#NSS家庭 [GUEST] 小弟係個F3升F4既學生 我有個有自閉症既F5阿哥 本身佢應該升上F6 但佢休學左一年 生活就係食屙訓同打機 心理醫生同社工都唔肯見 雖然情況都好轉左啲 但仲有一個月少啲就開學啦 佢仲係唔想返 無論點勸都無用 其實都算係最後一次選擇讀唔讀 因為學校唔會永遠留位比佢 就係因為咁我地全家都好煩惱 最心痛就係我阿爸因為咁有左抑鬱 亦因為壓力太大食返煙又體弱多病 所以我成日都會同佢傾心事 同佢分擔下煩惱 陪下佢出去 幫佢勸下阿哥 真係唔想見到我阿爸再咁樣唔開心落去 都唔想見到我阿哥咁樣落去 到底有咩方法可以幫下佢同幫下呢個家庭定真係只可以等佢自己覺悟…
#NSS個人 [跑馬地某間女校] 小妹上學期識咗個師姐 我覺得份人好善良對我都好好每一日都會用ig同佢傾偈 有咩話題都可以同佢傾 佢唔係好識得點表達自己嘅感受但係我feel到我哋兩個之間可能係more than frds嘅關係 但係冇面對面傾過啲咁嘅嘢 同埋因為仲細我唔知點面對自己嘅感受 我同佢由上學期識到而家其實過得唔容易 我哋成日都會關心對方但係好易就會嬲對方 好幾日唔同佢傾偈 但係佢總會攞返啲話題同我傾跟住就會好似冇事發生過咁 佢有時唔理我嘅時候我都會有啲唔開心 我哋用過matching profile pic好幾次 之前仲試過用埋同一個wallpaper 一齊返學有試過拖手 我睇過yt片話拖手已經basically係拍緊拖嘅行為 但係由考完試開始佢就冇好似之前咁對我 傾計會有啲冷淡 我點同佢傾佢都只會俾短reply佢亦都好少好似之前咁主動搵我 可能會話係我諗多咗但係自從佢變成咁我真係試過唔開心咗兩日
#NSS個人 [GUEST] 有冇人可以教我點樣遺忘一個人？ 是咁的。。。小妹之前比幾個好朋友鬧。。。（詳細內容有d 複雜我就唔多講啦）佢地話我乜野都冇做過，仲話我從來都冇付出過。。。我真係好唔開心。。。其實我係背後一直都係都默默付出。。可能因為我做既事太過微不足道。。。佢地完全當我做過既野冇到一樣。。。 咁點解我想遺忘佢地呢。。。係因為佢地係我其他friend 面前話我點點點。。。然之後佢地就慢慢離我而去。。。好彩都有d 同我真心friend 既好姊妹支持我同埋留低陪我🤧🤧❤️但係我見到佢地咁做我真係好sad 同 hurt。。。 而家我其他friend 提起佢地我都覺得內心好似有野卡住咁。。。會覺得好辛苦同埋唔開心。。。有冇人可以教下我點樣去忘記一個人呀😭😭 求admin po ig plsss😭😭 Sorry for 1999, diu 細力d 😭😭 圖Link: https://ibb.co/xSF5J91
#NSS學校 [HDC] 其實矮有咩錯？ 小妹今年f1升f2，得13Xcm 父母都唔高 自問唔算靚女 普普通通嗰種，成績又唔算出眾 因為生得矮，由細到大都畀人笑 加上自己發育得慢， 升咗中學之後就畀D女仔frd話 「絕經」「太平紳士」 學校D師兄師姐行過都會話「哇，好矮呀」 我記得開咗學幾個月嗰時，放學等過馬路， 兩個師兄喺我後面講D好難聽嘅說話 「 前面條女又矮又冇波」「 成條街啲人個個都高過佢」 過咗一年都適應唔到中學嘅生活， 慢慢就越嚟越自卑 自己一個返放學，或者著住校服喺條街，都會好唔自在、好驚 越嚟越害怕其他人嘅眼光 試過同身邊啲frd傾訴， 佢哋淨係話 「我2年級都有13X」 我喺屋企人心裏一直都好樂觀、好搞笑，
#NSS其他 [guest] 唔知點解畀人話奇怪,可能因為對身邊嘅事物都冇興趣?例如有次搭輕鐵返屋企,前面2號月台有人叫到勁大聲,搞到全部人1號月台嘅人都望曬過去,唯獨我冇,然之後我friend就同我話“你咁怪嘅,咁都冇反應,你唔講我仲以為你聾咗” 又或者有一次我同學嘅爸爸出車禍入咗院,全班人全部喊住咁去安慰佢,得我一個面無表情咁 ,啲人就話“點解你咁冷血㗎,眼淚都冇滴” 我想講唔一定要流眼淚或者畀啲乜嘢反應先表達到我嘅心情㗎嘛.. 我想問如果身邊發生乜嘢事係咪一定要有反應先得㗎? sorry for 1999 admin po ig plz thxx 🙏🏻
#NSS愛情 [Guest] Admin po ig thx🙇🏻♀️ 小妹今年 F3，鍾意咗一個唔應該鍾意嘅人。係，我鍾意嘅佢係我個老師。 佢係今年先入嚟我哋學校，目測二十歲到，佢外貌認真好普通，佢入嚟第一年就教我嗰班。唔知大家信唔信 love at first sight，但係我第一眼見到佢就已經大腦 hang 機。 小妹唔係嗰 d 三好學生，上堂平時都係 hea，成績中上到。但為獨係佢上嘅堂，我真係比考試仲認真。為咗可以令佢有小小注意到我，佢教嗰科我整整溫咗三個月，對於我呢啲唔溫書嘅人真係極限。最終我考到唔錯既分數（65+ / 80），但係都係比其他學霸壓咗落去，佢仍然冇注意到我。我同我自己講，係我自己唔夠人勁，唔夠人打，唔怪得佢。 又到臨放暑假前段時間，我係我frd到聽到佢好似有咗女朋友。其實之前隔離班已經有人話鍾意佢。嗰陣我每晚都係到問自己，其實我係咪應該要放棄佢，因為我知道我點到唔夠人打。鍾意佢嘅大有人在，係學校裏面，係學校出面都有，我每晚到比嗰種無力感搞到喊。但我可以肯定最了解佢既人係我，我記得佢鍾意食嘅野，鍾意做嘅嘢，我為咗見多佢幾眼可以整個 lunch time 企係