—類投稿

#NSS學校 [GUEST] 有冇人同我一樣未做功課😢😢 救命仲有成十幾廿篇讀後感等緊我 想抱團取暖💩💩🛐

#NSS愛情 [GUEST] 是咁的,小妺今年升F2,讀女校, 有個F1同班嘅女仔對我好好,有咩事都幫我,但又唔係普通朋友互相幫助嗰種,我懷疑自己鍾意咗佢🥲 佢本人係比較粗魯,完全唔介意同我有任何身體接觸,就連個胸同個pat都掂過 我哋之間相處可能仲親密過某D情侶,而且佢唔係TB 我由細到大都有鍾意過幾個男仔,冇諗過我會鍾意佢 我仲有幾次發夢夢見我同佢拍拖 我想知佢鍾唔鍾意我,有冇辦法可以試探下佢？ Sorry for 1999

#NSS社會 [GUEST] 香港有冇啲咩地方係男仔都可以好舒服咁買絲襪，唔怕尷尬？

#NSS個人 [SFCC] 作為女人好對唔住，但我真係好唔鍾意BL文化。 我唔明點解好似係女人都鍾情於二次元、三次元劇嘅BL，但我對BL唔單止無感，甚至反感。 有時見到d腐女見到兩個男角色就係咁刷BL，我會覺得好心煩，亦都因為咁我俾人話過唔似女仔，我喺一班女人之中經常顯得格格不入，家下同其他女仔講我唔鍾意BL就好似政治唔正確咁。 但最奇怪嘅係，我支持三次元嘅同性戀，咩男同女同、跨性別果d我全部支持，我甚至一直好想香港有同性戀婚姻。 雖然我冇睇大叔的愛（我唔鍾意睇電視），但見到香港終於播同性愛情劇，又有咁多人接受，其實我都幾開心。 喺條街見到同性戀行埋一齊我會默默祝福佢地；我身邊都有朋友係同性戀，我好多謝佢願意講我聽亦都會支持佢，但唔知點解我就係接受唔到腐女口中嘅BL。 多謝大家睇到依度，唔該屌輕力少少。

#NSS家庭 [guest] 前幾日自己離開咗香港，去咗外國留學，開心唔過幾個鐘，係入閘走嗰陣已經好掛住屋企人，我都覺得好快，我自己好渣，依家呢兩日都匿埋張被入面喊，好後悔同唔明點解會自己黎，但係已經到咗，冇得辜負阿爸阿媽交嘅學費，打電話俾屋企人嗰陣都忍住眼淚，唔想俾佢地知道同擔心，加上時差關係，我都唔係好同佢地溝通到。總之我過得好辛苦，有咩辦法可以解決呢個問題？

#NSS個人 [GUEST] 話說小弟有一個問題，就係好想同朋友一齊玩，但又唔想同人傾計。 因為我個人本身講嘢直來直往，經常激嬲人，所以搞到我依家同人講嘢要諗好多嘢，例如有啲咩唔講得，有啲咩會踩到人地底線之類嘅嘢。每次同人傾計都要諗一大輪，好煩，最後就唔會想同人講嘢。 唔該大家比吓啲意見我可以點🥲R爆頭啦🤯

#NSS個人 [ GUEST] 自從開始上台灣嘅討論區 我對“立場”呢啲嘢有咗新觀點 見到大部份香港人都會話自己係“黃” “藍” 話自己都唔係會比話港豬 但係我認為咁樣二分法好可悲 同主流觀點唔同就會比鬧 而亦有一啲人唔同立場會用盡一切手段抹黑對面 以此嚟確信自己嘅立場係正確嘅 見過有人話“真香港人”都會支持民進黨 但我有真係去了解過台灣人嘅諗法 有去認真睇台灣唔同新聞 有相當一部份人認為香港議題只係民進黨攞嚟爭票嘅 只係口上講講 我建議各位可以多上台灣嘅討論區 真係會令人有唔同睇法 圖Link: https://ibb.co/Kzm47jb

#NSS愛情 [GUEST] 其實我真係好鍾意你呀 你同你ex分左追我嗰陣我仲嫌你煩 拒絕左你 我而家後悔喇😭 但可惜你又同條女復合左 佢仲要係癲嘅 周街鬧人 話晒你全部女仔嘅朋友小三 搞到要同你斷絕關係…但我仲係好鍾意你 雖然你唔靚仔 有時又好on9 我都唔知點解自己會鍾意你🥲唔該admin可唔可以po喺ig🙏🏻

#NSS學業 [school] hello大家好 我係09line細女 升f1 六年班程分試唔算考得好 第二次程分個數再比人扣多19 分就肥。總括嚟講成績唔太好但其他科都ok 大抽獎入番自己學校，band 1B top 但係自己因為種種原因唔係咁鍾意嗰間學校。叩門入咗band 1A學校，香港數一數二嘅學校。我未interview/ 做卷佢就收咗我（事緣我自行有報可能佢哋知我standard唔知其實有冇關 ）。我知道既時候勁開心，但係呢排諗返，嗰間學校差唔多全部學生都係精英best of the best，我自己自認做嘢唔專心、成日用電子產品（做功課就煲劇）好易分心。入到去好驚讀唔掂+讀唔好成績差。點算好？thx admin

#NSS個人 [GUEST] 小妹今年form 2 都算係中產家庭，間屋差唔多2000呎 就係咁嘅， 我平時同屋企人出街唔會想買嘢 每次佢哋話要買嘢俾我， 我都話唔要 行葵廣想想買衫俾我我唔要， 行模型舖想買個figure俾我都唔要 有一次我同佢哋行西九， 我見到隻新專輯， 爸爸買咗俾我 但之後我有種好愧疚嘅感覺 成日都唔出聲 覺得好似好對唔住佢咁 但呢種情況只會出現喺我同屋企人行街嗰陣 如果我同friend出街嘅話， 爸爸會俾幾百蚊我 同時我都會帶埋一部份自己啲積蓄 自己帶嘅錢多數都會洗曬 但爸爸俾我啲錢我永遠都會用淨一百蚊 第一次佢俾400我，咁我用淨100 第二次佢俾300我，我都係用淨100