—類投稿

#NSS學業 [GUEST] 想問下大家知唔知邊D海外嘅大學（e.g. Canada, America……）有biomedical science讀

#NSS文化 [[GUEST]] 最近天氣炎熱，最終忍唔住真係去咗游水 (＾▽＾) 但不禁諗到個問題，到底游水應唔應該著underwear 呢？or 真係無人著underwear 游水㗎？（+_+）所以好奇問下大家，thxxxxx

#NSS個人 [N/A] 小妹今年15歲，本身有打開羽毛球，係學校校隊正選，但唔算係最好嗰批，下個月就去加拿大。因為睇完港隊奧運羽毛球混雙，燃起咗想去參賽嘅夢想。我明白參加奧運並唔容昜，要付出好多，想問下大家係加拿大有咩途徑可以訓練到去入奧運？ Admin pls post ig

#NSS家庭 [Guest] 今年F3, 14歲，我成日都要媽咪買嘢俾我，又要佢同我食我鍾意嘅嘢，我成績唔好，佢浪費咗好多錢喺我身上（補習），其實我咁樣係咪有公主病？

#NSS個人 [Guest] (TW: self harm, blades) I’ve been feeling like a mess lately and I don’t know how I’m supposed sort out my emotions. Shit

#NSS家庭 [Guest] ~admin pls po ig thx~✨ 小妹依家13 歲，升F. 2，讀 b1 英中，我覺得自己成日都冇私隱/私人空間。 咁我屋企就有3 間房，兩個廁所，大約1000呎左右啦，咁我屋企就total 有 7 個人住。 主人房:我啊爸、啊媽同個 2歲嘅bb瞓 客房1:我啊嫲 客房2:我同我啊妹一齊瞓 工人房:工人 是咁的，我媽生咗個bb 之後，我就同啊妹瞓同一間房(原本我自己一間房) ，仲要同一張牀。我當時5年級，就覺得同啊妹瞓同一張牀冇乜問題，但係今年年頭開始就覺得張牀好逼同埋我夜晚經常瞓得唔好。自問我自己都唔肥，肥嘅係我啊妹

#NSS文化 [Guest] 其實大家知唔知 點解咁多人唔鍾意mirror? 就係因為你地班鏡粉囉 鏡粉覺得佢哋靚仔 OK冇問題 鏡粉覺得佢哋唱歌好聽 OK都冇問題 但係唔該唔好樣樣野都over reacted 真係好乸煩 生個日都要全世界知 少少嘢都要通晒天 狂讚佢哋 即係例如最近姜濤打波 明明係好普通嘅一件事 仲要真係打得好一般 但係都有一大堆鏡粉沖出嚟讚佢 ‘哇 姜b打波好型’ ‘好charm 打得好好’ ‘着背心打波冇架子好貼地’ 然後最尾仲要變成新聞

#NSS社會 [GUEST] 大家有冇諗過 其實我哋反對緊嘅係咩 其實一直以嚟 我哋都應該對事不對人 但係好似越嚟越多人都選擇咗以偏概全 我哋唔滿意嘅 係中國打壓嘅風氣 但係大家就變咗做 係中國人就屌 其實有好多中國人都係黃 都係支持自由 我哋唔滿意嘅 係警察濫捕濫打嘅行為 但係大家就變咗做 係警察就憎 你鍾意話我係天真 點都好 我都相信仲係有白警 簡單啲講 我想大家認清返個目標 希望大家可以對事不對人 唔好濫殺無辜 呢個就係我嘅睇法

