#NSS個人 [Guest] 班on9仔可唔可以放過我 呢篇好長希望有耐性嘅網友可以睇完佢🙏🏻 其實成件事起因同源頭就非常複雜嘅所以唔講咁詳細喇 總之就係我有一個best fd係外國(中四飛咗過去) 咁我同佢就好信任彼此啦 跟住有另一個人係我同佢都識嘅都幾fd 大家都係之前同校飯腳友 因為我呢個best fd喺外國啦 飯腳友squad就得返我佢同其他人 但係因為呢個人(簡稱A同學)做咗一啲好on9嘅嘢導致得返我同佢一齊 而因為呢啲嘢(加上佢啲性格問題同唔係好尊重我)令到我唔鍾意佢 但當然我冇照講出嚟啦費事搞到成件事咁複雜又尷尬呀嘛 咁我咪同我個best friend發洩呢啲嘢囉 咁佢一開始都喺我嗰邊嘅 但直到有一次我同我best friend鬧交 我講咗啲嘢佢誤會咗我意思 嬲得滯將我話A同學嘅說話send咗畀佢 結果因為咁搞到我同A極度尷尬 我個best
#NSS個人 [GUEST ] 呢幾個月開始塊面又紅又有粒粒，上網一睇話係玫瑰痤瘡，睇啲圖同我塊面嘅情況根本同我一模一樣，啲症狀都中哂。之後屋企人帶左我去睇家庭醫生，佢淨係話係皮膚敏感，比左支類固醇我用，但過左一兩個月塊面仲嚴重左，冇好過。 我真係好自卑，返學嗰陣每個同學都問我咩事，自己係屋企會勁想照鏡，照完望到咁樣衰嘅自己即刻好唔開心。你可能會叫我唔好照咪得，我有試過，試吓搵其他野去做，睇吓youtube、追下星咁，但係一見到人哋塊面好靚好光滑，我又會諗返起自己，真係覺得自己就痴線。 我有諗過去睇皮膚科醫生，但係睇一次專科已經成千蚊，我知屋企已經有經濟壓力，唔知點開口問屋企人可唔可以帶我去睇醫生，覺得自己好衰咁。 我究竟可以點開口好😩，同埋我可以點調整自己嘅心態，每日見到自己個樣就好唔鍾意自己，本身已經係肥底，加埋而家塊面咁，我每日唔開心到想死，更加唔想出街見人，唉🥲
#NSS個人 [GUEST] 求admin post IG, Plzzz & thank you so much🙏🏻🙇🏻♀️ 事原係咁嘅，小妺今年升form3，就有一個感情好似兩兄妹嘅男性朋友，喺度我稱佢做A。A身邊嘅女性朋友係得我一個，所以其實佢唔係幾識得點樣同女仔溝通，我都唔知點樣同佢frd嘅😌小妹係一個母胎單身，未試過拍拖，連暗戀都未試過，所以對於愛情方面係比較遲鈍嘅😌咁有一日，A同我傾開計嘅時候同我講話佢鍾意咗個女仔，佢仲話佢上堂成日望住佢。之後我開始懷疑佢係咪鍾意我，因為佢上堂我成日見到佢經常性冇錯，有機會係錯覺都唔知🤷🏻♀️之後有一次同佢約我出街睇戲，我發現佢成套戲都係望住我。我想問吓大家，其實佢咁樣做係算唔算係鍾意我㗎？ Sorry for 1999
#NSS個人 [guest] 小妹今年13歲，150cm, 想知仲有冇得高 我嚟咗M年半左右，上網check過嚟咗之後最多只會高8cm, 計番條數我嘅極限係153cm, 都幾矮不過我冇乜所謂，之前睇咗條片，話嚟咗未只可以大概估計到仲有冇得高，不過真正關乎有冇得高，係骨骺綫閉合咗未，要睇閉合咗未，唯一嘅方法係照X光，但係點會無啦啦同阿媽講要去照X光姐，不過我估計應該係冇得再高啦，因為兩年前買嗰對返學鞋仲啱着，即係隻腳冇大過，睇嚟真係冇乜希望 我平時都好早瞓，有飲奶，亦都有做運動，可能係因為阿爸阿媽矮掛 (分別165同159)，老實講我又唔係好介意自己嘅身高，因為今屆奧運乒乓波混雙金牌得152cm, 人哋咁成功，即係身高同成就完全冇關係啦，不過我都想知我究竟有冇機會高多少少，請大家俾少少意見 admin post ig pls thank you very much
