#NSS家庭 [GUEST] 大家好，小妹有個煩惱 想問下大家我應該要點做 小妹而家15，升中四 我老豆而家就話我每晚十一點都要交手機，iPad，同埋電腦出嚟 唔俾我拎入房，仲話唔交嘅話，第二日就冇得用 呢項「措施」而家實施左大半個月 我之前試過交左出嚟，然後就去開電視睇 結果佢就行出嚟叫我即刻返入房訓 我就話我訓唔着，佢就叫我諗辦法訓着 佢又話我之前拎入房，玩到兩三點先肯訓，所以先咁做，但佢其實咪又係咁 我老豆脾氣係勁暴躁，同佢講幾句就會發脾氣，做錯少少野就會打到你飛起嗰種人 想問下大家，我應該點樣做先可以拎返啲嘢入房？ Sor 1999 辛苦admin 🙇🏻♀️
#NSS個人 [GUEST] ［長文］我有一識咗10年+嘅best friend(稱A) 都識對方父母嘅,喺中學之前我對佢嘅認知係佢係獨生嘅,中學之後佢突然同我講佢其實有個家姐佢強調係親嘅大佢3年(佢再三提醒叫我唔好同佢阿爸阿媽講佢同我講咗呢件事),當初我半信半疑但係因為佢成日同我講佢家姐點,佢家姐男友又點,講到好真所以最後信咗。後來有一次佢阿爸揾唔到佢,於是打畀我問佢係咪同緊我一齊,但係嗰日A同我講話佢放學返屋企食lunch因為佢家姐煮。我就同佢阿爸講返佢咁講。佢阿爸個反應係「吓?A喎⋯⋯佢冇家姐㗎喎…」我嗰陣唔知畀咩反應好😳 之後見到A我都當冇事發生過,但係佢照時不時同我講佢家姐D嘢(真係講好多又講到好多細節)其實我而家真係唔知信唔信佢好,一方面有覺得識咗10幾年佢冇需要呃我,另一方面又覺得佢阿爸又冇理由講大話… 其實無論佢有冇家姐成件事都好恐怖😱 如果佢冇家姐但係佢成日講到佢家姐啲嘢佢可能咁樣係有病(妄想症)或者好鍾意講大話。 我好想求證呢件事但係又唔知點開口因為知佢性格踢爆佢可能friend都冇得做。其實聽日同佢相處佢講嘅好多嘢其實都係吹出嚟㗎我好清楚但係又費事踢爆佢 但係我覺得有冇阿哥家姐呢啲嘢好小事真係冇需要呃人。我依家聽佢講嘢都好盡力去相信佢,長久落去會好辛苦best friend唔係應該坦誠相對嘅咩? 我依家真係唔知點好🥲 Sorry for 1999
#NSS個人 [係咪我變咗？] 想同大家分享一件事，今年九月f.2，我發現我升咗中學之後我成個人都唔同咗，唔知係我變咗定點樣 小學嗰陣時，好活潑、咩都夠膽講、好正面、好開心，中學之後，我發現我開始越嚟越負面、冇勇氣、好驚、咩都唔敢講 升咗中學之後其實我冇學業上的煩惱/壓力，反而係我嘅心理出現咗問題？ 但凡有人叫我，我都覺得佢係要鬧我 我有嘢想要我想出街玩我連問我阿媽嘅勇氣都冇 小學我有好多目標/夢想，到中學我對自己好迷惘，我越嚟越唔了解自己 我同朋友冇任何嘅話題，冇約個朋友出街，同朋友嘅話題局限住，唔係阿媽唔俾我出街，而我冇勇氣問我阿媽 我有時候想同朋友講一啲野嗰陣時，我會內心好驚，導致最後我冇勇氣講出嚟，件事就不了了之 有時候我會諗其實我嘅生活咁無意義，我都有啲攰，不如我就離開（？ 可能我講呢番說話嗰陣時，你哋睇到會覺得我好奇怪 我覺得我好似越嚟越唔識處理我嘅人際關係、我對朋友講一啲野嗰陣時會有顧慮 我阿媽都好想我出街同啲朋友一齊玩，但係有時候面對我阿媽嗰陣時我就好驚唔敢問 我係咪真係咁想離開呢個世界？又好似唔係，如果係我早就離開咗 我啲朋友都覺得我好似一個活死人、成日比好多壓力自己 我好似越嚟越唔清楚我自己係點、迷惘（其實我投稿嗰陣時內心都好驚··· 多謝大家睇完啦 希望大家唔好好似我咁 thank you～
#NSS學業 [band1A中學] 小弟08，升F2，有個煩惱困擾咗成年F1 喺band1A中學，學業方面競爭會唔會好大？如果你係全級頭15，就真係好大，但係其他就真係唔算，努力溫書嘅，中上唔係問題，咁我全級名次就大概2x-3x/13x，你問我對自己嘅成績滿唔滿意，我會答你，名次滿意，分數唔滿意，點解？我喺小一至小六全級頭三，但係我間小學全港排名得30x, 咁升到上band1A學校考頭40都算合理啦，不過我知道我自己冇盡力考，就算排名唔錯，總係有啲後悔 咁既然知道自己冇盡力，做咩唔盡力？你估我唔想咩，1st term考試之後我好後悔無盡力，於是新年假頭就整晒study plan, 但係我打開本書，溫咗幾頁就唔想溫，我試過定啲獎勵俾自己，例如溫完一課就可以睇一集動漫等等，不過通通都唔work, 唔work又冇動力溫，於是拖下拖下就到咗大考前兩個禮拜，咁到到呢個時候冇理由唔溫㗎，於是就不停喺度死背，但係死背又點會考得好？於是我大考有2科大退步，兩科都跌咗2x分，好啦其實如果我定好study plan, 考試前兩個禮拜先開始溫都唔係問題嘅，不過又有另一個問題 其實我根本唔識溫書，淨係識死背，小學嗰陣，我學校中英數都唔使背嘢，常識就背少少啦，喺小學期間，阿媽都會幫我溫書，到到中學，因為佢要幫細佬溫書同準備升中，所以就唔得閒理我。中學有8科，而且科科都要背好多嘢，所以一向都死背嘅我根本應付唔到，我學校上下學期都分別有一次統測同一次考試，考嘅範圍每次都會增加，例如science有book A同book B, 各有6課，上學期統測就會考book A chp 1-3, 上學期考試book A chp 1-6, 下學期統測book A