#NSS社會 [GUEST] 記得大概喺17年，有個疑似賣校服嘅ac(見有個學生著校服影唔同風景，但每張都係同一人嚟)加我私帳。互fol返佢後一段時間，通過佢動態發現，佢原來係想做練習生。 期間見佢每日？持續喺動態po跳舞嘅練習片。就算有時會俾人哋嘅說話打擊到，都無放棄，堅持練習(至少我係覺得佢有努力過 可以親眼見著本地新星崛起？，本來係幾值得嬌傲嘅，但之後嘅一啲動態內容，令我動搖咗：當時有個都係學跳舞嘅女仔，因為樣/跳舞差被人嘲笑。 男仔(follow我嗰個)見到咁，可能係出於太熱愛跳舞，而忍唔住發哂脾氣咁話，嗰女仔點點當跳舞係玩玩吓。(之後我又去女仔ac度睇，可能我唔識呢啲，覺得佢無乜跳得唔好嘅問題。 之後又因為嗰女仔被嘲笑/批評得越來越勁，無幾耐又自己閂咗帳(？。男仔又因為被笑過佢？嘅人發現咗帳號，又自己del咗ac，直到而家，無再見過佢lu((有人知道佢嘅新ac，請務必留言告知，想佢近況點/有冇跳返舞🥲！！(女仔仲喺度。我唔會開佢哋名，你哋都係唔好去搞住人好啲… 最後想講一句，唔好因為你嘅個人偏見就去隨便否認一個人嘅努力，去恰/笑佢，可能就因為你哋嘅一句所謂無關緊要嘅說話害咗人哋成世！ 因為事隔太耐，可能有記錯/漏🙇🏼🙇🏼
#NSS個人 [GUEST] 我想知道我駛唔駛睇吓醫生好啲，畢竟都困擾咗一段時間，希望睇完嘅大家可以俾下意見🙇 由細細個開始間唔中都會俾屋企人鬧同打，搞到我有啲焦慮症嘅症狀（滅手指滅到流血，不過近年改緊）。可能大家諗好多人都有咁嘅經歷，但我屋企人成日為咗少少事就鬧，啲負面情緒不斷吸收，令我成日都唔開心。特別有一次，我小學時做錯事。喺我家姐補習期間，就算有補習老師喺度嘅時候都入房間鬧我打我，仲捏我下體。哩件事一直喺我腦海揮之不去（可能已經係件創傷？）。其實仲有好多，不過我唔係好記得，唯獨哩單嘢。 之後大個咗情況好咗，但係喺前年，我嗰排精神狀態唔好搞到我屋企人好嬲，覺得我好煩。佢不斷話我係痴線，話要送我入青山。喺哩件事情之後，我差唔多每個月都有一個禮拜會不斷喊，會諗起以前被人鬧，搞到個人無曬精神，翻到學校連朋友都睇得出我好攰。不過我一直唔會同佢哋講我私人事，所以我心事永遠屈住喺心度。同時，而家每當我被屋企人鬧嘅時候，喊已經抒發唔到我情緒，要通過刮自己身體，介手先舒緩到情緒。不過我無自殺傾向，純粹係覺得介嗰下會痛醒我。 所以想問下大家我有無需要去睇吓醫生好啲，但我驚到時會組織唔到要講嘅嘢 感謝睇到哩度嘅大家🙏 sorry for 1999 p.s.有時候真係覺得我喺世界上無任何意義，乜嘢都唔識，無興趣，讀書又廢
#NSS個人 [guest] 大家好，小妹今年f1升f2，由小五開始已經失眠，但係呢個問題越嚟越嚴重，例如 我由10點上床，到第二日10點起身，一路都可以冇瞓過。 其實我已經超眼瞓，根本起唔到身做其他嘢，但係唔知點解，我就係瞓唔到。我已經好努力咁放鬆自己，都係冇用。 而且有時我就嚟瞓著嗰陣，阿妹會一腳踢落嚟（呢個係佢瞓覺嘅習慣），經常俾阿媽啲鼻鼾聲嘈醒（戴咗耳塞都聽到），我有同佢哋傾過，換嚟嘅只係晦氣說話，甚至會鬧返我轉頭同打我⋯⋯ 我有同阿爸講過呢個問題，佢叫我收聲，因為佢驚阿媽聽到，之後佢自己又會俾阿媽鬧。佢有時會問我係咪俾人bully，所以先瞓唔著（佢覺得我個樣 好樣衰 好蠢+我好驚佢，對佢冇脾氣，所以佢覺得我一定會俾人bully） 我次次都同佢講唔係，但係佢死都唔信，咁樣搞到我好嬲，但係又冇得發洩，所以嗰晚一定係瞓唔著。 好啦講到呢度，因為我精神唔係幾好，難免會有啲錯字，希望大家唔好jer住啲錯字嚟講，sorry for 1999🙏🏻
#NSS個人 [GUEST] 放學被陌生人嚇到 ［長文注意］大家好，小妹是F.3學生。投槁的原因是希望知道大家面對這些事情時會怎樣做，也是鼓勵自己通過文字把我害怕的這事「說」出來。 簡單總結就是：要不是我有弟弟，我很可能會有異性恐懼症呢，真該死，呵呵。 那天是症情前平常的一個上課日。我和朋友一起搭港鐵放學。起初我察覺有個坐著的人好像看向我的方向，但之後被人擋住了，所以沒有留意。 到了多人下車的站，我朋友也下了車。那個人坐在那裡毫不掩飾地盯著我。當時我下意識檢查自己的衣服，我穿的是正常冬季校服加一件冷衫。 我很害怕，只覺得很冷，腦袋空白一片（我真正體驗到這描述的感覺了www之前寫過很多次，可是第一次感受到這感覺）。我走到了離那人遠一些的門邊，告訴自己要冷靜，可是就是很害怕。我打開了手機備忘錄，原本想打中文粗口，但忘了怎樣打，於是打了英文粗口。 就在這時，有一個好心人走近，我沒有抬頭看，只瞥到那個人穿西裝拿工事包。從他的腳步，我猜他看到我手機上的粗口，然後走到車廂中間擋住那盯著我的視線。 然後到了我該下車的車站了，我當時根本就是智商歸零，在車門快要關上時下了車。很pk的是，在我走向車門時，我看見那個盯著我的人也起身下車。我當時不知所措，經多人的商場直接走了回家。 我現在想，要是我再遇上這樣的事，我該怎樣做？我現在都不知道。 題外話，更要命的是，這不是我第一次「被成年陌生男人嚇到」。第一次是在我小學六年級時。那時我不明白那人想做甚麼，我搖頭拒絕，然後扮傻，那個人就走了。嘔心的是，那個人走向了廁所，（連粗口都不足以表達我的情緒）。我那時不明白，所以沒有太大感覺，但我現在明白，那感覺真是……除了令那人消失之外沒有方法令自己釋懷。 sorry for 1999. 我寫得很混亂，因為我也不太清楚。