#NSS其他 [Raimondi College] Admin po IG thx🙇🏻♂️ 話說小弟呢排晚晚都比一樣野煩，就係晚晚瞓到2,3點都會有蚊係我個頭附近飛。 已經check左屋企應該冇地方會生蚊，冇積水冇剩，但係一近夏天就晚晚都會有隻蚊入嚟我間房煩我，我攞張被包住成身就咬我塊面，連我個嘴都咬（真)。因為已經係夜晚2,3點所以唔想理佢🥱，但係往往就係係我就瞓着嗰下飛過嚟糟返醒我。開空調又吹唔走佢，開蚊香又冇用。搬出去廳訓又跟住飛埋出嚟🥲。最後都係要夜麻麻開燈拍死佢（凌晨5點😭)。 想問大家有冇啲咩方法可以解決呢個問題🙏🏻，因為呢樣野最近晚晚都訓得唔好😥。 Sor for 199🫠
#NSS學校 [guest] 我係零針確診嘅學生，二月尾嘅時候我做快測中咗，宜家到四月中依然被後遺症困擾緊，每晚都持續失眠、咳嗽、甩頭髮…. 就嚟要番學校上堂啦，我覺得我失眠越黎越嚴重，仲越黎越焦慮。 正正係因為政府出風向話要分別對待未打針同埋已打針嘅學生。我見到新聞話要未打針嘅學生要坐角落，又唔可以參加課外活動，非學術性嘅活動都唔可以做。我就開始好驚，有時發夢會見到啲老師歧視我冇打針。我好擔心啲同學同埋老師會因為我確診過就歧視我。 但係我真係唔適合打針啊！我作為一個確診者係唔可以咁快打針，正苦啲政策朝令夕改，一時又話確診後6個月先可以打針，一時又話90日後就可以打針。我完全冇一個肯定而安全嘅時間去打針。咁我一定要被呢個政策限制住，一定會被學校差別對待。 我好崩潰好無助，我唔想返學，好大壓力。 sor for1999
#NSS學校 [GUEST] 想喺度感謝一下老師同埋同學。 講番件事嘅來龍去脈先。我由form 2 嗰年，我個肚就開始痛。當時我都冇乜點理佢，漸漸精神、體力各方面都變差，我平時搭巴士返學嘅，落車之後都要行一段路，對一般正常人都係冇問題，但係我每次行都會攰到想喊。另外，上堂成日都會攰到瞓着（喺度同老師道番個歉）。之後，胃口都差咗，乜嘢都食唔落，一碗飯都差唔多要分兩次食（都未必食得晒），去到後期好多嘢食完都會嘔返出嚟。 去到form 3 嗰年，喺學期頭（大概十月左右）我就入咗醫院，嗰時有啲同學都知道我肚痛，佢哋都會主動打電話嚟問候我，又會想去醫院探我（當時醫院唔畀探病）。咁其實一開始照超音波都冇用都睇唔倒肚入面嘅情況，最後要照CT（個人覺得CT好好玩😂）醫生就話我個肚裏面有個腫瘤要做手術切咗去。最後就經歷咗大約8個鐘嘅手術之後，醫生同我講我有cancer（第三期淋疤）。好快老師同校長都知道，佢哋同埋啲同學都寄咗啲慰問卡畀我。呢段時間亦都開始停課，而我就休學，準備開始化療。化療一共化咗4次。化完雖然可以翻屋企休息，但係我中性白血球好低（越低代表免疫系統越差），所以4次有3次我都因爲發燒要返入厰打抗生素。搞到明明一個星期住院都變至少兩個。父母平日都要返工，所以我一個人喺醫院。住院其實好悶，困喺間病房望著四面牆。你話去散下步又唔係好行得，打機都解唔到悶。所以，就算我休學，我都照上zoom，而老師都照樣畀我上堂，所以我至少可以接觸一吓外面，有得上堂其實冇咁悶（至少可以見到人，聽到人講嘢）。另外，老師喺嗰段時間都會WhatsApp我同埋我爸爸關心吓我問我近況。 最後想喺度感謝番嗰啲老師同埋同學，感謝佢哋喺忙之中抽出時間嚟關心我。
