#NSS個人 [guest] 求admin po ig🙏🏻🙏🏻 *長文慎入 大家好，自我介紹返先，小妹今年中一(準備升中二),讀Band one學校(唔係想攀比啲咩純粹交代背景)。 好似係由form one下學期開始，喺無形之中我好似俾咗好多壓力自己，而我係不自知嘅。嗰陣時就係差唔多要考試，咁我都好似平時咁開始溫書啦，一開始都冇乜嘢，但係去到臨考嗰幾日我嘅情緒就開始有少少失控(試過散散吓步然後返到屋企之後爆喊，但係嗰陣時完全唔知點解，因為本身屋企人比嘅壓力都唔係好大）。咁當初我都好自然咁認為純粹係緊張所以先會有啲壓力姐。其實我自問我今次嘅考試都真係投放咗好多心力，正所謂一分耕耘一分收穫，但係今次考試失準咗少少，對自己都有啲失望。我以為考完個試就一天都光晒，咁之前爆喊嗰幾次都冇乜嘢啦。但係之後就要籌備我嘅小提琴考試，呢個就係惡夢嘅開始。 本身自己唔係真係好有音樂天份，但係學小提琴都學咗好多年，不過始終對自己冇乜信心，總之就成日都覺得我拉得好差(阿媽都有讚過我一兩句so idk)。回應返啱啱講嘅嘢，呢排就要準備考試。第一次練琴爆喊嘅時候係我練練下琴拉極都拉唔到句句子，跟住我就諗住冷靜下，坐低咗係地下度然後無啦啦開始爆喊，仲要係停唔到嗰隻。自從嗰一次之後我就一發不可收拾，由本身一個禮拜喊一兩次變到依家每日練琴就每日都喊。最恐怖嘅係，喊嘅時候會好嬲自己點解拉極都拉唔到，將啲琴書同埋其他立雜野抌晒落地下，再坐喺地下度慢慢等自己喊完冷靜，攞返起部琴繼續練。依家每日都要練琴，所以基本上每日都會喊（除咗學琴嘅時候）。有時坐喺度都會喊，會覺得自己真係好廢，明明乜嘢都冇做就喺度喊。喊嘅時候就會呢埋喺廁所度強迫自己唔好喊，真係覺得自己好玻璃心。有時仲會想自殘，不過基於我冇呢個膽量，所以都冇咁做過。 老實講我唔係太清楚自己發生啲咩事，而我亦唔知自己使唔使搵心理醫生傾兩句。究竟我發生啲咩事，真係同以前好唔一樣，有冇人可以話俾我聽😢就算之前同父母講過，佢哋都有安慰我，但係之後都好似冇好轉過，仲惡化左。 (身邊嘅朋友都覺得我係一個樂觀嘅人，連老師都係咁講…所以情緒崩潰呢樣嘢真係意料之外。加上以往成績都唔係話特別好，父母俾自己嘅壓力都唔大，所以「好大壓力」呢四個字好似唔會出現係我身上咁。當佢嚟到嘅時候都唔係好識應對 😞多謝你哋睇到呢度，祝你地生活愉快) Sor for 1999 求各位屌細力啲thx
#NSS家庭 [Guest] 阻大家少少時間 請問點樣可以清楚向阿媽表達自己諗法？ 小妹一放暑假就不斷打機，都係想放鬆吓啫。 之後阿媽就迫我參加嗰啲好多人嘅活動，話我日日响屋企就嚟變自閉。 我係啲好內向嘅人，有冇朋友都無所謂嗰啲，我根本就唔想參加任何嘢，一個人都好盡興。 我唯一興趣就係彈琴，但係佢而家因為另一樣活動去調學琴嘅時間。 咁我上開嗰段時間，佢又要夾硬塞樣我唔鍾意嘅嘢入去，佢完全冇理過我嘅感受。 我有同佢講過但佢話一定要返，我知佢為我好想我學多啲嘢，但係我真係唔鍾意呀嘛。 請問有咩方法可以令佢明？ 我死都唔去又好似唔係咁好⋯ （ps單親家庭） Po ig please Thx admin
#NSS個人 [GUEST] Admin po ig plz 點樣先可以變得番開朗啲同埋識social 其實我小學嘅時候都唔係話好主動，但嗰陣時因為笑點低好容易笑同埋都會同人講下廢話所以都算幾sociable，亦都有參加幾多活動。 但係自從升上中學之後，可能因為自己由中小升去英中嘅關係，小學同學入面又得我自己一個，所以慢慢就變得少講嘢同埋自摺，摺到宜家畢業變成一個極度內向同埋連oral考試interview都會因為太緊張而表現唔好，甚至可能全程唔出聲。 最近搵到份做sales嘅pt，但就被經理話太靜以致(睇落去)唔想做嘢學嘢態度唔好咁，同阿媽呻佢又話早啲瞓個樣精神啲就得，話我好似平時咁十下十下傻笑就得但事實上我呢幾年大多數時間都係自己一個喺間房入面冇乜點笑。嚟緊仲要繼續返pt同埋升大學去到一個新環境，請問我可以點改變自己變得outgoing啲(哪怕係扮嘅都好)？ PS. 我知道一個人原來都可以盡興，但現實中搵工返學呢啲環境都幾需要social
