—類投稿

#NSS個人 [Guest] 小妹今年f1升f2 係學校俾人bully 。小學同學冇唒聯絡。 唔開心嘅時候有人可以傾訴， 想打機嘅時候可以有人一齊陪你打機， 見到邊間餐廳好食可以組團飯聚， 有新戲上演嘅時候可以一齊去睇。想去嘅地方可以一齊去。 雖然我都知道唔會好似上面講咁咁開心， 咁如意。 但又唔知幾時開始自己開始越越少人搵， 同其他人嘅聯繫變得越來越薄弱， 都唔係冇試過主動搵人， 但係都係傾唔夠幾句就收皮， 有煩惱都唔知道搵邊個傾訴， 想做啲乜嘢都冇人可以一齊陪我去做。 隔幾個月都可能會有一兩次聚餐叫埋我一齊去， 個幾個鐘嘅時光都令我覺得好開心， 但係完結之後又會覺得好失落。 雖然我明白咁樣可能已經好幸福， 亦都明白有可能有比我更加寂寞嘅人，但我真係覺得好痛苦好空虛 sorry打到1999，打到一半已經忍唔住喊， 諗到而家先十幾歲， 究竟仲要咁樣落去幾耐。

#NSS學校 [香城中學] 以前細個係TB 去到中學變返正常長髮女仔 早幾個月前老師安排我同另一個長髮女仔坐 下稱W 佢同我都係一啲比較串性格爽朗嘅女仔 但係心地好好 表面又串又mean 但係又成日幫我 一齊坐嗰陣一齊研究英文 因為大家都好叻呢科 平時做練習又會互相串下玩下咁 之後就慢慢變咗friend 文具嘢食兩份用 小息又會推推撞撞拖吓手咁 我慢慢發現自己對佢嘅感覺已經超出左朋友 因為同W越嚟越frd 我哋已經去到一個無所不談嘅地步 呢個時候佢竟然同我講佢鍾意隔離班啊K一年幾 W仲同我講呢個秘密淨係同左我同另一個friend講 叫我唔好講出去 咁我本身拍過拖唔少次 戀愛方面有唔少經驗同技巧 但係每次都係男仔

#NSS其他 [Guest] 我住喺公屋 呢兩年，附近嘅單位都會有一個女人喺度鬧仔 甚至會聽到巨響同小朋友撕聲裂肺嘅尖叫 嗰種尖叫已經唔似人聲… 我好想救佢 但我唔知點做 我驚打草驚蛇之後個女人會殺咗自己個仔 又或者佢嚟尋仇 我真係好掙扎，究竟幫唔幫好？

#NSS家庭 [Guest] 我想問大家對家底嘅定義係點（我唔肯定係咪應該咁講），即係例如你係中產之類嗰啲。 我本人認為自己係中下，老豆老母加埋月入$200000，住將軍澳某4個字嘅私人屋苑，衣食無憂。我自己我覺得下產就係住公屋（唔計買同霸住嗰啲），中下私人屋苑（勉強買得起嗰啲）居屋夾屋，中就好輕易就買到新私人屋苑嗰啲（例如The Hermitage 三房四房），中上就係好輕易買到複式單位，高就係山頂嗰啲，想知大家點睇。

#NSS愛情 [cdgfss] 小弟今年升中二 想分享一下之前小學就快畢業做過嘅一件事 嗰陣時我就諗住趁住畢業告白 嗰個女同學成績都唔錯 我哋都有上學校個奧數班 之後我就突發奇想 嗰個女同學派咗一本畢業冊 叫我哋冇人寫一啲嘢上去 上面有一欄就係你鍾意邊個 我就用我會數學返嚟嗰啲知識喺上面寫咗 之後叫佢解 我知道有人會想知道結局 結果就係其實我寫錯咗 佢都冇做回覆 大家仲有啲乜嘢特別嘅(朗誦x)告白方法 小弟都想八卦下

#NSS社會 [GUEST] admin post ig thx:) 最近小妹有個frd無啦啦退咗我地嘅一個squad 佢可能係 唔鐘意我地嘅行為 因為我地同另外一個frd（簡稱A）開咗個過隆嘅玩笑。玩笑佢就唔係完全唔關事嘅 佢自已都有介入少少 一齊笑A。當A真係唔開心時佢就無啦啦退grp 我地好聲好氣問佢點啊有冇事佢就已讀不回 已經唔止一次兩次已讀不回。其實已讀不回真係好刻人憎 佢就覺得自已冇錯咁用懶嚟做藉口 究竟係我地問題定佢問題呢？如果一個人話懶得回所以已讀不回又有冇錯呢？ 之後我地同當事人A都道歉 件事都解決咗la 但係佢就仲係咁 我想講其實關唔關佢事呢 都唔明佢嬲乜 A先係當事人wor 過咗成個week小妹就再次寫咗篇文俾佢 大致就係講溝通好重要 希望你唔好再已讀不回

