#NSS個人 [GUEST] 其實被愛嘅條件係咪一定要靚？ 小妹個樣生得唔好，算係放喺人羣入面就會注意唔到我嗰種😢 但自認個性格都算唔錯，個人都幾樂觀。身邊好多朋友都話我係開心果，同我相處會覺得好開心、好輕鬆，同埋識得安慰人，需要我既時候都好可靠，但係始終啲朋友嚟得快，去得快，真正交心嘅朋友只有一兩個。 之前有交過一任男朋友，佢唔開心嗰陣我會氹佢，會講笑話，會帶佢去食佢鍾意嘅嘢，平時會發一兩句關心嘅說話，因為佢平時好忙，所以就算好想同佢傾計，都會留私人空間比佢做自己嘅事，唔想打擾到佢，而且我知道如果佢想搵我嘅話，佢就會主動同我講嘢。我唔捨得對佢發脾氣，所以我地之間都好少嗌交。佢有問題要問我嗰陣我都會儘量比建議佢，希望可以幫到佢。自認呢個女朋友嘅身份都算做得唔錯，但係唔到一年，佢就同我提咗分手，然後唔夠一個禮拜，就同第二個女仔喺埋咗一齊，後嚟聽朋友提起，佢新交嘅女朋友好靚女，但係對人嘅態度好差，成日都睇唔起人地。 唔通樣貌真係重要過性格？😢 辛苦哂Admin 早啲休息❤️
#NSS個人 [GUEST] here’s the story 我係一個普通嘅高中女仔，現實生活中完全冇拍過拖或者鍾意過身邊嘅人。我一直都冇真正確認過自己嘅性取向，所以自己會默默定義為直。但係！高中之後開始有身邊朋友come out咗，呢個時候開始我先真正接觸到bi/les 嘅人。 慢慢，我發現咗啲嘢！我一直以嚟鍾意過嘅全部明星都係女人，仲諗返起細個睇卡通對入面嘅女性角色有一種特別嘅感覺但係講唔出，而家發現可能係被吸引嘅感覺。睇明星嘢或者tv show嘅時候見到靚女發現自己居然有幻想過同佢哋一齊。 但係自己睇男仔都會有feel，但係好少有愛情嘅feel，大部分都淨係覺得靚仔。朋友係咁追男星我都唔係好理解嗰種feel係點。 我自己潛意識覺得其實我係les，自己睇好多les memes都有身同感受嘅感覺。但係我又會幻想大個結婚生仔，因為我始終只是傳統家庭長大嘅普通女仔。我而家好comfused，我到底係les定係bi定係直。 好需要大家意見😭😭 希望admins會post🙆🏻♀️🫂
#NSS愛情 [GUEST] 我係女仔，今年form 4，鍾意咗一個好朋友，佢都係女仔。 我哋識咗差唔多10年。我同佢係小學同學一齊升同一間中學，又喺同一個squad，成日一齊放學一齊食lunch。我近排先發現自己係bi，冇同任何人講過，跟住發現自己對佢有啲同其他朋友唔同嘅感覺。好想同佢一齊，佢好得意，好上進。form 1嘅時候佢同過另一個女仔一齊，佢都有話自己係bi。 最近，佢話佢鍾意咗一個男仔，但係個男仔去咗英國，所以我都冇覺得唔開心，不過佢應該冇咁快move on。佢成日都同男仔傾計，但係我都係唔係好肯定要唔要試下追，同埋而家仲有唔到兩年就dse，佢成日都要補習，屋企其實都管得好嚴。另外，佢都唔知我係bi。 我哋其實online好少傾計，我又唔知點開話題。淨係喺學校先見到會講嘢，所以而家都幾個月冇講過嘢。 點算，唔肯定要唔要追😭 admins pls post 辛苦了🫶🏻
