#NSS個人 [guest] 小妹小學既時候冇咩真心朋友，好多frd既過冇耐就會散，搞到小學畢業後仲有keep住聯絡既frd唔多，唔想中學好似小學咁，冇咩frd。 咁其實我今年升F2，F1都叫話有啲朋友既，我當佢地係best frd，希望可以一直frd，但係佢地小學既frd仲有keep，而且都好frd。首先我係一個冇咩安全感既人，總會驚自己做既野會令人地唔鐘意，我唔知佢地當我係咪best frd，當然我都知我冇可能要求人地對我係點，我只係想識返啲可以frd一世同岩傾既朋友，唔知F2後會唔會同F1啲frd疏離，好驚F2識唔到朋友。 單純想係度講啲一直唔敢同人講既野，sorry for 1999
#NSS其他 [Guest] Admin求你哋po ig🙏🏻🙏🏻 小妹個阿媽係癌症康復者+長期要服用藥物 依家政府係要求所有公務員去打針(利申 我阿媽唔係嗰3萬隻狗嚟) 咁因為我阿媽就驚支針嘅效能太勁 會影響到佢嘅身體 因為我阿媽本身身體就好差 咁佢諗住去搵醫生幫佢申請唔打針 但個醫生聽到9秒9唔肯 話乜唔敢幫人申報 依家政府逼人打針 佢唔敢去幫我阿媽申報 所以我阿媽依家係一定要去打針 我阿媽依家諗住去打科興 因為佢話科興作用又少啲 副作用又少啲 唔會好影響到佢身體 咁我梗係唔畀佢打科興啦 佢又話復必泰太勁 佢唔敢打 一陣打完佢身體承受唔到 但我真係唔想佢打科興
#NSS個人 [Guest] （之前個網站好似壞咗？所以再投多次稿）其實太過在乎人哋嘅諗法係咪唔係一件好事？ 有陣時明明係人哋講嘢過份咗，我都唔夠膽話返轉頭，就算人哋串我都唔夠膽串返轉頭，仲會笑笑口咁對住人，就連有陣時覺得委屈或者難堪都仲係笑笑口。唔知點解覺得如果我黑面嘅話人哋會唔高興，我就連嬲緊我都會忍。 唔好話開口講，用重啲語氣同人哋表達我嘅不滿或者我唔開心我都唔夠膽，唔知點解就硬係覺得我俾人哋知道我不滿嘅話人哋會唔高興，即使我真係好認真，都唔夠膽嚴肅，所以有咩事都係笑笑口咁講，但係咁人哋就會覺得好似冇事，或者唔在乎唔重視我講嘅嘢。 我係就連有情緒我都會好聲好氣咁對住人，就連講嘢惡咗少少一下我自己都會覺得我係咪好唔應該，好驚我語氣一差或者令其他人唔高興我就會失去左佢哋，或者令佢哋唔鍾意我。其實咁樣係咪真係唔好？可以點改？
#NSS家庭 [guest] 阿媽啲鼻鼾聲搞到我訓唔到，我應該點算？ 大家好，小妹今年f2，因為 爸爸頂唔順阿媽啲鼻鼾聲 同埋 佢訓覺會壓住阿妹（阿妹一定跟阿媽訓 唔係會訓唔著），咁所以阿媽就同我訓啦。 但係問題嚟啦，阿媽啲鼻鼾聲好嘈，我本身已經易失眠，佢咁樣搞到我晚晚都訓唔著，仲要嚇我話「你咁樣好快死。」咁就搞到我更加訓唔到啦。 我都有同佢講過，但係換嚟嘅只係晦氣說話，「咁我同啊妹訓廳囉」 跟住就話我係不孝女。 我都有嘗試過訓廳，但係個梳化太細，我又偏高，根本就訓唔到。（同埋太多曱甴 我有時嬲得滯，會當晚同佢講，咁佢就因為我嘈醒咗佢，所以就狂鬧我，同埋出手打我。 而我都有同阿爸講過，點知佢叫我收聲，因為俾阿媽聽到嘅話，佢都冇得訓。 好啦 咁講到呢度，如果有錯字或者詞不達意嘅話非常抱歉（因為我係半夜打呢篇文嘅
