—類投稿

#NSS學業 [GUEST] 小弟升F3, F2班主任話F3會好忙，叫我哋暑假睇定啲選科資料，咁我前幾日上校網睇咗啲資料，同埋喺youtube睇咗啲相關嘅片，有少少糾結應該揀咩科 咁我學校就規定要揀3科 (當然F5可以drop), M1/M2另計，我打算讀M2, 因為本身數學唔錯 (上個月做過20年past paper, 睇番cut off, 攞5*)，我睇過M1/M2嘅past paper, 兩科都有興趣，問過同班同學，好多都話想揀M2, 咁咪一齊讀囉 我好憎背嘢，所以中西史就肯定唔會讀，同埋F12嗰陣呢兩科都好低分，至於geog, 雖然有興趣，但係次次考試都得6X，梗係唔讀啦 理科方面，我F12 science都保持喺全級頭20名，自己又有興趣，所以一定會揀，聽師兄講，好多人初中physics好高分，上到高中就唔合格，聽落好恐怖，所以有啲猶豫揀唔揀好，chem自己鍾意又好似冇乜伏位，我就應該會揀啦，另外bio好多嘢背，我就唔揀喇 商科方面，睇過啲卷，我幾有興趣，econ ba至少會揀一科 總結一下我嘅諗法： chem: 除非F3突然間唔識讀，否則一定揀

#NSS個人 [Guest] 點解我可以咁無用，對呢個世界好絕望。好似無一樣野係會順利，覺得好攰好攰，路上一點點既光芒比上天無情地逐一拍滅，無論期待左幾耐都好，最後都會係悲劇收場。 因為政治既關係，上年年頭比父母扔左去外國讀書，然後因為肺炎搞到上堂斷斷續續識唔到朋友之餘又無得返香港，距離太遠搞到女朋友頂唔順分左手，父母唔係身邊，香港既朋友唔得閒理你，每日就係坐係間房做功課打機睇奧運睇完ig睇tg，難得可以出去玩就比人欺凌排斥，病痛一個又一個咁出嚟，下個月就要自己一個去做手術，仲未知點算好，慢慢性格就變到好孤僻好內向，有人一齊出去玩出去食飯都會覺得好辛苦，次次格硬搵野傾會真係好燥底好想佢快d講完然後死開，無一個笑容係發自內心，強顏歡笑真係好辛苦。 久而久之，成日就會無啦啦好失落做乜都好燥底同埋無哂胃口，有時半夜蓋住枕頭喊，一定要等到天光眼瞓到頂唔順先會瞓到，仲傻到上google睇點樣自殺會無咁痛苦，睇返真係嚇親，明明以前從來唔會咁，一次又一次既求救換黎既都係假關心，以為有人會在乎其實全都係幻覺，只係想要個擁抱，係咪真係咁難？ 好掛住以前既香港 好掛住一班麻甩佬日日嘴炮既日子 好掛住妳 只係 已經過左去 太遲了 多謝大家睇到呢度，記住珍惜眼前人…… Thanks admin:)

#NSS愛情 [guest] 本人女，有個幾熟嘅男仔frd。之前有次同我表白仲同埋另一個男仔frd講（當佢B）。我唔係好清楚自己鍾唔鍾意佢，含糊不清咁答左（有少少偏向no啦），過左一陣佢就話係厄我，佢其實鍾意另外一個女仔，同我表白係當我白老鼠試下水。咁我就唔係好信佢啦，佢話之後我就會知，問左幾次又話我煩，之後就冇理啦，都變返正常frd冇尷尬嘅。介於比較熟有時都會問候，有次我就鼓起勇氣問佢究竟發生咩事，佢又話唔想講，咁樣佢究竟係唔係鍾意我。（ps：B都唔知佢真正想法） sorry for 1999 admin po ig pls🙏🙏thx

