—類投稿

#NSS愛情 [GUEST] 長文慎入 係咁嘅，小妹今年15歲 喺網上識到個大我5年嘅男朋友，一開始就畀佢好多細節感動到，而且對我好好，就咁樣我越嚟越鐘意佢。 但係喺呢段感情入面發現自己變左好多，成日都患得患失，以前我好冇耐性同埋態度好差，遇到佢之後就算一日等十幾個鐘都毫無怨言，咩事都聽佢話。有好多次鬧交都係我氹佢一兩粒鐘先消氣，有一次佢激嬲左我本身佢氹緊我，過左兩三分鐘後佢就話’點氹都嬲，氹嚟有咩用’。到最後又變左我氹佢。所以有咩唔開心或者不滿我都唔敢同佢講，我驚到時又係要我氹好耐。 但係佢好專一，唔會同異性有任何來往，就算係一大班friends出去玩有女仔都會同我報備，而且都有介绍我畀佢D friends識。 雖然我地淨係一齊左3個月，但係經歷左都幾多野，feel到對方都係認真，我有諗過未來，想16歲去打暑期工搵少少錢，要努力讀書先考到外國嘅大學，我知道條路好難行，但係我想試下，家人經濟方面我都可以盡量解決。我唯一擔心嘅係佢等唔到我，佢01我06，咁多年仲有其他突發因素。於是佢best friend幫我套話，問佢有冇諗過同我嘅未來，佢話順其自然。我都有問過佢等唔等到我，佢話佢相信佢等到。 之前有一次佢同我提過分手，原因係覺得畀唔到未來我，唔想拖累我，但係最後畀我挽回返，我真係好愛佢唔想失去佢，我同佢講等我努力讀書過去搵佢。 為左唔想失去佢我盡量去做，冇要求過佢做咩，等佢得閒嚟搵我(等十幾個鐘都好)，每次我都會問佢攰唔攰使唔使瞓覺休息下，亦都冇無理取鬧，鬧交我都會先認錯，就係為左唔想分手。 我就嚟開學，我驚我冇時間搵佢佢會冷淡，點算好？ (多謝睇左咁多，第一次投搞多多見諒)

#NSS個人 [Guest] 小妹近排發現自己有一個怪癖，就係好鍾意踩啲爛泥（篇文可能少少長？） 小妹讀緊中三，喺七月頭嗰陣時因為考晒試學校冇嘢做，所以成日好早放，因為咁有一日就約咗啲同學放學喺沙灘度玩一陣，影吓相咁，但係影影下之後就突然之間落雨，所以就去咗個有得避雨嘅地方，因為埸雨落得好大，成地都係水氹，所以我哋都開始準備走。 但係當我經過一達泥地嗰時，我覺得踩落去果下好舒服，啲泥地因為吸左水所以變到軟林林咁，大力啲踩落去就會冚落去，我覺得好舒壓好治癒好放鬆。 因為咁樣我就叫咗我個friend過嚟試吓，但係佢冇咩感覺，同埋搞到隻皮鞋污糟晒，覺得我好奇怪，所以佢同另一個friend就走先，我就自己留喺度玩一陣，但係玩下玩下就玩左好耐，到我阿媽打嚟問我係邊先發覺原來已經踩咗兩個鐘，隻鞋同隻襪已經全部都係泥同埋濕晒，因為我着婆仔鞋嘅關係，我隻襪已經變咗做啡色，搞到我洗咗好耐😂 呢次之後我差唔多日日放學都有自己去踩一陣，到咗而家放暑假夜晚凌晨有自己偷偷地去踩🤪，但係我發覺有一次我着咗隻水鞋去踩，個感覺無平時着皮鞋(婆仔鞋)踩咁Jeng，所以個晚之後我都係着返平時返學嗰對鞋去踩，踩完之後就要偷偷地抹返乾淨同埋洗返隻襪。雖然咁樣好煩但係我覺得踩嗰個過程真係好好好舒服，好舒壓。 想問我係咪真係咁奇怪同埋有冇人同我一樣都係好鍾意踩泥(純粹問吓) Sorry for 199,不喜勿插😣

