—類投稿

#NSS個人 [GUEST] hi 小妹想問幾個問題 小妹由五六年級開始已經有脊柱側彎 上年過咗嚟英國 私家醫生同英國政府都有繼續follow up 上個月我就俾政府嗰邊安排咗去照一次MRI (免費嘅，各位放心只係去攞多個參考) 想問以下幾個問題 – 有冇人係有脊柱側彎而又照過MRI/或者因為其他事而照過MRI, 想知道個過程係點？佢係幫你由頭照到尾定係淨係照你需要嗰個部分(eg. 你要照個頭會唔會幫你照埋腳)？介唔介意分享一下呢？ – 小妹成日一有少少少少少(eg. 好輕微嘅頭痛) 就會瘋狂google 嚇自己 搞到自己個人 日日都擔心呢樣嗰樣 又成日擔心甚至覺得自己有病 好想改又改唔到 搞到個人成日都好攰

#NSS家庭 [［GUEST］] 究竟係唔係我錯？ 小妹係初中生，文筆不好勿怪🙇🏻‍♀️🙇🏻‍♀️ 話說我哋有份功課要畫Menu 咁琴日要交ge係初稿：）樣衰啲都冇所謂ge （佢見到P.2）之後我老豆經過見倒畫D字好樣衰叫我重寫(?) 嗰陣時我心入面已經爆咗n句粗口 各位同學都明白功課會到最後一日先交 而當時我已經交咗功課亦都過咗12點） 我打算重新寫過成份嘢（可能遲啲有用） 由於個Menu題材係我偶像所以個餐廳名都同偶像有關 佢一見到就直接鬧我，我同咗佢解釋嗰個係同一份功課，佢唔理三七廿一直接鬧我， 又鬧我垃圾，又鬧我幼稚園都不如，爛泥扶唔上柄…呢啲詞彙對於一個女仔係會傷到記住一世，其實真心我啲字真係唔係好丑…已經算中上，佢就話「俾你嘅偶像睇吓你啲字，佢會話原來我都有幼稚園fans…」 佢好快就入咗我間房，搣爛咗牆上面所有寶貝poster，見到呢個情況嘅我就即刻沖入廁所喊，佢知道我怕黑就熄咗燈（我哋屋企廁所燈喺出邊開關） 但係我又唔想出去就一路匿咗喺入面…嗰晚喊咗好耐，亦都發咗惡夢…我諗呢件事一世都會記得 佢成日都話我過度沉迷，根本我都唔太沉迷 啲friend仲沉迷過我… 其實喺佢眼中… 同人傾WhatsApp=追星 睇IG=追星 做功課嘅時候要查字=追星 同啲friend出街=追星 多謝大家聽我講佢嘅野，最後麻煩admin po

#NSS家庭 [Guest] 老豆真係好霸道 有一日老豆拎左我部ipad用嚟打機😀呢個唔係問題，之後佢話要課金788 （acc張debit card係阿媽用嚟俾零用錢我用）🤡佢問我張密碼係咩，咁我問佢係咪俾返錢我，佢答「碌你張卡咪碌你張卡lo係咪唔得呀？」 我一個月都係得千六蚊🤧宜家仲要係月頭，佢課金已經洗咗我一半零用錢🥲我自己都唔捨得課咁多🥹佢要我俾錢佢課金已經唔係第一次🫠之前佢課完金搞到我唔夠錢返學校食飯，我問佢可唔可以俾多少少錢我用，佢就話「鬼叫你平時咁大洗，唔俾」搞到我要周圍問同學借錢🥲佢喺屋企咁霸道嘅行為真係不能盡錄而且成日雙重標準 Sor for 1999 Thx admin

#NSS個人 [GUEST] hi… 小妹就嚟14歲 11歲嗰陣已經嚟咗M 想問下大家以下呢幾條問題 1) 而家身高157 想問吓大家有冇啲乜嘢增高嘅方法… 想至少高到160 2) 小妹個鼻由細到大都比較扁 同埋鼻哥窿比較大(未至於超級大) 同埋基本上係冇鼻樑 鼻翼比較闊 有冇人有方法可以唔使整容但係可以改善到呢啲問題呀🥲🙇‍♀️ sorry for 1999 希望有好心人可以分享一下🙇‍♀️🙇‍♀️🙇‍♀️ 辛苦各位睇完我呢篇廢話 Admin please po ig

#NSS個人 [GUEST] 小妺今年F4 身邊朋友全部都係異性，興趣方面都係比較偏向男性，同自己同性嘅人傾偈會好有代溝。 我自小學開始就對機械人好有興趣，例如mbot,Lego mindstorm,dash&dot等唔同ge機械人。有時會放學留低學校去prepare比賽，參加過好多依d比賽，攞過好多獎。亦都對d球類運動有興趣，平時打開籃球同羽毛球。去到中學，學校都有依d比賽，咁我都有繼續參加。 但身邊嘅人好似都唔係幾支持我去參加，屋企人就話女仔應該要去學跳舞唱歌，參加機械人依d得男仔先會參加，叫我退出依d比賽。所以參加比賽ge費用全部都係用自己零用錢俾。連喺學校成日都會有老師、同學同我講“居然有女仔參加依d”。 其實可吾可以唔好再去性別標籤，男仔都可以鍾意玩Barbie，女仔都可以鍾意機械人。 Sorry for 1999

#NSS個人 [guest] 小妹今年F.3 樣都算ok但係皮膚好差 一直都因為皮膚問題冇自信 唔敢除口罩之類嘅問題 我想重拾自信想學化妝 但係唔知其他人點諗 會唔會覺得我F.3化妝太早熟 首先我父母係同意我化妝嘅 因為我成績都ok 我都想知道同齡人係點諗化妝呢樣野 thx admin po ig

