#NSS愛情 [[Guest]] 係2月中,我係一個game入面識咗一個朋友,咁就係呢度開始,我得閒就會同佢一齊玩,一齊傾心事.佢對我超好,我就慢慢咁鐘意咗佢,因為佢遊戲嗰度標咗自己係男性,咁我一直以為佢係男仔,後尾我哋互加ig我先知佢係女仔,但我依然都係好鐘意佢,係5月,我同咗佢表白,雖然我知道佢可能會拒絕我,但我只係想向佢表達我嘅心意,我表白完之後佢就詐傻扮懵,扮唔知發生咗啲咩事…然後我同佢嘅關係就冇以前咁親蜜…近排,佢係嗰game度識咗兩個新朋友…佢就慢慢疏離我…日日同佢哋玩…彷彿好似已經忘記咗我嘅存在…令我有啲唔開心,因為我同佢已經有成半個月冇乜點傾過計…我唔想我同佢嘅關係變得咁陌生…我想請教吓咁多位可唔可以俾啲意見我,令我唔好將我同佢嘅關係咁陌生?(*注,佢係台灣女仔😢) Sor for 1999 要屌唔該屌細力啲…
#NSS個人 [Guest] 呢排我去親威屋企湊細佬當返暑期工甘，甘個細佬得小學五年級，我大佢幾年，某日我問佢你係咪放屁阿有陣味嘅，佢話冇，但無端端撲埋嚟聞我喎，又擒上嚟我度吾知做乜鳩😅我有推開同走開問佢你做咩….佢冇理我走左去打機，過一陣佢又揸我個波，摸我，我有推開拒絕同鬧佢。嗰次之後我番到屋企諗究竟係咪我講嘅嘢令佢有某啲行為，但吾係..過左幾日我又去睇住佢 我諗上次係個意外。。但有啲嘢吾係零次就無數次，佢等屋企人走左又甘樣。。其實佢使咪揾個雞😅佢屋企裝左個cam（甘係督佢做功課），呃我屋企有同款吾係重點 但我知道cam個功能有得睇返舊片同錄音 而個cam近我坐嘅位 自從有左呢個cam佢每次都話入佢間房有嘢比我睇 不過我都估到佢想做乜甘我梗係拒絕到佢啦 我有同frd講過btw佢地嘅建議都吾係甘好 我亦都有諗過同佢阿媽講但我同佢其實係家姐阿妹嚟。。。所以我更加吾知點做 可能講左俾佢地聽會好莫名其妙cuz之前係冇啲甘嘅事 懇請各網友留個建議或意見比我應該點解決件事🙏🏼🙏🏼 sorry for 1999
#NSS其他 [guest] 有D長😅 小妹今年13歲，暑假後升f2，最近有個煩惱 我自細就冇運動細胞，未至於手腳唔協調不過PE差唔多次次都攞C，雖然我運動好廢，但係我都幾鍾意玩某幾種運動，亦都好鍾意一班人朝住同一個目標努力嗰種感覺，好熱血 我小學嗰陣一直都想玩排球同跳繩，不過我間學校又冇校隊又冇興趣班，另外阿媽又想我專注喺學業，所以一直都冇同佢講我想玩呢兩樣運動。六年級嗰個暑假，我發覺好多中學都有好多校隊，嗰陣就好想喺中學參加排球同跳繩隊，但係當我收到學校張校隊報名表，阿媽就同我講，你運動都唔叻，唔使參加啦，我不嬲都知道佢想我專注喺學業，所以即使我好想參加，都冇填到張報名表，呢一年因為疫情，校隊練習全部都取消晒，所以我都冇乜後悔冇填到張報名表，不過而家我又好糾結 九月嗰陣我傻下傻下，比師姐拉咗入中辯，又係因為疫情，呢一年基本上全部都係online training，悶到一個點，好想退club，於是我就問阿媽下年可唔可以退club，佢就話，課外活動呢啲嘢，你自己決定啦，佢咁樣答我，即係我可以報校隊啦，不過又有啲嘢要考慮： 第一，雖然我學校個個項目都係D2/D3, 但係訓練絕對唔會輕鬆，我運動咁廢，一定要比其他人付出更加多，我未必有咁多時間 第二，返全日嘅時候， 3:30先放學，練埋校隊都五點幾，返到屋企都六點，我好大機會唔夠時間做功課/溫書 第三，阿媽雖然話我可以自己決定課外活動嘅嘢，但係佢都唔係幾支持我玩運動，我同佢本身關係都唔錯，鬧交就唔係幾好 其實如果我中學唔參加，大學都可以參加學校嘅club，不過運動應該早啲開始學，中二先嚟學已經有啲遲，當然我可以自學，但係我都想試吓玩校隊，我而家唔知點算好，大家可唔可以俾啲意見我？ 真係好需要啲意見 admin唔該post ig🙏 thx
#NSS家庭 [GUEST] 我阿爸阿媽好似因為生意上嘅嘢嗌咗交，仲講到離婚，我應該跟邊個好？ 小妹今年升F1，但阿爸阿媽嘅關係好差，依家仲要離婚，我一直諗緊跟邊個，佢哋兩個人工都幾高，所以我冇理過財富問題，咁女仔正常跟阿媽嘅，亦都係阿媽錫我多啲，但唯一一個原因我唔想跟阿媽就係因為我唔想去英國…其實我喺香港派到間band1B嘅中學，成績都OK，係英文差，所以我唔想過去，但係我阿媽話遲啲搞晒離婚啲嘢之後就帶我去英國，話我會喺嗰邊讀書，唔會再返香港，但其實我都幾鍾意我阿爸，不過更加鍾意阿媽，如果我真係去英國就代表我以後唔可以見到我阿爸，但如果我跟阿爸去嘅話，我肯定會少見左我阿媽，女仔好多問題都需要阿媽處理，同埋我大個女之後都唔係幾放心日日同阿爸獨處，我真係唔知而家點算…阿爸好幽默，成日搞到我好開心，又會整surprise俾我，真係好好…而阿媽就好溫柔細心…跟邊個好？