#NSS學業 [GUEST] 嚟緊升f3，想問下大家關於選科嘅意見🙇🏻♀️ 講返少少背景先🙏🏻我自己本身讀書成績一般般，band2學校，學內成績只係屬終中上，英數全級排名大概四十幾，中文特別差，只有八十幾，全級大概130人 媽咪係護士，佢想我將來做藥劑師，但係我上網睇過資料做藥劑師唔容易，dse要攞較高嘅分數，以我而家呢個成績嚟講係冇乜可能… 我自己冇想將來做啲乜，亦都冇對邊科特別有興趣，所以對於選科嗰方面有啲煩…所以想問下大家意見 ps.自己喺說話同drama(?嗰方面特別差(因為自己超內向同容易緊張🧎🏻♀️ 我背嘢都叫做係ok，但自己真係好懶，永遠都係考之前嗰晚11:00開始溫兩三個鐘第二日就去考試，音樂va嗰啲更唔洗講，差唔多係完全冇溫過，最近一次考試所有卷都合格，但都係未如理想，已經改緊呢個壞習慣🤧 sorry for 1999 thank you admins‼️
#NSS個人 [GUEST] Admin pls po ig thxxx!!! 大家好，小妹之所以寫呢篇文只係為咗尋求認同，睇下究竟係我呢個人怪定係其實唔只我一個係咁，唔鍾意睇就飛咗佢。 小妹算係個好燥底嘅人（講真我懷疑我有狂躁症），又鍾意玩，所以細個成日蝦蝦霸霸周圍去蝦人，總之就係個令人討厭嘅人，但係嗰陣時識到一大班好朋友，幾乎全班我都熟。之後大個咗知道自己咁做唔啱，又升咗去間冇乜小學同學嘅中學，就諗住要洗心革面改過，做翻個又善良唔會惹人厭，又細心嘅人啦。但係，唔知點解我越將自己嘅脾氣壓落來唔發脾氣咁同人相處，越識唔到朋友。加上呈分試嘅時候因為一直讀書搞到追唔上新嘅潮流，上咗中學幾年都冇乜心機時間去揾新嘅興趣，所以平時完全冇話題同同學傾，自然冇朋友，呢成年落來亦都冇點同同學講過嘢，翻學放學食飯就梗係自己一個。 雖然我知道識唔到朋友係我嘅問題，而且我又唔多鍾意講嘢，所以我本來都冇乜嘢想講想怨。但係我近排發現喺張班相入面，個個都笑笑口yeah住咁影相，得我一個面無表情冇任何動作，而且我自認自己塊面都幾兇下（其他人係咪咁諗就唔清楚），就算pokerface都遮唔住，成張相睇囉就我一個合群，張相入面我睇落去十足個主人家咁款，又好似同個個人都有仇咁，雖然我其實冇呢個意思我亦都唔想，但係我都係想問如果遇着我呢種人，其他人會唔會覺得我目中無人定點？多謝解答 見到呢篇嘢想diu嘅就diu飽佢，我都想知自己嘅不足🤗點diu都冇乜所謂唔需要顧慮感受定點，不過最好唔好搞到我屋企人或者搞到個post俾人report🤔 Sor for 1999 & 咁唔客氣嘅語氣
#NSS家庭 [Guest] 是咁的 我有個好乞人憎嘅阿嬤 *長文慎入* 我唔知阿嬤係一直以來都係咁乞人憎定係由我出世開始就變成咁 我記得我阿爸有講過 佢有個遠房親戚（我姑媽）暫且稱A 然後A又有一個唔知家姐定阿妹 暫稱B 由於AB兩個嘅屋企人都去做工 所以會交比我阿嬤黎照顧 我阿爸其實係幾個兄弟姊妹當中都算乖 但係我阿嬤就好奇怪 佢比自己親生嘅仔女每人5毫零用錢 但係就比AB每人1至1個半（我老豆果個年代係可以用1毫就可以買到一粒吹波膠） 到我出世之後 讀幼稚園果陣都係我阿爸阿媽黎接我返放學 有時我阿嬤放假都係去探A或B 從來唔會黎接我 就算真係黎 佢都係自己行自己 我行我嘅 完全唔會有溝通 到我阿媽陀我細佬果陣
#NSS個人 [Guest] 單戀真係好好，可以盡情地鍾意一個人或者花心啲鍾意幾多個都得。幾時覺得鍾意到悶又可以停，唔洗煩任何野 自己鍾意就得 。 但唔係人人都得，要頂得順個種自己恨不得同佢結婚個種心情同時人地當你路人甲。我自己當我暗戀+單戀完一個你當完左一段感情 所以當自己A4，係自欺欺人㗎啦冇計啦。 自己同性戀又鍾意大個自己，根本上鍾意上任何人都冇可能一齊，整定成世都冇可能幸福（呢方面）。有時真係諗前世做左啲咩要搞到咁慘，生係一個反同反到想殺死全世界同性戀嘅家庭。我由小學開始懷疑自己性向到而家中五終於夠膽承認自己性向. 曾經對愛情充滿希望嘅我到而家諗起都覺得算啦收皮啦嘅我。 點解啲人要反對同性戀係有問題 係有病 點解？ 我老豆老母見到同性戀直頭對佢地講晒粗口 ，我呢啲廢柴就係到扮冇野 。 我就係fd同屋企人而面前扮晒野鍾意男人，睇奧運又扮野講邊個邊個好正，其實我暗地睇緊女人。 好辛苦 打呢篇野純發洩 ，所以係完全九唔搭八 自己都唔敢睇返。 同埋想問下咁多位點樣知對方係咪les? 同埋想問下勇敢同人講自己係同性戀嘅各位點做到同人地承認自己嘅性向？🙏🏻 真係好respect 任何敢同人講自己係同性戀，呢條路絕對唔容易 你地個個都好勁