#NSS其他 [Guest] 請大家珍惜而家擁有嘅野 唔好認為所有野都係理所當然 例如 1.大部分人認為有一個完美嘅家庭係必然(同父母一齊住) 可能你有陣時你嘅父母好囉嗦好煩 但你又有冇諗過有人自細就冇父母？ 就算有父母，佢哋嘅父母都會對佢哋好差 當佢哋同父母鬧交嗰陣佢嘅父母好似當咗佢係仇人咁樣打講哂粗口 2. 有啲人可能有一個好好嘅另外一半，佢哋嘅另一半好寵佢哋，餐餐都俾錢，無論佢俾你點樣鬧都好，佢都依然對你不離不棄，但請你唔好因為你嘅另外一半對你咁好而認為係理所當然，佢哋係因為真心愛你，而肯去花好多野係你身上，其實你有冇諗過佢係可以選擇唔俾最好嘅野你？所以如果你遇到一個好好嘅另外一半，請你好好珍惜佢 3. 請珍惜眼前人，可能今次同你出街嘅frd係最後一次嘅見面，請好好珍惜每一次同任何人出街嘅時光 所有嘢都唔係理所當然㗎
#NSS愛情 [噹蒸紙遇上卵紙中學] 我唔明，真心唔明，點解大家咁鍾意婚前???有咩好?你話籌備緊結婚都算，識得幾日，幾個月就開始話好想要，我哋幾時可以…wtf!點解自己乖乖地打airport唔得?個個x都話我唔比佢唔想等，其實係咪依家個個拍拖就係為sex?點解拍拖唔係因為鍾意對方?仲有!網上又係，成日見到啲人話唔想婚前or臨結婚先試，點解個個都要話佢哋古代人?但與此同時，個個都處男處女情意結，想搵個處嘅結婚。其實人唔做，比人話古代人，做，又被人嫌棄唔係處，其實應該點做?不如大家講下?點解搞到婚後係錯咁嘅?比男女都有個保障jer。試諗下啦，如果你年少無知嘅時候做過，之後先遇到真命天子女，但佢堅決話你比咗處第二個，覺得你不自愛而唔要你，你會唔會後悔一世?keep住個處，需要嘅時候先破，無嘢需要後悔，但破完無得翻轉頭，後悔都無用。點解大家都keep住想要sex??仲要婚前? ps個人接受到臨婚or同一齊咗好多年，都視大家為結婚對象，都肯定對方萬一唔好彩有咩事都會負責，有擔當嘅人做，都可以話係半古代人，但都依然好似被人歧視緊，有啲迷茫，求各位大神指點迷津，覺得對方未夠穩陣拒絕有咩問題?點解會被飛而唔止一個x係咁?同埋真係一定要婚前?唔係就係古代人?有咩必要係覺得對方唔穩陣嘅時候做?感激
#NSS愛情 [SRL] Admin po ig thx🙏🏻 今次係我第一次投稿，本身中文唔好，有 d長氣，係度say sorry 先🙇🏻♀️。 係咁既，小妹今年升 F3，讀女校，係一間補習社度補咗幾年，係補習社度有個男仔（A），同我同年。我同 A同班，上咗幾年，有陣時會坐喺一齊。A 比較多嘢講，我初初覺得有 D煩，但之後都習慣左，有陣時仲會一齊傾計放學，就咁維持咗幾年。 原來我以為會繼續咁落去，但係今年年中我無意中知道咗A要走（佢 9月走），我嗰下係呆左。我都唔知點解，但嗰心超唔舒服。我唔知自己係因為讀女校太 dry 定咩嘢，對佢係友情定愛情。今日佢補習社last lesson，其實我有諗過要唔要同佢講，但最終冇勇氣講。平時我超討厭同男仔接觸（由幼稚園到中學都係女校），但係同佢一齊可以有說有笑，ig可以傾到好夜，但係我始終唔肯定我對佢同佢對我係咩感情。我好驚我會後悔，但又驚佢 say no連 friend到冇得做。可唔可以比建議我？ 感謝你比心機睇到呢到👀💖，再次感謝Admin幫手 post
