—類投稿

#NSS個人 [GUEST] 近呢一年唔知點解個人成日諗嘢都好負面，少少嘢都可以無限放大，例如打po機輸咗都可以好唔開心，搞到個人keep住好down同頹，有時甚至會半夜喊出嚟。冇人會鍾意一個黑口黑面嘅人，我知我女朋友同frd都唔會想同個咁嘅人相處，所以我想知點樣可以令個人保持正面同開心，唔該大家🙏🏻

#NSS學校 [九龍區] 唔好意思第一次投稿(=ﾟωﾟ) 我覺得我自己越來越似lesbian👀 喺學校見到d短頭髮嘅女仔尤其是cool cool地個種👀會有一種想留意下觀察下的衝動(=ﾟωﾟ) 觀察耐咗之後就越嚟越鍾意，想不斷了解，但係我比較怕識人，所以只係屈住。 對住會有好緊張嘅感覺(=ﾟωﾟ)我想問一下我呢d係咪同性戀傾向？？？因為我一直都有懷疑同時又對男仔無乜感覺。。。。 利申小女今年form3 Sorry for 1999 感謝閱讀(ゝ∀･)

#NSS個人 [Guest] 小弟有學鋼琴,同而家呢個老師都至少學咗4-5年 起初都還好,去到呢一兩年越嚟越頂唔順 只能話係性格不合，我本身性格比較文靜, 希望學嘢嘅時候個老師會專心教, 而且我好容易因為人哋講嘅一兩句而影響心情 好希望自己可以做得更好,得到老師認同。 而小弟嘅任教老師同我性格剛好相反，好豪爽 口沒遮攔，講嘢好直接，而且好鍾意講人是非 成日窒人，例如上上下堂佢會同你講xx老師好煩 xx學生個家長好有病⋯⋯ 類似係一堆貶低人哋嘅說話( 想我去認同佢 但我唔想生咁多是非,就不停附和佢。 我唔明佢同我講咁多係咩意思, 可能純粹係想發洩一下, 或者就係所謂抬高自己貶低人哋。 次次上堂佢到講一堆廢話，慢慢就變成左我嘅壓力 我覺得我唔係係到學琴係比錢去應付佢 聽佢講埋啲無謂野,一堂45分鐘有一半喺度講佢自己啲私人事、其他人嘅壞話、唔附和佢窒返你轉頭 再加上小弟都唔太擅長同人相處 ,慢慢變得好驚同佢相處 所以我想轉老師,但屋企人唔同意 次次上堂之前壓力大到頂點

#NSS家庭 [GUEST] 前幾日同朋友食飯，講到呢個話題，突然有啲感受/睇法。   小弟我屋企嘅管教甚嚴，小學冇乜機會可以同朋友出街玩，遠至OP迪迪尼，近至屋企樓下。而每一次問屋企人可唔可以同朋友出街，佢都好似審犯咁審我，同邊個去，去邊，去幾耐，連朋友嘅電話號碼都要交低。   高小嘅時候身邊嘅朋友都開始會約出街玩，放學會去付近嘅商場玩，食野……我由細細個開始已經被教導放咗學要即刻翻屋企，但其實放咗學之後我好想同朋友去玩。   因為咁，我開始諗出一系列嘅方法去呃我屋企人。放咗學同朋友去付近嘅商場，如果畀屋企人見到嘅話就同佢講我去文具店。自己作一個早啲嘅集合時間或者遲啲嘅放學時間就係為咗約同學一齊翻學放學…… 咁當然唔係次次都成功啦，有時都會畀同學嘅呀媽篤爆……   升到中學，因為屋企同學校有啲距離，要搭車翻學，所以我就變得更加自由。每一次約朋友去街我都會揀要翻學但早放日子，而且去一啲唔近屋企嘅地方，例如學校付近嘅商場咁。   仲有好多呢啲技倆就唔一一細說……   我想講嘅唔係要教大家點呃屋企人，只係我覺得如果佢哋唔係迫得我咁緊，就唔會有呢啲野走出嚟。我知佢哋咁做係出於好意，會擔心我唔知去咗邊或者誤交損友。唔單止係同朋友出街，連其他生活大小事佢都咁管住曬，但結果係咩，我一樣學識呃佢哋，講埋曬啲咸濕野，講野10句入面11句都有粗口……   咁樣真係好咩？   希望如果有家長睇緊嘅唔好迫到你哋嘅仔女咁緊，否則只會有反效果。 sor for 1999/有錯字 有咩意見要屌嘅話細力啲thx

#NSS學業 [GUEST] 小弟今年升中六 中文麻麻地，其他科目都唔錯 而家諗緊下年香港讀大學好定係去英國好 因為本身性格比較內向，驚去到英國識唔到朋友會孤伶伶一個😔 同埋另一方面擔心自己DSE失手，驚過唔到去讀😢 所以想請教下各位去左英國讀大學嘅人究竟自己去到英國會唔會真係識唔到朋友，同埋如果中文真係炒左會唔會過唔到去英國🙏🏼