#NSS個人 [GUEST] 小妹而家中一，好迷惘，唔知應該點算。 少負面長文sor for1999 小妹喺上一年好幸運咁入到一間band 1a女校，越嚟越唔知道自己可唔可以駕馭到，覺得壓力好大， 自己本身小學成績唔差但係唔知幾時開始好多負面情緒湧上嚟，加上有一位自己著依賴嘅好朋友移民亦都令學習動力下降。上到中學一開始都順利，但係唔知點解硬係覺得好多無形壓力湧上嚟，我喺學校入面根本唔可以做到自己，我的確識咗唔少嘅朋友，同佢哋玩都好開心，但係我喺佢哋面前我係覺得好唔自在， 學校同屬或者唔熟嘅朋友之間嘅social並唔係我鍾意嘅但係冇辦法，咁其實朋友或許都唔係咁重要我明白。我成績唔好， 小妹都有自知之明入呢間學校係意料之外，所以自己都唔係好在意要的成績，但父母都一直對呢個好有要求，但係令到小妹比較反感係佢哋會一直對我嘅成績有個要求，又會有時候笑我：「不如搵間band3學校算啦你都讀唔到囉。」我唔知應該點樣回應。 我爸爸做散工，媽咪係開舖頭忙所以一個禮拜見一兩次，無可否認佢哋對我好好， 都明白佢哋好忙，本來小妹係比較外向嘅好鍾意同佢哋分享 隨時或者乜嘢都無條件同佢哋講，但係每次換嚟嘅唔係佢哋嘅敷衍就係佢哋嘅反對或者開始講道理，我好多嘅事佢哋聽唔到睇唔到。有別於小妹嘅家姐，可能 一樣嘅階段佢哋喺嗰個時都好落力，但係到咗我呢度唔少嘅嘢都係只由小妹自己完成，但係佢哋依然認為我太多地方不足。佢哋錫我但係唔係我鍾意嘅， 我得唔到內心嘅滿足， 好似有時小妹會因為一啲事例如家姐同自己關係變好而開心，但係慢慢就會畀佢哋或者其他事打返落現實。 小妹都提到有一個家姐f.4成績好好，父母其他地方對佢管都冇咁嚴。我雖然都唔係一個乖乖女但已經唔敢發脾氣，我唔駁嘴佢哋都會一直鬧甚至揚言收手機等等，但係家姐好惡咁樣駁嘴佢哋冇任何動作，父母其他地方係唔偏心，但係我個心都係好唔舒服。父母偶然對我關懷備至，好似過咗嗰一日就會即刻消散曬，我又要過返每日自己對住自己嘅日子 。 我自細放假都會去婆婆屋企住，而家我都係好鍾意，唔再係因為細個覺得公公婆婆會錫曬自己， 係因為我會感覺到佢屋企真係唔止我一個，佢哋物質上 畀唔到我好嘅但係佢哋真係好錫我， 係佢哋注入咗我缺失嘅關心同埋陪伴，我唔會同佢哋發洩壓力但係我會感覺到好溫暖 ，小妹喺自己屋企雖然有其他人但係聽到嘅唔係父母嘅責備或者學業上嘅嘢，就係唔講嘢 。我好想再去抖下氣，我唔想留喺屋企。我最信賴嘅朋友已經唔係身邊。家庭、朋友、學業 、一堆課外活動、一堆補習造成的壓力底下都無從發洩
#NSS個人 [GUEST] 幸福唔係必然 小妹今年中四，讀緊band 1學校。本身日子過得無咩問題，生活ok，但係第5波疫情搞到阿爸上個月失業。 阿爸係我地屋企嘅經濟支柱，本身薪水都算ok，日常起居無問題，仲會有多餘添。平時唔駛慳住洗，有時想買嘢屋企人都比。但係當阿爸失業就變得好唔同，佢當份工係寄託，依家無咗自然會頹廢，但係我地又唔想追問佢，唔想做成無形壓力。阿媽有做野，但唔可以剩係靠佢過日子。自己都有補習，最近更補多咗一科，補習費本身已經唔細，依家仲大咗。假日，工人姐姐唔係屋企，阿媽就只可以買兩餸飯返黎我地食，買餸要慳住慳住，搭最平嘅車。無辦法，係要捱。呢個時勢，搵工仲難，我地都唔expect阿爸咁快有得返工。 好彩阿爸失業係”暑假”開始，起碼我成個假期留係屋企無出街，車錢飯錢慳返，又要消費券，可以減輕啲負擔。但係就黎復課，平時搭車返學車費唔平，又會日日同frd出街食飯嘅我，依家諗一個禮拜出面食一次飯已經好多。行街就唔駛諗，因為我唔想加重阿媽負擔。但係，好驚frd會發現我嘅轉變，我會好介懷，由以前咩都msw到依家要慳住，我唔想同frd講我依家嘅狀況。 我間學校小學要比唔平嘅學費，可能係咁，學校周圍都係有錢家庭，屋企唔係高薪厚職，就係做生意，個個同學朋友都大洗，好似無經濟問題咁，就算係疫情都無阻，所以我諗無人係體驗緊我依家嘅狀況，亦都可能未體驗過，根本唔會明我嘅感受，又因為係家事，都唔想外揚，所以屋企嘅現況無人知。