#NSS個人 [Guest] 小妹今年升F2，有個感情好好嘅best frd，感情好好只係我自己覺得，但呢排我覺得佢冇真正重視過我？仲好似當我係替代品？ 事情係咁嘅，我哋成日都會出去食lunch，或者出去玩，咁我前排又約咗佢一次，本身佢應承咗我，但之後佢突然放我飛機話唔得，佢話有嘢做，我信佢，之後我就冇再問，但係我見到佢個Story，cap左張聊天記錄嘅圖，係佢小學同學喺5分鐘內約佢，佢即刻應承，究竟佢有冇擺我喺眼內？咁我就話，算啦唔緊要啦，你下個禮拜得唔得？咁下個禮拜佢就唔使返學得我要，佢同我講話唔特登落嚟搵我，個message彈咗喺我個mon，但係我未篤入去睇，所以冇已讀標記，之後佢即刻delete，就咁答咗句no，究竟佢有冇當我係BFF？我寧願佢唔鍾意就直接同我講，佢對我有咩不滿我都改，佢鍾意鬧我就鬧，但我真係好想知道佢諗緊咩…
#NSS個人 [GUEST] 長文慎入 純分享 – 小妹宜家高中，身高一直維持喺得150，我爸媽唔算矮都有160以上。 – 因為有咗我依個先例，所以佢地一直都想我個妹可以高啲，至少唔會重滔覆轍。 – 我地成家都覺得細妹應該都會有160以上，佢有均衡飲食又會做運動。 – 可惜嘅係最近佢嚟嘢，但係仲要矮我少少，我媽好擔心佢高唔到，亦知道佢唔會高得去邊。 – 今日佢揸車送我返學嗰陣，突然同我講其實佢好失敗，係咪唔識湊？點解人地嗰啲小朋友唔洗理佢都可以生到咁高。 – 佢講講下想喊，搞到我都想喊。佢同我講：想俾更好嘅嘢我地都俾唔到，明明第一個已經係咁，點解連第二個都係咁遲先發現。 – 我安慰佢：我地冇怪佢，亦冇唔開心，係會有唔甘心，但係已經改變唔到。身高唔係一切，有啲嘢係整定，係你嘅就係你架啦。 – 佢好自責，但係其實並唔係完全係佢嘅責任，我見到佢隻眼紅哂咁，想喊嘅樣，我好心痛。 – 有邊個唔係太高嘅會想唔高啲？但係我覺得既然定咗就接受現實，前幾年我都接受不到自己係咁，一唸到自己成日俾人笑，排隊排第一，坐最後睇唔到前台。 – 難受，係好難受。 –
#NSS家庭 [GUEST] hello大家好，有樣嘢困擾咗小妹一段時間，想請教下大家🙏🏻🙏🏻 話說我媽媽最近開始返工（之前係做全職家庭主婦照顧我哋），可能係工作唔太順遂，佢成日返到屋企就喺度話佢嘅partner借啲意蝦佢新嚟，例如：比錯嘅資料佢/郁唔郁就黑我媽媽面etc 雖然我都明白媽媽唔太開心，但佢日日帶啲負能量返屋企，有時候真係好唔舒服，食飯嘅時候講、出街嘅時候講、有時臨瞓前都要特登入我房講，都搞到我好唔開心好困擾。 加上我又唔識嗰個同事，冇同佢接觸過，佢真正嘅為人係點我都唔清楚，我媽媽就係咁講佢，我有少少覺得唔係好應該🙈 而打呢篇嘢嘅契機就正正係我同咗我媽媽講，希望佢唔好咁經常將工作上嘅唔愉快帶返屋企，然後比佢話「咁我係咪唔講得嘢？分享下都唔得？咁我啞咗佢算」 所以我都有啲疑問，其實大家嘅屋企人係咪都係咁？我係咪應該要忍耐同包容多啲？ （因為我爸爸就比較沉默寡言，唔多分享佢工作上嘅事嘅，依家我就真係唔識點處理🙈） 多謝大家睇到呢度🙇🏻♀️🙇🏻♀️🙇🏻♀️ 我打完出嚟都舒服咗少少 唔該晒🙇🏻♀️🙇🏻♀️🙇🏻♀️ 圖Link: https://ibb.co/Fg3db93
#NSS個人 [GUEST] 小妹f1 有兩個好frd嘅小學同學(下稱A同B) 我喺小一嗰陣識A先，之後小二先識B，之後我哋三個一直都好frd，但係其實我喺小五嗰陣覺得自己開始比佢哋無視 小五嗰陣，佢哋開始放學嗰陣自己行前面，我行後面就咁聽住佢哋有講有笑，好似唔當我喺度咁，想搭嘴都搭唔到 有時佢哋自己私下有約都冇預我，買啲友情小飾物都冇我份，唔係我唔得閒，係佢哋根本冇約過我 呢個情況一直持續到而家f1，我哋三個唔同學校，但都有keep住約出嚟 咁有次我約佢兩個出嚟玩，但A唔得閒就淨係得我同B，咁嗰陣B就有啲搞笑嘢比我睇，原來係佢同A私下嘅對話 佢哋私下講笑話佢冇同我share，諗到呢樣嘢本身有啲唔開心，但唔緊要 咁佢就比佢同A嘅聊天記錄我睇，我一路掃落去(有得到佢批准)發現原來佢哋有好多嘢都冇話我知，之前仲諗緊點解我約極佢哋都約唔到，原來係佢哋本身自己私下約咗 有時我約佢哋嘅日期佢哋本身冇嘢做都唔肯出嚟，我就知佢哋已經冇當我係佢哋嘅best frd 其實由小五開始到而家，我一直都有feel到佢哋嘅冷淡，只係我自己唔肯放手，我唔想冇咗兩個陪咗我6-7年嘅frd 但係佢哋好似已經唔當我係frd，已經當咗我係外人 原來三個人真係唔可以彼此都咁frd，總有一個係多餘嘅。