#NSS個人 [guest] 小弟今年14歲，想學打乒乓波。 講返背景，由N班到而家，阿媽都係淨係俾我去上嗰啲補習班同學琴，老實講自己對鋼琴零興趣，不過阿媽要我學都冇辦法㗎，咁補習班又對我啲學業成績有幫助，雖然係有啲辛苦不過我都算啦。 我自己體育唔錯，學校陸運會年年都攞獎牌，小學同中學嘅體育老師都有叫過我入田徑隊，我自己都想，不過阿媽唔俾，咁我對田徑又唔係話特別有興趣，不過參加下校隊都算係一個經歷，所以想玩吓，睇過學校張校隊報名表，入面最有興趣嘅係乒乓波，但係我真係完全唔識打，因為從來冇打過，上網睇過啲比賽，我對乒乓波嘅興趣越嚟越大，真係好想入校隊。(我哋學校體育校隊全部都係D2/D3, 你話想入就一定入到) 14歲先開始學乒乓波真係好遲，不過既然我咁鍾意，花時間去練習絕對唔係問題，我諗住上網買塊拍，之後喺屋企練好發球同差波，再去報校隊，大家覺得好唔好？ 急需意見 求admin post ig 辛苦晒
#NSS個人 [guest] 話說早排三月嘅時候我嚟咗澳洲，香港啲朋友就好似一個一個咁樣離我而去。 我淨係想講朋友A：佢係一個我識得最耐的朋友，有小學面試到離開都依然有着好的關係。自問我同佢都唔係好多朋友，佢幾乎零。佢係一個好有義氣嘅人（有一次我比一班八婆背叛，去佢嗰班搵佢，佢同我講，你冇晒朋友，唔緊要，你仲有我，呢一句真係令到我好感觸）但係講完好嘢都要講吓壞嘢，我成日都覺得得我一個人注重啲段友情。話說有一日，D 阿媽約咗出嚟 gathering ，而入面我同朋友B係反晒面，偏偏朋友A嗰年同佢同班，佢哋兩個嘅友情增加咗好多，果次出嚟聚會，朋友A幾乎冇理過我，淨係喺度理佢個新朋友，果次我都好心痛。有兩年嘅時候我真係好羨慕佢，每次轉班佢都搵到新朋友，偏偏就係啲阿媽都識，所以成日約出嚟，所以搞到我明明對住最熟悉嘅人我都可以覺得好孤單。佢嘅性格未識佢就覺得佢好頑皮，識咗佢都會覺，但係佢都有一顆善良嘅心。佢係一個性格內向嘅人，我嚟咗澳洲好多個月，都淨係得我主動搵過佢兩次，我唔怪佢。我知佢屋企好嚴。我有同過我阿媽講呢件事，因為佢阿媽同我阿媽都係識咗好多年，成日出去行街買嘢等等港媽嘅嘢佢哋都做齊（安排補習安排興趣班等等）阿媽都成日同我講佢好有義氣，我同佢講呢件事嘅時候佢成日都表情驚訝，但係我成日都覺得係我感覺錯，會否定自己。我嚟澳洲嘅時候佢有整一本紀念冊俾我（當然唔係守正）係佢阿媽拎啲照片去俾人整，我知道係需要時間。果次我哋最後一次見面，我喊到成隻豬咁，因為我覺得依份友情好珍貴（我走嘅時候冇朋友送過野比我）同埋份紀念冊啲相見證住我哋友情嘅階段。