#NSS家庭 [Guest] 我想問一個問題 就係有一個鍾意情緒勒索人嘅啊媽應對 我啊媽成日都用死嚟勒索我 例如 我唔睇/聽姜濤新歌 ，跟住我聽完dear myfriend冇任何感覺 然後我啊媽話姜濤成日俾佢d隊友蝦 仲有花姐成日都針對佢 當我冇回應嘅時候佢又嚟情緒勒索我 但係當我係學校俾人排擠 想死時 我啊媽開埋個窗叫我快d跳落去

#NSS個人 [順其自然真係會有frd？；；] 是咁的，雖然口講話＂一個人原來都可以盡興＂，但其實真係好孤獨… 都交代一下啦，小妹而家f1升f2，一路以來都好內向好被動，唔敢同人打開話題。因此，我幾乎冇朋友咁濟。f1嗰陣有同幾位相同小學（原本就熟）男仔好熟，返學都係同佢一齊玩（純友誼。）我成個f1都冇識到好朋友，我係嗰種可以同人好好吹水但無法深交嘅人…每次上pe堂要同同性分組我都係分唔到，通常都係同一位被佢朋友拋棄嘅人一組。有時真係好唔開心，其實啲人話＂一個人原來都可以盡興＂，但又幾個真係可以做到？講到底，呢句歌詞咪都係安慰下自己遮。有邊個唔想開心嘅時候有人同自己一齊笑，失落嘅時侯又有人陪呀？ 升上中二喇，混混噩噩咁由普通班升到上所謂嘅精英班，成班得一個係原本同班嘅高材生，雖然唔太熟但都叫傾到計嘅。而呢排學校有搞一個令普通班上到精英班易啲適應嘅堂要上，上到堂個個都有好熟嘅fd可以一齊坐，我就自己一個摺埋一邊。我想問下我遲啲要點識到朋友？好驚到時全部人都有曬自己best frd無辦法識到人。同埋，有咩方法可以令自己主動啲out going啲？ illustration source @avogado6 (twi) 圖Link: https://pbs.twimg.com/media/EuWy_NWVIAQjcQq?format=jpg&name=large

#NSS個人 [Guest] 小妹今年f2升f3, 純呻 有個bf絕咗交2年 佢係我小學同學 識咗8-9年 當初係我主動絕交 但係時間慢慢咁過 1年前開始經常性夢到佢 夢到和好 佢笑得好甜 一齊拖手 溝通 傾偈 其中一個夢係我喺個商場度撞到佢 佢撞我手时 跟住我撞返佢轉頭 然後佢抱住我喊 我抱抱佢 佢話:「我哋和好啦」我好開心攬住佢 一直到我投稿既前一日 依然夢到佢 明知道大家分開有原因 但控制唔到唔諗佢

#NSS愛情 [DGS] 我同佢由中一開始識。我哋學校出名多les/bi ，同時出名保守(學校因為係傳統基督教學校）。我同佢唔係一見鍾情，係近呢一兩年先認真鍾意佢。佢以前成日都俾 mixed signals 我，而我唔想冇咗我哋之間嘅友誼，所以就一直都冇表白，只係會不時互相’jokingly’ flirt 吓咁，攬頭攬頸。因為我就嚟轉校，唔想再俾呢件事煩擾住我，所以就近排直接同佢表左白。咁原來佢一直都有暗戀我，但係好似我一樣，唔知對方鍾唔鍾意返自己，所以就冇同我講過。佢仲話自己唔係100%清楚自己係咪真係鍾意女仔，同埋唔想俾人歧視。我哋同大家表完白之後就即刻轉左話題，冇講過我哋應唔應該開始拍拖。其實我真係好鍾意佢，而我哋雖然性格同埋喜好都幾乎相反，但係就好似典型嘅 ‘opposites attract’ ，喺埋一齊嘅時候真係好夾，仲可以互相鼓勵到大家。 我而家真係好困擾，唔知應唔應該問佢好唔好喺埋一齊，定係放手，希望佢將來搵到一個配得起佢嘅人就算。我可能係佢最熟嘅friend，佢一有咩事都會黎搵我，所以我真係好驚如果我再提出呢件事而俾佢reject左之後，會傷害到我哋嘅友誼，搞到我地之間好尷尬。希望大家可以俾啲意見啦🥺