#NSS個人 [GUEST] 覺得自己內向唔敢講嘢到可能會影響生活，點算好。 由升上中學開始唔知點解就覺得自己好似變得越嚟越內向咁，雖然都有兩三個知心好友但同其他同學傾計對我嚟講都好困難，尤其係好多時候唔識點樣同佢哋延伸個話題繼續傾落去，大部分都只係問下學業上嘅嘢就靜曬dead air冇嘢好講。 原本諗住少講嘢最多只係會影響我交友多少同埋參加幾多活動咁啫，但去到最近呢一兩年我發現我去到啲面試或者oral考試就真係完全講唔到嘢。明明準備嘅時候諗到啲point都諗埋點樣吹嘅方向，但一到講出口腦裡就頓時一片空白令到我最多只可以講兩句個point就算，完全elaborate唔到。最近放暑假搵咗份零售part time，啱啱做緊第5日，因為好多嘢都唔識嘅關係所以我好多時都驚講錯嘢，除咗打招呼嗰啲之外都唔係好知要同個客講咩，結果尋日收工就畀經理話我態度唔好話我好似個負累唔單止幫唔到手仲要令佢花多咗心機嚟照顧我。有冇做過零售業嘅朋友可以教一教我點樣對啲貨唔熟(經理好似唔諗住教我咁樣)都可以同啲客吹多兩句咁啊🙏🏻 Sorry for 1999
#NSS個人 [Guest] 其實有一件事小弟好迷茫 依兩年香港搞成咁 好多人都出國讀書 移民 尤其係多bno嘅人走 而我都係其中之一 bno出左之後父母都決定出年移民 希望我同我家姐拎返個英國國籍 唔洗驚講錯啲乜比人篤灰 本身我都唔驚 因為仲未發生係一啲心向黃但冇點表過態嘅人身上就覺到成件事邊有咁嚴重 但係當我見到有單新聞係有個人係鐵閘上面痴左塊貼紙 俾人篤灰拉左我先開始識驚 出街阿媽都無時無刻叫我唔好係出面講政治 朋友都唔好 因為唔知身邊啲人係人係鬼 然而網絡上好多人都話「平時就話係香港人 鍾意香港 但係香港一出事就走 」搞到我都好有罪惡感 分唔清究竟我係咪唔應該走 依樣嘢究竟係咪錯 我見到自己土生土長嘅家變成咁
#NSS家庭 [Guest] 大家嘅父母有無睇你地手機嘅習慣？ 是咁的，小妹依家F2，我每日都會訓得比我阿媽早，我返左房之後佢會開始睇我手機（因為我手機會擺係廳充電，但係唔知點解佢死都唔肯俾我擺返房），所以導致我係WhatsApp同IG果啲聊天記錄都會比佢睇曬。如果比佢見到我講粗口，第二日佢就會鬧我。我都有用啲網絡用語（例如DLLM、CLS……）但係佢都會去Google，然後又黎鬧我。 我有事都會幫我啲frd改啲好智障嘅備註，例如肥妹…佢見到就會叫我唔好咁樣話同學，之後逼我改返啲正常備註。 我真係好無奈，我覺得我連最基本嘅隱私都無，我想挽回我果少少隱私，我可以點做？ sor for 1999
#NSS其他 [GUEST] ［長文填入］ 見到有一班基督徒(or耶撚)同無信仰嘅人鬧，我有啲嘢想講。 其實我依家就無宗教信仰嘅，之前有好多唔同嘅因素令我放低咗信仰，但絕對唔係因為歧視。 如果信仰可以有正面嘅作用/影響/改變，我絕對係支持，有好多人都係因為信仰而重新振作，例如：林二汶、鄭秀文……但如果信仰係有負面嘅影響，例如：令個人思想框架收窄等等，我就建議放低佢，無謂再因為宗教信仰而繼續綁架自己，依家已經2021年嗱……呢個世界興嘅嘢係越放膽去做自己，就越多人鍾意/關注，例如：error、mirror、仲有好多kol等等。 另外，我明白有信仰嘅人會好想將自己嘅經歷去同身邊嘅人分享，我相信好多人都會願意聽你嘅經歷，都會鼓勵你去繼續有宗教信仰，但有時分享嘅內容要用下個腦嘅，唔好將傳說中嘅故事/所謂嘅歷史應用返今時今日、現實嘅世界，例如LGBT……如果應用咗落去，咁依家應該要好似之前咁實行一夫多妻嘅制度，否則，其實信仰同現實係可以平行嘅，你可以透過信仰去改變自己，但唔代表要收窄自己嘅個人思想。 最後，我希望無論你有冇信仰都好，都要尊重下對方，呢個世界唔係只係得二分法，有好多人都可以同時間做到有信仰同思想開放，有啲就唔得，咁大家就可以盡情屌醒呢啲人。 sor9 我可能太長氣同講嘢1999，多謝大家睇到呢度🙏🏽
