—類投稿

#NSS學校 [Ky] 諗咗好耐要唔要講，最後真係頂唔順。(長文) 成件事係關於我個va老師，因為要做sba，相信好多其他學校嘅同學做sba都一定需要老師指導，而我可以從來未係va老師身上得到任何幫助到sba嘅資訊，唯一可以知嘅就係要做60版同埋4件作品，佢好中意上網揾人地5**嘅sba跟住整一張表格叫我地跟住做(當然張表冇乜用，因為都淨係寫咗第一件作品都幾多版第二件又要幾多版)，難聽啲講句簡直就係廢。除咗呢張紙之外其實都仲有更加廢嘅嘢，例如印一張紙寫幾個日期要我地幾時交30版或者20版咁，但係佢又冇實質話我地知個30版20版點做，真係好無語。。 佢間唔中都會印啲藝術家嘅維基資料俾我地，老實講我有陣覺得我唔熟個藝術家寫落sba度又會九唔搭八，如果唔用好似又嘥佢一番心機咁，真係好難做。 其實我地有揾其他老師幫助，上一次係視藝室兩位老師都在場，我有咩唔明都即刻問一問佢，點知個老師仲答緊呢位阿sir就插咗入嚟，講埋囇咩’你跟唔返張紙幾多版咪得’又或者’你問我得架嗱’，真係唔好再攞咩啲師姐攞3攞4嚟突顯你勁，我咁肯定佢攞4有98%靠自己。 最開頭嘅時候我自己一個研究做，後尾有人話我知我做錯咗(真係多謝呢位阿sir)，咁我唯有重新嚟過，搣走囇再一次嚟過，點知佢係垃圾桶見到我啲廢紙執返仲打電話俾我問我做乜要咁做，好心執返留住啲紙第二日俾返我，我望住佢地我都唔知講乜好。仲有就係，其實乜嘢作品點都會有整得失敗咗嘅時候，上次我整嘅嘢整衰咗已經sad咗，點知佢係咁係隔離問我’你整嘅係咩吖’’好似失敗咗’’如果唔識整就盡量唔好用呢種方法’，我個陣火滾所以一句都冇答佢，當然呢個係唔尊重，但係由知佢乜都教唔到我嘅時候，我就冇當過佢係老師。 上堂嘅時候，佢好似中意播片，叫我地放低囇嘢睇片學，如果我可以睇片學就唔洗你教啦係咪先，一係就中意播歌，仲要係啲好催眠嘅歌，有陣聽到真係唔想繼續畫落去。有陣時佢會wts我地一啲圖片之類，都唔係一啲，係好多，仲要一次send10幾張，大部份都係ig度cap返嚟，老實講好多都係佢自己中意而我地冇乜關聯嘅圖嚟，唔係唔尊重個嗰藝術同作品，知佢可能想分享，但當我求你send啲對我地有用嘅圖。佢仲好中意上堂係度搬嚟搬去，行嚟行去，講下嘢咁又叫我聽下佢講咁，又要問嚟問去，真係好影響人。 最後我想講，其實我真係好中意va,我相信我啲同學都一樣，我唔想一個咁好嘅興趣會毁係一個老師身上，我有好多同學畫畫都好靚，我唔希望大家係嘥時間睇片，而係有個舒適嘅環境去創作。可惜呢位老師係科主任，好多老師都信任佢多過聽我上面講嘅呢啲，有陣都唔知點算好。有陣時因為個阿sir我真係好想放棄，唔夠半個月之後我就中六，準備dse加埋畢業畫已經全部開始進行緊，我唔想sba就咁樣算數。 圖Link: https://ibb.co/LSc5Ry4

#NSS個人 [GUEST] 小妹我中一，小妹我屋企人雖然唔係管得好嚴，但係出街前一定要問過佢哋先得。我由五年級下學期開始已經有同朋友出過街，但係我每次問佢哋嘅時候都好驚，雖然佢哋多數都比我去，但係我唔知點解心理上都有啲障礙。 想問佢哋嘅時候就會覺得好怪，唔知點開口。大家有冇啲咩方法自然咁問屋企人出街？ 多謝大家🙏🏻/sorry for 1999

#NSS學校 [西貢區某中學] 想問吓有咩方法可以補救返我哋之間嘅友誼? 話說小女今年中一升中二 自問小學真心frd都幾多 升中之後,因為frd嘅小學同學都同我唔同學校 所以都係中學識咗新frd(呢度叫住佢A先) 啱啱開學嘅時候大家都會覺得有啲陌生有啲怕羞 但係起碼我哋每個小息都會黐埋一齊/一齊傾偈/玩 跟住同A慢慢熟嘅時候都一齊識咗多啲frd 基本上A喺中學識嘅朋友我有好多個都識 而且A同班frd啱啱熟嘅時候 佢哋都會叫埋我一齊玩/ 出街/返學放學 但係放暑假之前嗰幾個月 佢哋好似有啲避開我咁 特登出街唔叫我 返學佢哋自己約埋一齊又唔約埋我 放開自己去食lunch又唔叫我 小息嘅時候見到我都唔會過嚟揾我 真心我真係對呢份友誼覺得好攰 但我都想知我衰咩 不過我每一次都唔夠膽問佢哋 隔膜越積越多 但係我唔想冇咗A呢一個朋友

#NSS個人 [Guest] 小弟13歲, 有個識咗兩年, gay嘅frd. 最近feel到佢好似中意我, 但係我唔係gay. 每次見到佢tag我, reply我story, 無啦啦搵我打機, 我都會有股莫名嘅反感, hea覆佢. 請問我可以點做先可以撇甩佢? Sor for 1999 Admin po ig tkssss

