#NSS家庭 [Guest] 懷疑我媽有被害妄想 — 長文↓↓↓ sor for 1999 想發洩下 細力啲屌plz ;-; — 呢到少少背景：小妹呢排有啲壓力同埋有負面情緒（原因唔方便講，但都可以講係屋企問題，補充：媽唔信我有壓力，話我只係引人主義），有朋友發覺我有負面情緒，之後就俾咗啲天然精油（已稀釋）我用。咁聞完真係個人放鬆咗，之後都開始有自己買啲芳療用品，之後都有參加芳療體驗。 — 有一日我買咗一支擴香瓶，咁冇俾我媽知道，買咗返嚟一直都冇用直到我媽日日話我房好臭先攞出嚟用。我媽有小小思想怪異，佢認為人哋洗錢落我度好過我自己洗錢落自己/朋友度，所以就算自己買咗嘢都會收埋唔知佢知。返到重點，我媽發現咗，佢問我係咪自己買，我就答佢唔係，係「朋友」送，之後佢追問多幾條問題就完（係男係女？點解送？fd唔fd？吧吧吧…）。（而家諗返起係我蠢咗，係唔應該講大話，總之係咁我寧願俾佢鬧我嘥啲無謂錢） — 入正題：咁我媽開始又日日話我，因為我喺屋企「冇嘢做」（其實我有做家務，佢只會叫人哋做，同埋「我睇唔到你有做，所以你冇做」），佢之前同我講叫我八月唔好個schedule空蕩蕩，要有幾滿就幾滿，但我冇應承，況且冇做。之後佢就將我人生冇目標（我都唔知佢點吹到咁(- -;)）嘅「罪」擺喺我「朋友」身上，佢話我「朋友」冇可能會買咁貴嘅嘢送俾我（係有少少貴，不過值得，因為香港牌子，我支持本土生意！），之後佢話我「朋友」喺擴香瓶加咗嘢，令到我hi咗（wtf）之後太放鬆，之後佢話我朋友（真人）之前嗰啲都係加咗嘢，所以我而家人生冇目標，之後佢仲建議我倒/揼咗啲嘢佢，叫我以後唔好再買/收/玩（之前我參加過體驗之後佢以為我會自己亂溝精油搞到「中咗獨」），佢仲話我所有朋友都係害緊我，叫我唔好再同佢哋聯絡。 — 我心諗wtf？咁神邏輯架咩？所以我懷疑佢被害妄想。www 我表達能力係差少少 -v-; 多謝你睇到呢到！祝福你。
#NSS個人 [GUEST =] ] 是咁的 小妹嚴重懷疑自己係雙性戀，講真我從來冇懷疑過自己嘅性取向，因為我一直堅信自己係鍾意男仔，但係近日我覺得自己好似鍾意咗一個比我大一年嘅師姐 （利申我同佢唔係識咗好耐，亦都唔係太熟，純粹係我今年參加咗一個運動團隊，所以知道咗佢嘅存在）小妹小學嘅時候都曾經出現過兩三次類似嘅情況，不過小妹小學嘅時候係讀女校嘅～咁當時就聽到好多人都話會當啲師姐係偶像等等～所以以為呢啲唔係鍾意，純粹係當我師姐係偶像，所以冇咩特別留意。但係而家諗諗吓我好似連師妹都鍾意過，真係好癲唔知咩事。而最近我好似又有嗰種鍾意嘅感覺，我意思係對我大一年嗰個師姐有呢種感覺，講真我都唔知呢種係咪鍾意嘅感覺，總之就係見到佢同其他人嘅感覺係唔一樣，我會突然之間好似好怕羞咁樣，咁事關我同佢就係同一個運動團隊，就算佢讚我一句，我唔知點解都會開心成日。不過就喺上一次訓練，唔知點解硬係覺得佢知道我鍾意咗佢，特登避開我咁，我唔知係咪我諗多咗定心虛，所以而家就算我搵到佢IG我都唔夠膽follow，因為驚佢真係知道我鍾意佢然之後覺得我好痴線定點，連想睇佢story我都特登開個新嘅ac 去睇。救命我依家真係好撚亂，完全唔知自己發生緊啲咩事，成日囉囉攣喺度諗呢件事，真係有幾百萬個問號係個頭度，救命大家可唔可以解答下我究竟係雙性戀，定直情係les 定係真係純粹當啲師姐係偶像咁樣，求admin快啲幫我post出嚟！！因為我而家真係勁迷惘，唔知自己咩料 Sor for 1999 唔好意思阻咗大家咁耐喺度睇我呢篇唔知咩文