#NSS家庭 [guest ] 家庭影響對一個人真係好重要 以下係分享我嘅家庭對我自己嘅影響。 先講我嘅背景，我係來自基層家庭，我父母係比較遲生我，所以到我依家中五嘅年紀，我老豆年紀已經好大。我老豆同我親生老母喺我好細個就離婚（其實背後都有好多因素，包括年齡相差好大，性格不合等），我就跟咗我阿爸。不久，我老竇就識咗一個女人，佢哋年齡都好相同，佢哋都有好多共同嘅話題，亦都好遷就對方。另外，我同佢嘅關係都幾好，因為我好細個就已經識佢，所以都有感情，佢亦都有當我係親生女咁養。 諗返起我細個嘅童年，雖然家庭狀況相對來講或許比其他家庭會好啲，但係其實家庭教育對一個人來講都好重要，唔止你父母嘅關係，同時亦都要睇你父母係點樣教你成長。因為我係一個好內向嘅人，亦都好敏感，所以人哋嘅一舉一動我亦都會好在意，我亦都觀察過自己係細膽，唔識得去表達自己意見，天生就係咁嘅性格。 各位嘅父母係用乜方法去教育你哋呢？打？同你講道理？定係用鼓勵嘅方式去引導你哋？上一段都提及到我嘅性格，呢個性格亦都成為左我成長嘅障礙，因為唔擅長表達自己，所有嘢都會擺喺心入面屈住，所以慢慢就會變得好自卑，甚至會厭惡自己，好冇信心，做任何野都會冇乜勇氣。 雖然我係感受到屋企人係愛我，但係同時亦都對我屋企人管教模式有啲問題，我老竇係一個脾氣比較暴躁嘅人，好冇耐性，每次我一做錯少少野，佢就會用打 鬧 方法去管教你。慢慢我就變成一個做任何事都會變得小心翼翼嘅人，面對唔公平嘅事情都會默默承受，經常感到自卑。細個嗰陣，啲同學因為見我好恰，就肆無忌憚咁欺凌我，呢一段時間我都經常好大壓力，慢慢我就好唔鍾意返學。一向成績差嘅我，其實中間我都好想讀返好書，但係一諗到父母嘅種種打擊，乜事都做唔好，心入面就會出現「你唔得㗎啦」令我灰心喪氣。 不過喺但而家大個諗返，我老竇講嘢係好偏激，佢唔識佢用正確嘅方法管教自己嘅仔女，佢嘅袖手旁觀教育，亦都令我有一段時間係好迷惘，我嘅價值觀上都係偏向悲觀厭世。往好嗰邊諗，屋企人其實雖然唔識管教，但係佢哋都對我唔算太差，我鍾意食嘅嘢佢哋亦都會特登去整俾我食，我話想要嘅嘢，第二日屋企人就會買返嚟，出現係我面前，嗰一刻我感到好warm 。咁樣睇，我會感到有啲矛盾，應該要憎恨佢哋，還是愛佢哋？ 好在，上到高中，我遇到一班好姐妹，慢慢我嘅性格亦都變得開朗咗，開始搵到自己，亦都有自己嘅諗法，先至慢慢覺醒起來。但係關於童年嘅階段，都令我嘅記憶難以忘記。 喺疫情期間，因為無所事事，我不斷都反思自己咁樣嘅性格係來自邊方面嘅影響，諗返起以前自己無心向學、處理朋輩關係又好惡劣，歸根究底，家庭嘅影響真係好重要。若果，我父母肯鼓勵我，唔會去用責備嘅語氣去教我，可以俾我放心咁樣講我自己嘅意見出嚟，我嘅性格會唔會因為咁樣改變呢？雖然之前都有話過我性格本身就係好內向，但係後天嘅影響都好大。藉此，希望以上我分享嘅經歷，亦都令你哋可以思考一下。 Sorry for 1999 圖Link: https://ibb.co/YbM6Yh4

#NSS愛情 [Guest ] 小妺我今年16歲，一年前去咗外國讀書，喺嗰陣就識咗一個波蘭女仔，佢好nice好細心，當我唔開心嗰陣會陪著我安慰我，所以我哋好快就friend咗。 幾個月前我發覺佢行過嚟嘅時候我會面紅，心跳得勁快。成日都check住個Snapchat佢有冇send嘢俾我… 我諗我鍾意咗佢，但係我唔敢同佢講，所以就開咗一個新嘅Snapchat Account匿名 message佢，好可惜佢話佢係直…我嗰下喊咗。 我應該點做?嘗試放低佢淨係勇敢同佢講即使佢唔接受😢 Sorry for 1999 第一次投稿要屌細力啲🙏🏾

#NSS家庭 [GUEST] 今年小妹升F.4，小妹F.1已經知道自己係雙性戀，開學唔係好耐，已經同某個男同學拍過拖，學期尾就鍾意咗個女仔frd ，到而家都係鍾意女仔，可能已經唔係雙性戀，而係同性戀，但係小妹嘅屋企人唔鍾意同性戀，有時問下小妹係咪同男同學拍緊拖。小妹心諗：自己都唔鍾意男仔。 點樣屋企人先會認同？ Thank you admin!

