—類投稿

#NSS家庭 [abc school] 要成日要返阿婆道，覺得時間被削減，咁諗會唔會好衰

#NSS個人 [Guest] 小妹有嚴重嘅選擇困難症🥲 今晚食咩，買邊件衫邊條褲邊對鞋邊支筆邊支塗改液，每日嘅大事定小事都要諗好耐，試過諗晩飯食咩諗咗兩個鐘，之後個晚就無食飯。 不過最困擾嘅就係ig story，每次都要諗用邊個filter,字體,邊張相,打咩caption,加唔加emoji，之後就po完唔滿意就deleted再po過，所以為咗唔比自己諗太多嘢，我就小咗出街同上網，好多嘢都交哂比人決定，已經唔想再揀嚟揀去，但係我無可能成世都唔自己做決定，始終都要出街,食飯 希望大家有方法可以令我唔再諗咁多嘢，唔使日日都為咗啲小事煩咁耐🥲🙏🏻

#NSS學業 [Guest] 其實我細細個一直都覺得醫生好型，加上年武肺得閒，就睇了啲講醫生嘅劇集啦。加上自己讀Bio同Chem，成績唔差（Band1中上啦唔知夠唔夠），令我有做醫生嘅念頭。 咁廢話唔多講啦，我其實係有少少密集恐懼症嘅，雖然我係讀Bio嘅，但係我發現當我見到Bio書裏面好密嘅一啲Cells，我就雞皮疙瘩，毛骨悚然了一下，莫名有種恐懼（明明就只係Cells點解我會驚..我都唔明點解要起雞皮） 其實到底有密集恐懼症嘅人，做唔做到醫生㗎？ 有無有密集恐懼症嘅人依家讀緊Medi，可以話唔知會唔會成日被嚇親？

#NSS個人 [GUEST] 小弟今年中四，由小學開始就有抑鬱症，一直以來都係透過哲學來自我開脫，過着自暴自棄的生活。但近排有好多事煩擾，由其在見到香港前景如此絕望，令我自殺嘅念頭越來越堅決，今日都去咗藥房買咗安眠藥，以便不時之需。唉，我真係好掙扎，吾知點算好，死亡的恐懼令我遲遲下不了手。我真係好掙扎！！我應該點樣做啊！心理學家我都見過好多，但我真係頂唔順啦！我應該要點樣做啊。Pose ig thx

#NSS學業 [某band1女校] 話說七月尾就知道咗分班結果 咁我本身(F.2)係讀次精英班 但下年(F.3)就分咗去最top嗰班 事關我真係好唔想入最top嗰班 就求咗老母好耐先肯比我寫信去學校 原本以為一天都光晒 點知學校唔比我調班 話要精神有問題+有醫生紙先可以 至於究竟點解我咁唔想入嗰班 一嚟係我本身已經冇乜frd 如果入咗嗰班 我真係好驚啲frd會走哂 加上我喺嗰班識嘅人唔多 個個本身都有frd(嗰班大部分人都係原班升讀) 我真係唔想分組嘅時候冇人理我 二嚟 我本身F.2讀次精英班已經唔係幾頂得順啲壓力(𠝹咗兩三次手)依家叫我入讀書氣氛咁「良好」嘅一班一定會更加大壓力 但係依家連信都寫埋 我究竟仲可以做啲乜 我真係超級超級超級唔想入嗰班！ Sry for 1999

#NSS學業 [GUEST] Band 1A 女校 今年九月升中三 唔知要揀啲咩科好 但想試行醫科路 所以應該會揀bio 同chem 但係我science又好似唔係好好 好似入唔到 F.1 第一個term就可能大家未準備好定真係好簡單 我就拎八字頭 有top 25% 都算班入面top既 但係之後網上教學之後就跌落六字頭(F.1 term 2) 去到F.2 first term 就七字頭

#NSS個人 [Guest] 近期我流血時血係凝固，究竟發生咩事？我係咪有病？

#NSS個人 [想去韓國做練習生但目標唔係出道] 小妹07，上年入坑kpop，鍾意唱歌跳舞(玩過九年choir，跳舞最近開始學)，但自認唔叻。 除此之外，我性格內向，唔鍾意表演。 奇怪嘅係，我想去韓國做練習生。 主要原因係: 1. 我有厭食，之前因為身體頂唔順，入過醫院。出到院雖然有食嘢，不過都係好唔滿意自己嘅身型，覺得自己好肥，想做運動改變但係太懶。因為做練習生嘅身型要求好高，我想透過人哋逼我做運動， 同埋趁爹哋媽咪唔喺我身邊偷偷地節食減肥。 2. 因為做練習生會好有競爭，我想透過承受好大壓力咁 令自己好快學好唱歌跳舞。 學好呢個技能之後我唔會諗住show 畀人睇，只會自己收埋。 我呢個想法完全冇同過任何人講，因為佢哋知道我嘅真正原因就一定唔會畀。 更何況假如我係阿媽，聽到自己個女無啦啦話要做練習生，都會用好多種種理由拒絕。 我知道做練習生好辛苦，又好難achieve，我係咪應該放棄 ，試都唔好試呢？

#NSS家庭 [UOW] 我因為想打針所以去做體檢，但醫生睇完報告叫我唔好打針住。 原來我有兩種病，依兩種病都係家族遺傳，老豆老母兩邊嘅家族遺傳病都俾我遺傳哂，雖然冇生命危險但都以同齡層嚟講都幾嚴重下，對日常生活亦都有影響。 依幾日因為份報告成個人好灰，望住塊鏡諗到，如果我老豆老母一早知生我果陣我可能會遺傳佢地d家族遺傳病，仲會唔會照生我出嚟？ 如果你地知道自己有遺傳病，下一代好可能會遺傳你地嘅病，個病仲可能會影響佢成世人，你地仲會唔會想同另一半生仔？

#NSS個人 [guest] 小弟升F2，我覺得自己冇乜frd，咁我喺班上又未至於係透明人嘅，有幾個同學當我係frd, 做grp project總會搵我，但係我同佢哋又唔係好熟，次次傾計都刻意隱藏自己真實嘅一面，好唔自在 我唔算內向，你話好外向又唔係，如果熟嘅話其實可以玩得好放，咁我同同級16個同學之前因為參加咗學生會舉辦嘅活動開咗個whatsapp grp，一開始都冇乜人講嘢，耐咗，我哋就成日喺嗰度傾閑計，講廢話，喺嗰度我咩都夠膽講，係我真實嘅一面，咁既然我可以喺呢16個人面前做我真實嘅自己，點解我會話自己冇frd? 因為我喺現實生活淨係同其中4個熟，對住其他12個都係帶住個面具，雖然我哋全部人都話就算之後唔同班，都會繼續喺個grp度講廢話，不過我好驚畢咗業之後大家就唔會再聯絡 其實平時小息我都同嗰4個同學玩得好high, 不過我哋嘅興趣唔同，平時好少傾偈，通常都只係一齊玩，大個咗就唔會再玩呢啲咁低B嘅遊戲，關係就自然會疏遠 請問大家有冇啲方法幫到我？