#NSS愛情 [[GUEST]] 呢個係一個好普通嘅愛情故事，由於我聽日就走，想搵個地方宣洩情緒。 我係班花，你係班草，本來就好似應該一齊。 暗戀左你年幾，一開始望到你對嗰個女仔朝思暮想，我好難受，所以我至一直鼓勵你快啲放低佢，因為我真係好妒忌。 然後你終於放低左佢。 我地曖昧左一陣掛，身邊啲朋友個個都同我講話你鍾意我，你對我特別好，搞到我成個腦都係你，做乜都focus唔到。 四月尾，你向我表白，嗰陣時你已經知道我要離開香港。 嗰下我好開心，望住個message喺度傻笑。 但我都拒絕左，因為我知道Long D唔會長久……而且你表白應該係一時衝動，你真正需要嘅一段關係唔係隔住個mon，所以就算鍾意，都冇資格應承。 日子過得好快，眨下眼就八月，你同我班friend準備左好多禮物比我，啱啱我收到你份禮物，係一個寫住「條路自己揀，仆街唔好喊」嘅鎖匙扣，我好清楚移民呢條路我應該要接受，不過見到我地啲相，就不禁好depressed。 但我要點放低你？啱啱我地兩個獨處嘅時候，我同你講左聲「對唔住」，你本可以同我一齊，我地會好開心，成為一對羡煞旁人、超乞人憎嘅情侶，無奈我要移民，俾唔到你需要嘅幸福你。 我叫你識個新女仔，同佢開開心心咁過。 第一次見到你喊，嗰下超想攬住你，仲要同我講：「你比佢（嗰個女仔）更難忘記」「冇人可以代替到你」「我心胸狹窄，只容納到一個人」哈！我又何嘗唔係？ 喺呢度，我想同你講：「你比任何人都幽默、靚仔、優秀，就算我地唔可以一齊，我都希望你開心，搵到個比我好嘅女朋友去愛你，但另一方面，我又唔想你唔記得我，話曬我地都有過咁多回憶……心境好矛盾……仲有，如果幾年後你對我仍然有感覺，就努力讀書，過黎澳洲搵我，我地可以行落去。我會用同宜家一樣嘅愛去你。」
#NSS個人 [GUEST] 升中三，高度151，中一M到，呢年差唔多只係高咗2cm。。。阿爸都有180，阿媽160，阿妹升p6，近排高得好快，差1cm就追到我。由細到大全家都好緊張我身高，但黎黎去去kg到而家全班都係排第1、2。（真係每年都去記住 -.-））好似p4開始阿媽成日叫我跳高、跳繩、打籃球之類，p5/6時仲買過彈床返屋企。之後去健康院姑娘講咗句【地板跳先有用】，返到去真係dum咗個彈床佢。中間經歴咗好多之後，大約班年前阿媽話【有個fd個女中三，之前都唔高，每日跳繩2000下（M到後），好似都跳咗成年，依家有160（升中四）。咁我懶開，就半年前開始每日跳500下，呢排2個月又話睡前跳先有效，於是成日都偷懶。。。最近睇得多奥運所以又想打籃球、打排球、踩單車、打乒乓波、打羽毛球，父母聽到之後好似真係好開心，試下book唔book到clubhouse之類。身邊d人唔少都笑下我身高，佢哋冇經歴過唔知，但希望大家都尊重下！！！（其實本人好似唔經唔覺做咗可愛型。。。））雖然高度真係唔係最重要，要聽多d英姐首《矮妹正傳》:>！！！希望奥運可以成為長高動力OwO（本人鍾意謝影雪 :)） 頭先見到有位樓主都因身高問題投稿，真係喊咗，所以有感而發~ sorry for 1999 :/
#NSS愛情 [GUEST] 小妹今年升f1，s5嘅時候係機緣巧合之下就識咗一個同我同年嘅男仔 (+但係其實我同佢到而家都係一啲都唔熟😬 只係我知道佢 佢知道我咁 係s5嘅時候我1個禮拜大概只係會見到佢兩三次 我係feel到佢好憎我，例如係我行過嘅時候會無啦啦掘住我等等… – 但係s6嘅時候佢有一日問我攞電話號碼，我就畀咗佢，因為佢係借佢屋企人過橋問我 (我識佢屋企人) 之後佢就成日無啦啦send “good morning“ 同 “good night“ 畀我 有時又會send 個“hi“ 過嚟 但係跟住就message 乜都冇，都唔知點答佢🙃 一開始出於禮貌我都會“hi“返佢，但係後尾佢又成日都send畀我，所以我都唔想理佢就冇覆佢 –