#NSS愛情 [GUEST] [文可能有啲長] 小妹今年18歲，03年應屆DSE考生，有啲感情煩惱希望大家俾啲意見我。 我鍾意咗一個男仔差唔多成十年。三年班嘅時候佢轉學嚟我班，一開始淨係覺得呢個男仔幾靜性格幾好，冇咩印象。點知開學第一個雙人Project就同佢一組，因此變frd咗。因為佢係轉學生冇咩新朋友，我就變咗學校裏面同佢最frd嗰個。至此之後我哋成日形影不離，我慢慢變得越嚟越想見到佢，越嚟越黐佢。而好幸運地我之後嗰幾年都同佢同班。 到大約五六年班，開始大個踏入青春期，我慢慢意識到我對佢係超越咗朋友嘅鍾意。但我當時覺得咪又係小學雞嗰啲puppy love，好快冇㗎喇，又唔會長遠，大個咪又散，所以冇諗咁多。 我哋中學係直升書院嘅，而且好好彩我又係同佢同班，而且中二中三仲連續兩年一齊坐，我對佢嘅感情有增無減。而呢個時候佢都冇咁內向，識多咗好多朋友，其中同一個女同學行得特別近，我開始有啲小呷醋，但畢竟唔係佢邊個，所以所謂嘅呷醋都係玩下啫，點知佢竟然好認真同我保證我係佢最重要最好嘅朋友，係佢嘅知己。我嗰陣時覺得幼稚得嚟，內心仲有啲開心。 高中揀科，我文學同地理比較叻所以揀咗文科，佢數學同Phy Chem Bio都幾好所以揀咗理科，加上唔好彩地唔同班，所以喺學校基本上冇交集。但我哋weekend或者假期都會約出嚟玩，都成日打電話傾偈，所以中四中五，甚至疫情間感情都冇斷。即使中六忙於DSE溫習感情有淡咗啲，但都係彼此最close嘅朋友。我亦都諗得比以前更長遠，呢三年我諗咗好多，雖然未係話咩談婚論嫁，但係起碼會諗如果唔一齊讀大學，大家出嚟做嘢會點之類。我亦都糾結咗要唔要表白好耐。 早排放榜，我嘅成績比預計中更好，都讀到心儀嘅科。我開心之際佢突然話要移民。係冇任何預兆跡像，有日佢突然同我講話移民。我當下好錯愕，呆咗。佢同我解釋，已經諗咗好耐，身邊同學朋友都知，淨係冇話俾我聽。 我呢下更唔肯定要唔要表白。因為我家姐有經歷過Long D分手，我自細就唔係一個勇敢嘅人，我驚我都會係咁，唔敢保證我哋唔會散。而且我諗翻起，呢十年佢都將「朋友」呢個身分掛喺嘴邊，好似我哋嘅關係永遠淨係咁，有層無形嘅牆。我驚表咗白連朋友都冇得做。 我而家真係好猶豫糾結，佢九月就走，我唔知點算，希望大家俾啲意見我。 Sor for 1999🙇♀️
#NSS個人 [a school in wts] I am a girl with family problems lately. not only i feel very lonely, I also feel like I want
#NSS個人 [GUEST] [ Admin Po IG please 🙏🏻 ] 純發泄 長文慎入 第一次投稿 可能有錯字 大家吊得細力啲 簡單介紹下自己先，今年初中，暫時嚟講屋企人都滿意我嘅成績，但係我就覺得我嘅進步空間仲有好多好多，有好多嘢都做得唔夠好。 唔知點解幾年前開始，情緒一直都好低落，好想發泄出嚟但係有唔知可以同邊個講，每次都鬱喺心入面，好唔舒服。直到有一日，我真係好辛苦，於是就開始咗用啲傷害自己嘅方法，去令自己好受啲。