—類投稿

#NSS社會 [Guest] 求po 係一單網上騙案 想警惕大家唔好再比佢呃到🙇🏻‍♀️🙇🏻‍♀️ 以前成日睇新聞見到網上騙案真係覺得比人呃個d人好on9，心諗自己一定睇住佢哋，但冇諗過有一日都發生係自己身上面，騙徒手法層出不窮，以下係我嘅個人經歷： 大概年頭個陣，見到有人係fans grp宣傳可以幫手代購明星公仔，嗰陣我未接觸過呢方面嘅事物，睇佢詳細介紹又覺得幾有趣，於是乎就搵咗佢代購，一開始佢脾氣好好，又有耐性，仲講明唔收任何代購費用，大家都係fans互相幫忙，於是乎我就幫襯咗佢. 係俾錢嗰陣，因為幣值不同，所以要轉換返港幣，我都有專登Google過究竟唱番港幣係幾多錢，見佢收多咗我10幾蚊，就問佢點解，佢聲稱呢個係郵費，以後都唔會再收，咁我就放心過咗一筆數落佢到. 點知嘅左幾個月，佢又黎問我拎郵費，我個陣好疑惑，於是好有禮貌咁問佢點解收完又收，點知佢覆我「搵得代購就預咗要比多啲錢㗎啦😂」，其實講真，我從來唔介意俾錢佢做代購費，但佢要同我講返聲，唔係亂咁同我收錢，加上一開始係佢話唔收我任何費用嘅，感覺就好似詐騙咁，但嗰陣我嘅諗法係我唔俾都比左咁多錢去買隻公仔返嚟啦，都係比多少少郵費姐，唔緊要啦，之後佢又補救返話我之前比嘅費用只係由集運倉寄返香港嘅費用，而佢而家問我收嘅係公仔廠寄去集運倉嘅費用，咁我都算啦，即刻過咗數俾佢，其實而家諗返起，郵費佢收得好唔合理，後尾我問返行家，先知佢收咗我雙倍郵費. 再之後，佢又問我攞郵費，佢話我隻公仔已經到咗集運倉，自家運返香港，又問我攞郵費，嗰陣我更加疑惑，佢之前唔係話集運倉寄返香港嘅費用係佢包咩，一開始我唔係已經俾咗啦咩，我咁樣問佢，佢就係咁話我唔明白唔明白，再之後我直接同佢講，如果你係想呃我多啲郵費去做你嘅代購費嘅話，我唔介意，我只係希望你收我嘅任何費用你都可以誠實咁同我講返究竟係咩嚟，我從來唔介意俾多啲錢出嚟，但我唔想你而家好似呃緊我錢咁，唔緊要啦，你郵費直接揀到付，我唔過錢俾你啦，到時我直接自己比郵費啦，之後再send WhatsApp俾佢，佢直接已讀不回我，於是乎我就同佢講話如果你再唔寄翻隻公仔比我嘅話，我就會報狗，再之後我再send message俾佢，已經係單tick 一開始我以為佢WhatsApp block左我，我即刻諗住IG去搵佢，就見到佢個post多咗好多人留言話佢係騙子，有人俾佢呃七百幾，有人俾佢呃五百幾，夾夾埋埋已經過千，重點係買公仔嘅大部份都為中學生，我真係唔明，而家啲人卑鄙到連學生錢都呃？於是乎我逐個逐個問佢哋了解成件事，發現呢個人真係好有問題： 首先，佢嘅貨幣兌換真係亂咁嚟，我見到其中一單case，假設原本兌換返港幣只係二百幾，佢足足收人四百幾，係一個Double，可能大家都係學生會，又唔識自己上網search返究竟佢個兌換合唔合理就直接俾咗錢 第二，佢嘅郵費真係修完一次又一次，仲要好貴，係比普通郵費貴成兩倍三倍咁滯，仲要經常唔覆message，收完人錢之後一個月唔Online 第三，新面膜俾人暴露咗之後脾氣即刻變到好差，我見到唔同案例，佢一俾人發現咗之後係即刻講晒粗口咁鬧人，我就已經知咩事 係嗰陣時，佢WhatsApp突然之間覆返我，話佢手機壞咗，佢冇block我WhatsApp，又話果一晚會盡快寄俾我，我等咗好耐，差唔多等到凌晨嘅時候，我再同佢講話我真係會採取行動，總之佢態度即刻180度轉變，佢話「你鍾意咪去囉，笑死」，嗰陣我即刻成個心都灰晒，冇得再自己呃自己，仲要相信自己係俾人呃咗 我知道我分享呢個post一定會比好多人插，但同時我都好希望大家插還插，睇咗我呢個post之後以後真係要小心網上騙案，小心網上買嘢，特別係代購一定要搵有信譽嘅舖頭，中學生買嘢都要小心啲，我深深知道報狗係冇用，佢三個唔同入數方式嘅ac，電話號碼都唔一樣， WhatsApp電話都唔一樣， 9成9係太空卡，一嚟警方唔會處理呢啲咁濕濕碎嘅案件，二來太空卡都追蹤唔到，只可以當買個教訓，提醒自己以後要小心啲！ sor for 1999