#NSS家庭 [GUEST] 我真係好憎我姑丈 我自細住喺我姑姐屋企，點解唔係同老竇住嘅原因一匹布咁長所以就唔講啦。 第一，我姑丈成日都突然講粗口鬧人，佢真係好乞人憎。平時得我同佢喺屋企食飯，佢成日都喺食飯嘅時候對住我鬧我老竇，我啊嫲啊爺同啊媽，又會提下我另外兩個姑姐，一係就發脾氣鬧我。有次佢突然發脾氣話我有爺生冇乸教，我真係覺得佢個人同呢句嘢都好粗鄙同惡毒。我本身就係單親家庭，我的確冇見過親生啊媽，佢咁樣嚟督我痛處。有次佢食飯又話我啊媽好衰，但佢又冇講佢做咗乜嘢，我都唔知真定假。佢鬧我都算，但佢鬧埋我嘅親人我接受唔到（唔好意思我當佢陌生人） 第二，佢又會成日食飯撩我講嘢，問埋啲無聊嘢，例如：明明見到我食完飯但係問「食飽嗱？」（仲有好多問我根本唔知道或者同問你男定女、係咪人一樣無聊嘅問題，但係我最近避過咗同佢同枱食飯所以唔記得曬）我唔答佢，佢又同我表姐姑姐講我十問九不應，大佬呢啲有肉眼就知道答案嘅問題要我可以答啲乜？我最初有答，但佢年年都問重覆嘅問題，我咪直接唔答。我而家學精，等佢食完我先食飯，盡量減少同佢接觸。 第三，佢成日撩人，我屋企有請工人姐姐（唔有錢唔好誤會）佢成日都喺姐姐行過嘅時候無啦啦講佢痴線，然後姐姐聽得多都知道係鬧人嘅意思，有時喺佢對住姐姐講嘅時候，姐姐就會對返佢講痴線。另外，當啲推銷電話打嚟佢接咗，佢就會纏住人成日，又叫靚女又叫小姐之餘，又講下唔關事嘅廢話。當我煮嘢食或者食嘢嘅時候，又會痴埋嚟話我好多嘢食，又要搞下我碗麵，又問唔畀姑丈食啊？我都唔明究竟佢係咪太得閑，成日無端白事撩人做乜？ 第四，佢成日都食煙，廁所廚房仲有房成間屋差唔多畀佢食雲曬，又臭又影響他人健康，聽我姑姐講，佢去人屋企做裝修，但係去到又唔做嘢，食到成地煙頭，搞到人向我姑姐投訴。 第五，亂拋垃圾，佢成日喺窗口扔煙頭落街，乜嘢都扔落街，明明垃圾桶就喺廚房，嗰幾步路都懶得行，如果邊日畀人投訴罰款都喺因為佢 第六，無同情心嘅紅色廢老，滿口歪理。話食煙健康，成日睇中國啲打仗劇，又話我哋去遊行畀警察打死，平時新聞見到有阿婆意外死咗，同人無仇又要話人抵死，又要鬧下美國日本，真係頂佢唔順，做人咁黑心唔驚畀天收？ 第七，呢幾日突然拍我門叫我沖涼，話我唔沖，我姑姐佢哋返嚟等我一個，但我姑姐佢哋平時九、十點先返，而且我姑姐同表姐講好叫我一係喺佢哋返嚟前沖完，一係等佢哋沖完再沖，咁就唔會返到嚟冇得沖涼，所以我係可以選擇等佢哋沖曬再沖。咁我話等陣再沖，佢見我唔去沖涼又唔知嬲乜，大力拍我門跟住喺我門口鬧我死仆街，屌我老母，叫我死返去我啊爺啊嫲住嗰度。 講真，我如果死到去嗰度我就去咗啦？我唔明有冇嚴重到要講呢啲說話呢？我而家殺人放火定做咗乜？ 我知我寄人籬下，但係因為咁我就要受呢啲氣？每次畀佢咁鬧我都懷疑自己生出嚟做乜？生出嚟承受呢啲辱罵有咩意義？前世係咪殺佢全家所以而家要受呢啲罪？佢成日叫我去死，搞到我以前有諗過真係死咗佢算，而家諗通左，命得一條，憑咩我要為呢啲人放棄咗佢？佢咁想我死，我偏偏唔死，激撚死佢。情緒偏激嘅時候真係好想攞刀捅死佢一了百了，但我唔想為呢啲人自毀前途，而且我都未必打得過佢。我人生一半痛苦都係佢建立，就算佢死咗我都唔會為佢傷心，但我未成年又冇錢，根本離唔開呢個所謂嘅屋企，乜都做唔到，我真係好憎佢。

#NSS個人 [GUEST] 其實太過在乎人哋嘅諗法係咪唔係一件好事？ 有陣時明明係人哋講嘢過份咗，我都唔夠膽話返轉頭，就算人哋串我都唔夠膽串返轉頭，仲會笑笑口咁對住人，就連有陣時覺得委屈或者難堪都仲係笑笑口。唔知點解覺得如果我黑面嘅話人哋會唔高興，我就連嬲緊我都會忍。 唔好話開口講，用重啲語氣同人哋表達我嘅不滿或者我唔開心我都唔夠膽，唔知點解就硬係覺得我俾人哋知道我不滿嘅話人哋會唔高興，即使我真係好認真，都唔夠膽嚴肅，所以有咩事都係笑笑口咁講，但係咁人哋就會覺得好似冇事，或者唔在乎唔重視我講嘅嘢。 我係就連有情緒我都會好聲好氣咁對住人，就連講嘢惡咗少少一下我自己都會覺得我係咪好唔應該，好驚我語氣一差或者令其他人唔高興我就會失去左佢哋，或者令佢哋唔鍾意我。其實咁樣係咪真係唔好？可以點改？ Sor for 1999😖