#NSS個人 [guest] 唔知有冇人同小妹一樣，遇到自己冇興趣嘅野會自己走埋一邊。 我遇到啲我冇興趣嘅話題會自己走埋一邊，結果就俾人話我完全唔參與。我都唔想咁樣，但係我嘅興趣係大多數人都冇興趣嘅嘢，例如雕刻，木工，打機，已經好少人鍾意呢啲嘢，更何況係女仔，所以我好難搵到志同道合嘅frd。再加上我大部分frd都係女仔，佢哋一齊傾野都係傾韓星，仲要一傾就傾全日，但係我唔追星。男仔frd就一齊傾連登，但係我對呢啲嘢都冇咩興趣。得打機我先有啲興趣一齊傾。 我都想參與吓，但係我又真係對佢哋大多數話題都冇咩興趣。我嘗試過忍住唔俾自己走埋一邊，盡量參與吓佢哋啲話題，但係我聽吓聽吓最後瞓著左… 到底我可以點做… sorry for 1999 Admin po ig plz😭🙏🏻

#NSS家庭 [GUEST] 麻煩晒admin po ig 我老豆對我同我家姐嘅差別好大。 我家姐由細到大都讀書好叻，唔係全級第一就係一日到黑都喺度拎scholarship, 而我就每年都係勉強可以升班。 由細到大我老豆都唔會打或者鬧佢，屋企有啲咩家務全部都係叫我做，佢自己永遠就當自己係大Boss. 佢講過因為我喺屋企排第四所以要做佢嘅阿四，細女生出嚟就係要嚟服侍佢。 我細個嗰陣成日都俾佢鬧同打。過咗10幾年，我個身隱隱約約都會有啲疤痕同埋有啲童年陰影。我而家已經出咗外國讀書，但係我成日都發夢夢見返以前細個俾佢話同打。我每晚都要食安眠藥先瞓到少少，不過都係好驚。 每次佢都會搶咗我阿媽個電話打俾我，我一睇到佢把聲，我都會有panic attack. 我有嘗試克服對佢嘅恐懼，但係次次我都震晒⋯⋯我之前都有諗過自殺，但係我唔想因為一個人而冇咗自己條命 就係因為我出咗去外國讀書，所以我冇得去睇therapy同埋完本身邊冇friend,我想搵人share都冇 希望大家睇完唔好屌得咁勁，sorry for 1999

#NSS個人 [Guest] sorry篇文可能有啲悶🙏🏻唔該admin po ig thx🙏🏻 係咁嘅，小妹就有個friend，佢係班上人緣好好嘅人，我就普普通通，人緣都算ok。咁我地最friend有幾個，佢對其他friend都好好，有讚冇彈，但唯獨係我。 好似無論我做咩事都係錯咁，做咩都比佢屌，有一次我頂唔順，同佢講可唔可以唔好咁，因為我始終有啲唔開心，然後佢同我講：「我為你好咋，唔該你好好珍惜下啦！仲係度鬧人！」我即刻wtf😅大佬我幾時有鬧你😅我諗住其他friend可以幫我出一兩句聲啦，點知個個都驚比佢屌，然後一齊鬧我🥲 不過呢…其實平時佢都真係對我幾好嘅…知我鐘意嘅野就會特登留返比我，知我冇錢請我食飯，考試同我一齊溫書🥲 對唔住我講野1999，諗住純粹抒發下🙏🏻 預左比人屌不過唔該大家細力啲thx🙏🏻

#NSS家庭 [喺銅鑼灣嘅學校] 我阿媽喺我 K3 嘅時候已經辭咗職專心照顧我，直至到而家都冇做嘢，一直靠我老豆。 喺最近，阿媽花咗更多錢，例如補習學費、交通費等等，我阿媽開始入不敷支。跟住阿媽就開始向我不停灌輸佢好窮，慳住使，例如去餐廳食嘢就話阿媽冇錢，唔好食咁貴；打完波想食麥記又話佢已經好窮，買唔起。從此之後我每次買野都好唔捨得，喺學校唔想去小食部買嘢，諗都冇諗過買 PS5、switch 等等，因爲我想幫阿媽慳錢。 我仲以為阿媽真係好缺錢，我有次「唔小心」（明嘅都明）睇到阿媽條數，都只係 out budget 左少少（e.g. 收入 $100 支出 $102），唔算嚴重。 其他人阿媽都叫佢嘅仔女要知足，好多人比佢哋更慘，點解我阿媽直咁唔知足，成日話窮？😭

#NSS個人 [GUEST] 小妹近排同某個朋友傾計，唔小心出咗櫃。跟住佢好驚訝仲send n個問號，問埋啲奇怪問題，我睇佢講嗰啲嘢似以為我鍾意佢。之後仲開始係度避我…message佢online都唔read我但係又覆gp，平時都秒回仲成日搵我。好無奈囉我，真心當佢frd，唔該唔好以為同性戀就見到同性就鍾意啦，即係我諗你異性戀都唔會見一個男嘅就鍾意一個😂。 唉我奉勸各位唔好隨便同人出櫃😢，你永遠唔會估到佢哋嘅反應，我今次真係大意執屎嚟食，驚佢同其他人講跟住又多啲騎呢人。但係幾時先可以唔使有呢個「出櫃」嘅講法呢。 同埋點解nss咁多女同，我現實中莫講話女同，女bi都未見過，個個直過間尺日日講靚仔，淨係識一個男同，究竟係咪成堆深櫃。😢 admin po ig please tks🙏🏻 Sorry for 1999

#NSS學業 [Guest] 小弟24年dser 中學band1c，我級排名維持15左右,前幾個月選科揀咗2X+m1，最近我見到好多人話2024入三大要3X，我搵唔到呢方面資料，所以希望求助下各位，係咪2X就難入三大？有讀m1有冇優勢？thx🙏🏼 有勞Admin🙏🏼