仲有一件事，一件事我上年先發覺，朋友A從來都冇約過我出去行街，但係上年佢喺佢嗰班識到一個好朋友，約佢出去行街嘅次數係好多，其實佢約我出去我都一定會話好嘅，點解佢每次識到新朋友嘅時候，都會突破自己，做一啲自己未做過嘅嘢（佢未試過約人出去行街）你話我妒忌佢羨慕佢啊，講真佢想點識嗰個朋友嘅時候我都戥佢開心，但係究竟係咪我太注重以一份友情，呢份友情根本冇咁深呢？ —－ 我知我而家喺澳洲，就算呢段友情真係好假，我都冇嘢做到。 — — 希望大家睇完俾啲意見我，認得出我係邊個嘅就來問吓我，我可能會自首掛😵💫，就算要屌都希望屌得輕手啲。 —— 希望大家留意重點，唔好見到我有錯字或者文筆不流暢就屌果樣🥴 anyways sorry for 1999
#NSS愛情 [GUEST] 小妹中四，有啲感情嘢想問一問大家。 我有個暗戀對象（簡稱A），都由小學識到依家，算係好close嘅異性朋友。 講返個背景先，小妹嘅成績坦白啲嚟講都好好（俾人話係學霸個隻），而A嘅成績就麻麻地，之前成日都問我學業上嘅問題，而我都好樂意去答返佢。A打機都打得好好（ps神隊友）所以我都會搵佢打機，佢有時都會搵返我轉頭。佢一直都有覆我ig story，我失眠果陣都有試過陪我傾偈傾到天光。但係淨係係網上先咁，返到學校我地好少interaction，一直以來都係咁。 但係上個月考試果陣，A不斷問我問題，雖然有少少騷擾我溫習但係我照答返佢。直到有日我考試壓力已經爆煲咁滯，A問完我我答返佢又已讀不回，一句thank you都冇聲，大佬啊我依家係你私人補習老師咩？果陣我真係頂唔順，叫佢收皮唔好再問我，可能我語氣重咗少少，佢send咗一大段message比我同我道歉，話佢以後唔會再問我問題。果陣我已經心諗仆街，就係因為A成日問我問題所以我先可以同佢有啲interaction架嘛。依家A好似避開我咁，約佢打機又唔滯，佢又唔覆我ig story，就算主動啲覆佢ig story佢有淨係hea覆，根本唔想要傾落去。 小妹下年讀完中五8成9會去英國讀書（ps我啲friend都唔知，所以A應該都唔知掛），本身諗住係我嚟緊生日嗰日同佢表白，起碼對自己呢段暗戀有啲交代，成功可以同佢拍陣拖/延後去英國，失敗都可以專心返係學業，可以快啲走唔洗日日返學對住佢。但係呢件事發生之後我唔知佢想點，佢淨係當我係兵？我應唔應該係我生日同佢表白？定係由得佢就算？或者可以點樣令佢同我講返嘢，唔好避我？ Sor for 1999 & 中英夾雜
#NSS其他 [Guest] 求Admin一定要poooo!!!唔想再有更多受害者😢 到底而家仲有冇人會喺一間叫sxyxxxt嘅ig shop度買嘢 呢間shop嘅fans成日問班sell屎應該點樣點樣襯衫，然後佢哋就會係咁推薦班客買bxxm（牌子名） 嘅衫褲鞋襪。 曾經上網搵bxxm呢個牌子，結果乜都冇，根本韓國就冇呢個牌子。 近排上連燈睇就見到呢個post>https://lih.kg/2402947 先知原來呢個牌子係佢地自己喺淘寶搵供應商整，而唔係佢哋所講嘅韓國入貨。 Thanks for睇到呢度🙏🏻🙏🏻想喺嗰度買嘢嘅話就要諗清諗楚了🥲 Sor for 1999!!!🙏🏻 圖Link: https://i.lih.kg/thumbnail?u=https%3A%2F%2Fna.cx%2Fi%2FCx800FF.png&h=e5caf93c&s=540