#NSS個人 [Guest ] 小女而家F2升F3,自問都多朋友，但係真心嘅冇幾個，其中一個我以為好friend嘅同學仔（下稱A)，因為最近暑假，都少咗傾偈 。咁A 其實都係一個人脈比較廣嘅人，比較外向，所以都比較多朋友。呢一排，我本身諗住約佢出街玩，但係佢每次都會拒絕 （咁我諗可能佢已經唔當我係朋友掛）之後我就覺得我真係要有多d朋友，因為我自己係一個冇朋友唔得嘅人😂 我好需要有d朋友陪我傾偈/出去玩 因為唔太鍾意自己一個人去玩 咁我就想各位俾啲意見，用啲乜嘢方法先可以識到多啲朋友，同埋點樣先可以搵到啲真心嘅朋友。最近暑假又冇得返學，點樣先可以維繫到同朋友之間嘅關係 。 第一次投稿，唔該admin po ig Sorry for 1999
#NSS家庭 [GUEST] 想與家人斷絕關係 小妹今年13歲，我爸爸很兇，老是叫我溫習溫習，我每次拿起手機，他都跟我說：你溫完書了咩？啲嘢識塞啦？ 他在我讀小學的時候就經常發我脾氣，我不是讀書很好的那種人，我升中一，入band2學校，他就話我是垃圾，白癡，他雖然沒打過我，但他經常侮辱我，他有時候還把杯子砸在地上，經常發脾氣。 我媽媽不是我親生的，她開頭對我很好，後來就對我越來越差，書簿費2000，她不會幫我給，我問爸爸拿也是不給，每次學校都問我幾時交到，他們老是好喜歡我求他們先肯給，又說我是垃圾，廢物，弱智。學校每一次都話我簽回條，交學費都好遲。 我的校服，穿了一年已經不合身了，而且還穿破了一個洞，需要買衣服。我問爸爸媽媽攞100蚊，他們都不想給，覺得校服都無問題，可以穿就穿。於是我整天穿著外套擋住自己破了一個洞的校服， 但唯獨是過不了訓導的那關。訓導老師說我群太短，衣服太緊，買些緊身的，而且破了。我話我屋企無俾錢我買，佢話唔信，係唔係將錢攞去玩。 之後我上藝術堂，偷偷將剩下的針線拿回家自己補衣服。 我爸媽根本就沒做過自己父母的責任，他們覺得自己有給飯給我吃，我將來就一定要回報他們，他們根本就對我不好，他們根本就有錢，但不想給我，就連書簿費，校服都唔肯俾我。而且仲侮辱我。點解我會有啲咁既屋企人。
#NSS學業 [Guest] 今年我14歲 （升F3) 其實由細到大都有個夢想 就係真係好想做醫生 我想做嘅原因唔係因為錢，而係因為我真係對呢方面嘅嘢好有興趣，同埋細個學呢啲topic嘅時候好快就記熟晒，而且去到而家都覺得好有趣，雖然我知道做醫生係好多人嘅夢想，但係做到嘅人唔多 我自問唔係一個讀書好叻嘅人 讀緊band 1B女校，本身中一嘅時候，接近係包尾嗰啲人 但係今年我就開始認真少少讀書 就升咗去全級前40名 想各位俾一俾意見我，如果我真係第時想做醫生，而家我可以做d乜嘢準備，讀書方法有冇啲好嘅可以講吓俾我聽，同埋中三揀科應該揀乜嘢，自問對biology 好有興趣，都唔介意要背好多嘢 都想各位同我講一講，我有冇呢個可能性做醫生🙏 唔該Admin post IG Sorry for 1999