有時又諗之後見住朋友們可以無拘無束咁消費食飯，少不免都會有羨慕同埋自卑嘅感覺，有時都會情緒起伏，幾晚係度諗點解撞著係我遭殃，但係只可以收埋係心度，就算係屋企人我都無傾關於我嘅心聲，阿媽已經有幾次同我申訴，明白佢嗰種艱苦，所以我唔想加重佢嘅擔心，唔想佢知ks我因為呢件事唔開心，就係咁，收收埋埋咗個幾月，每次諗都會喊得更犀利，但我唔知有邊個可以傾訴，無助。 我知呢件事根本無得怨天尤人，只可以話係命運嘅安排，或者係每個人都要經歷患難，我嘅患難就係屋企家境突然唔好，壓力大，所以想同大家講，幸福唔係必然㗎，可以無啦啦有一日過簡單生活都有困難，依家有飯食有學返有車搭嘅你，係好好好幸福，唔好申窮，記住要好好珍惜，因為今日唔知聽日嘅事，無嘢係必然。 我知道自己唔係最差嘅case，可能本身社交圈子都係啲朋友家境富裕，所以先搞到自己唔覺意比較，產生自卑，但係打擊還是有的。依家只可以心存盼望，祈禱希望奇蹟出現，等阿爸可以有返咁快工作，阿媽就唔係咁大壓力，過返啲好嘅生活吧！ ps我表達能力唔係咁好，請體諒！
#NSS個人 [GUEST] 睇到呢個post嘅讀者希望你哋珍惜身邊嘅朋友 我細個嗰陣係一個好唔識表達自己嘅人 所以身邊只有一個朋友 佢係一個台灣男仔 雖然大家唔係同一個性別 但係過往嗰10年幾我哋都係好好感情 因為我每個暑假同聖誕都會飛過去台灣搵佢 去到近呢一兩年我開始識諗 改變咗自己之後我就多咗朋友啦 但係我諗都冇諗過2020年嘅其中一次旅行就係我最後一次可以見到佢嘅機會 佢係一個健康狀況比較差嘅一個男仔嚟嘅 我啱啱到咗機場 我先知道佢因為病發所以入咗醫院 跟住我即刻趕過去嗰間醫院 見佢瞓咗好耐 我就陪咗佢幾個鐘 我其實好想同佢道歉 (因為上一次去台灣嗰陣我哋鬧交 直到我返香港嗰日 我哋都係要仲冷戰緊 嗰次真係第一次鬧交 但係偏偏嗰陣冇道歉) 我等咗好耐
#NSS個人 [GUEST] 點解佢咁有錢……（長文慎入） 小妹今年f3屋企好窮,爸爸係做waiter嘅，媽媽係家庭主婦。因為父母想我讀好啲書，所以送咗我去讀名校，生活過得好清貧但還算勉強過得去。 我有個同班朋友超有錢，佢阿爸係上市公司老闆，阿媽係意大利model，佢係貨真價實嘅頂級富三代。 佢身材好，人又靚女，成績好好，仲要精通各種運動、樂器同語言。日日返學放學有司機接送，仲要每日唔同車款，總之都係豪車。佢用嘅嘢更唔使講，書包Hermès, 文具限量版，波鞋係巴黎世家。我真係好羨慕😞 成日喺ig見到佢post去高級法式餐廳食嘢嘅相，喺豪宅裏面嘅各種日常生活，同外國一線明星嘅合照⋯⋯ 因為疫情學校一停課，佢就一定會搭私人飛機出國（佢有去過義大利、法國、瑞士），唔知點解仲可以唔使隔離，可能係因為有黑卡的緣故⋯⋯最離譜嘅係佢學校恢課前一日先會飛返香港 之前佢生日請咗我同其他同學一起慶生，坐遊艇去綠蛋島玩，之後去佢係山頂嘅屋企，真係好大，我屋企都冇佢廁所大（之後查咗嗰間屋苑竟然係twelve peaks!!!) 我十二月生日，佢十一月約我出嚟shopping ，佢突然拉我入一間dior舖，之後叫店員帶我哋入vip room 睇袋，仲問我鍾意邊個，我就隨便指咗一個，點知佢即刻買咗送俾我。當時我呆咗，因為個袋等如我爸爸三個月嘅血汗錢，佢竟然咁輕易就俾咗我當生日禮物 講真我一諗起就好想喊，點解上天咁唔公平，佢含著金湯匙出生，而我出生係咁窮嘅家庭，佢嘅生活係我連諗都唔敢諗嘅夢想，相信我投胎10世都冇佢咁有錢…無論我點努力學業成績都冇可能贏過佢 純發洩文，希望大家屌細力啲sorry for 1999 圖Link: https://ibb.co/C52pdnZ