#NSS社會 [Guest] 事先聲明，冇一張政治光譜可以完全正確咁表達一個人嘅政治觀，上面嘅圖只係一個大概。 正文： 唔好再講「左膠」兩隻字啦好嗎？成日見啲人攞隻字黎鬧人但係其實連隻字點解都唔知，見到唔鍾意嘅就鬧人左膠，支持BLM叫左膠（順帶一提，好多香港人反對，純粹因為佢哋喺Trump嘅忠實fans，鬧佢地點暴力點過份，但其實用同一樣嘅標準嘅話，我哋係咪應該反對下自己？），支持Biden又叫左膠，因為Biden其實係張圖裏面仲係右上添，所以你個左到底係點樣左法？更加唔使講，支持Biden好可能都只係唔鍾意Trump多啲。甚至有好多根本唔關左右嘅事都會鬧人左膠，真係好好笑。例如Johnny Depp，條友好慘俾人家暴，依家仲要搵唔到工。然後大家就鬧Hollywood左膠，但個問題根本就唔係Hollywood左唔左，而係佢哋講就一套，做就另一套嘅偽君子作風，我真係唔知點解有人可以扯到左唔左度。你要鬧嘅唔係人哋左膠，而係人哋偽君子。然後，最痴線係有人竟然敢講：「美國依家係左膠當道。」無可否認，gen z大部份都偏左，企業出於商業考慮，對外形象都係左派。之但係你知唔知？美國最左嘅政治人物Sanders，都冇我一個香港普通左派學生咁左，佢位於張圖(-1.5,-2)左右嘅位，我(-2,-3)。美國大部份政治人物嘅政治光譜都係右翼，有啲甚至接近納粹。政策偏右係偏到點呢？除咗奧巴馬在任期間，佢哋連基本嘅醫保都冇，一個撞傷入醫院，唔好彩可能已經洗返你成千銀。佢哋視為socialism嘅嘢，係歐洲可能只係common sense，例如醫保。 所以結論就係，你自己都唔知隻字點解就唔好隨便攞嚟用啦。然後成日覺得啲人太左，係左膠，會唔會只係你太過保守？ PS:我估應該會一堆人鬧我死左膠，well I’m proud of that. 圖Link: https://ibb.co/FhBYLPT

#NSS其他 [guest] 唔知大家有冇試過被best frd block 過story 其實都發生過好多次,有時睇佢highlights 見到啲我冇睇過嘅story,另外因為我有2個ac 都fol 左佢但有時其他ac 睇到，大帳就睇唔到…..其實佢應該都唔知我知佢block 左我又唔敢直接問佢點解要block。有冇人知可以點

#NSS家庭 [guest] 究竟呢個世界係咪真係冇一視同仁呢樣嘢 – 小妹呢排成日都俾人鬧，但係其實我真係唔明點解唔呢個世界咁公平。明明我家姐同我做嘅嘢一樣，甚至佢更加過分，但係俾人鬧嘅永遠都係我，有時真係覺得好委屈，大家都係佢個女，點解佢永遠都唔使比鬧。有一次我問我阿媽，點解家姐同我做寄嘢都係一樣，而佢就唔使俾人鬧。佢答我：「家姐自己會有分寸㗎啦」，其實係唔係我嘅問題，點解佢好似一路都針對我咁？ 大家可唔可以俾少少意見我🙇🏻‍♀️🙏🏻

#NSS學業 [Guest] 我今年就去左UK讀Year 10，咁必修科就一定要修讀一科外語，但係我之前未讀過，驚之後讀吾切，想問吓通常幾耐可以讀識曬？thx a lot 🙏 ig plz

#NSS個人 [GUEST] Admin please post Ig 🙇🏻🙇🏻 是咁的，小妹今年升F.3，而我呀媽一直對我嘅期望都好高。自問我成績都唔叫太差，成績表都有7個A。不過呢排放暑假個陣，我呀媽就開始對我期望越來越高。前兩日先同我講：「我希望你f.3 會考到頭10名。」我聽完傻撚咗，大佬我真心冇咩可能，咪玩啦😅。佢又會將我同我家姐比較，話想我叻過家姐，希望我考一間好過佢嘅大學（我家姐就讀香港大學）例如清華北大。佢講完呢句我真係呆咗，心諗佢發咩神經，佢講到好似我家姐讀HKU 唔夠好，要去中國嘅名校先達到佢嘅要求🗿。佢又會無端端問我大個想做啲乜嘢，話希望我做律師或者做金融嘅行業。（大家唔好笑我發明星夢）不過其實我一直想做歌手，當然，我唔敢同佢講，因為我知佢一定唔會approve🤷🏻。我想做好多嘢都唔合乎佢嘅要求，其實我諗住下年開始出嚟做part-time， 18歲搬出去，儲錢去外國發展。我知道佢一定唔會認同我咁做，佢可能會覺得我咁做會辜負咗佢咁多年嘅養育，我唔想令佢失望，但係我亦都唔想因為佢令到我冇咗自己想要嘅生活。我真係唔知點，大家可唔可以比下啲意見🙇🏻🙇🏻