#NSS個人 [GUEST] 小妹今年中4，喺小學開始就屬於邊緣人，深交嘅朋友冇幾個，直至到今年暑假先識到一班玩得埋嘅朋友。咁我哋都有約出嚟玩，同佢哋一齊玩嗰時都真係好開心，明白有一班朋友嘅樂趣。 但喺暑假前期，由於有一次過咗門禁時間（8點）翻去，俾屋企人禁咗足。之後就無再同佢哋出過去，佢哋自己都有約出嚟玩。但喺我總覺得我被冷落咗、覺得佢哋po story會block我、覺得佢哋自己另外開一個冇我嘅group、覺得佢哋有嘢瞞我。當然，可能係我疑心太重。 我覺得擁有一班有話題、玩得熟嘅朋友唔易，我真係唔想因為禁足而同佢哋疏遠咗。想請教一下大家有無辦法可以繼續維持同佢哋嘅關係🙇🏻♀️ sorry for 1999
#NSS家庭 [GUEST] 即係其實屋企都唔算窮，點解要咁對我？ 交代返背景先，阿爸阿媽都有份正職，收入都算正常，住私樓，自己都覺得係算中產。除咗同阿爸阿媽住之外，仲有公公婆婆，加埋屋企係有5個人住。 由小學五年級開始阿媽就有比零用錢我，每日1蚊，返學先有，到五年級下學期開始，就一個星期10蚊，一直維持到六年級畢業。自己都覺得無乜問題，因為多數岀街都係同阿媽一齊，唔洗自己比。放學都要補習，所以有時買下野食，文具咁都仲有剩，未到唔夠錢洗。 但係去到中一嗰陣，朋友開始越嚟越多，有時同朋友岀街玩下，去食下飯，就發現原來我零用錢係得咁少，之後就去咗同阿媽講，佢話只要我考得好，就可以加我零用錢，咁我就真係比心機讀書，點知又真係考得幾好，佢就加我零用錢加到10一日，返學先有，即係一個月就有200蚊。我即刻覺得自己發咗達，終於有錢可以同朋友岀去玩下。 咁啱去到疫情，學校停課，無得返學，零用錢自然都停咗，一開始都係留喺屋企無岀街，但係發現喺屋企真係好悶，就開始想約下啲朋友，問阿媽攞少少錢岀街，佢話要我拖地掃地洗碗煮飯先可以比我，ok咁我做。去到之後開始可以返返學，我啲零用錢就開始由返學先有，去到我一定要拖地掃地洗碗煮飯先有，其實要我做呢啲野都無乜問題，問題係我同公公婆婆一齊住，我拖地嗰陣佢地就周圍行嚟行去，ok唔緊要，我再拖多次，但係我啱啱拖到個地好乾淨，佢地唔洗一個鐘就同我整到成個地下污糟返曬（因為公公係賭馬嘅，鐘意做筆記寫清楚曬，就會搞到成地紙。同埋有時唔知係咪佢腳痕，就會拎張凳坐喺洗手間，根住盆水就擺喺廁所板度，喺洗手間洗腳，洗完腳又搞到成地水，根住着住對濕嘅拖鞋岀嚟），次次都係咁，有時食完野又唔洗碗，食野又食到成枱成地都係，慢慢開始就覺得日日要咁樣拖地掃地洗碗煮飯樣樣做曬好攰，唔想做。 到中二開始可以返返實體課，真係好開心，阿媽又突然間肯比返零用錢我，仲加到$500一個月，不過比錢嘅時候永遠都係唔肯即刻比（即係9月嘅零用錢10月中先會比），搞到我成日都唔夠錢食飯，一直維持到今年嘅5月，今年嘅5月我真係過得好好，因為我有病入咗醫院，住咗10日左右，本身都好驚自己會唔會係中武肺，因為又發燒又岀疹咁，到報告岀咗見到自己無事，成個人即刻放鬆曬，本身都好想快啲岀院，但係發現原來住醫院都可以識到朋友，仲可以一日3餐有飽飯食（之前因為無錢所以無食飯，一日3餐變一日1餐，就係夜晚同阿媽食嗰餐），就開始唔想走，臨出院嘅時候仲沖凍水涼迫自己發燒，最後失敗咗。 