#NSS學校 [HKCWCC] 小弟今年中五升中六，將會喺2022年考DSE。最近新聞都報導八間大學陸續拒絕承認學生會喺校內嘅角色同地位，唔再同學生會合作，即係話各大學都失去咗代表學生嘅官方組織。而大家知道「莊」係隸屬於學生會嘅，咁宜家無咗學生會，「莊」都會不復存在。小弟憂慮到時如果我好彩入到大學嘅話，會唔會一年365日都淨係得上堂、做功課同考試，中間無任何課外活動畀我參加？我唔係幾想到時我4/2年U Life得死讀書囉！

#NSS學校 [GUEST] 我應唔應該同呢啲人做friend？ 係咁嘅 我有幾個追星嘅friend, 一開始我同佢哋嘅相處都算ok , 但係之後發現佢哋越來越唔對路。上學期冇乜問題，下學期開始越追越多星，每人都追4-5個星，我覺得追星唔係問題（我自己都有追），多團飯都係可以，但係太過沉迷囉，每日返學都係講自己啲idol 點樣，上PE lesson 企埋一邊講idol，有時上上下堂更加會睇IG 同YT(老師唔收手機）放學就有時買專。佢哋亦都開始唔做功課，每日返學抄功課，我一返嚟就即刻攞我份功課抄，跟住就嫌學校功課多（但係其實唔多，佢哋每日返屋企淨係睇idol嘅嘢咁就梗係冇時間做)有一次啲同學更加係考試嗰日嘅返學途中買幾本專輯，跟住返學拆專，跟住狂尖叫，狂曬命。 我好認真咁問過friend會唔會覺得自己太沉迷追星，考試都仲喺度諗，個friend就話返我轉頭，話而家讀書壓力大呀嘛梗係要追星抒發壓力啦，仲話我啲語氣好似阿爸阿媽同佢講嘅嘢，好煩（你都唔讀書邊度得嚟嘅壓力？同埋我能夠了解點解阿爸阿媽會咁樣話你） 然後我就梗係想遠離佢哋，因為好驚我都會荒廢學業，但係因為我冇乜朋友，遠離佢哋嘅話咁就真係剩返一兩個friend，我驚咁樣會好孤獨，內心就一直好矛盾，唔知點做 咁你地覺得我應唔應該同呢啲人做friend？ 同埋想問多一個問題（純粹好奇）而家啲學生fans係咪都係好似咁樣追星㗎？🧐（因為我唔係咁追）

#NSS個人 [Guest] 唔知呢度有冇人好似我咁 成日會覺得個人勁down？ 小妹今年升form2 屋企係中產家庭 自問我嘅家庭其實都幾幸福 原本form1上半年都冇乜事 但係直到今年3月 我有個frd自X 雖然我同佢唔係最friend嗰啲 佢最後亦都冇事 但係因為我知喺佢自X之前 我係最後一個同佢講嘢嘅人 所以我都有啲內疚 之後我都用咗半個幾月時間先真正平復到自己 因為喺嗰一個月我完全冇心機讀書 所以之後啲成績就跌得好犀利 我好辛苦先勉強追得返 嗰段時間我都開始覺得自己 間唔中有幾日會個人好唔開心 但係我都冇理到 死頂到考完試之後 但係到咗考完試之後 我發覺自己好似大部份時間都係處於一個

#NSS個人 [GUEST] 小弟今年升中五，由細至大都讀緊國際學校。雖然係屋企都係講廣東話，近排都覺得自己D中文好似差咗，上補習班文言文分析又唔掂，寫作又麻麻地，成日都好驚用廣東話傾偈同埋好驚失去“香港人”果部分。再加上除咗屋企有機會講廣東話，冇乜機會同同年紀嘅人講，想問下大家有咩方法法識多啲讀傳統學校嘅朋友？我平時都有去開比較學術性嘅活動（e.g.比賽)，但係通常識嘅人都唔會好friend，識咗一陣就唔會再傾