#NSS個人 [GUEST] 盡量長話短說，麻煩Admin🙏🏻 希望唔好有「友情問題一律建議絕交」等類似解答，我真係唔想絕交 今年升中三，係中一有班朋友，大家中一同一班所以一直都有玩開 後來上到中二，我同某A B C就一齊去咗另一班 初頭都無咩事，我同ABC有繼續keep住同隔離班朋友來往 但隨住時間同疫情，雖然生日會一齊慶生，但我地真係傾少咗好多，原本個whatsapp group都無人講嘢 咁我都能體諒，話晒無可能迫住人同我玩 所以我就想今年努力讀好書，升返上去先講 不過，我由前幾個月開始，就發現我地過咗其他班嘅其中一個朋友─A，原來一直都有keep住同隔離班玩 就好似中一咁，佢地開咗另一個group，入面無我+B+C 我完全唔知呢件事 一瞬間我真係好傷心，我知道自己無權逼人地繼續同我交往 但見到佢地一班人每日有keep住call，打機，約出街 我就覺得除咗A之外，我地三個比人拋棄咗 依家，基本就係原本班人淨係搵A一齊 呢堆事B同C估計都知，但我見佢地都唔在意 所以無特別講 前幾日我收到通知，老師話我可以升返上原本個班 家母就希望我上返去，因為我目前嗰班實在太頹，我自己都覺得好難集中到學習 但上返去嘅話，我好驚到時無人願意理我
#NSS愛情 [GUEST] 麻煩admin po ig🙇🏾♀️🙇🏾♀️ hiii🥲 話說小妹係一個由細到大性格都好似男人嘅人，基本上幼稚園到依家中學都俾人覺得我似男多過似女。 入正題，小妹有個frd（簡稱A）識左差唔多9年，我都鍾意左佢大概4年，雖然唔係咩青梅竹馬但一直同一間學校。自從上左中學之後我就發現自己咁嘅性格完全識唔到frd，所以呢幾年多數都係搵A玩同傾計，喺A眼中我就係一個徹頭徹尾嘅男，A從來冇當過我係異性咁睇，生日會送禮物係因為當我係兄弟，升中讀同一間、分班分同一班 開心係因為可以抄我功課唔使自己做，因為係兄弟所以唔介意身體接觸etc. 想問下大家，咁係咪直接連咩表白都可以慳返，完全唔使諗？
#NSS社會 [GUEST] 咁話說我就寫咗篇詩，文筆拙劣，想睇吓大家畀唔畀到意見。另外，我未諗到篇嘢應該用乜title好，都想各位俾吓提議，唔該晒。 天上地下存正氣，何解本城法已死？ 引渡惡法草案起，未審先判押內地。 此故相聚六月九，百萬遊行共挽手； 但尹執意於民鬥，並立煲底將港救。 梁君凌杰十五夜，以身殉道把命捨； 卻稱假母鱷淚瀉，虛心納諫似巨奢。 元朗黑夜七二一，口稱保家暴為實； 太子地鐵八三一，警暴使民汗血溢； 中小開學九月一，四方人鏈情托筆； 支殤生忌十月一，旗下誓要將匪伐。 周君梓樂被自弒，陳女彥琳被自溺； 梁君健輝不甘寂，提刀為港出分力。 中大之戰警如狼，硝煙四起天不蒼； 理大圍城險命喪，戰火連天野未茫。 縱使警暴尚未停，義士卻還將身挺； 誓死拼命復我城，時代促使這革命。 但願暴政速速殆，惡人伏誅莫叫哀； 民主自由大門開，勝利之歌傳四海。 註： 第五行「尹」嘅意思係行政長官/市長 第九行「情托筆」係refer緊人鏈有人怕醜唔夠膽直接拖手，所以用支筆代替。 (admin
#NSS學校 [Guest ] 我係一個女仔，嚟緊過埋呢個暑假就中四啦，成績一般，今年中三下學期好意外地同一位學校教Chem嘅女Miss熟咗，個Miss幾乎係全學校最靚，雖然佢平時上堂好惡，但係就係因為意外地同佢熟咗，先發現原來佢個人咁善良！熟嘅意思係我平時都會同佢send message，同埋佢同我都好鍾意睇Netflix，所以都會成日同佢傾計，仲有我每日番學校都會同佢傾計。 今個月，我約咗佢放學一齊去starbucks飲嘢，佢都應承咗，就係因為果次一齊飲嘢，傾咗幾個鐘頭計，又熟咗唔少….我本身都諗住揀chem,因為我Chem啲成績幾好同埋我都好有興趣，加上佢同我講話佢出年會教其中一班chem,所以都好想揀呢科。但係出結果嗰日，我入咗Bio同Bafs，成個人謝曬，點知放學嗰陣見到佢，佢主動行過嚟問我點，我同佢講我揀唔到你嗰科，佢都有少少失望，個一晚，我打咗篇長文多謝佢今年嘅教導同埋幫咗我咁多，結果隔咗幾個鐘頭，佢終於覆返我… 佢話好耐都冇一個學生好似我咁，可以同佢真係交到心，佢話我令佢聯想到佢以前一啲好鍾意嘅學生，之後同佢講咗好多鼓勵我嘅說話，睇完都真係好感動，但係我諗緊我出年應該點面對佢，同埋有咩方法可以同佢保持住個友誼？ Sorry for 1999