#NSS家庭 [GUEST] 唔知有冇人嘅阿媽都好似我老母咁㗎呢? 成日同我講有咩唔開心嘅就同佢講，返工遇到個老屎忽經理同阿媽呻又被佢話出嚟做嘢預咗少少苦都唔熬得 過埋暑假就嚟升f6，老師叫我哋諗下jupas揀咩好，阿媽就叫我同佢傾，但佢完全唔知有咩課程啲課程收幾多分，我想讀嗰啲科佢一係話冇前途一係就話喺香港做相關行業嘅話會冇自由，然後又係叫我自己再搵再諗。如果乜都唔同佢講，同其他女性親戚講(例如姑媽)，佢又會妒忌(雖然佢冇承認過)，即係覺得佢先係我阿媽咁鐘意搵姑媽不如認姑媽做阿媽好過。但係如果我乜都唔同人(長輩)呻，我驚遲早有一日我會頂唔順爆煲。我應該點做先可以佢又開心我又開心呢？
#NSS個人 [Guest] admin 求post thx 😭 小妹今年升F3，上學期係朋友既影響之後開始打機，之後開埋ig acc，識咗好多網友，之後仲一齊開戰隊，大家日日whatsapp call 打機，仲好成功搵返幾個本來失聯既小學朋友入戰隊同回坑，日子過得好開心。 一切都係要由幾個月前參加既友誼賽開始講。 話說我地戰隊之前參加咗一個小型友誼賽，因為我報名報咗2隊（一隊二隊，但其實我對兩隊都一視同仁），想一隊同小學同學一齊參加，而二隊就網友參加啦，問題黎啦，我既網友就極度排斥我既小學同學，覺得佢地「唔夠班」，話佢地好渣抖，覺得我既安排好差。我已經嘗試解釋我既價值觀比佢地聽，我同佢地講我地既目標只係想單純透過比賽增加自己打高階對手既經驗，而開兩隊係想同時達到我地想學野而佢地想贏既價值觀。但係佢地根本都唔聽我解釋，一味反對我，話我作為隊長冇顧及全隊人既感受，又話我咁樣做根本係推佢地輸比人地睇，仲搵一個我地隊從來都冇打贏過既外緩大佬黎同我地打，話打贏佢先認同我地既實力。我同佢地講，我冇所謂，但係如果我輸咗，今次比賽既事我都一概唔會管理同埋唔會再參加（因為ks 我學校係打比賽之前2星期考試，我怕影響到佢地練習）。 結果呢？我地梗係輸左啦，然之後我就一直都係度比心機準備考試，都好少理戰隊既事，直到有一日，佢地唔知點解無啦啦激嬲咗2隊既其中一個成員令佢退隊，令二隊唔夠成員參加友誼賽，要臨急搵多一個人。（因為我哋戰隊有高層人員whatsapp group，有重要既野打部分都係入面講）果陣時我仲溫緊書，見到group 入面佢地係咁搵人都搵唔到，我就放低我手上既課本去幫佢地啦。我好唔容易先求到一個實力同退隊成員差唔多既人（friend 來 dik）入我戰隊，但當然係加人之前有問過佢地啦，但唔知佢哋係唔係忙緊定點，冇覆message，咁我就一時心急加咗佢入戰隊先，之後繼續埋首溫習。 去到食飯果陣開番手機，只見佢地係咁鬧我，鬧我冇尊重佢哋意見同埋唔問清楚佢哋就加人入戰隊，之後仲鬧我既小學同學，睇到底，我真係好嬲，所以我就忍唔住退咗高層同戰隊。 你以為件事就係咁？ nonono，係我走咗之後，我班小學同學friend就問我點解退隊，仲好好人send 埋我退隊之後既對話紀錄，但係我睇完真係好嬲同hurt，班網友真係好mean。。。其中一個仲話：「佢身為隊長但係乜都冇做過！」「其實自從佢（我）編隊編小學同學落去已經好不滿同埋想換隊長，但因為佢開戰隊先比面佢」我見到呢兩句真係好hurt，我雖然話唔理比賽，但撫心自問，係隊員心理上有咩問題，我都有好努力開解佢地，同埋係一開始開戰隊既時侯我都有去搵一d我唔識既大佬去同我哋練習，仲有因為隊內冇人願意某d角色我都專登為左補位去練。。。仲有好多好多我為團隊付出既事，到頭來一句「佢身為隊長但係乜都冇做過」。。。我真係覺得成件事好傷心，我當佢地真心friend，但係佢地咁對我。。。唉。。。 去到而家，之前既戰隊已經分裂變成兩隊，大家係散之前已經講過大家互不相干，各有各發展，但係佢地仲成日係度煩住同針對我，仲要內涵我，我真係好想無視佢地，但係佢地真係好煩。。。有冇人可以話比我知可以點樣做呀😭😭😭 sor for