#NSS愛情 [guest] hi有啲嘢我唔夠擔當面講，我亦知道知道自己已經再無資格咁講，但係我知你有follow同睇開呢個page,特登計好日子投稿，如無意外你會見到呢篇嘢嘅時候會係我地原本兩周年嗰日，話說個網站呢幾日壞咗，好彩而家整返好，多謝admins 以前成日話，一夠兩年，我地嘅關係就會再進一步。 記得當時你話：俾兩年時間我，如果兩年後我地仲一齊，咁我都可以肯定，我會ready好。 呢個承諾，我一直都有記住，只係，而家嘅我，已經再無資格。 初初嘅我，不停咁諗將來，我地仲話要養狗，連叫咩名都諗埋，不停想像以後嘅生活。 記得當時嘅我仲好迷惘好亂，我話：兩個女仔，其實係咪真係會有將來，其他人會唔會接受我地，承認呢段關係？ 我記得，你當時安慰我話：活在當下，點解要在意人地嘅睇法？我同你開心咪得。 我覺得，其實唔係呢，你開心就好，我犧牲少少，無所謂㗎。就好似上年知道你病咗入院，我連書都唔溫走去探你，雖然當年要揀科，但係我無後悔過，你開心就得。 你呀，成日都咁鬼遲先瞓。以前成日陪到你三點幾，搞到我而家雖然無咗你，但係未到三點都瞓唔著。 （打個歌，仲一齊緊嘅時候成日一齊聽：睡到三點 denis kwok 193） 你呢，成日乜都唔同我講，其實我到分手嗰一日都仲未知你幾時離開香港，但係，應承我，過到去唔準咁夜瞓呀，你嘅健康最緊要。 以前以前，成日講以前，但係講完又點。以前我成日為咗喺你起身嘅時候可以即刻收到我嘅一聲回覆「早晨」，我個鬧鐘每五分鐘響一次。不過最後我換嚟啲乜？其實乜都無。好蠢呀可？嗰陣以為咁做，你就唔會離開我，始終都係太天真，而家留得住嘅，只有我嗰個一瞓夠六個鐘就自動起身嘅身體，要擺脫呢個習慣，睇嚟都唔會係一時三刻嘅事。 唉越講越多，你知你一有啲重要嘅考試就會chur足自己一個月。過到去記得唔好chur得自己咁勁啦，一個唔覺意又chur到自己病咗，唔會有第二個我嚟照顧你㗎啦。 係時候放低你了，我知好難，但始終要move on 最後，兩周年快樂，我愛你，保重。
#NSS個人 [跑馬地一間女校] 小妹上學期識咗個師姐 我覺得份人好善良對我都好好每一日都會用ig同佢傾偈 有咩話題都可以同佢傾 佢唔係好識得點表達自己嘅感受但係我feel到我哋兩個之間可能係more than frds嘅關係 但係冇面對面傾過啲咁嘅嘢 同埋因為仲細我唔知點面對自己嘅感受 我同佢由上學期識到而家其實過得唔容易 我哋成日都會關心對方但係好易就會嬲對方 好幾日唔同佢傾偈 但係佢總會攞返啲話題同我傾跟住就會好似冇事發生過咁 佢有時唔理我嘅時候我都會有啲唔開心 我哋用過matching profile pic好幾次 之前仲試過用埋同一個wallpaper 一齊返學有試過拖手 我睇過yt片話拖手已經basically係拍緊拖嘅行為 但係由考完試開始佢就冇好似之前咁對我 傾計會有啲冷淡 我點同佢傾佢都只會俾短reply佢亦都好少好似之前咁主動搵我 可能會話係我諗多咗但係自從佢變成咁我真係試過唔開心咗兩日
#NSS個人 [Guest] 我今年八年班，讀國際學校（全部同學可能因為外國背景，好開放，着背心返學(casual wear day)，化妝返學，冇人會覺得奇怪). 我老母係一個好守舊嘅人，覺得着雞翼袖衫已經係好好好極限，再Bikini根本唔使諗，不過我自問身材都唔係好好，所以着普通泳衣冇問題。但係有第二個極煩惱嘅問題，我真係好想穿耳( second ear lobe and helix) 。佢呢個咁嘅人當然唔會比啦，睇你點講都唔聽，佢完全冇經過大腦思想就會覺得你一定係錯，甚至想我轉校覺得呢間學校教我教得好差，因為咁樣，我哋都出咗好。佢呢個咁嘅人當然唔會比啦，睇你點講都唔聽，佢完全冇經過大腦思想就會覺得你一定係錯，甚至想我轉校覺得呢間學校教我教得好差，因為咁樣，我哋都出咗好多爭執。認真嚟講我而家嘅目的剩係得一個，就係要穿耳，求求大家諗吓方法令我可以穿到耳，因為始終日日見，住同一間屋，冇可能佢唔發現。 呢樣雖然冇咁重要，不過都想佢俾我再啲比較暴露少少嘅衫（唔係好過分) ，不過呢啲我自己出街着佢都唔知，所以冇咁大件事，求求幫我諗辦法穿耳😅😅 Sorr for 1999 同埋講唔到重點
#NSS個人 [Guest] 小妹今年F二。我真係好撚驚嘔吐物或者啲有腸胃炎會嘔嘅人，咁當然我細個會毆奶，但係我基本上從我有記憶開始，真係未試過毆。我每次見到嘔吐物，都會令我好極恐懼，係驚到會發冷嗰隻，之前去東京旅行地鐵站有飲醉酒人士，一地都係嘔吐物，我成隻手同埋成個人都發情同發冷，要我阿爸抱住行暗住我隻眼先至好少少( 我嗰陣時九歲到) 。然之後我去一個人生日會去到好若，返屋企嘅時候經過一間酒樓有人飲醉酒毆左一攤走，我基本上係應承我自己永遠都唔會再去嗰啲地方。而家我個工人唔知係咪腸胃炎之後喺廁所嘔，，仲問我有冇必理痛食。我自己係間房到自閉左成日，仲會唔知點解無端端冇原因咁喊，我真係極度懷疑我係咪需要睇醫生。我有同過我媽咪講，不過佢覺得覺得嘔吐物核突係人之常情。但係佢唔明我嗰種恐懼係已經超越左正常程度。就連之前我表姐嘔，我都有少少憎佢(過一日)，我真心懷疑我係咪有phobia??? 出得呢個post預咗俾人屌，不過我真係好需要解決呢個問題，我都知自己有少少雙重標準 Sorry for 199 有錯字好對唔住