#NSS個人 [Guest] 是咁的，每當我同唔係好熟既人相處既時候就會非常之唔自在，做唔到自己。例如，我把聲同行為舉止會變的好奇怪，把聲會變的好細聲。每當人地同我講野既時候我就會好不知所措，唔知點答。唔知係咪因為自卑既關係，當我回答人地問題既時候可能係想隱藏自己既自卑感，就會回答得好強勢、好自大（我覺得），事後又好後悔…認為自己係社交方面係垃圾…但係如果係一啲我好熟既人面前，我又可以做好自己，亦都唔會有上述既問題所出現。仲有，每當我比人讚既時候都唔知要點答好。我試過講唔該，但係我又講的好唔自在，唔知會唔會比人感覺我好敷衍同唔真誠，事後又好後悔…定係係我既問題，我諗得太多？自認如果我做自己既話都幾幽默。有冇人可以比啲意見我，我究竟點樣先可以做好自己？唔該曬。
#NSS個人 [guest] po ig please 🙇♀️🙇♀️ 話說小妹由細到大都好多手毛，所以一直都好自卑。咁我曾經有鐘意嘅男仔，但我都唔敢同佢close d， 驚佢見到隻手咁會笑我或者反感，有時同佢講野我都係着外套or 放隻手係後面。 而我啲 friends 都有同我講話脱毛，但脱毛超貴，我根本冇錢比，所以只好同自己講等大個有錢就可以去脱。 咁之後一直都ok，我身邊啲人都冇話會笑我亦都冇特別留意同提起，加上人越大 都知道冇咩人會再笑依啲野咁小學雞， 所以慢慢我自己都放低左少少依個煩惱。 但就起前果排番暑期工收工果陣換完衫，咁就有個阿姨見到我隻手，果樣超驚訝咁話：「嘩，阿妹，依啲咩黎㗎？咁多毛嘅？成隻馬騮咁嘅。」無錯，係馬騮，佢話我似馬騮。跟住再講：「我第一次見到有女仔咁多毛」。 佢仲要當住幾個同事面咁同我講，我當下就笑下hea 下佢咁，但其實已經超sad ，完全係係我傷口上面灑鹽。 嘜女仔有手毛真係咁差咁怪咩？我自己都唔想㗎🥲
#NSS社會 [Guest ] 連登真係好恐怖 我想喺度分享一下連登見過嘅恐怖思想 全部女都係雞 小小事都以為全世界嘅女人都係雞 成日口唇邊都掛住臭閪臭閪 作為女性聽到真係覺得備受侮辱 歧視同性戀 之前Anson Lo出櫃嘅時候見到連登有post其實情況已經好咗好多 但係我諗仲有30%嘅人係歧視同性戀 同埋好無知地認為肛交會有愛滋病 歧視K-Pop迷 以為所有追星嘅人都係戇鳩 確實追韓團嘅好多都係女友粉 思想有啲問題 但係唔代表全部人係咁 而且而家情況已經好咗好多 歧視韓國 見到有好多人覺得韓國啲嘢食好難食 我明白韓國嗰啲嘢食 確實有啲人會中 有啲人停鍾意
#NSS其他 [GUEST] 希望admin po ig🙏🏻 小妹我由小五左右開始就有想去台灣做圖文作家呢個夢想 我一開始都以為我好快會轉目標 但我而家中二仍然都係想做 而我成績係差嗰種 我都有努力過，上堂都留心左，會抄note 但結果都係不如理想 啊爸啊媽都有同我傾過 叫我一係就讀好啲書，再唔係就到合法打工年齡就去搵錢 佢地都有講過 「畫畫都係一種行業，我地唔會歧視任何一種行業」 但我諗佢地心目中都係會覺得畫畫係賺唔到錢 我好想將呢件事同佢地講，但又驚比佢地話 我啊爸係勁鐘意講道理嘅人 連續一個禮拜同你講都得 有冇啲咩辦法可以幫到我💦？ sor for 1999
#NSS愛情 [GUEST] hello我想問下大家少少提議！男朋友大我幾年，依家暑假大家都有返暑期工，賺就唔係話賺好多，我就50/hr啦，但都算有少少少經濟能力？話說同男朋友就快一週年，佢無話特別鍾意啲乜嘢，波鞋啊例如Air Jordan，名牌嘢呀，動漫啊例如周邊或者figure，以上嘅嘢佢都無興趣，佢鍾意打機，但打機從來唔課金唔買皮膚，通常啲皮膚係打返嚟嘅，所以真係唔知可以買咩比佢好，咁耐以嚟比較重要嘅日子我通常都係整hand make嘢比佢，例如蛋糕、爆炸盒等等都整過，但我覺得hand make嘢嘅話一週年好似唔係好夠，想送返啲實際用得嘅或者貴啲嘅嘢比佢🤯貴唔貴呢啲嘢就因人而異，但我預算價錢想大約800-1500，所以想問下大家有啲咩好提議！🙇🏻♀️唔該曬你地！