#NSS社會 [GUEST] 希望可以po 話說近排見到幾個 post關於基督徒對同性戀嘅睇法， 本身都冇諗住投稿，但真係忍唔住。 小弟小學同中學都係基督教啦，講番先咁我自己都係一個基督徒， 老老實實個人認為就算你唔鍾意同性戀，你可以唔鍾意，但係你唔可以唔尊重。 即係唔係話你唔一定要認同呢一種嘅文化或者呢一樣嘢喇下，但基本尊重正常係咩情況下都應該要有啦，呢個係做人嘅基本。 就算聖經講過要點點點，其實都係睇你自己點理解聖經嘅內容姐， 可能你理解嘅嘢同人哋理解嘅嘢唔一樣呢，要有自己嘅判斷力。亦都唔好盲目追隨，對於一個基督徒嚟講，見到大家信基督教都好開心，但係希望大家唔好咁偏激，唔好咁盲目。 其實每一樣嘢都係同樣道理，當你一樣嘢做得太過瘋癲嘅時候，會有反效果。 每個人都係獨立嘅個體， 都有自己嘅思考能力， 唔好過份追隨別人嘅說話，做返一個正常人要有嘅判斷分析。 就算有咩事都好，點解大家唔可以理性分析？ 其實兩邊都係， 希望本身對基督徒反感嘅人， 可以了解多啲，唔好以偏概全。 同樣道理，基督徒都唔該希望可以畀返啲尊重人哋，就算真係要討論， 其實言語真係可以溫柔啲，一開始採取更強硬嘅態度冇人想聽你講嘢。 希望大家真係可以理解到我講緊咩 唔好盲目地謾罵
#NSS社會 [GUEST] 希望可以po 話說近排見到幾個 post關於基督徒對同性戀嘅睇法， 本身都冇諗住投稿，但真係忍唔住。 小弟小學同中學都係基督教啦，講番先咁我自己都係一個基督徒， 老老實實個人認為就算你唔鍾意同性戀，你可以唔鍾意，但係你唔可以唔尊重。 即係唔係話你唔一定要認同呢一種嘅文化或者呢一樣嘢喇下，但基本尊重正常係咩情況下都應該要有啦，呢個係做人嘅基本。 就算聖經講過要點點點，其實都係睇你自己點理解聖經嘅內容姐， 可能你理解嘅嘢同人哋理解嘅嘢唔一樣呢，要有自己嘅判斷力。亦都唔好盲目追隨，對於一個基督徒嚟講，見到大家信基督教都好開心，但係希望大家唔好咁偏激，唔好咁盲目。 其實每一樣嘢都係同樣道理，當你一樣嘢做得太過瘋癲嘅時候，會有反效果。 每個人都係獨立嘅個體， 都有自己嘅思考能力， 唔好過份追隨別人嘅說話，做返一個正常人要有嘅判斷分析。 就算有咩事都好，點解大家唔可以理性分析？ 其實兩邊都係， 希望本身對基督徒反感嘅人， 可以了解多啲，唔好以偏概全。 同樣道理，基督徒都唔該希望可以畀返啲尊重人哋，就算真係要討論， 其實言語真係可以溫柔啲，一開始採取更強硬嘅態度冇人想聽你講嘢。 希望大家真係可以理解到我講緊咩 唔好盲目地謾罵
#NSS文化 [GUEST] 近來我喺Ig見倒好多有關中國3人籃球隊嘅post。果啲post嘅caption 同埋 comment 大部份都係笑緊圖中嘅女人冇女人氣質，或者用取笑嘅口吻質疑佢哋係男人，甚至有人笑中國派出跨性別人士出賽。 我想講嘅係，我明白大家有幾憎中國(我都係)，但係請你哋唔好攞果啲女人嘅外表嚟笑，因為你哋嘅行為傷害緊男性化嘅女人同埋性/別小眾(特別係跨性別人士)。 希望大家尊重翻人，唔好為咗侮辱中國而變成自己曾經討厭嘅人 (思想守舊、周圍鬧人嘅人) 利申 非左翼人 圖Link: https://ibb.co/gRJkL9X