岀咗院之後，我一直都好想入返去，個個都問我係咪病到傻咗痴咗線，但係根本就無人明我。唔知係咪阿媽覺得我唔夠錢食飯所以病咗入院，岀院之後佢即刻比咗200蚊我，我好開心，但係唔捨得用，因為好驚用曬又無錢食飯，所以會等到自己真係好肚餓先會買個平平地嘅飯食。 到咗暑假無得返學，我又要拖地掃地洗碗煮飯，但係真係好攰，唔想做，就直接問阿媽攞錢，打電話比佢叫佢比錢我食飯，佢問，點解我要比你，即刻O咗嘴無講野，佢就cut我線，最後加加埋埋打咗3-4次電話比佢先肯比50蚊我，都習慣咗要打好多次電話先有50蚊，但真係唔想次次都係咁，所以今日我去咗拖地，拖完之後就去咗揾佢，佢話，阿媽都唔識叫聲，點解要比你，ok咁我好聲好氣叫阿媽再講多次，佢話，好呀，比10蚊，我即刻O咗嘴，心諗，無野呀，10蚊？食咩？食麵包？真係即刻嬲咗。我叫佢比500蚊再加埋今個月嘅琴錢我，佢話500蚊我比你，學琴錢你自己比。嘩，我真係呆_咗，我自己比？我就係銀包1蚊都無先至要問你攞，佢就問，點解會1蚊都無？心諗，吓？你已經無比錢我幾個月，仲要問我點解？ 其實點解就係比少少錢我都難咁。最後我走咗去問我阿爸，佢話，痴線，點解我要比你，呢啲不嬲都係你阿媽比，唔好問我。我真係問號咗？？？就係你老婆唔肯比我，我先要問你，佢比咗我，我問你托_？ 我到而家都仲係無錢食飯，阿媽到而家都係唔肯比錢我，我已經拖咗地掃咗地洗咗碗。我應該要點做？點樣氹佢先肯比錢我？我只係想可以食下飯。 唔好問我點解唔岀去揾野做，因為我仲未夠歲，差半年，半年後我真係M記都肯做。 多謝睇到嚟呢到嘅大家，sor for 1999，唔該曬admin。
#NSS其他 [Guest] 是咁的，我有個抑鬱症好朋友。 直入正題啦）咁我同呢個朋友都識咗幾耐，一直關係都唔錯，但係幾年前佢屋企發生咗啲事，令到佢成日都唔開心，患上咗抑鬱症。 咁我本身都覺得冇乜嘢嘅，我仲諗住幫佢渡過呢個難關。但係大約半年前佢就開始無端端發脾氣，成日打打下機就無啦啦cut call，出出下街就唔出聲，好多雞毛蒜皮嘅事情佢都可以喊或者發脾氣。 咁佢本身都係一個開朗嘅女仔嚟嘅，我相信係因為呢個病而令到佢咁樣。但係最近我發現同佢做朋友真係好辛苦，但令一邊我又好唔捨得佢，唔會想同佢絕交，而係想幫佢克服呢個病，雖然我知咁樣好矛盾，但係呢個係事實。 我本身情緒都有啲問題，雖然稱唔上係「病」，但係成日都好失落，連我自己都覺得死係一種解脫，我成日都喺度諗好似我諗嘢咁負面嘅人又點會幫佢，所以我選擇一路陪住佢，做佢嘅樹窿。加上我一個好敏感嘅人，有時候佢唔開心又或者我激嬲佢嘅時候，佢又會ig bio 唔tag 我，退group等等，我成日都諗埋一邊，佢咁樣做係咪真係唔鍾意我，唔想同我做friend。 但係我始終冇經歷過佢經歷嘅嘢，冇辦法100%代入佢，知道佢諗咩，更加唔知一個抑鬱症患者會點諗。所以我盡咗我最大嘅能力去陪住佢，成日做埋啲低B嘢氹佢開心。但係咁樣持續咗一陣，我就覺得好辛苦好攰，我成日諗啲好負面嘅嘢都唔夠膽同佢講，好怕影響到佢，喺佢面前我就係一個字嘻嘻哈哈嘅人。 大家有冇啲方法可以令我同佢相處冇咁攰？甚至令佢克服呢個病？我都知好難😢btw 好多謝大家睇到呢度🙏🏻🙏🏻 Sorry for 1999 Admin pls po ig🙏🏻Thanks🙏🏻🙏🏻