—類投稿

#NSS其他 [Guest] 大家有冇睇開泰國腐劇？請問有咩泰腐好推介

#NSS個人 [GUEST] Admin post IG pls🙇🏻‍♀️ 係咁嘅，我有一個好friend嘅男仔，我哋係無所不談嘅。佢有一日就同我講話佢鍾意一個女仔，咁佢本人係真係冇乜女性嘅朋友，好似淨係得我一個…之後佢仲話過俾我聽話佢成日上堂嘅時候都有望住佢。咁我上堂就諗住及下佢睇吓佢鍾意邊個啦，點知又發現佢不斷喺度望住我，見到我望到佢嘅時候佢又望走。之後仲有一次，我哋喺度text緊嘅時候，佢唔知點解無啦啦send咗一句「你傻得好可愛」出嚟。佢對我同對其他女仔嘅態度係勁唔同，所以搞到我依家好混亂，有冇人可以解答下我究竟佢係對我有好感定係我諗多咗？

#NSS愛情 [［wsc］] 其實我係唔係仲鍾意緊佢 admin po IG pls🙏🏻 小妹今年13歲第一次拍拖 乜都唔識 兩個人認識嘅時間 比較短就一齊左 一齊嘅時間都唔長 但個段時間係開心嘅 分手係我提出 但係仍然唔捨得 平時行我地行過嘅地方 會諗起佢陪我一齊趕時間 會諗起佢同我係呢段時間嘅小小回憶 不自覺咁會想喊 平時行第二條路 尋日莫名地行平時有佢嘅個條路 經過時自覺地望過去 結果真係見到佢 唔知點解心入面會覺得難受 星期六空出黎個段時間一向都係冇嘢做

#NSS其他 [onl79collage] 話說呢，23/7Mirror就去屯市，然後我同我啲friend就七點到咗，然後有個位隔離有間餅店，入邊啲店員話我哋阻住佢做生意，同我哋講樓上好多位，就趕咗我哋走。然後樓上都係勁多人，我哋就返返去原本間餅店隔離，過多一陣返去個位已經冇咗。就被迫去咗後邊。 去到12點，有啲人入咗去間餅店影相（嗰間鋪入邊可以影到晒個台），入邊就有幾個店員，仲有個阿嬸，唔俾我哋入去影相，叫我哋出去。跟住出咗去之後，佢就攞塊牌遮住我哋唔俾我地影相，仲特登搵個身遮住我地，叫佢攞返落嚟都唔聽，都唔知佢想點。 我心諗，你叫我哋出去又攞塊牌遮住，你想做乜鳩。入嚟影相你又唔俾，出去又攞塊牌遮撚住曬，乜都影唔到，咁你想我哋去邊，你玩晒啦屌你。 圖Link: https://ibb.co/Vpy3jTK https://ibb.co/ZG40Gw9 https://ibb.co/n8c5mh3

#NSS學校 [Guest] 唔知大家學校有冇咩奇怪校規？小妹學校規定天氣28度以上唔畀著長袖冷衫，皮鞋唔可以有蝴蝶結，好似上圖果對咁有暗花都唔得（張圖google 搵），我覺得真係有啲多餘。同埋老師髮型唔准用粉紅色嗰啲髮卷，唔准用直髮梳，毛燥只可以用夾夾起，但成頭都係夾好樣衰，所以少少嘅話都係由佢，亂翹或者變形只可以由得佢，btw手冊淨係話唔染唔燙唔電，同唔用頭飾，希望admin 可以po上IG Thx 圖Link: https://ibb.co/QPZ6J7s

#NSS個人 [GUEST] 小妹係腐女但係因為係基督徒所以成日都同我老母鬧交 小妹今年07入左泰腐圈已經半年 一開頭我老母就唔知道我睇bl但係前幾個月我老母就發現左… 佢就同我講話知唔知道自己咁做唔啱你仲細你有好多嘢都唔明 不過我就梗係唔理佢啦 但係之後佢就好大聲鬧話點解你成日都要睇埋啲搞基嘅嘢知唔知道耶穌會唔鍾意 但係我心諗其實同性戀冇問題喎你鍾意一個人係唔會介意佢嘅性別同年齡㗎嘛 但係佢就死都唔聽 上個禮拜我就係電視睇大叔的愛啦佢就見到沙發kiss個幕 咁佢就發癲啦搶咗個電視搖控就話邊個俾你睇啲咁嘅嘢 兩個男人係度嘴咁核突 然後佢仲同我講話要帶我同牧師傾吓… 其實我可以點做sorry for 1999 圖Link: https://www.pinterest.ca/pin/423197696240991982/?amp_client_id=szWRq-wKUPX6fDtSEcJOIai8_pEqsa7oXO1_XGYHrihAyPLdMdabp_ne-e5u3H5y&mweb_unauth_id=e0ec105a&amp_url=https%3A%2F%2Fwww.pinterest.com%2Famp%2Fsuponechit794%2Fi-told-sunset-about-you%2F&amp_analytics=1*ndbmtl*cid*c3pXUnEtd0tVUFg2ZkR0U0VjSk9JYWk4X3BFcXNhN29YTzFfWEdZSHJpaEF5UExkTWRhYnBfbmUtZTV1M0g1eQ..