#NSS家庭 [GUEST] 阿爸阿媽成日鬧交,我成日覺得如果唔係因為我哋晨早就離咗婚,我覺得如果我沒出現嘅話佢哋可能會過咗而家更好嘅生活,我覺得佢哋係為咗令到我有一個完整嘅家庭,而留喺度。 我係唔係真係累咗佢哋？

#NSS個人 [Guest] 我冇朋友 本人f1，由開學到暑假喺一個朋友都冇，成日都覺得好寂寞，有煩惱又冇人可以傾訴；暑假期間幾乎每日都會見到同學喺IG Story擺同人哋出去玩嘅相，再回想起自己，任何時候都冇人會在乎我，除咗返學同食飯之外其他時間都係屋企打機/瞓覺，就算生日都冇人記得，whatsapp剩係得父母會搵我，生活中可以令到我開心嘅只有遊戲中嘅勝利。 呢種感覺真係好差，好似同世界隔絕左咁樣。我都好想要一個朋友，一個就夠，一個可以同我傾偈嘅朋友。我成日都喺度諗自己係咪有咩問題先導致冇朋友，我自問都冇乜討厭嘅地方，只係內向咗少少，有人搵我都好願意同佢傾偈，但係現實中根本就冇人會主動搵我，我嘗試過主動去搵人傾偈，但係都唔知有乜好講，只有無盡嘅尷尬，搞到我都唔夠膽主動去搵其他人。其實我係小學嘅交際都唔錯，有幾個傾得埋嘅朋友，但係已經成年冇聯絡，而家無端端搵返佢哋好似好奇怪(同埋我驚又出現番我上面提過嘅冇話題同尷尬) 呢種感覺好痛苦，我真係唔想係f2都繼續冇朋友。 希望有人可以俾啲建議我🙏🏻 可能有人會話做返啲自己有興趣嘅嘢或者「一個人都可以盡興」嗰啲，我自己都試過，但係冇朋友始終都係感覺爭左啲嘢。 多謝大家 Sorry for 1999

#NSS個人 [Guest] 以下有ABC三個人 可能睇到好亂好抱歉🙇🏻‍♀️ 是咁的 以前A好憎B, 但係呢排佢哋和好左，原本就唔係幾關我事，但係有一日B激嬲咗我，咁我又見A IG上咗線，我咪順口同佢講咗兩句，點知過咗唔夠2分鐘B就講咗啲嘢去反駁我同A講咗嘅嘢，嗰一刻我就知道A實實在在出賣左我，我再問多幾句B乜嘢都講晒出嚟，就係原來ABC三個人開咗個group，就講自己啲心事或者鬧啲唔鍾意嘅人，跟住我最信任嘅人（我當佢最好嘅朋友）C佢就喺嗰個三人group度話我成日心情唔好覺得我好煩，又話我點點點，嗰一刻我知道咗真係好崩潰，其實原來只係我一廂情願，因為我成日都好似個小學雞咁因為C同其他朋友勁親密我就呷醋，但係呢排已經少咗好多。 每一次我心情唔好出限時動態嘅時候，佢哋又係個ABC三人grp度講話我「公主」心情又唔好，其實我出個限時動態唔係喺度扮可憐博同情我只係想抒發一下我嘅心情 同埋每次我心情唔好C就覺得我係因為佢同啲朋友friend左所以我喺度呷醋 我都心知我哋一開始親近嘅距離而家已經多咗一層隔膜 可能佢feel唔到但係我feel到 其實到呢度我已經知道C好大機會睇到 我亦都想講一句，我曾經當你係唯一，因為你一句可唔可以打機令我即刻放低原本要溫嘅書原本要做嘅功課原本應承咗朋友嘅承諾 但係而家嘅我亦都可以因為願意去珍惜我嘅朋友而去放低你。 對唔住阻咗咁多位嘅時間🙇🏻‍♀️ 我投稿出呢篇野純粹想抒發下同埋問吓大家之後應該點去面對ABC佢哋三個🙇🏻‍♀️ Sorry for 1999 Po IG and thx admin🙇🏻‍♀️🙇🏻‍♀️