#NSS文化 [ucc] 發現自己係邊個gp都係最唔合群嗰個，姐係嗰種好似個gp冇左我就得，冇左佢地是但一個都唔得🤦🏻‍♀️ 雖然慣左但點都覺得唔開心，我好想知點習慣一個人出街，成日覺得一個學生出街食飯會被人諗三諗四

#NSS其他 [dgs] 我有班好鐘意慶生日嘅朋友，個個生日都要大搞，下個生日到我，但我因為細個經歷好唔鐘意慶祝生日，仲會好驚，問，我可以點樣令佢哋慶祝唔到，或者避開，又冇理由直接同佢地講，好似自作多情咁🤦🏻‍♀️

#NSS個人 [school] 事情發生喺7月頭 我同阿爸阿媽去某沙灘玩，影咗D相，包括我遊緊水嘅相，阿爸之後將相 Po 上 facebook，其實佢每個 Po 都 set 咗 private，但係今次唔記得咗，但幾個鐘之後都有整返。 點知有個同學（都幾壞）send 咗嗰D相到班 group，全班都睇到，特別係遊緊水嗰張，俾人笑到面黃，聼講呢D叫社會性死亡（我唔知係咪），我將 send 相嗰個同學踢咗出 group（全部人都係 admin），其他同學好似覺得我好小器，即刻加返嗰個同學。之後返學D同學都用奇怪嘅眼光望我，有時仲喺入邊笑我，更加冇人主動搵我講嘢，直至到暑假都冇乜人搵我吃喝玩樂。 其實我唔覺得係阿爸嘅錯，你哋覺得呢？ 求 po 上 IG🙏

#NSS個人 [GUEST] 想問係咪全部魔蠍座都係咁？？定係純粹係呢個女仔（A）自己問題？ 我冇幾耐前同左個女仔分手，係佢同我講分手嘅。 佢拍拖嗰陣一直都好冷淡，同我講嘅所有我愛你都係為咗應付我而講。而且佢覆機覆得超級慢，幾個鐘先覆一次，係去到夜晚12點幾1點之後先會開始秒覆我。但係我好早訓，次次都係傾得半個鐘一個鐘咁就好goodnight……次次想佢早啲開始陪我傾計佢就話唔得閒啊做緊野，邊有咁多野做呀。佢學校係變態，乜嘢project都比曬佢做，佢又好似有啲完美主義，但係都冇咁多嘢執啦下話。 其實呢啲都好小事，重點係佢個樣成日都好似有野隱瞞咁。我自己係痴身嘅男仔我認，我都唔要求佢咁痴身，但係可唔可以比少少拍拖嘅感覺我，依賴下我咁。 佢有咩就成日自己頂又唔出聲唔講，成日話自己冇問題冇問題但其實自己根本唔係冇問題，問佢又唔講，導佢又導唔到。佢同我一齊硬係有啲嘢唔講，佢同佢啲朋友一齊玩嗰陣就自在好多。佢有個女仔frd，好close，我ex就有咩都會同佢講，大大小小都會同佢分享，好似佢係佢partner多過我係。我聽得最多嘅就係「我做緊野」、「陣間同你講」。唯獨是我話唔開心佢先會主動關心我，唔係嘅話佢連朝早一句早晨都冇。不過我地都會出街拖下手仔咁，雖然更進一步嘅身體接觸佢就會好抗拒。 平時講野又冇emoji，唔知佢係咪嬲緊定係點，打比佢就話唔鍾意call，skype更加少有。佢同佢啲女仔frd態度就兩個世界，鍾意call就call，skype就skype。唯一好少少嘅就係，佢生活圈子極少男仔，平時做開人地老母嘅角色（姐係煮飯比佢地食，幫佢地執手尾，一個唔開心佢就會隨傳隨到。）就算有男仔都係已經出左櫃/有女朋友，所以避嫌呢方面佢做得幾好。 雖然一開始拍拖佢已經話我唔會係第一位（因為佢啲朋友係佢絕望邊緣救過佢，所以佢啲朋友先係第一）但我冇諗過雙標到咁囉。