#NSS社會 [NA] 男仔扎辮就係標奇立異? 男仔扎辮就係反社會? 是咁的，小弟最近就覺得男仔扎辮幾好睇，至少比起以前小學個樣好睇。咁我就開始留長頭髮啦，本身都淨係留到眼眉，後來留到篤眼就開始扎辮。咁大家都知道香港係一個都幾注重傳統嘅一個社會，我老豆老母都唔例外，成日話男仔扎辮標奇立異，我老母就話我扎辮唔好睇，好彩我家姐都話我扎辮係我嘅事，唔關佢事，如果唔係我真係發癲。 有時唔明白點解以前啲傳統咁on9，扎辮就係叫反社會咩？即係我唔明白點解扎個辮都好似犯法咁樣，呢啲濕鳩傳統令我真係幾討厭。 然後我老母話呢啲係人類與生俱來嘅分別，有唔同性器官啊唔同特徵啊，哇屌～頭髮關性器官咩事啊🙂男仔女仔唔同性器官就梗係㗎啦，由人類被創造開始邊條規例話男仔一定唔撚俾扎辮㗎仆街，女仔就可以留男仔頭男仔就唔可以扎辮嘅。 唉算數，我知應該會有人喺comment屌我㗎喇… admin幫我share出去唔該晒

#NSS個人 [GUEST] 小妹鍾意咗個同性frd ，但係好驚拍拖分手之後冇得再做frd，所以就唔同個frd 講鍾意佢。 唔知大家有冇同小妹一樣都有諗過呢，咁點算好？ Thank you admin

#NSS個人 [guest] 小妹今年f1升f2，小六升中一個陣已經覺得有壓力，到而家今日積埋積埋，覺得自己好似就嚟頂唔住 記得中一分班試個陣屋企人對我期望都幾高，佢哋都幾肯定我會入到精英班，咁最後都係入唔到，個陣啊爸啊媽都好失望，我自己當然都唔開心，當時我陣係希望可以好好讀書，做返啲成績比佢哋睇 之後開始我都認真讀書，考試之前都做晒準備希望做到最好，不過最後嗰成績都唔係好靚 另外都自己有啲人際關係同埋另外自己比嘅壓力而搞到好困擾，選擇困難症同完美主義呢啲都搞到我每日好煩 但係最近我發現自己都開始冇晒心機讀書，依家暑假都就嚟完，但係我完全冇心去做任何嘢，買哂啲puzzle都冇心情切，追星煲劇平時最鍾意做嘅嘢都唔想去做，我都唔知點解會咁，呢幾日個心銀住銀住幾唔舒服，瞓覺都瞓得唔安樂 因為知道屋企人唔會明我亦幫唔到我，所以唯有搵最好嘅朋友傾心事，希望佢講到我，但係佢呢排都識咗好多新朋友，我哋關係都疏遠咗，所以我都唔再敢去搵佢 其實覺得自己最大問題都係自己比太多壓力自己，同埋每日都有好多濕碎嘢要煩，好想每日都開開心心咁過，但係講就易做就難，希望呢度有同路人可以互相傾吓，或者有人可以幫到我🙏🏻

#NSS社會 [guest] 識咗個有錢女，突然間覺得自卑~ 最近喺識咗個friend，佢讀漢基(一年要畀20萬嘅國際學校）後來又知道佢住豪宅，其實同佢玩得幾開心，但係就有種莫名嘅自卑，見到佢媽咪接佢，我就會諗佢媽咪會唔會覺得我冇家底，唔想我同佢個女玩(可能我之前遇過類似嘅事），我知我唔應該咁諗，做朋友唔應該係咁，right? 我爸爸成日同我講要轉校，因為佢想我去其他好啲嘅學校，識一啲叻啲嘅人，佢話咁樣對遲啲工作有幫助，因為我而家讀緊嘅學校好多同學都比較窮，我住公屋，4口子屋企月入萬幾，喺裏面已經係有錢人😬💧 爸爸講得冇錯？識人好過識字，但係咁樣又好似係虛榮心，攀龍附鳳嘅感覺😐嗰個女仔帶我去食啲貴價餐廳我見到隔離左右嘅人都係名校生，我只會覺得我都想好似佢哋咁，唔想再食頹車仔麵 呢個係咪就係虛榮真？我係咪要改變自己嘅想法？希望有人解答一下！

#NSS愛情 [Pk] My dick is big