#NSS個人 [邊間學校唔重要] First Sor for 1999，第一次投稿，自己本身唔叻作文，純粹有感而發，書面語口語英文全部混搭，敬請原諒，希望你地明我想講乜🙇🏻♀️。 21世紀，多數人追求苗條身材，但仍有少數人唔力求keep fit，只求開心快樂，而我就是其中之一。 升上中學前，我未曾因為身材而焦慮過，儘管我唔瘦，又唔高，但我一直信奉外貌並非至上。然而，有一班人，佢地鍾意從耻笑他人身材、甚或外貌中取得快活，認為所有人一定要適合自己眼緣，否則喺佢地眼中只稱得上小醜。 以我為例，同級有唔少女仔喺IG上post既相俾佢地cap圖做group icon又或整成惡搞sticker，佢地覺得好開心、好興奮、好好挽，但係佢地永遠都唔會諗下呢啲唔駛十秒就做到既動作會成為嗰個俾佢地惡搞既女仔一生既惡夢，為左嗰幾個無耻既人，佢地每夜輾轉反側，自卑、唔再敢展示自己。 但係girls，我地唔應該為左啲自私自利既人而失去自我，冇人可以指點我地應該點做，樣貌係父母俾我地㗎，我地要珍惜要感恩，而唔係嫌棄自己。當然，你冇辦法阻止自己亂諗，記住你已經做得好好，唔好再浪費時間為班無耻賤格下世落地獄既人而感到自卑。 如果你係耻笑人嗰個，首先，我衷心祝福你落十八層地獄。其次，「知錯能改，善莫大焉」，你既一句道歉，唔一定會令俾你傷害過既人原諒你，但至少足以令佢地重拾心情。 最後，你90磅又好，180磅又好，都有人會唔鍾意你，所以任何時候，做好自己就得。 （無論你係仔係女，以上內容都適用，只係我作為一個女仔，以女性角度更易表達。）
#NSS愛情 [感覺唔到另一半嘅存在，點算好？] 小弟今年S1，12歲。最近有D感情方面嘅問題，希望咁多位前輩教吓小弟應該點做。 話說我係5年班暗戀咗一個同班嘅女仔，嗰陣其實都未有人知，就咁樣keep到去6年班。嗰陣我就忍唔到口，同咗一個frd講，本來叫佢唔好同人講，但始終都係傳咗出去。嗰陣全級識我哋兩個嘅人大部份都知咩料，甚至連老師都知。咁我哋就成為咗全個學年嘅是非😶🌫️ 嗰陣返學真係好L尷，都唔敢同佢對望，因為一望就會畀班花生友入到位，上緊堂都畀老師笑，認真嗰陣好大壓力。放學之後都會同佢msg嘅，但就無咩特別嘅。有一日佢無端端send咗句嘢畀我:「如果你同我表白，我可能會接受你嘅。」嗰陣我心裡面係大喜嘅，但又無咁嘅勇氣去表白……跟住畢業前一日，朋友都叫我表白，話唔想我留低遺憾喎(好明顯係有人想食花生) 咁我就完成咗佢哋嘅心願，係whatsapp同佢表白(但冇公開過)，而對方都接受咗。我嗰陣梗係開心死啦，但因成績關係要讀唔同嘅中學😔☹️ 咁問題就嚟啦，暑假畀人收手機，根本同佢完全隔絕😥。到咗開學之後好忙，加上爸媽唔係好畀我出街(小弟我唔係住市區，交通唔算好方便) 所以畢業後根本係冇見過佢。有keep住同佢msg，但好似每次都傾唔過10分鐘咁，feel唔到佢係到。之後啊媽都畀我自己出去，但第5波疫情殺到，佢又驚會中。(其實覺得佢係到避緊我😔，但都只係直覺) 請咁多位前輩點睇依段關係，仲有冇得救。再試下約佢定要分手？絕對唔想係後者☹️我仲好愛佢。希望名位前輩畀下意見 小弟第一次投稿，有咩講得唔清楚請見諒🙏🙏🙏