#NSS個人 [Guest] 小妹今年升f2。話說我自己好多野都好唔錯，身高173，身形OK，成績囉獎，對眼OK。但係個鼻同嘴就🤡🤷🏻‍♀️🤯。個鼻比我隻眼大（我隻眼真係算大）而我個嘴係好dup而且唔平均而且長期甩皮（可能因為嘴太大唔夠水分？？我知道呢個講法好on9）。咁多野加埋我不嬲都係中等人士。 但至重呢個疫情開始後我就戴口罩（冇人見到我的醜之處），但呢段時間我啱啱入中學認識好多新朋友，有唔少人都係我地約出來食飯先第一次見到我成個樣，佢哋好明顯係surprise（唔好方面？？）我依家重有一大堆人要慢慢俾佢哋見我成個樣，較到我極自卑，唔知點算。 求俾advice我 sorr for 1999

#NSS社會 [SPCC ] 小弟升from 4好少同性朋友 是咁的，小弟係一個唔太鍾意打機既人，而係啲鍾意出街，去沙灘，行山，唔鐘意留喺屋企嘅人，而身邊嘅同性朋接近全部都係宅係屋企打機，唔出街嘅人，我曾經試過打機想融入佢哋，但反而比佢哋更加嫌棄。從此之後我就識咗幾個鐘意出街玩嘅女仔，成日一齊出去睇戲，行山，周圍去，有時po 下ig 咁，之後有啲同性朋成日話我「渣男」又話我係gay ，每次聽到真係唔好受。 想問下有無辨法可以識返多啲男仔frd 因為例如去 ocean park 我想玩過山車，但女仔frd 唔夠膽等諸如此類嘅事，所以想識啲男仔frd 可以一齊癲，所以想知道點樣可以識多啲男仔frd🙏🏼

#NSS愛情 [MHS] 對網戀睇法 本人04，從未試過現實拍拖🤔 幾自卑下，係現實有過兩三個追求者. 但一直放唔低網戀嗰位而拒絕追求者 兩年前去咗英國留學，之後 就咁樣一直到而家係電話拍咗四年拖 網戀咗四年，仍然未見過本人(only photos Sor for 1999 只係想分享一下經歷同問一下各位對網戀嘅睇法 如果踩雷，自行避雷👌。

#NSS社會 [GUEST ] 希望有人可以比意見, thanks Admin please po ig 🙏🙏 (長文，慎入!!) 小妹係讀尖沙咀某一間 Band 1A學校，F.1升F.2。 今年嘅移民潮好勁我諗大家都知，所以好多我嘅朋友或者同學都喺暑假移民去外國。其中有一位移民嘅同學 (簡稱: A)就同我識咗一年左右，我哋就出過街幾次，都可以話熟熟地 (A係比較受歡迎同埋比較多朋友) 。我次次問佢嘢就是是但但咁覆我，一時又唔理人，怕到好高傲咁，一時又將我由密友名單移除，得我當A係frd，而A就覺得我可有可無。 可能有啲人會話A都移咗民啦，冇乜所謂啦，但係我真係想同佢繼續frd。 多謝大家睇到呢到，求大家比意見🙏🙇。

#NSS個人 [Guest ] 我知我咁樣講好港孩feel ，但我真係唔識用鬧鐘，所以要人叫我起身。 我試過用舊式嗰啲「鈴鈴」聲鬧鐘、電子鬧鐘、電話鬧鐘等等，以及用唔同嘅方法，例如擺幾個鬧鐘喺我耳仔隔離、瞓覺嘅時候，揸住個鬧鐘，等到佢震醒我之類嘅方法，但係都係整唔醒我。 所以我只可以搵人哋叫我起身（要用死纏爛打嘅方法，如果就咁叫，我都係唔會醒）但係我知道，長遠而言呢個唔係一個好方法，我始終都係要學識用鬧鐘。 大家有冇同我相同嘅經歷？我可以點做？多謝admin 同埋睇到呢度嘅你哋:)