#NSS個人 [Nth] 我見到身邊嘅人無論係同學朋友，佢哋慢慢咁離開我，開始要移民出國讀書，我真係好唔開心，因為呢個香港已經留唔住。 雖然出國讀書某程度上真係好過留喺香港，前幾日bno持有人都陸續慢慢嚟開香港，見到咁樣其實好心酸，因為大家見唔到呢個香港嘅未來，所以先要離開。 但係我又想講佢哋慢慢走浄返自己一個…課室已經冇之前嘅笑聲（雖然都唔係同我玩🙃 真係有種好壓迫嘅感覺，有d想一齊走，但又邊有咁簡單，自己英文又唔係好，＄又唔係多😅 走條鐵咩……我只可以留喺呢個孤獨嘅學校，其實我唸過轉校，反正我又唔鍾意，但係好多因素可能冇得轉。 有陣時真係會唸自己/香港未來 好想喊…. 但好多謝大家睇哂個文章🙏🏻🙏🏻 希望大家可以開開心心，前途無量，仲有dseer們 DSE成績唔理想唔係一個終點,最重要係大家知道自己做緊乜嘢！一齊加油！我支持你❤️🔥 圖Link: https://images.app.goo.gl/7H3RANSxRopTJdNU6
#NSS文化 [Guest] hi 各位，我啱啱睇到話自己係耶撚然後講關於性取向個post 我都想發表下意見。 🔼首先，唔該叫基督徒做耶撚嘅，可唔可以停止咁講 識唔識respect人？你唔信OK，但唔可以人地信，就用一啲冇禮貌嘅花名去稱呼人 。 🔼跟住我想講嘅係關於性取向，我係一個基督徒啦！咁其實我對於性取向嘅嘢係唔會歧視，亦都唔會話作出支持，可以話係冇立場，因為神係唔喜悅同性戀。咁當然性取向都係自己嘅自由 神都冇逼大家一定要信佢。 🔼最後我一定要講嘅係，我想回應返嗰個post 你真係幾好笑，話自己係基督徒，又話自己係耶撚，狂踩低基督徒同屈部分基督徒，我明白部分人點解會對基督徒冇好印象，係因為成日有啲祈福黨。我自己都好憎，我個人認為其實嗰啲係癲癲地。我都試過係街比佢攔住，話送啲垃圾小禮物比我，然後就係度話咩，信耶穌唔洗錢，係度摸人隻手。我要係度講返，我信耶穌絕對唔係因為佢洗唔洗錢。我對於祈福黨依樣嘢係絕對唔支持！建議大家見到佢地盡快走或者唔好理佢地 講嗰啲根本就唔係同聖經所講嘅道理一樣。話咩政府全部信耶穌，我真係笑左，其實我想講嘅係 我身邊有啲都係基督徒嘅朋友，佢地都冇歧視同性戀，唔該樓主咪以偏概全 。 🔼我總結下我想講咩啦！基督教，唔係逼你信嘅，想信可以信，唔想信亦可以 ，不過如果大家有興趣，可以去了解下，其實都有唔少神蹟 可以搵啲基督徒分享下，同埋我見到有人係post下面留言話，其實聖經傳左咁耐，點解你地仲信 冇錯 聖經的確傳左好耐，又由唔同嘅文字翻譯過，但係好多人想搵出聖經入面會唔會出錯/係假嘅，現今冇人搵到。同埋大家唔好信啲假聖經 我見過大陸有人話，耶穌唔知咩殺死曬啲人，根本聖經都唔係咁講。我依個post 只想幫基督徒澄清同希望大家respect基督教 thx admin ！！！
#NSS社會 [GUEST] 想同大家講下我自己身為lgbt嘅內心說話，我自己係Bisexual，但偏向鐘意女仔，有可能其實係Lesbian 想問下反對同歧視lgbt嘅人，有乜嘢導致你哋覺得我哋係有錯有問題，甚至有罪？ 其實性向呢樣嘢係天生嘅，當然亦有可能係後天受環境影響啦，我自己小學5年級已經對某個女仔朋友有好感/心動，當然啦有可能係我嗰陣年紀細分唔清愛情同友情，直到f1嘅時候就確定左自己真係鍾意女仔，雖然上面有講到我係Bisexual，但其實我係冇真正鐘意過一個男仔，純粹有少少好感，而女仔係有嘅 我而家嚟緊係升f3，身邊依然冇任何一個人係支持/包容lgbt…可能睇到呢度某啲人會覺得我年紀仲細仍然未必分到愛情同友情，但我好肯定自己嘅性向(你唔信我嘅我都冇辦法) 其實講真有得揀嘅我一定唔會做同性戀者，因為而家呢個香港社會依然存在大部分接受唔到/反對lgbt嘅人，尤其是我身為Bisexual，身邊所有人都係反對lgbt嘅，喺呢種環境下我係Bisexual嘅呢個身份成為左只有我自己一個人知嘅秘密，仲要聽住佢哋歧視同性戀而講嘅說話，聽到嗰下我真係好想自己唔係呢種性向…(因為唔夠膽反駁佢哋，只可以不斷’認同’，真係好辛苦 我自己份人比較內向，亦因為咁而導致我冇辦法開口同佢哋講我係lgbt，可能有啲人會叫我唔洗驚直接向佢哋坦白，但講真點樣可以唔驚… 真心希望歧視同性戀者呢種古老思想同社會風氣可以快啲過去，冇話要所有人都一定只可以支持lgbt，但起碼要識得尊重，因為受到歧視真係會為一個人帶嚟好大嘅傷害 sorry for 1999 唔該哂admins🙏🏻