#NSS個人 [GUEST] 小妹六年級升F1，自覺有強迫症，洗手沖涼控制唔到自己，屋企人都覺得我好有問題。我同過佢地講我真係控制唔到，果時仲講到爆喊。但屋企人好似唔明我咁，洗手或者沖涼耐左d我呀媽就會開門鬧我，試過鎖門，佢會熄燈熄熱水。雖然已經慣左，但係有時候佢地講笑話我鍾意洗手洗到不能自拔之類我真係好辛苦，今日打緊呢篇文都係喺房一路喊一路打。緊排佢地仲話我上中學之後，我沖涼洗手耐就扣我食飯錢零用錢，我呀哥仲笑笑口咁，我真係好唔開心。我認我冇勇氣直接同佢地講清楚係我嘅問題，但係我唔明我咁奇怪嘅行為佢地點解只會用呢啲方法解決。 緊排越黎越覺得我有病係我嘅問題，所以根本唔想怪佢地，但我控制唔到。早兩日發夢，夢入面我癡左線咁同我呀媽呀爸講清楚，仲癲左咁鬧人，好似精神病咁。夢入面呀爸認同我講嘅嘢，但呀媽一臉怒氣同唔同意，我越黎越癲。我覺得果個自己好有可能係將來嘅我。我知道用夢定義好幼稚，但係我真係好驚，而夢入面嘅所有野都好真實，我仲懷疑過我係咪有做過。 我真係好驚，我同唔到任何人講，我bff有憂鬱症，佢知道我有強迫症亦知道我嘅狀況，但近排我唔敢同佢講我嘅狀況，我好驚我俾左壓力佢。 請問我可以點做？ 多謝你地睇到呢度 sorry for 1999 admin po ig pls

#NSS家庭 [GUEST] 話說我家姐同我WhatsApp講嘢都係用「your mom」去稱呼阿媽，本身都無乜嘢 ，但最近同家姐傾偈，我話「你阿媽今日ot，夜啲先返。」佢就即刻去糾正我話係你阿媽，仲強調多次。 平時佢同阿媽成日都鬧交，所以有啲驚佢哋嘅關係會唔會變差。 加上之前睇過一篇文，有個人話佢阿哥同佢屋企人反咗面，嗰個人都有擺佢同佢家姐嘅對話記錄出嚟，跟住下面啲留言入面有個人就話係對話記錄入面，佢阿哥已經係稱呼佢屋企人做「你阿媽」同「你阿爸」，可能佢阿哥一早就想同佢哋反面。 可能係我諗得太多，但我家姐都係阿媽親生嘅，照道理都應該唔會咁稱呼阿媽。所以我有啲驚，我唔希望家姐會同阿媽反面之類嘅事會發生。 我應該點做？ sorry for 1999，我唔係好識點樣去表達。（thanks admin）

#NSS其他 [[GUEST]] admin pls po ig thx🙏 小弟今年form 3，最近有一件事令到我好困擾。 話說係咁嘅，最近小弟某位鄰居（同時係小學同學）成日帶埋佢班frd上佢屋企打牌，搞到我覺得好滋擾。大家可能會話佢同佢班frd打牌關我鬼事？但事實上，由7月頭開始佢每日同佢班朋友12點幾就上去佢屋企打牌，至到夜晚6點幾7點先走。仲要期間佢地係唔會閂門，然後勁大力咁響度洗牌同大嗌（例如:食糊，碰，清一色，自摸，你食我隻糊？），令到全條走廊嘅街坊都聽到，非常擾民。於是我就去咗管理處投訴，但我投訴完後，雖然佢係閂翻埋門打，但佢洗牌聲量仍然係咁大，仍然喺度大叫。佢係我鄰居，有時出入都會見到，我唔想成日投訴佢，於是我出post暗示話有住戶打牌，希望佢可以細聲d洗牌，同埋唔好亂咁大嗌，但佢睇咗之後，唔單止聲量冇細過，而家佢同佢班frd叫得更大聲，亦都更嘈。於是我再次出post，話「打牌可唔可以細聲d」。點知佢睇到之後，即刻出post反擊，話「有人成個下午都留意佢打牌，佢覺得好好笑，同時亦都覺得莫名其妙」。但事實上，佢真係騷擾到街坊鄰居，佢亦都知道自己有嘈，但佢仍然唔肯細聲d。其實打牌絕對冇問題，但係前提係唔可以騷擾到人，而家佢嘈到我功課都做唔到，希望大家可以比少少意見我！ 如果我有錯，屌得細力d，thx🙏 sorry for 1999

#NSS家庭 [Guest] 小弟第一次投稿 我阿媽想帶住我去英國，但係老竇唔肯走要留低 我究竟跟阿媽的老竇，走定唔走