#NSS文化 [Guest] 第一次投稿, 多多指教 今次開門見山, 直接談論多個有關宗教之議題: 「神」、「宗教影響」、「極樂世界」、及「各種宗教」。 事先聲明, 本人並不限制宗教自由, 亦尊重他人信仰。 — 神 — 首先給大家一問題: 神存在嗎? 答案應該可分為三種: 「存在」、「不存在」、及「不知道」。為方便說明, 先假設神的確存在。但有新問題產生 — 有多少個神呢? 又為方便說明, 假設神只有一個。 相信大家都發現, 我(和其他人類)都需要使用「假設」解答問題。神的問題不是唯一人們不肯定的 —

#NSS個人 [GUEST] 想請教各位😮‍💨 曬黑要點先可以快d變白 同點樣去戶外無咁易曬黑 小妺早幾日曬黑左隻手🥺 而家出街好大壓力 好似成條街都望住我 感覺曬黑左既女仔好奇怪😭 Sorry for 1999

#NSS個人 [細妹奴] 我唸有帶耳環嘅女仔都會明白耳珠比人大力扯咗下 會有幾痛。 話説星期六我帶著細妹去朗豪坊，大家都知旺角人多，難免會有碰撞。但果日有對情侶，個男人撞到我細妹，可能係佢太「高」啦，我細妹160隻耳仔啱啱撞中佢膊頭，成隻耳環飛咗出嚟跌落地爛咗，當時大家都呆咗，粒聲冇出，得我細妹係地下自己搵緊條屍。你好快就拉著你女朋友走，耳環就我自己整比細妹嘅，價錢同質素一樣係0，會爛係預咗，但我唸佢值得你賠我細妹一句嘅道歉。我之後係街上面買過對耳環比細妹，帶果陣就發覺耳仔就損咗。其實果陣大家都眼望望都幾尷，所以大家冇出聲，唔緊要啦😂😂不過如果你見到呢個post，我希望你可以係個心度同我細妹講聲道歉。btw 而家耳環就黐返好，就係有個裂痕，都算係我細妹冇睇實條路嘅一個懲罰啦！

#NSS個人 [Guest ] 自問由細到大都唔係朋友成群嗰種，小學生涯裏面最friend嘅都係得一兩個，畢咗業之後都少聯絡；中學生涯都係一個左右，間中一齊吹吓水咁樣，冇話好似人哋認晒兄弟姊妹咁樣。當然，都遇到唔少唔鍾意自己嘅人。 小學嘅時候記得有一次過年番大陸去咗一個親戚屋企，個親戚屋企冇自來水，只係用一個手動泵泵水落水桶用，因為香港好少見到咁樣嘅水泵，所以我就影咗一段泵水嘅片send落谷度（利申：冇喺谷內講過嗰個親戚任何個人資料）。 點知我個同學見到段片之後就話啲人窮係應該用水桶喺個井到兜水，而唔係用手泵，我當時應該好嬲，同嗰個同學辯論左好耐（人哋屋企冇自來水已經夠慘，仲要咁樣俾你話，唉）。我真係心諗：使唔使咁呀？我淨係想分享吓個水泵，點解會變咗喺度爭論所謂窮人應該點樣裝水？ 後來我同呢個同學都入咗同一間中學，不過唔同班（後來有次聽講座坐喺附近，都冇理佢）。 後黎上到中學有個friend，中一入去就識得佢，然後斷斷續續咁樣聯絡到中四，喺間學校裏面都叫係識得比較耐嘅人。然後佢有一日突然之間block我，我到而家都覺得唔明我做咗啲乜嘢得罪佢。不過諗諗吓可能真係冇乜嘢，純粹係佢見到我呢個人篤眼篤鼻，想同我斷絕來往姐。 仲有一個同學，有一次唔開心就打電話同佢講，佢都有聽我講，不過就一路話我好煩，仲要係咁講嘢打擊我（具體講啲乜嘢我唔想提起）；之後都相處得唔差，便服日都有搵我合照，旅行日都有一齊玩。 跟住隔咗大約半年，我有一次隨口問起可唔可以同佢傾陣電話，佢就直接話我好煩。嗰下心裏面係有少少唔開心嘅，不過我冇乜嘢喎，咪當身邊少咁一個普通朋友囉。 有陣時喺網上面見到啲人話好孤獨，喺度呻吓。我慶幸自己喺10幾歲嘅年紀就明白身邊總有一啲嘅朋友、同學會隨着時間過去同你漸行漸遠，呢個係永恆不變嘅定律，所以人本身係孤獨嘅。 所以當我去到嗰啲上網呻嘅人嘅年紀嘅時候，如果我仲係冇乜朋友，我諗我都已經習慣，因為我一個人都可以做好多嘢： 有陣時坐喺海邊望住貨船行駛，聽住海浪拍打石頭，再望吓擺喺自己大髀上面嘅書；又或者坐喺山上面嘅涼亭，望住俾風吹到係咁搖擺嘅野草，聽住喺山頂放風箏嘅遊人嘅歡笑聲，然後拎部手機或相機出嚟影低咁美麗嘅一刻，先發現一切原來可以咁簡單，快樂就係咁簡單。 當然都有工作拍檔，但係私人生活大多數時候冇佢哋，可能係我太孤僻喇，但我再都唔想喺人群裏面孤獨，相反一個人嘅充實更珍貴。