#NSS個人 [Guest] 題目:依家啲狗公越嚟越恐怖 sorry今次篇文會好長，但都希望大家可以睇晒啦🙇🏻♀️ Hihi👋🏻,我係 #NSS220328A嘅樓主，上次講到個毒撚好恐怖，可能大家會以為佢淨係纏住我一個/有部份人覺得佢好專一淨係鍾意我，其實並不是的。每次我直接同佢講話唔鍾意佢，佢都會寫長文放負，之後又話要識/追第二啲靚女，仲要扮到成個鵪鶉咁唔敢追人。重點係佢追緊第二啲女仔仲可以同我講love u/bb⋯ 嚟到呢度關係會複雜啲，為咗令到大家分得清楚啲,隔離班個女仔(下稱阿D)，而我嗰班個女仔(下稱阿S） 佢想追阿D了解吓佢唔係問題，不過阿D對佢就唔多有興趣囉⋯同埋關係呢啲嘢要慢慢增進，都唔可以一下子強求人哋主動了佢。當阿D開始已讀不回佢嘅時候，佢又覺得人哋好蠢好笨，個理由竟然係覺得阿D唔知條毒撚暗戀佢。心諗,如果唔知就唔會已讀不回佢啦！ 其實都唔怪得阿D已讀不回佢，佢同阿D唔夠熟又問人哋行蹤，仲要廿四小時Mon住人哋IG，又喺人哋之前所有post/精選story度cm 最後阿D block咗佢IG story+唔再俾佢fol。初初條毒撚好sad，又話咩唔再鍾意任何人，講到好絕咁。你哋以為佢就冇再搵阿D呀，咁就大錯特錯啦，之後佢好似當冇咗件事咁仲不段係咁DM阿D。到近排阿D轉返做公開acc之後block咗佢，仲可以叫我send返阿D ig所有相+story俾條毒撚 唔單止咁，佢仲好鍾意係咁轉IG Chat後邊嗰個background，當然佢對我都唔例外，又愛情又夢幻又原始，總之就不停無限loop咁樣轉啦😵💫 但係同時佢耐唔中都會話鍾意阿S。講返S少少野先,d男同學都鍾意同佢傾偈的。 不過即使佢坐喺阿S隔離，佢同阿S都冇任何嘅交流(佢唔敢同佢chat?唔知)。有次阿S吹佢交功課，佢又話最鍾意係阿S，果下勁無言囉⋯同埋有次阿D已讀不回佢，又唔知咩事話阿S對佢好，又叫人哋做S豬，心諗人哋同你都唔熟，講乜嘢人哋對佢好，吹佢收功課就係代表對佢好?家陣FF呀🌝 到近排，佢見到我個X同阿S互fol ig，佢就話‘我也想阿S follow me,你可以幫我告訴嗎?’(原句摘錄) 真係好笑，我從來都冇見過有人溝女係要靠人，雖然我同阿S關係唔差，但係基於成件事太kam，我拒絕咗幫佢講，之後叫佢同阿S講又唔敢🤣 其實要數佢嘅事實在太多(我都唔將全部講晒出嚟啦⋯)不過除咗我同兩位之外，佢都有撩過部分佢認為靚嘅師姐師妹，不過最後嘅下場我諗唔使我講都知⋯ 佢亦都好鍾意Cap人哋啲IG
#NSS個人 [《網中人》佚名] [引言] 在香港這個華美但悲哀的城裏，有情侶寂寞地慨嘆怎麼會久合終要分、有情侶倆有心追隨，卻遇到半點風雨便思退、也有情侶在回家後脫下面具，綻放了許多在夜風中才會浮現的心事。這是一種amazing feeling。 我當然沒有另一半，但十六年來的各種經歷已讓我的心境像個老人一樣。我會形容自己是一個非常多愁善感兼抑鬱症患者，老餅一件。 無需問我身份，我身份只是某人。我也只是一名普通得不能再普通的學生一個，2023 dser之一。 [轉校] 上年我從一間band 1英文中學轉到一間普通地區學校。變換間，深隱著的是些許無奈，和幾分期待。 這些年，多少個夜晚，我躺在床鋪上，播着我最喜歡的歌 – 梅艷芳的似水流年，閉上眼睛，痛苦地想過去，a few hours later，終於睡着，但又醒來。我很累，但真的睡不著。 從2017年我進了那間敗類中學開始，我每天被人欺凌、接放學、口誅筆伐。高年級的有，同級的有，低年級的都有，連訓導組的也有。他們連續輪流侮辱、恐嚇我超過三小時的那個下午，簡直是地獄。 後來我轉了校，我也成功演活了什麼是從期待到無奈。 用什麼來比喻一個轉校生好呢？ 嗯。想到了，外地移民最為合適不過。特別是移居到美英澳加的那些。老師覺得我已經融入了同班同學的圈子，但事實又不像是。因為他們的圈子已經是固定了，無緣無故有個外人加入，若是我，我也接受不到啊 ; 同樣道理，我當然融入不了他們的圈子。 [This is