可能我有小小憂鬱症，不過唔知啦，就算真係有我都唔會同屋企人講，唔想成為佢哋嘅負擔。 雖然我屋企唔算有錢，但係我屋企人對我好好，好錫我，我都覺得自己好幸福 。我只係覺得我好似少咗啲私人空間，有時候真係透唔到氣。屋企得三百幾呎，三個人住，兩房一廳，而我由細到大都係同我呀媽同床訓。間房好細，一眼見哂，淨係擺得落張雙人床，一個衣櫃同啲雜物櫃。所以我一直以嚟嘅活動範圍都係得客廳個張摺枱，食飯，做功課，上堂都係喺嗰度。有時上緊堂嗰陣屋企人都會喺我附近行嚟行去，不過我都無乜所謂嘅，始終屋企係得咁大地方，我無理由控制佢哋嘅一舉一動㗎嘛。佢哋唔比我自己出街，擔心我，咁我都明白嘅，所以我都無再提起關於嚟方面嘅事。係喺佢哋面前，我又唔會分享一啲好負面嘅情緒，變咗好多嘢都係收收埋埋，費事佢哋擔心。 好多時都係關於學業，又或者係屋企嘅問題而令到我唔開心。可能媽媽係比較情緒化，有時會將一啲原本好少嘅問題化大，所以間唔中都會同爸爸嘈交。而我由細到大都無同媽媽嗌過交，因為我每一次比佢話嗰陣都唔會應嘴，只會靜靜地坐喺度比佢鬧完就算，我亦都唔會嬲佢，因為佢始終係我媽媽，比佢話幾句又有咩所謂喎。雖然有時佢都會無意中傷害到我，咁我就會匿入廁所，細細聲喊完先出返嚟，再當無事發生過。咁樣我係會好辛苦，不過我都慣咗啦，咁多年嚟都係咁，無乜嘢嘅。 而讀書方面，自問我都唔算好勤力，考試期間最多都只係一日溫十幾個鐘，有時不在狀態可能記極都記唔入腦，開始攰但係又唔可以頹，嗰段時間真係好難捱。媽媽其實都好關心我，佢話如果我真係好大壓力，可以轉校，佢會支持我。前幾日我好認真咁問自己，我讀書有無壓力。我問咗自己三次，三次我心入面個答案都係無，我頂得順，但係事實我啲眼淚流哂出嚟，想停都停唔到。我知我喺度呃緊自己，但係我真係唔想轉校。我係蠢，不過我相信只要我肯努力啲，絕對有可能跟得上。去到邊間學校讀書都一定會有壓力，我唔想因為我少少嘅辛苦，而令到屋企人幫我搞咁多嘢，嘥錢買過哂啲書簿同校服嘅。 有時我喺度諗，如果無我嘅出現，爸爸媽媽會唔會好幸福咁生活緊呢？無哂啲金錢嘅煩惱，又唔洗為我而產生摩擦，咁唔係好啲咩？我嘅出現好似破壞咗佢哋嘅關係。不過依家諗呢啲嘢已經無用，始終唔應該出現嘅我已經存在咗喺呢個世界上面，呢個係事實，亦都改變唔到。前幾日我用錯力，唔小心介（出唔到正字）到手指，啲血流咗出嚟，無啦啦令我諗通咗啲嘢。可能我嘅抗壓能力真係有啲低，唔開心又搵唔到適當嘅方法解決，搞到成個人好似呀愁咁。所以我決定定咗，以後都唔會再做啲傷害自己嘅事，諗嘢盡量正面啲。 如果你今日過得唔開心，比人冤枉，比人鬧，咩都好。如果你想做啲傷害自己嘅事，停一停，諗一諗先 ，你一但試咗一次，你可能呢一世都改唔返呢個習慣。你傷害自己，唔係想令你嘅存在感高啲，而係你覺得無人明白你，所以想搵方法嚟令你好過啲。但係呢個唔係一個好嘅方法，亦都唔係唯一嘅方法。每個人都會做錯事，呢個唔係一個大問題，最緊要係你識得改返啱。與其你搵方法嚟懲罰你自己，不如諗下點樣令你自己進步。你唔需要為咗呢啲咁小嘅事嚟令自己過得咁唔開心，其實身邊有好多人好愛你，諗嘢正面啲，以後嘅日子仲有好長㗎。加油！ Sorry for