔幫自己就冇人會幫你，老師、社工、警察都係廢既，一定主動去利用佢地而唔係被動咁等佢哋幫手 4. 要反抗

#NSS其他 [Guest=]] 投稿時間大約23/8 5:17pm 講真啦呢個問題困擾左我好耐，我一直都唔明白點解以前比我印象好好嘅人，無啦啦好憎我⋯ 我覺得我可能係同佢成日一齊嘅男仔好friend，所以先至最近開始憎我。又block 我IG，約出嚟同同學嘅時候，都唔同我講嘢。甚至乎我出去食飯就咁講：乜你個胃有咁細嘅咩，食咁少㗎。 咁個飯真係好大，我食唔晒，我都唔想浪費食物。唔知道有冇啲辦法可以解決呢個問題，我淨係想佢變得冇咁憎我⋯⋯ Sorry for 1999

#NSS家庭 [Guest ] 小妹屋企屬於中產家庭，自從上咗中學我每個星期有350零用錢，裏面包左每日食飯$40&搭車$12，呢度五日嘅話就用咗260，剩返$90俾我用，唔多唔少，但我每次見到阿媽重銀包攞啲錢出嚟俾我嘅時候個心唔知點解好唔舒服，覺得好晒佢錢，尤其是佢會講一句「慳住使啊」呢句令我更加覺得唔舒服，雖然我用嘅錢係正常，所以我想搵啲方法可以令到我自己覺得佢比我嘅錢係值得，我想搵啲方法令到我自己個心舒服啲~想請大家幫幫忙，我知道我屋企唔算窮嘅，但係好似全家我最大洗，阿爸阿媽即使夠用但都好慳錢

#NSS家庭 [STFALSKC] 細佬畀人欺凌應該點算？有一日我去睇細佬打波,發現佢身邊的波友一直喺度諷刺佢,仲不停喺度鬧佢,我好唔忍心,但我又唔敢當面同佢哋起衝突,驚影響咗佢哋同我細佬嘅關係,喺我唔喺度嘅時候會更加變本加厲,但係我又唔想睇住我細佬一直咁樣落去,而且我係一個口硬心軟嘅家姐,所以我可以點樣做🙏🙏🙏

#NSS學業 [GUEST] 平時點搵私補老師？ 就快升中四，想搵個私補老師補數學同英文。但問題父母又冇識嘅老師可以搵比我，之前自己試過上嗰啲網上配對平台但最後搵到嘅老師都唔係話好好。至於朋友多數直接去補習社而我未到搵唔到都最想私補所以又唔得🥲所以想問問有冇補開習嘅人可以推一推搵私補老師嘅辦法比我🥲e.g. 名師嘅ig acc?麻煩晒

#NSS學校 [粉紅色書院] 我哋學校係八月中就要我哋交功課，但係我其他學校嘅朋友開學九月先交。純粹好奇係咪其他人都係要早二個禮拜交🤔 做緊功課嘅要加油ar Really sorry for 1999